Contrast

营业中

休息中

咖啡店走黑白型格風 搭配木系家俱 環境舒適🖤🤍除咗意粉, 輕食同咖啡☕️最出名一定係招牌糯米窩夫 即刻試試佢🧇.📌黑松露蟹肉炒蛋竹炭多士 $70滿滿配料 多到成座山咁‼️黑松露醬勁濃香🍄‍🟫同蟹肉定炒蛋都好夾💯一絲絲蟹肉味道鮮甜🦀炒蛋香嫩滑溜🍳竹炭多士烘到外脆內鬆軟🍞一啖食 大滿足😌.📌慢煮雞胸牛油果醬酸種包 $78慢煮雞胸軟腍唔鞋 冇雪藏味🐔煙三文魚(+$18) 肥美甘鮮🍣酸種包微脆鬆軟有韌度 帶陣陣酸香🥖配搭生菜, 牛油果醬同車厘茄 清新開胃🥬🥑🍅.📌自家製開心果青醬雞肉意粉 $96將近期大熱開心果融入青醬 幾特別✨醬汁濃稠creamy 啖啖羅勒清香🌿不過果仁香氣唔出 加埋粒粒開心果碎就好啲💚意粉口感唔錯 爽彈掛汁🍝雞肉較薄身 煎完偏乾左少少🐔.📌脆香芝士司康 $32Scone烘至外層微脆 入口鬆軟濕潤💛滿怖芝士 鹹香十足🧀忌廉有驚喜 加左cream cheese 酸酸甜甜 清新解膩👍🏻.📌竹炭糯米窩夫(全份) $128窩夫以糯米整成 香脆Q軟🧇忌廉加左希臘乳酪 酸甜輕盈🤍配埋手工紅莓醬, 乾燥紅莓粒同雜莓 整體好清新🍓牛奶雪條係自家製 奶味濃郁又軟滑🍦另有一少杯奶醬🥛.相關食物相片

🐯帶大家去長沙灣人氣cafe食返個brunch🐭 ⭐️按「更多」睇詳細食評😋懶惰二人組今日同大定去長沙灣既呢間cafe食返餐！🐭記得自中曾經黎過呢度食野，當時已經要排隊架喇。呢日黎到，都排左一陣先有得入座。所以絕對係人氣之選。《卡邦尼煙腩芝士扁意粉》 $88蛋味香濃，每一條意粉都沾滿汁。意粉比較有咬口。《超邪惡薯餅車打芝士美國牛肉漢堡配薯條》$122竹炭漢堡包，夾住超級超級超級脆既薯餅！加上juicy既漢堡扒。口感豐富！而且漢堡扒肉味香，唔會有過份調味。配上的沙律都好新鮮。薯條大大條香脆好味。《Charcoal Latte》 $48好靚既雲石紋，賣相十分靚，打卡一流！可能係latte既關係，奶味比較重，不過都幾滑身。《Orange Black》 $48橙啡色漸層色，好勁既橙香，口感清新。🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整體 ❤️食物水平好。而且份量都算多，擺盤都好靚。💚環境裝修型格十足，以黑白為主調。個落地玻璃令到店面更開揚。。💛服務方面，職員有禮。要喺門口排隊等位。餐具及水都係自助架！ Rating： 懶惰鼠😻😻😻😻懶惰虎 🤩🤩🤩+0.5📍Contrast長沙灣福榮街512-518號

都係咁啱要係附近整野之前同朋友有黎食過 都覺唔差再次到訪叫咗 芒果糯米飯窩夫 配 自家制牛奶雪條賣相靚嘅 好食嘅 打卡得黎 個雪條都好香滑牛奶味😋😋意式燉海鮮湯配酸種包開初以為會分開上個包 🤔但咁樣係幾得意一來個酸種包 好軟熟 好食 上菜都熱配沾落湯到好特別 係夾嘅海鮮湯同料都算有料青口都算大粒😋😋Orange black賣相打卡靚之餘都ok好飲整體好食好食 😋😋😋酸種包雖然唔係平 但意外地好食 👍🏻好值得一試

Bookmark左好耐，但礙於地點唔方便，所以一直冇到訪，估唔到仍然要排隊，好彩入咗去之後先開始排… 坐喺bar table對住外街很chill，但天氣熱冷氣不足。原以為只有窩夫及咖啡出眾，誰知其他主食同蛋糕都咁有水準 (ꈍᴗꈍ) ♥ ➽ ➽ ➽𖧐Burrata cheese with avocada spread on sourdough $78味道不錯，但分量偏細，只可作小食/前菜𖧐Green curry linguine w/ king mushroom $88意粉款式不時更新，素食首選，扮帶子既菇好逼真，青咖喱泰式風味好特別，偏辣但非常惹味！𖧐椰子斑斕巴斯克蛋糕 $50 𖤐ˊ˗ 超驚艷！暫時係字典裏面嘅世一。配搭非常新穎特別，中間流心香滑，蕉香外皮適中，唯份量較細𖧐Coconut espresso $48 - 飲厭咗tonic espresso ，呢個個絕對係另一Top pick仲有好多菜式未試，下次要試埋人氣窩夫～

途經路過見到呢間設計風格特別既咖啡店，座位尚算寬闊，亦可自行入座，感覺很好😊！下午茶時間人流都不算太爆🤓，客人需要到counter order 付款，食物送餐速度流暢👍🏼。見到多數人都推介「竹炭咖啡」、竹炭糯米窩夫😍，以及鐵觀音咖啡，窩夫送到嚟嘅時候圓圓熱辣樣子很討好，即時打卡，味道都很不錯，當中亦都有雪條😋，雪條味道就一般。但整體好滿意，尤其是個窩夫半碟的雙莓竟然是甜重甜過士多啤梨😛。呢間店我覺得如果下次一定會再encore餐廳服務亦都很有禮貌動作快速整體感覺良好

自己店舖没有跟先後落單次序去煮，叫佢跟單答我前面有單，再問佢我後面幾枱客已出餐，係你哋冇跟先後次序，一句抱歉都無，仲衰過茶餐廳，甘既地點，收費又吾平，少少待客之道也沒有

最近我在一家甜品店享用了美味的冰淇淋和奶茶甜品，這次的體驗真是讓我心情大好！🍦✨ 我點了一球香草冰淇淋，口感滑順，香氣濃郁，每一口都散發著香草的甜美。搭配上新鮮的水果和巧克力醬，讓整道甜品更加豐富多彩！🍓🍫我還嘗試了他們的奶茶，這杯奶茶的香氣濃郁，茶味與奶香的比例恰到好處，喝上一口讓我感到無比的舒心。🥤❤️ 特別是加入的珍珠，Q彈的口感讓整杯奶茶更具層次感，每一口都讓我忍不住想要再來一杯！這家甜品店的環境也非常舒適，適合與朋友聚會或獨自享受悠閒的時光。如果你喜歡甜品，一定要來試試這裡的冰淇淋和奶茶，絕對會讓你愛上這種甜蜜的滋味！🌟

最近我在 Contrast Coffee 嘗試了他們的巧克力蛋糕、綠茶和忌廉布丁，真是一次甜蜜的享受！🍫🧁 巧克力杯子蛋糕外表可愛，內裡則是濃郁的巧克力餡，咬下去的瞬間，巧克力的香氣瞬間充滿口腔，讓我感到無比的幸福。😍搭配上他們的綠茶，簡直是絕配！🍵 綠茶的清香與巧克力的甘甜形成了完美的對比，讓每一口都讓我心情愉悅。這杯綠茶的香氣濃郁卻不會過於苦澀，恰到好處，讓我感受到一絲清新的滋味。🌿最後，我還品嚐了他們的忌廉布丁，滑嫩的口感讓我驚艷！🍮 忌廉的香滑與布丁的甜味相得益彰，讓整個甜品體驗完美無瑕。Contrast Coffee 的環境也很舒適，非常適合與朋友聚會或獨自享受悠閒的時光！🌟

📍Contrast一間18:30就關門嘅cafe 搞到我要特登lunch去食🤓🍴竹炭糯米窩夫（半份）個Waffle外脆內軟 上檯嗰陣仲暖暖哋 裡面好soft好香！ cream唔會好甜好漏 雪條係自家製嘅牛奶雪條waffle面有莓醬 酸酸甜甜好清新仲有草莓同紅莓 (雖然啲水果唔甜都無莓香)但幾樣嘢配埋一齊食真係好有滿足感～😋🍴美國牛肉漢堡配薯條沙律薯條係新鮮炸嘅 上檯嗰陣仲熱辣辣👍🏻炸得啱啱好好脆 仲見到薯仔皮個醬都好好食 可惜太少醬 得面頭嘅薯條有醬 底個d無Burger舊牛肉都幾厚 車打芝士唔夠多 但總體not bad沙律菜有放醋 個人唔鍾意覺得有d酸😅🍴匈牙利慢煮牛肋條扁意粉牛肋粒好嫩好入味👍🏻意粉軟硬度適中 個番茄醬汁調得好好 成件事好夾！☕️鐵觀音鴛鴦本人對咖啡無咩研究同無特別興趣 所以唔識comment係好飲嘅 完🤣#長沙灣美食 #長沙灣cafe #cafe #香港cafe #chill #waffle #burger #pasta

食評詳見圖片說明。因為食完隔離間西班牙菜之後唔夠飽，所以嚟試下呢間cafe。無論我哋食之前同食之後，呢間都keep住多人排隊。我哋嗰陣應該都排咗起碼十五分鐘先等到入去。呢間cafe冇加一，有好多都要自己做，例如出去order，同埋自己攞餐具、斟水。冇濫收加一實在太好。呢間cafe真係普通cafe，非必食，同埋唔值得排隊。

長沙灣同荔枝角區都係工廠大廈為主，呢間Cafe係一間喺呢區少有可以攞嚟打卡嘅Cafe。呢間Cafe都可以算係幾出名同有人氣，好多時都要等位。個格調就幾好，不過美中不足係有啲枱未必坐得好舒服。嗰日我同另一半就嗌咗一杯綠茶latte，一個鴨胸Superfood沙律同埋大蝦蒜蓉扁意粉。我本身對呢啲打卡Cafe嘅食物質素就冇乜期望，但係我覺得啲食物質素係好過預期，味道好好，唯一差少少嘅地方就係個份量比較少，如果淨係嗌一份嘢對於一個成年男人係唔會飽肚。價錢唔算好貴，我覺得性價比幾好，我本人會推薦。

星期六天下午打算去食甜品，這間算是多人，但待客之道真是極大有問題！當日天氣都是很酷熱,企著熱等已經很辛苦，都知道店舖規舉是在門外等候，但當時近門口吉位是有，但聲稱是留位，但人未到，就算企入室內少少，借少少有冷氣等都要破驅趕，重有位帶cap 帽，身形帶胖嘅店員,眼睛射住我地等侯，那種不屑眼神，實在是完全不爽！ 須知規舉是人定，但請懂得變通才是永恆！香港飲食業相對比其他地方比下去，兼顧這些細位其實都是重要一環！不應只常說成本高地方少！

Contrast係一間行黑白型格路線嘅咖啡店，風格簡約時尚，啲食物高質又打卡able，份量足夠，食得飽，幾適合同朋友嚟小聚。▪️ 大桔朱古力粒粒糯米窩夫 $128呢個窩夫熱辣辣送上嚟，口感煙靭，有嚼勁。搭配嘅白朱古力同原味忌廉滑溜香甜，加上橙醬嘅酸甜味，真係幾有特色，成個味道balance得啱啱好，自家製雪條仲帶嚟一絲清涼感。▫️ 黑松露蟹肉竹炭多士 $72呢個竹炭多士嘅炒蛋滑捋捋，雖然黑松露同蟹肉味唔係太突出，但整體配搭都ok，外脆內軟，口感豐富。▪️ Orange Black $48呢杯咖啡對啡控嚟講唔錯，咖啡味濃郁，橙香同咖啡融合得幾好，飲落有層次感。▫️ Charcoal Latte $44就係一杯latte嘅味道，口感順滑，值得試下。舔脷指數：7/10 😁@hkfoodtaster📍 Contrast長沙灣福榮街512-518號依時大廈地舖

♡香蒜辣大蝦扁意粉🍝$88新鮮肥美的大蝦，淋上醬汁恰到好處的辣勁和蒜香，與Q彈的扁意粉完美融合，層次豐富，口感恰如其分。但唯獨是份量不是很多。評分：🤍🤍🤍.8/5♡竹炭糯米窩夫🧇$118（雜莓，希臘乳酪忌廉，乾燥紅莓，手工紅莓醬，自制牛奶雪條）這款甜品融合了多種複雜元素，層次感十足。先是酥脆可口的竹炭窩夫，搭配爽口的希臘乳酪忌廉，再以手工紅莓醬和自制牛奶雪條增添了清新酸甜的風味。最後用乾燥紅莓點綴，使整道菜的口感層次更加豐富。評分：🤍🤍🤍🤍.8/5♡竹炭拿鐵☕️$44這杯竹炭拿鐵香濃醇厚，口感同普通拿鐵差唔多。但係竹炭味道唔係好突出。評分：🤍🤍🤍.6/5環境 🍃🍃🍃🍃食物🍡🍡🍡🍡性價比💰💰💰推薦🌈🌈🌈🌈回頭🙋🏽‍♀️

本身見到門口好多人排隊都諗緊入唔入去，點知坐bar枱又好快入到去-咖啡選擇非常之多今次同朋友冇特別揀嘢食-淨係叫咗一杯橙啡同埋另一杯coconut coffee-都係我近來最鍾意嘅咖啡選擇兩杯都唔錯跟住個杯都好靚覺得同朋友過嚟chill住傾偈都好開心