Coti the Bistro (企業廣場)

营业中

休息中

2個人平日lunch time 黎，排一排隊都好快有位！但！具伏！！！態度好惡我都冇所謂，但食物好難食😖😖每人埋單ard $113，包飲品，沙律/湯無諗過塊肉眼係咁既樣😹😹 我地係order五成熟！！ 全熟都唔緊要！但！佢係有種唔知咩味，搞唔掂😩完全無食緊肉既感覺😮‍💨而黑松露意大利飯，上面首先有一執唔知乜嘢🤭 非常有趣，個飯仲無咩汁，而且好硬。味道方面，係無味道😙😙 ！仲有少少菇比你，好慷慨！失望☹️ 仲得閒行過嚟問你食完未，非常關心顧客。

呢間西餐算係九龍灣區內比較有質素保證既餐廳, 但千萬千萬唔好LUNCH hour去首先要係門口排好耐隊,  LUNCH係要預左等20-30分鐘, 仲要等齊人先可以入座(一個都不能少)... 然後千祈唔好諗住慢慢食同傾下計, 因為D阿姐係會不停催你落單同埋極速收碟趕你走.set lunch大約都係$80-120左右, 區內黎講價錢黎講唔算平... 但成個過程同體驗都好麻麻... 要有食快餐既心態同埋服務體驗先好黎.. 如果想見客/見朋友想傾多兩句就千祈唔好諗...

今日經過九龍灣企業廣場見到COTI THE BISTRO，裝修以英倫風格，見到亦已漸漸添加聖誕裝飾，甚有氣氛。食物選擇款式都很多：全日早餐、大蝦沙律、卡邦尼、肉眼、豬扒等…緊有一款啱你。焦糖布甸咖啡咖啡表面加上薄薄砂糖，再經火槍火炙一下，即時形成焦糖布甸般的表面，入口口感幼滑，甜蜜又豐富的口感，令人著迷。提拉米蘇咖啡(凍)見到有提拉米蘇當然即是下單！有一層口感厚滑的cheese cream，再有Americano，賣相吸引，甜苦交織，口感順滑，層次豐富。紐西蘭肉眼扒配燒汁來到時見到超大塊肉眼扒，牛扒肉味濃郁，5成熟剛剛好，入口不會太韌口，還有燒汁在旁，提升肉味，令人流晒口水。溫泉蛋香煎牛脷芯意大利飯香煎牛脷入口軟彈，再有順滑半熟溫泉蛋流出蛋漿，令口感更順滑。焦糖香蕉窩夫香蕉加上砂糖火炙一下做成焦糖，配上蛋香味濃的窩夫，外脆內軟，夾在一起更是啖啖濃郁，滋味無窮。提拉米蘇窩夫一大杯順滑提拉米蘇配上軟熟窩夫，一啖提拉米蘇、一啖窩夫，都食到其幼滑濃香，口感鬆軟，層次豐富。

星期日黎到九龍灣企業廣場的呢間西餐廳，人流比較少，中意靜少少既朋友岩哂。雜錦海鮮拼盤配🦞龍蝦汁$158拼盤有帶子、青口、大蝦、龍脷柳等海鮮，一次過可以試晒多款口味嘅海鮮。醬汁配左忌廉汁，食落唔錯，岩哂細食既OL.☺️紐西蘭西冷扒配黑椒汁🐂🥩$188我哋叫咗五成熟，牛扒熟嘅程度啱啱好，肉質嫩滑，冇咩筋，煎得恰到好處！黑椒汁配得啱啱好，唔會過於濃烈，黑椒味再加少少忌廉。薯條炸得好香脆，唔係一半係出面食到既薯條🍟。巴斯克芝士蛋糕🍰芝士蛋糕口味非常滑，又唔會太甜，食落一點都滯，配埋個cream 岩岩好！☺️提拉米蘇窩夫🧇呢個甜品一定要必點，牛角包窩夫焗得好鬆脆，窩夫面頭配上左少少蜂蜜令呢個甜品更加好味。🫶🏻Coti the Bistro (企業廣場) (九龍灣)📍九龍灣常悅道9號企業廣場1期1樓4號舖

假日想去cafe往往都大排長龍，友人介紹到九龍灣企業廣場Coti，可能位置不近港鐵站，人流的確較少，唔洗限時趕住走。襲餐廳環境優雅，美食選擇多，慢慢歎下先個brunch都幾開心。是日餐湯 $0是日餐湯為羅宋湯，湯料有椰菜、紅蘿蔔及西芹，味道夠晒濃，不過有點偏咸。 龍蝦汁虎蝦意大利粉 $128虎蝦兩隻大隻，肉質結實新鮮彈牙，意大利粉份量十足，索晒龍蝦汁有濃郁蝦香，意粉較粗身，仲有翠肉瓜車厘茄少量配料，味道唔錯。雜錦海鮮併盤配龍蝦汁 $158有2隻青口、虎蝦、龍脷柳、2粒帶子，配上龍蝦汁，仲有沙律菜併碟。虎蝦大隻夠厚肉而且去埋蝦腸，帶子煎過唔會太生，青口肉不算大每人一粒淺嘗而已。提拉米蘇窩夫 $88窩夫2片，好香牛油味，質地少少煙韌。旁邊有一杯timramisu，好香濃的咖啡味，食晒成杯都唔覺得好甜，底部比較稀，用窩夫沾黎食一流。 是日精選蛋糕 $32心思思點埋是日精選的芝士蛋糕，它不是紐約芝士般濃郁較實的那種，淡淡芝士較易入口，沒有太膩的感覺。 奶醬啡 $48唔係度度有奶醬啡供應，心林會唔會好甜呢，幸好擔心是多餘的，鮮奶、花生醬同咖啡既份量剛好，杯邊仲有花生碎增加層次，奶醬啡只限熱飲供應

好多朋友話去到九龍灣都唔知食咩好幾條街都四野無人全部都係工廈同商貿區唔係連鎖野就係麻甩茶記其實搵一搵就有間幾舒服既coffee shop係企業廣場行入少少過左午飯時間人流少左如果想坐係到打躉或傾計絕對適合不過價位唔算貴 大部分都below ʜᴋᴅ100𝐊𝐢𝐦𝐜𝐡𝐢 𝐏𝐚𝐬𝐭𝐚 𝐰𝐢𝐭𝐡 𝐒𝐨𝐟𝐭 𝐒𝐡𝐞𝐥𝐥 𝐂𝐫𝐚𝐛 ($𝟗𝟐)軟殼蟹泡菜意粉好驚喜的一碟fusion菜融合西式同韓國風味真係好鍾意食軟殼蟹配上微辣既泡菜原來都可以好夾架~𝐂𝐫𝐞𝐚𝐦𝐲 𝐌𝐮𝐬𝐡𝐫𝐨𝐨𝐦 𝐚𝐧𝐝 𝐂𝐡𝐢𝐜𝐤𝐞𝐧 𝐰𝐢𝐭𝐡 𝐑𝐢𝐜𝐞 ($𝟕𝟐)蘑菇忌廉雞肉飯初時睇個名以為係燉飯或者risotto之類原來係煎雞扒配上特製蘑菇汁味道遠遠勝過我本來的期望蘑菇汁橙橙地色好特別未試過普既煎雞扒肉質幼嫩兼夾脆邊脆雞皮珍珠飯軟硬道剛好難怪餐牌會有個𝒞𝐵 Logo啦𝐓𝐢𝐫𝐚𝐦𝐢𝐬𝐮 𝐖𝐚𝐟𝐟𝐥𝐞 ($𝟖𝟖)提拉米蘇窩夫又係餐廳推介菜式其實應該係叫croffle似D因為係用牛角包去整另上的tiramisu底部充滿酒香同咖啡味窩夫中間唔知夾左一D咩香料所以咬落特別香最後都非常鍾意咖啡師特登拉的熊仔拉花好有冬日聖誕氣氛呀~#COTI

😎平時喺九龍灣返工嘅朋友 應該周不時都會去企業廣場食飯 今次想介紹一下呢間餐廳食物質素真係好𝑂𝐾 地理位置喺企業廣場郵局旁邊 🧇🧇🧇窩夫系列🧇🧇🧇1️⃣𝐴𝑣𝑜𝑐𝑎𝑑𝑜 𝐶𝑟𝑎𝑏 𝑀𝑒𝑎𝑡 𝑇𝑎𝑟𝑡𝑎𝑟𝑒 𝑊𝑖𝑡ℎ 𝑊𝑎𝑓𝑓𝑙𝑒 •牛油果蟹肉他他伴窩夫 $93 2️⃣𝑅𝑜𝑎𝑠𝑡𝑒𝑑 𝐶ℎ𝑖𝑐𝑘𝑒𝑛-𝐵𝑟𝑒𝑎𝑠𝑡 𝑇𝑎𝑛𝑔𝑒𝑟𝑖𝑛𝑒 𝑆𝑎𝑙𝑎𝑑 𝑊𝑖𝑡ℎ 𝑅𝑒𝑑𝑤𝑖𝑛𝑒 𝐺𝑟𝑎𝑝𝑒𝑓𝑟𝑢𝑖𝑡 𝐷𝑟𝑒𝑠𝑠𝑖𝑛𝑔 •柑橘燒雞胸沙律配紅酒柚子油醋汁 $76 3️⃣𝑇𝑖𝑟𝑎𝑚𝑖𝑠𝑢 𝑊𝑎𝑓𝑓𝑙𝑒 •提拉米蘇窩夫 $88 👍🏻👍🏻👍🏻首先要大讚一下呢度嘅窩夫 佢完全唔同其他餐廳乾淨淨或”冧啤啤” 佢口感係非常之煙靭 有三分似麻薯咬落嘅口感 外面脆整體夠熱 焗得非常香 值得推薦！ ➡️牛油果蟹肉他他非常濕潤 蟹肉份量正常 牛油果味唔算太突出 但感覺10分清新 ；➡️柑橘沙律啱晒𝑂𝑛 𝑑𝑖𝑒𝑡嘅朋友 沙律大碟 柑桔香甜 雞胸唔會好乾 醋汁較為突出 較適合鍾意口味酸嘅朋友；➡️本身以為𝑇𝑖𝑟𝑎𝑚𝑖𝑠𝑢係蛋糕 點知原來係液體 似咖啡多過甜品 比較適合做下午茶 👅𝑇𝑜𝑛𝑔𝑢𝑒 𝑃𝑜𝑎𝑐ℎ𝑒𝑑 𝐸𝑔𝑔 𝑅𝑖𝑠𝑜𝑡𝑡𝑜 •溫泉蛋香

平時出九龍灣都係去商場或者megabox，今次陪朋友換證件嚟到企業廣場，順便食個飯，發掘一下企業廣場呢邊嘅餐廳，可能呢邊交通唔太方便，人流相對商場真係少好多。雜錦海鮮拼盤配龍蝦汁 $158有大蝦、兩粒帶子、一條龍利柳、兩件青口。味道唔錯，但如果份量再多啲嘅話就更好，一份嘅份量唔夠我食🥲。紐西蘭西冷扒配黑椒汁 $188我同朋友揀咗7成熟，但7成熟咬入口嘅感覺比較韌，而且內部比較熟，內部嘅肉大部分都已經灰褐色，建議大家平時食7成嘅話，嗌嘅時候可以揀5成熟。棉花糖朱古力（凍） $42鮮忌廉朱古力(凍） $42兩杯飲品比較之下，鮮忌廉朱古力口感層次豐富啲，棉花糖朱古力可能熱飲會好飲啲。雜果忌廉窩夫 $78好有趣嘅窩夫🧇😆，喺窩夫上面加上忌廉同水果粒，將窩夫點上忌廉同水果粒後味道都幾夾，口感豐富。提拉米蘇窩夫 $88呢間嘅提拉米蘇同平時食果種有啲唔同，呢間嘅比較稀，都有味道但係入口即化，比較之下我鍾意口感綿密實在嘅提拉米蘇多啲。

自從返九龍灣就成日經過企業廣場既【Coti the Bistro】，不過lunch time成日都要排隊，所以有時間就dinner約同事一齊去食，人流都比較少，可以食同坐得舒服D。 豪華周末早餐：包括香腸、煙肉、鷄扒、番茄、炒蛋、牛油果番茄牛角包、沙律菜同雜果乳酪。分量超級大、全部都唔會過鹹。鷄扒煎得好香脆、炒蛋好creamy，牛油果番茄牛角包好特別，推薦。 紐西蘭西冷扒配黑椒汁：牛扒都好大一塊，不過筋都幾多下，黑椒汁幾惹味。薯條炸得好香脆、好好食。 提拉米蘇窩夫：窩夫係牛角包（croffle），好香牛油味、提拉米蘇醬超級重咖啡味，如果鍾意咖啡應該覺得唔錯。 雜果忌廉窩夫：窩夫同樣都係牛角包（croffle），上面cream有D杏仁味，好特別，個人比較推薦呢款。 鮮忌廉朱古力：朱古力好濃、但一D都唔甜，上面鮮忌廉好creamy。 棉花糖朱古力：同上一樣，不過就無左鮮忌廉，加左棉花糖。

星期六日去到九龍灣，發現有好多餐廳都關左，可能佢地淨係做平日生意，搞到我諗唔到有咩好食跟住比我發現依間Coti the Bistro居然仲有開，而且味道都OK我就叫左個紐西蘭肉眼扒配燒汁($178)同埋雜錦海鮮拼盤配龍蝦汁($158)，兩個味道都唔錯，而且個set會包餐湯或沙律我地食完之後仲覺得有啲唔夠，仲加多份是日精選蛋糕，佢嘅蛋糕係芝士蛋糕，唔合太甜太膩，味道剛好整體個人覺得都唔錯，食完都唔覺得太Heavy

Drinks提拉米蘇咖啡，是今次我來這間餐廳的原因。由於上面的Mascarpone、咖啡粉、朱古力粉，融入了下面的咖啡，令整杯咖啡有mocha 的感覺，感覺只是喝了一杯甜品，沒有令我失望。Soup羅宋湯，碗夠熱，有誠意。湯味濃郁，仲有好多牛肉，用料足。如果有多少少辣味，就更加傳統，咁有暖胃的效果。Main course 牛扒叫五成熟，由於唔係厚身，所以來到已經有七成，但係煎得肉面香脆，有焦糖化的效果，肉味香濃，雖然唔係預期的模樣，但是味道都唔錯。伴碟的薯條，炸得香脆，喜出望外。海鮮什錦拼盤配龍蝦汁，有一隻中型蝦，兩粒半生熟的小帶子，一件龍利柳，及兩件小青口。帶子不是全熟，質地唔錯。蝦亦都新鮮， 質地彈牙。如果有兩隻就好啦😋😋Dessert點了兩個窩夫甜品，所選用的窩夫並不是我們平時食開的挺身及蛋香味，它傾向酥皮類型，比較重牛油味。窩夫配合tiramisu，有很濃的Espresso，如果能加球雪糕，就完美了。

除咗賣相之外食物質素麻麻，。經過九龍灣，決定去商業區嘅呢間cafe食嘢🍴諗住佢環境都唔錯啦，食物應該唔會差得去邊掛🤨 結果同朋友嗌左個二人餐，麻麻😣二人餐 是日餐湯應該係紅蘿蔔🥕雜菜湯🍲 冇特別，講唔上好飲🥬二人餐包咗個小食🥢炸魷魚圈伴薯條🍟 薯條就應該啱啱炸起，幾脆👍🏻 但係個魷魚圈同想像中完全唔同😕 唔係嗰啲咬落去即刻食到魷魚🦑果種，而係食到成口都係炸果d粉/蓉狀😓完全食唔到魷魚😥主菜揀咗烤慢煮BBQ豬肋排煮飯係OK，有做到骨肉分離既效果，不過味道可以更進一步，我expect cafe既味道應該會比較好😟....份量唔算多 冇飯/意粉跟㗎～另一個主菜係法式燉煮羊膝比較’so’ ~本身menu係冇跟意粉🍝剩係得餸，不過廚師整錯所以有埋個意粉~ 整體冇乜特別，平平無奇，唔開胃囉甜品🍮: 窩夫同埋 Tiramisu 重點就嚟啦呢個甜品超難食，仲要見證住隔離枱唔食先至俾我哋枱😓 真係唔知講咩好。窩夫🧇係暖暖地嘅應該用咗微波爐整熱😬 但係tiramisu好奇怪... 底部係融左咁...小編怕繼續食落去肚痛，食一兩啖就冇再食😖😖野飲:果皮冰糖檸檬🍋冷泡茶 + 玫瑰普洱冷泡茶勁難飲，冇味，飲到一

星期六約咗個friend去九展睇show,諗住睇前食一食飯，但九展入邊啲餐廳真係唔多吸引😂所以寧願去遠少少，決定去MegaBox嗰邊搵吓睇吓有咩嘢食。開Apps嘅時候搵睇吓有咩餐廳想食，見到呢間餐廳好似都OK，環境幾好幾Chill，同埋個價錢都算合理，所以就過咗嚟食。餐廳本身有set餐但係覺得唔係好吸引決定散叫算。一人嗌咗一個主食: 雜菌黑松露燉飯，法式燉羊膝配薯蓉。之後再嗌咗個青口share，仲叫咗杯特飲:果皮冰糖檸檬冷泡茶。個飯覺得稍為有啲過鹹同埋過硬，最後個飯係食唔晒因為太硬了。反而個羊膝都幾有驚喜，好冧同埋嗰調味啱啱好。青口都OK正正常常。反而係杯嘢飲就麻麻，30幾蚊但係好細杯同埋個味唔係個個接受到。結論係可以飲但係唔會再叫😂可能因為星期六日所以餐廳冇乜人，又有少少背景音樂，同朋友吹吓水食下飯都幾好唔錯。啲 staff 都幾好，上菜速度都快。

平時都有來食午餐，食物水準同環境都Ok，今次叫咗個泰式大蝦沙律，大約有6隻大蝦，蝦的肉質又淋又軟身，完全係唔新鮮嘅蝦，有同待應反映蝦嘅問題，希望餐廳廚師會多加注意食品的質素。

星期日係企業廣場附近整嘢，攪掂就求其入咗間餐廳食lunch，全場得3枱客同一位木口木面男侍應，諗住快食冇所謂。叫咗3個lunch set (包沙律/餐湯) 另加$18配(指定)餐飲食完就叫餐飲👩🏼：邊啲係指定餐飲？🪵：咖啡茶👩🏼：蜜挑茶係咪？🪵：係👩🏼：ok👩🏼：Americano 係咪?🪵：係，冷熱同價👩🏼：熱吖唔該👩🏼：凍long black🪵：ok埋單時發現👩🏼：E……long black 收$34？唔係指定飲品？🪵：唔係，公司policy long black 唔係👩🏼：Er……你頭先唔講？加水先就正價，後加水就指定飲品？咩邏輯？🪵：公司policy 👩🏼：你知唔知咩係Americano同Long black? 你可以問我收正價係咪照叫？呢個係乜鬼垃圾policy，你公司想呃錢都唔係咁呃法！🪵：公司policy 心諗…算，遇著個癈無謂嘥氣，埋單走人，出門口經過cashier 見到掛係牆上價錢表👩🏼：long black唔係$32咩？🪵：機出$34👩🏼：唔係喎，全場menu都係印住$32🪵：機出$34👩🏼：費事再講