CRAVINGS

营业中

休息中

🌯 #油麻地 #cravings油麻地一帶有好多平價餐廳選擇，今日我就一個人嚟丁廣東街覓食，見到呢間「Cravings」招牌幾靚，賣中東菜價錢又唔貴，就入咗去食😋入面枱櫈都好寬敞，有兩個講英文嘅靚女店員，嘢食都係即叫即整😋🐮🌯 Beef Doner Wrap 烤牛肉捲餅 （$75）我唔係好肚餓，就淨係叫咗個Wrap，揀咗烤牛肉味，點知佢都好大個、好多餡、脹卜卜😍😍 牛肉份量好多，仲有其他蔬菜！ 餡料爆棚！ 加上幾款醬汁，少少辣，好惹味😋 正👍

這間小店主打中東薄餅和不同肉類菜式，餐牌上有不同印度餐的選擇，份量非常十足，我們簡簡單單叫了單點。烤雞配飯 $70份量非常十足，有很多雞肉，配上特製醬汁，返Dickson量也很多，非常香口好食。烤羊肉配飯 $85因為很想食羊肉，價錢又不貴，給了一點羊肉飯，即叫即整，羊肉味香濃。店員對客人都非常有禮，不時問我們食物的質素如何，希望我們可以享用高質素的食物，如果想食中東餐，這間是不錯的選擇。#cravings #印度 #foodie #hkfoodie #印度餐 #油麻地

呢間小店位置隱世 但menu幾齊全 有唔同類型嘅中東菜😍pizza、kebab、飯、尼泊爾餃子都有 仲係外籍姐姐們主理 感覺幾正宗烤雞捲餅 Chicken Doner Wrap $70烤羊肉捲餅 Lamb Doner Wrap $80叫左兩款捲餅🌯好大份！拎上手好重😍入面肉餡勁足 雞肉烤得好香 有肉汁 羊肉軟稔 臊味唔算好重 包住蔬菜絲 紫洋蔥 蕃茄等配料 幾清新 入面落左青醬辣醬 少少薄荷香同辣味 幾惹味仲有一坐低會比份粟米片你 薄脆唔油膩 仲可以叫店員額外比啲醬汁你自己點嚟食🫓

按完摩喺附近搵嘢食，揀咗一間尼泊爾菜。餐廳位於廣東道，不過地鐵站行過去好快就到。嗌咗個paneer & falafel wrap($75)。雖然係素食嘅選擇，但係paneer同falafel嘅味道都好香。尤其係paneer，烤得金黃又均勻。Wrap包住唔少生菜、蕃茄、紫洋蔥，爽脆又清新。醬料亦都落得幾多，一定夠味道。份量上一個女仔食晒成個啱啱好。佢哋仲有kebab, momos。Pizza望落去都唔錯👍🏻。

呢間小店入到去俾我既感覺係同平時既尼泊爾餐廳好唔同，好企理仲聞到淡淡既香料味，夠哂光猛既燈光，成個環境都好好。🥰🤤撒哈拉 - 烤羊肉薑黃卷餅配自家製香料牛油 中意重口味同咸既朋友可以一試呢個手卷。一開二月，份量十足，夠哂厚實~ 羊肉肥瘦岩岩好，軟嫩多汁再用薑黃同自家製香料牛油，食起上黎一D都唔so，佢仲要有D沙律菜，所以食落唔會好膩，仲覺得越食越野味!😎尼泊爾蒸雞餃子🤤餡料較鬆身，唔似我地平時食開既咁紮實，雞肉之外仲有D尼泊爾香料及香草，皮夠薄同細滑，夾埋個酸辣帶香既醬汁，同餃子入面既湯汁 黎到仲要係熱lak lak必點!❤

呢排想食清少少，所以就咁啱見到呢間價錢適中嘅中東小館。見到佢裝修幾簡潔乾淨，而且位置都算幾舒服，所以就入咗去試吓。佢主打一啲中東嘅菜式，包括有pizza，kebab 同埋wrap.鷹嘴豆餅和醃紅菜頭捲餅卷餅大細適中，不過佢細細嘅外表，都包含咗，佢個餡餅裏便用咗薄荷，蒜頭，同埋少少辣醬。而且加少少錢可以配一個小食，所以揀咗呢一個蔬菜咖喱角。咖喱味唔算重，不過脆卜卜配埋酸甜醬都幾好食。整體份量來講一個女仔都幾飽，而且佢有其他中東嘅菜式，下次都會想再嚟。尤其是係想試吓佢嘅尼泊爾餃子Momo. 同埋佢個set lunch Menu。職員態度友善，會偶然同你傾吓偈。

Cravings😘😘😘中東地道美食店油麻地廣東道、隱世美食街、街道兩旁各色其色的美食店、cravings門面木系裝飾、簡潔、整齊、舒服打卡茶座！主食以印度、土耳其和尼泊爾特色食品為主、融合港式甜品添🍮😊😊午市套餐🌯🍹Beef Doner(wrap/rice/fries)$68土耳其美食、將旋轉架上的烤牛肉、削下切片、加上配料（蔬菜和特別醬汁）而成的美味小食、配搭pita麵包包裹享用！肥美牛肉烤香脆口、蔬菜新鮮、咬上一口軟糯的餅皮、配搭出絕妙的滋味、kabeb常用mint sauce/garlic sauce/hot chili sauce、每種醬汁各有特色、配搭一流、yummy yummy 🥰+$5 ice milk tea⋯香濃印度奶茶、茶香、配椰香奶、加冰、可比美廣式奶茶！+$12 grilled chicken wings⋯煎香皮脆口、肉嫩多汁、配地道印式紅咖喱粉、微香咖喱撲鼻！口感豐富😘特色小食Fried chicken momos$58⋯momos是尼泊爾語、是一種源自西藏流行尼泊爾區嘅食品，貌似廣東食嘅水餃或者小籠包、Momos餡料是雞肉、蔬菜、乾酪🧀️、特色放置乾酪、所以餡

土耳其捲餅都有很多人吃過了，而且味道又不錯，又很多肉的，一直都挺吸引我的！不過最大問題是很多的都是外賣店，不能靜靜的坐下慢慢吃，而這間新店就剛好提供了很多的堂吃位置，這個真的很不錯！午市套餐-C 烤羊肉配捲餅（７２元）捲餅挺足料了，加了大量的沙律菜和烤羊肉，再加上這裡的特色醬汁，吃起來鹹鹹甜甜辣辣的，很有中東風味！捲餅亦有經過烤製，所以帶點焦香！每口都吃到有嚼勁的羊肉和爽脆的沙律，非常滿足！尼泊爾炸雞餃子（５８元）這個是炸餃子，餡料有雞肉，洋蔥，莞茜，炸得非常香脆，而且是即叫即炸的，吃起來外脆內嫩的，雞肉香味濃郁！薯條（１５元）這個是原切薯仔，是厚切的，吃起來外脆內軟的，薯仔味香濃！燒雞翼（１２元）味道帶點辣味，有點孜然香，肉質滑嫩！

這間食尼泊爾菜的餐廳地方不大，但地方光猛乾淨，有個開放式廚房，員工都應該是尼泊爾人。餐廳有我最鍾意食的Kebab, 有五款選擇，我次次都會選擇食烤羊肉的，他們的Kebab 即叫即做，拷卷卷得實淨，餡料滿滿，羊的羶味是有的，但不強，反而香料味比較重，味道微辣惹味。羊肉份量頗多，配上生菜，洋蔥，減輕油膩感，食半份已經好飽肚，所以絕對可以跟朋友開心share。除了Kebab，餐廳還有很多食物款式的選擇。另外還點了尼泊爾餃子，又叫momo，$58已經有8 隻，幾抵食，有分蒸及炸，貌似中式餃子，但尼泊爾餃子的餡料主要是雞肉，大量洋蔥及香料，餃子皮比較厚，但煙韌，橙色的醬汁略帶咖哩香味，味道沒有想像般重口味。

Lamp Doner (Wrap) 烤羊肉 捲餅 $72整體偏乾，捲餅無乜味，餡都幾多偏重口，食親呢啲卷我都會瘋狂擠啲醬，簡直就係精粹，清新之餘唔會咁寡咁dry淨係食肉+餅皮咁Masala Tea 印度香料奶茶 +$5第一啖咸咸地好似落左鹽嘅奶咁，啲奶幾滑，佢好有草本同香茅味😆推薦指數：🌝🌝🌝🌗🌚味道中中挺挺，啲餡幾多，油麻地舊區嚟講，性價比唔算高btw雖然成間鋪啲職員都係外國人，但係原來佢識廣東話，分分鐘流利過我同你🥹

呢幾日天氣真係熱死人，熱到根本食唔落飯，所以今日的Lunch決定食Kebab，感覺輕巧D啱呢D熱到High High的天氣食。5款Set Lunch入面我揀咗烤羊肉捲餅，即叫即整好正，廚師幫我切開一半等我容易D食。佢仲有3款特色醬汁比我自己加，侍應姐姐有講比我知呢3隻醬係D乜野味，不過我已經唔記得晒，只記得左邊綠色的最啱我胃口，而中間橙色嗰隻都幾辣。佢拌碟的沙律菜都幾新鮮。野飲因為唔想飲普通的罐裝汽水，所以加錢試了呢隻檸檬梳打，味道唔錯。

星期日去呢間野買外賣，叫咗一個lamb + fries ，令一個 雞捲，非常大份及足料，拎到返屋企都仲熱辣辣，羊同薯條，仲有沙律係入面，薯條夠趣醬汁好食肉量又多，啲羊都唔會羶，好味，下次會再嚟試吓堂食。

約食晚飯未夠鐘於是就求其搵間餐廳坐下等時間啦，見呢間餐廳係附近幾間之中算係最光鮮嘅於是就揀佢。因為轉頭食飯所以唔可以食咁多野，所以都係叫小食同埋飲吓野，點知竟然叫咗個好好味嘅薯條。其實佢有好多款薯條，又有薯角同埋薯格，結果就揀咗呢個檸檬胡椒薯條，檸檬汁酸酸地好開胃，同埋咁樣食法好似無咁熱氣，當然更大機會係自己呃自己啦，不過呢個檸檬胡椒薯條真係唔錯，熱氣同肥都係值得嘅。另外叫咗個蒸雞點心，原來係餃子，侍應話係尼泊爾style，佢嗰個汁好味，開頭以為係芥辣，食落原來唔係咁簡單，都係秘製醬料D Friend啦。原來呢間野係新開嘅，未有酒牌，所以無酒飲，每應姐姐話佢地申請緊酒牌。

Lunch Time幫襯咗呢一間新開的土耳奇餐廳，門口有一碌Kebab轉下轉下好似好正，我地一行二人一個叫雞肉Kebab一個叫羊肉Kebab，兩個都揀最傳統嘅Wrap。呢個雞肉Kebab有驚喜，因為雞肉嘅味通常無咁濃，所以如果做Kebab Wrap好多時都會比其他配料搶咗D味因而失色，不過呢一間嘅Chicken Wrap就無出現呢一個情況，咬落個Wrap度嘅時候食到雞肉嘅香味。羊肉Kebab Wrap就因為D羊肉味唔夠出所以我地一致覺得個Chicken Wrap好味D。不過佢D羊肉都係幾鮮味嘅。我地另外點咗一份蒸嘅尼泊爾餃子，佢呢度翻譯momo做點心，其實個人認為叫尼泊爾餃子應該更理想。呢個momo味道都唔錯，點埋個汁好好食。我個Friend叫咗個椰青黎飲，而我就飲可樂。

油麻地平時都多印巴藉人士聚集，所以我成日都覺得油麻地D印巴餐廳會好正宗，這家新開的小店全店都係由印巴藉人士主理，所以感覺上味道應該地道D。難得食得到尼泊爾餃子Momos，記得當年去尼泊爾旅行時食過，其實佢同我地中國人的餃子差唔多，不過入面D饀所用嘅調味會有D唔同，個Feel會偏向尼泊爾同印度嗰D味道多D。Kebab就試了這個中東烤牛肉的，入面有麻辣醬，個辣味黎得好慢，不過真係辣嘅，唔食得辣就唔好亂黎。雖然話就話係中東烤牛肉，不過D牛肉又唔會太乾，味道口感都唔錯。呢個Pizza係店長推介嘅，好香Basil的味道，好清新。另外佢上面有一層芝士，焗到微微的燶，令到個芝士更加香口。