Cs' Bakery

营业中

休息中

剛剛去取蛋糕，見到櫃檯哥哥流鼻水，冇帶口罩，又唔洗手帶返口罩去處理客人個蛋糕，真是可怕😱⋯⋯蛋糕質素是新鮮的，味道保持水準，櫃檯哥哥服務也不錯，注意食物衛生也是很重要的，這樣會影響到客人的心情和胃口。祝櫃檯哥哥早日康復，記得洗手。個人衛生也重要的。

🥖Cs’ Bakery🥯成個舖頭嘅設計走粉色系嘅文青風格枱枱櫈櫈就用宮廷系列嘅白色成間嘅感覺都好舒服同打卡able連嗰啲餐具都係用好靚嘅糖果色餐具Cs嘅拉花可以話係排香港頭三無得輸barista好細心咁度身訂做啱你嘅拉花你想要港女有港女玫瑰花🌹打卡Latte你想可愛有pepe同連豬想有詩意d可以叫玫瑰Latte走啡真係靚到dum一聲呀而家冇得堂食真係好可惜不過冇辦法啦佢哋地方都唔大成日去食都要排隊而家疫情之下都好難做到咁多人嘅生意講返上次食嘅時候重食左個超豐富嘅All day breakfast自家製手工包真係無得輸食到Lam lam脷👅重有今次得一個人就無食蛋糕但之前食過都可謂有樣有實際絕對唔係虛有其表呃like cake咁囉希望佢哋堅持到落去快啲有返堂食啦

☕️CS’ Bakery🍰嗰日無哂all day breakfast真係好SAD咁我哋就試咗佢哋嘅牛油果蟹肉忌廉意粉同冬陰公大蝦意粉牛油果蟹肉意粉食到啖啖蟹肉食落意粉好掛汁冬陰公意粉真係有飲緊冬陰公湯個味唔會只得辣or酸味(ી(΄◞ิ౪◟ิ‵)ʃ)♥係有埋個香料嘅味蝦食落唔似冰鮮彈牙得嚟有蝦味我同腦細一致覺得$88真係抵俾著係銅鑼灣地段咁嘅質素都起碼$128 up仲要好好彩俾我哋撞正拿破崙出爐呢到個芒果拿破崙蛋糕真係好高質芒果同拿破崙酥皮果然係絕配酥皮睇得出有好多層仲要勁脆店家教落放平食就唔會搞到咁狼狽啦之前見啲報導點評拿破崙無CS’ Bakery份真係令我笑而不語～♝ཻ༨͜♝ཻ)✩⃛ 地址：西灣河西灣河街100號

最近得知cs因請不到合適的廚師而不再做堂食，覺得十分可惜☹️無論咖啡，pasta，定係甜品都很出色，街坊小店價錢又合理，仲要係黃。係呢間餐廳食過2次，每次用餐都非常愉快，很滿意。想要連鼠，不過應該聽錯左老鼠/倉鼠😂😂😂 杯連豬係隔離枱的，畫得好靚好似又好cute😍煙三文魚忌廉Pasta上碟好靚之餘又好味，以後再也吃不到，很可惜。忌廉蟹肉意粉同樣不錯落單時留左個拿破侖，好彩有留，食完pasta就賣哂了，有時仲誇張，一次過比街坊掃左十件，想食都冇得食。

抗情期間外出食飯，幫襯之前會觀察店舖嘅衛生情況及人流量。呢間店舖比我感覺係地方打掃🧹得潔淨，抽風通爽，每枱都有隔板👍👍，安全！估唔到佢鋪仔細細，食物嘅選擇都好多，而且質素令人喜出望外。今日試佢嘅招牌菜C’s all day breakfast 🥞。直覺話俾我知呢度嘅店主或者廚師應該係女性，因為呢個早餐嘅擺盤好有心思❤️❤️，三文魚同炒滑蛋都係以🌹花嘅形態展示出嚟。手工麵包有兩款：一款係原味，另一款係加咗果仁嘅紅莓包，搽自家打嘅牛油果🥑醬，取代日常嘅牛油，味道好夾，麵包好鬆軟。最後試埋佢件芒果拿破崙蛋糕🍰，酥皮層做得酥脆可口，蛋糕層甜度啱啱好，食落唔會好膩。

睇到朋友👫在社交平台發佈呢間餐廳嘅美食相片，即刻bookmark咗一定要嚟食，今日終於有機會。店舖喺內街，附近有兩間茶記，但C’s Bakery最為矚目，因為門外有一條人龍🐉。店舖好細，大約只有1⃣️0⃣️個座位，Coffee Bar在樓面，另外有個廚房做食物。🔸卡邦尼意粉🍝唔好睇少呢個經典意粉，要控制蛋汁的分量同鑊嘅溫度係需要一定功夫，否則就變成一碟炒蛋意粉。呢個意粉好多汁，但唔會太濃杰或太多忌廉，每條意粉都沾到醬汁，食落去係滑口👍。意粉軟硬適中，少少彈牙感。擺盤都幾講究，意粉同煙肉係有層次咁擺落碟，唔係亂炒一通。咖啡師喺每杯咖啡☕️上都會畫上圖案，咁樣可以令客人先欣賞及聞吓咖啡香，享受咖啡藝術。非常滿意呢間黃小店，做食認真又有心思，唔怪之得食評全部都係LIKE👍👍，真實見証，唔係吹水😂。Cs‘ Bakery (西灣河)西灣河街100號安業大廈地下A1號舖（地鐵站B出口沿聖十字徑行去東欣苑方向）

去之前都預咗要排隊 食完覺得排咁耐都值! ♥ = 食喔(屙)推介菜式🖤instagram: eatoreator支持黃店💛支持黃圈 ⋆ 蟹肉牛油果意粉 ♥ $98牛油果同蟹肉配合得非常恰到好處兩種味都好出 重點係好多汁 每啖都有汁 啱哂汁怪！ 必食推介!⋆ 安格斯牛肉芝士漢堡 ♥ $85牛堡以呢個價位嚟講真係不得不讚! 漢堡扒整得好入味 而且一啲都唔’鞋’ 味道絕對拍得上貴價牛堡 值得一試! ⋆ Hazelnut Latte ♥ +$20拉花是重點!💛見到大家嘅相 拉花可以做到不同卡通 又有PePe落order嗰陣膽粗粗問可唔可以拉’香港加油’可以啊yeah! 仲要唔使特登加錢👍🏼朋友是hazelnut迷 甜度對佢嚟講啱啱好 唔會比咖啡蓋過咗🤭⋆ Caramel Latte +$20 拉花是重點💛講多次! 咖啡可再濃啲啲 少啲甜就完美啦! (eo對於啡係好重口derrr) eo提提你: 餐廳只接受現金或八達通付款

之前喺IG見過呢間cafe啲拉花好特別好可愛🤭 反正週末好得閒，諗住順便過去西灣河嘆杯咖啡，打個卡滿足吓少女心😂下午茶時間嚟到Cs’ Bakery門口，已經見到有人排緊隊。等咗差唔多15分鐘就有位！店員話蛋糕&包類已經賣哂，可以叫pasta或其他。店舖唔算大，放到幾張枱，坐得都唔算逼。聽聞拉花圖案可以自己要求，我就無特別要求，俾咖啡師自己發揮創意！🤫❤️ 紫薯鮮奶 Sweet Potato Latte $38係梗鬼呀！紫色嘅卡通人物我淨係諗到thanos😂 落單前店員都有講明紫薯鮮奶係無咖啡成分，得紫薯同鮮奶，可能味道方面會較單調。飲落的確係唔多層次，奶味比紫薯味濃，口感輕盈，奶泡較多！甜度適中，飲到最底有少少紫薯碎！適合平時飲開咖啡但突然想換吓口味嘅人士，即係我💁🏻‍♀️好飲度：⭐️⭐️✨ (2.5/5)❤️ 鮮奶咖啡 Caffe Latte $34貓貓圖案都幾可愛🐱 咖啡味偏淡唔算濃，入口順滑，同樣都係奶泡多👀 飲得出喺挑選咖啡豆方面唔算好講究，但拉花圖案加分！💪🏻好飲度：⭐️⭐️✨ (2.5/5)餐廳推薦度：⭐️⭐️✨ (2.5/5)本身就係為拉花圖案而嚟，所以都無對咖啡質素抱住特別期望，所以都係

鋪頭細細所以weekend 有機會要排隊，食物質素中上兩個pasta 都比預期好味，不過黑松露雜菌意粉個汁太稀亦唔夠黑松露味，但整體唔錯，性價比高👍🏼 咖啡個拉花好有心機，見到咖啡師真係一下下咁雕個公仔出黎，咖啡味道唔特別濃厚，但心意加分 月 月。

🍴雜菌炒蛋配手工麵包 $48整體嘅賣相都相當靚，旋風形狀嘅炒蛋味道好香滑，🍄菇菌嘅份量比我想像中多😌合桃麵包咬落有果香味，就咁食唔搽果醬都好食😋唯獨係覺得手工麵包嘅口感比我想像中韌，唔知係咪擺得太耐🤭☕️短笛咖啡$20呢個係跟餐加錢嗌嘅價錢，咖啡嘅口感好順滑👍🏼呢個價錢可以有杯咁靚嘅拉花真係絕對值晒😻佢哋每次拉嘅圖案都唔同🤪

我上網睇到呢間餐廳有好靚嘅拉花，所以同朋友去。餐廳座位唔太多， 不過粉色嘅佈置， 令人感覺舒適。 同埋除咗主菜， 佢地仲做蛋糕， 賣相好吸引， 我見好多人買呀😋因為過左午飯時間，我地都好快就有位。蟹肉牛油果意粉好難抗拒蟹肉牛油果嘅魔力， 一絲絲蟹肉又香又鮮甜， 加上牛油果🥑粒及醬汁，令味道更突出。意大利粉亦無太腍或太硬。安格斯牛肉芝士漢堡安格斯牛肉肉質嫩滑多汁，整體材料都好多，但醬汁可以再多少少😋當然一定要杯Cafe Latte, 非常欣賞佢哋嘅拉花，佢係可以就你喜歡去拉花。 不過佢嘅選擇都好得人鍾意😍

西灣河呢間小店bookmark咗好耐終於有機會試到，呢度既裝修以藍白色為主調，店舖細細，座位唔算多，大約有10個座位，所以長期都大排長龍，係值得幫襯既良心小店💛🦐蕃茄蝦意粉 $88意粉份量多好足料，蝦肉幾爽口，意粉彈牙軟硬度適中🍝 食落啖啖都有好濃郁既蕃茄醬汁🍅🍵Matcha Latte $20 (跟餐)呢度既咖啡拉花好有特色，杯杯都唔同圖案，好有驚喜，呢杯個Pepe拉花好靚好有心思😍抹茶味好重帶有少少回甘，同奶既比例啱啱好

#cafe #💛 隱世cafe多人排隊～蛋糕超好賣，好快賣晒～環境細小逼夾，裝修有特色～自助形式拎餐具、紙巾～飲品圖案非常有心思#牛油果醬牛角包 #🥐 $58牛角包好香，鬆脆好吃( ⁎ᵕᴗᵕ⁎ )❤︎足料牛油果醬～推介#黑松露雜菌意粉 $88濃郁的白汁，意粉彈牙，味道不錯，吃到最後有點濟( ᐡ. ̫ .ᐡ )邪惡#拿破崙蛋糕 $60細細個，不會太甜～餅皮比較硬脆😂難切，吃的時候有啲論盡服務質素：7/10環境舒適度：6/10ᶘ ᵒᴥᵒᶅ個人口味評分：8/10 難得好食嘅 #黃店

在這個舊區找來一家優質的西式小店...藍白色小屋般🏠的裝潢...地方很細，只有十個座位左右...令人驚訝的食物及咖啡☕️...蒜香橄欖油意粉Green Monday 來吃點素🥬。軟硬度適中的意粉，加入橄欖油及🧄蒜蓉炒至油潤，香味撲鼻，每條意粉入口都有清新感覺。雜菌的份量較一般餐廳多，鮮味可口。Cappuccino極具觀賞價值之餘，味道亦香濃細滑。綠茶tiramisu蛋糕，忌廉芝士滑得入口即溶，滲著綠茶的香氣和甘澀味道，確又另有一番風味❗️

可以向店員講拉花想要咩圖案( ๑॔˃̶◡ ˂̶๑॓)拉咗個超可愛嘅連豬🐽✨所有嘢都好用心！一定會再幫襯💛.1. Calamansi ($35)🍰// 青柑檸味嘅小清新蛋糕✨// 食落去酸酸甜甜唔會好膩 // 雖然細細件但一啲都唔馬虎💛由裝飾到味道都睇得出好用心整☺️Food: 🌕🌕🌕🌕🌕🌕✨2. Latte ($34)☕️// 最最最吸引我嘅就係可以揀拉花嘅pattern!!!! 店員會盡量拉😚真係幾有心思😆💛// 咖啡比較nutty~Food: 🌕🌕🌕🌕🌑🌑.🎐Cs' Bakery (西灣河)西灣河西灣河街100號安業大廈地下A1號舖🍮#aiiifoodie 🍔#aiiifoodie_saiwanho #aiiifoodie_西灣河 #手繪 #西灣河 #csbakery #foodiegram #西灣河美食 #香港美食 #黃色經濟圈 #西灣河黃店 #topcitybiteshk #topcitybites