Das Gute (已結業)

昨天三時許，同友人特意前來一試。見到tea set，以為份量不多，所以點了燒牛肉法包，朋友點了煙肉三文治。法包普通，不覺得有什麼特別，牛肉就不錯，燒得幾香，幾好味。就在快食完的時候，眼見隔離人人都叫tea set，豐富非常，令我後悔沒有點，下次一定要試。

通常食西餐都會上歌賦街, 但係今日落雨, 所以都係唔好去咁遠. 之前都食過佢d麵包都覺得幾好味, 所以今次就唻試下d餐.友人點左鴨胸肉南瓜薯仔沙律, 我就要韓式牛肉天使麵, 鴨胸肉非常嫩, 之前係歌賦街食過鴨胸靭到呢..., 而南瓜薯仔沙律都好清新又夠飽肚, 至於韓式牛肉就比較靭左少少, 不過味道都唔錯, 天使麵亦都煮得剛好.至於不得不讚0既就係waitresses0既service真係幾唔錯.

上星期考完試，一行三人去食lunch~黎到12點半左右，都有好多人等位，而d waitress都好忙，唔係時時顧到外面等緊位的客。同之前的comment一樣，d麵包真係唔錯，我要左一個提子的，真係唔錯。叫左個雞肉炸蝦天使麵，感覺都好清，因為雞肉好plain好清新，加兩隻炸蝦真係唔錯的配搭。overall幾十元一個lunch set都ok呀，坐得幾舒服。

20070327再試至愛麵包：剛剛出爐，拿在手裏熱熱的。外皮略甜脆而粘連，屬點到即止的清甜；內裏綿滑而盈滿奶香，濕潤又不致粘膩……保持了一貫的水準：）門口的小黑板上寫著一日之中麵包出爐的時間，各位為食人要做好準備功夫才可一擊即中啦：）

20070205與兩個臺灣同事來這裏午餐，剛剛一點，也剛好滿座，我們幸運的坐到了門口的一張小圓桌，再晚來一步，已經要拿飛仔等位了。午市的選擇並不算少，七八種餐，除一款沙律一款三文治之外，都是pasta或扒一類，五十幾到六十幾元不等，跟湯、麵包及餐茶，另收加一。若加多十元，則可添沙律或甜品。以上環區來講，價位中等，當然，如果綜合了食物質素來看，就是極佳的去處。只有羅宋湯，餐包卻很多種類：）waitress拿著個大大的麵包籃讓你挑選。我的是黑糖提子核桃包切片，一點點甜，果仁很多，精精巧巧的很好味；有一個同事揀了個豬仔包，是諸包之中體積最大的一個，而且卜卜脆，也很誘人。我的主菜是雞肉南瓜芝士長通粉，樣子非常討好，味道也是一等一，金黃的瓜，飽滿的芝士，軟硬適中的通粉，嫩滑的雞肉，啖啖都是濃香滿口。姐姐仔上菜時體貼的提醒“非常、非常熱”，果然如此，碟邊的芝士還在冒小泡泡呢：）有一個同事選了牛扒，也是大大碟，配料齊全，汁濃味美，每個人都吃得非常滿足。餐茶時有人試了咖啡，驚覺是意想不到的香滑，我那杯就只是檸水，沒什麼特別。大約一點九個字左右人就開始少了，如果不怕晚又不想等的也可以那個時候來。坐在古董

每次黎上環都會入黎買d麵包先走最中意佢的藍莓tart, 有層次,脆脆的中間的藍莓同埋custard都好好味$9, 不過有時間中會買到水準差一點的,個tart淋左,可能焗得唔夠耐.所以而家買之前會睇清楚先另外中意佢既朱古力蛋糕,面層有少少脆,有好多chocolate chip,蛋糕的朱古力味夠濃$8不過價錢唔平.今日每樣買左2個就$34,夠食一餐了間中食下好了,呵呵佢有一邊係餐廳食下意粉西餐咁價錢$50-$7x左右,有點貴,有機會會試下

因為看醫生，所以沒有時間吃午餐，途經西港城就來買兩隻包湊數。一個法國軟包，特價6元（原價7.5）；一個鳳梨千層酥，7元。原本想買摯愛的鮮奶木頭包的，見這個千層酥放在它隔壁，個頭倒不小，樣子也蠻特別，就試一下，結果出事了。最主要的問題是太甜，從外面的酥皮，到裏面的鳳梨，一味的甜。而且中間空了個很大的洞，咬下去才發現。另外酥皮也麻麻，可能與不熱有關係。因為大，又一層白粉在面，吃的時候蠻麻煩，尤其是在office。說回那個法國軟包，倒還不錯，拉回一些分數，暖暖的，大大件，非常的煙韌：）不過也因為太煙韌了，吃了一會就牙齒很累，放棄了，留作下午茶：P

佢的牛奶木頭包係我的至愛呀仲有麻糬波波,煙刃,好味道.

前日黎呢度買早餐，見到呢個車厘批好靚，所以就買左黎試。除咗個款夠靚，仲超好味添，d車厘子好新鮮，底部有少少燶燶地，又香又脆，上層搽咗d果醬，甜咗少少，有d漏，但真係好好味，所以食完後心掛掛，今日再買丫！之前都試過鮮奶木頭包，好味，但一定要新鮮出爐至正，凍咗就麻麻地。另外番薯包都好好食，中間真係有成條日本番薯，早餐食好似有點滯，但可以我都幾鍾意食番薯，所以連續食過幾日添。

新出呢個包包身好脆, 入面有勁多cheese, 正到暈,好味過黃金芝士, 鐘意芝士gei一定要試;買左個花生醬曲奇牛角包比mom, 因為佢鐘意食花生醬,好大個, 大過手掌, 不過要成$14... mom話好好食,曲奇夠脆, 牛角包香牛油味, 花生醬就有少少漏;另外再買左袋喬麥包, 見佢都幾健康, 冇油冇糖冇蛋,不過個味同普通麥包冇咩分別, 麥味再香少少lor

今朝早見到個黃金蕃薯包不作他選即買呢個因為自己本身都好鍾意係蕃薯佢個款同黃金芝士包一樣入面同個面都係有好多蕃薯係度每一啖都可以食到軟軟甜甜既蕃薯但係個包唔夠熱....如果熱食應該會好d

呢個合桃提子脆脆($4)都係朋友請, 因為自己一定唔會試有合桃gei野, 原來好好食ga even我唔鐘意合桃, 可能係因為呢個包太脆, 都食唔出有合桃, 面頭有層砂糖, 朋友話覺得太甜, 我又覺得好好食wor!芝士火腿包($7), 呢個包叮熱之後入面d芝士半熔, 超級好食!腸仔酥係新野, 一般only... 條腸個味好普通...

I went to the \'Das Gute\' cafe(inside the Western Market in Sheung Wan) yesterday afternoon with my mom and a friend ... the food was quite good but the service was absolutely terrible !!! The staff there treated the westerners much much much better than we local people !!! We arrived much earlier than the westerners but the staff served them first without even pouring some water for us !!! We\'ve been waiting for so long just for a glass of water !!! Then, for the same food we ordered, the

除左鮮奶木頭, 我都幾鐘意食裸麥包,$9一個, 佢可以幫你切開, 食落酸酸地, 好好食.食過little mermaid的, 覺得味道都係差唔多!見到有個新既士多啤梨酥, 即刻比個樣吸引左,$12真係好鬼貴, 但係真係好好味呀, 有2大粒士多啤梨係上面, 個酥又好高身, 好香牛油味又夠脆!!!朋友買的士多啤梨包, 個樣都係好吸引,不過其實都幾奇怪, 個包夾住d士多啤梨同cream,仲有d朱古力醬, 我就唔敢試, 同埋唔鐘意食cream,不過佢就話好好食!呢度d包成日都唔同款, 好彩鮮奶木頭次次去都有!

佢有個新product, 係吞拿魚獅子狗包($10),見咁得意就試試, 用獅子狗整o既包都係第一次見,味道都可以, 個味同吞拿魚都夾, 不過貴左少少;另外見到佢有一pack pack既曲奇, 買左個包朱古力($16)!!朋友食話似brownie wor, 佢唔係一塊塊脆身曲奇,而係2大舊texture好似蛋糕gei咁, 仲有腰果,味道真係超級rich o既朱古力味, 如果當snack咁食真係咁幾漏幾滯!!!!!2個都可以試下