Delicious Eatery

营业中

休息中

星期六下午經過梭椏道，入嚟呢度食個下午茶先！ 幾年前都幫襯過，不過已經轉咗手。餐廳唔算人多，剛剛好有靠牆的二人座位，坐得幾舒服。我哋點了一個香蕉朱古力窩夫配凍飲$68，這個價錢算好合理好經濟。窩夫本身夠熱，而且食落軟林林，好味！我點了一份意式肉丸加綠茶。肉丸份量都幾多，大約有八粒，配茄汁底幾好食。綠茶就麻麻哋了！店內嘅座位唔多，大約40個座位。餐廳都有清水供應。凍檸茶唔夠甜佢哋都願意比多一啲糖漿客人。餐廳嘅侍應服務都幾好。呢間餐廳嘅室外裝修好靚，經過幾都知道似一個歐式田園餐廳嘅裝修。會係一個吸引客人入去光顧嘅原因。

My husband and I dropped by this place on an early Sunday afternoon. We were strolling around the area and decided to have a bite.The waitress was extremely attentive, caring and swift. She has attended to my special needs (I’m pregnant): put less ice in my drink, allowed extra cooking time for meat and applied additional hygiene measures. Sadly, I only took one picture that day - of our desert, yet the whole meal was delicious. Recommending to drop by and try it for yourself

平時很少會來這區搵，今日來到見這間餐廳在整條街中是最光猛及最顯眼的，裝潢不錯又不用等位，所以便選擇在這享用晚餐。 坐在對街的窗口位置，感覺特別舒適。叫了一個晚餐set，餐湯是蕃茄忌廉湯，蕃茄味道很濃，味道不會太酸，加上忌廉令湯入口更香濃更滑。主菜是烤焗德國咸豬手這道主菜甚有驚喜，豬手的外皮烤到卜卜脆，而且油脂很少，肉質不”鞋口” 亦不像一般的那麼咸，食完整碟主菜也不會覺很滯和油膩。以$208 的套餐價錢我認為質素超值。

低調到冇乜人講但非常有異國風情嘅黃店﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷羅勒青醬雞肉意粉 $88有次想去隔離啲cafe太多人，等到唔切就是但入間黃店食，食完其實都唔係好記得食物味道，都係不過不失，正常一個cafe意粉lunch set🍝反而好記得裝修好有異國風情，外面睇好似歐洲有露天茶座個啲餐廳⛱ 裡面有幅櫻花壁畫，窗口位好靚，坐喺度慢活一下食個飯都幾有feel～而且何文田又靜靜地，真係有幾分似身處外國咁！﹣﹣﹣﹣﹣﹣﹣﹣﹣﹣﹣﹣﹣﹣﹣﹣✐@delicious_eatery✐Delicious Eatery何文田梭椏道8號地舖

假日搵間安靜的地方影下相，食下飯，所以去左勝利道附近。在外邊見到Delicious Eatery 裝修好歐陸風，決定入去一試。 個環境真係一流，餐廳入邊有個好大的櫻花樹下背景，建議鐘意打卡的女仔去影相。海鮮意粉個味好濃，海鮮都料都好足，值得推薦。但個海鮮泡飯，我覺得個湯一般般，有浸海鮮的腥味。

平日的一個早上，上班時間吃個早點。休假心情，想找點好吃好坐的咖啡店。走到附近，其實沒有太多店開門。點了炒蛋多士，蕃茄通粉。地點安靜，坐窗邊的話，合好友詳談話。食物平凡，環境很好，炒蛋略為咸了一點。咖啡還可。

返工成日都經過，今日好想食西餐就入嚟睇吓啦！由於我對意大利黑醋係熱愛，見到佢有個意大利黑醋雜菌意粉當然就叫來試吓加上又好想飲西湯，佢有個黑松露雜菌忌廉湯，當然都唔可以錯過啦估唔到個意粉酸酸地幾好味！個黑松露雜菌忌廉湯好滑料好足，飲完好想再飲多次真心會返嚟再試其他食物

#pb食在何文田 #pb支持黃店💛 櫻花樹下的約定🌸呢間位於何文田嘅黃店西餐廳門口裝修好歐美風☺️ 一入去就會見到櫻花樹牆 超靚🌸💕.Dinner食物種類都幾多 有pizza、意粉、 扒類等等🤩 不過食物質素唔算特別驚喜 不過 不失啦🙈 個日唔小心食左個Parma Ham放題😂🔹Parma Ham Salad🥗健康之選✨ 份量都幾多 好多片Parma Ham😋 入面仲有羽衣甘藍、粟米、火箭菜等 好多款菜🥰 個sauce我記得係甜甜地 幾特別🤭🔹Parma Ham Pizza🍕佢係薄批底 食落少少似餅乾 幾脆😍 裡面有少少雜菌同洋蔥😋 特別要提把pizza刀 好可愛 有少少想拎番屋企😝🔹Passion Fruit Soda🍹開胃嘅飲品🤭 百香果酸酸地 唔錯😛 .坦白講 食物質素唔係好特別😂 如果咁岩去開何文田 想搵間坐得舒服嘅dinner 都可以試下呢間🤭 重點係黃店💛Delicious Eatery何文田梭椏道8號地舖

▲喺Delicious Eatery食飯，好似置身春日庭園般，好Chill、好優美。何文田不乏精緻黃店！講到打卡靚，價錢又親民，Delicious Eatery就係其中佼佼者。​​呢度最吸睛嘅係，餐廳有一半牆身範圍，繪畫咗櫻花滿開嘅夢幻場景！跟據Menu講解，櫻花畫牆係由芬蘭畫家Ritta Kuisma親手繪畫，主要係想客人食飯時，視覺與味覺都可以得到充分享受。​坐喺度靜靜咁食飯，彷彿置身春日庭園般寫意，加上復古吊燈、四角突起大窗、湖水綠窗框、深啡色磚牆......濃厚歐陸風情，一切都好似為女生度身訂造般，教人如何抗拒？▲ 櫻花牆、圓木餐桌、湖水綠窗框、復古吊燈…集合女生最愛嘅打卡元素。▲ 好靚嘅英式復古吊燈，忍唔住不停影相呢！▲ 餐廳另一側，邊過窗子賞街景，感覺好寫意。▲作為地舖，Delicious Eatery環境都算幾闊落。▲Delicious Eatery主要食西餐、輕食為主，價錢合理。講返食，今次我就跟朋友試Delicious Eatery嘅下午茶～價錢都係由HK$48至HK$108左右，包一杯飲品（加特飲半價），說實在，咁嘅食物量及價位，以Cafe嚟講都幾CP值高。▲美式牛

呢間餐廳嘅位置真係無得頂，靜中帶旺，所謂嘅何文田其實過兩條街就係波鞋街，交通方便，又唔會好多人。門囗係歐陸色嘅設計🌟，落地玻璃，光線充足，高樓底，門口有少少植物點綴一下，係令人忘憂嘅感覺😍。點咗個牛角酥走醬，只需HKD48, 加配mocha 只需HKD10, 呢個地段嚟講價錢幾親民。🥐牛角包有菜，火腿，蕃茄同芝士，咬落去牛角酥微脆偏油，蕃茄都新鮮，不過菜就唔似今朝到，酥嚟講層次都麻麻。mocha 好大杯，不過唔太香😅。總括一句野食真係好一般，不過環境幾好，定價又唔高，所以性價比係高嘅😅

門口的玻璃門窗吸引了進餐廳陽光好充足，令環境很舒服。餐廳的餐點得很有趣本來打算點泡飯的但是西式餐廳的泡飯怎樣想都很奇怪。然後問了店員店員很有禮貌的回覆餐廳的泡飯是有點中式所以最後沒有點點了店員推介的卡邦尼意粉他們家的意粉口感很好軟硬度非常到位味道方面很好吃，但是如果可以淡一點會更好吃因煙肉的味道本來是咸的。加上天氣太熱了不適合味道過咸。羅勒青醬雞肉意粉味道還可以意粉的面條煮得好出色

返工日日食嚟食去都係嗰啲，今日行出少少見到呢間餐廳好似幾吸引，叫咗個意大利黑醋什菌意粉🤤🤤🤤估唔到個意粉又幾好味😘唔覺得肥膩加上今日想食素所以啱晒我口味👍🏼另外加咗個黑松露雜菌忌廉湯🤤痴線個忌廉湯啲黑松露多到杰㗎🤭🤭個小法包仲非常之熱非常之脆🤤環境都幾舒適

喺屋企附近嘅一間餐廳，經過但從未幫襯過，卒之試咗，如果喺呢一區嚟講，比較少好似呢間坐得都ok闊落嘅西餐廳。平日十二點幾唔算多人，入到去侍應態度都好好。點咗拿破崙海鮮意粉 $98，點咗差唔多20-25分鐘先上枱，算幾慢。分量其實唔大，男仔食就半飽啦，海鮮ok啦，但係個汁超級普通，仲好似無乜味咁，我為有落勁多Tabasco。另外我哋仲叫咗羅勒青醬雞肉意粉 $88, 都係咁上下，賣相ok但係超普通又淡味。唔飽，再叫咗個夏威夷薄餅 $98，薄底焗得一般脆，pizza底似餅乾，有d怪怪。綜合嚟講，如果路經搵地方飲杯嘢都ok嘅，如果係坐底食嘢就唔會有下次啦。

今日到梭椏道一帶找找新食店， 被這家食店外觀吸引進店， 我倆點選了公司三文治、黑豚拉麵、凍檸茶、抹茶紅豆Latte. 食店環境及服務員態度都合格。但食品及飲品完全不能接受。 先上桌的是兩杯飲品， latte完全是沒味道， 冰令到味道更啖， 未飲過如此難飲的， 而凍檸茶的茶底完全沒用過心機調配，相信只是一種紅茶在內。而食品方面， 那些所謂黑豚完全絕對不相信是黑豚， 一陣豬羶味不在講，烹調過種與拉麵一起烚熟， 變得又韌又難食。公司三文治的包是有烘底， 但係烘了很久的包。食店的老闆或負責人看到， 如果你沒心繼續經營考慮早點歸隱園吧。 若有心經營，請不要再給食客劣質食品。

間餐廳對女士嘅服務態度超差，如果你係男士就不一樣了！如果你係男士餐廳就會比水你飲，女士就唔會比！呢間餐廳係咪應該有一個收費標準？即係水係要收費定係唔使？理單嘅時候就咁抌本野比你，超級冇禮貌，唔使再幫襯。找錢嘅時候一啲禮貌都冇。其實呢個世代都已經男女平等，唔明點解個女侍應會咁樣！