Domon 居酒屋 (淘大商場3期) (已結業)

2023.02.22 lunch呢個lunch走咗過淘大食，揀咗呢間，記得以前食過都幾ok 嘅，今次再嚟，個 feel 係裝修舊咗啲，都算多嘢揀，仲係有員工優惠😃 所以今餐都好抵食，不過呢度本身都有幾個定食都係幾平！我哋揀咗一個牛一個豚，之前問咗係咪肥牛先，我哋好怕係肥牛，因為有啲真係好肥㗎🫣 女友嘅濃厚醬燒牛肉定食先到，只係$58，都好好樣，味道正常，但都幾油，同埋依家個飯好似唔係日本米🤨 不過咁嘅價錢，絕對唔會太多要求😅 況且味道都好正常，又有小前茶+麵豉湯，免費熱茶，仲想點😏到我個泡菜炒黑豚肉定食，$62，價錢都係好實惠，仲幾好味添，可能泡菜關係啦😁。我哋有折扣仲抵食！應該間唔中會嚟😁😁

下午茶時段點左豬軟骨拉麵，追加左幾款小食：紫芋甘栗餅/唐揚雞/山葵手羽，飲品點左熱朱古力拿鐵首先上枱係熱朱古力拿鐵，完全飲唔出咖啡味，味道只係普通朱古力粉沖水🥱豬軟骨拉麵只係微暖，我未食過唔熱嘅拉麵，塊义燒同豬軟骨係凍嘅，嗰半隻溫泉蛋賣相好醜，湯底亦只係味精湯質素唐揚雞同山葵手羽喺同一個味，溫度亦係微暖～手羽完全食唔到山葵味道，分別只係手羽加咗啲稀釋咗嘅沙律醬唯一覺得好食就係紫芋甘栗餅服務方面亦令我難受，店員唔知係咪趕落場，當我朋友食完碗麵，一放底筷子～店員就衝上前問我哋仲要唔要？之後極速收晒D餐具，但當時仲有小食未食完，但我朋友嘅筷子已經被收，感覺莫名其妙

燒鯖魚定食 $45+1******************************又黎飯堂Domon覓食😂以前次次黎食都係食壽喜燒今次換下新口味燒鯖魚嘅皮好脆😍一啲魚腥味都冇鹽燒嘅鹹味非常好送飯🤤下午茶定食真係好抵食有湯有中華沙律有飲品😍同午餐嘅份量相差無幾😂😂😂------------------------------朋友仔就點左拉麵上枱嘅時候冇我嘅定食吸引😗朋友仔話拉麵湯底唔鹹中規中矩啦🤭

🌟＃淘大商場分店🌟#抵食下午茶＃下午茶去到5點半其實好少行九龍灣 淘大呢一區再黎到呢度 發現有好多唔同野食見到星期六5點左右仲有下午茶 梗係要試下啦！🤪🌼豬軟骨叉燒拉麵 ＄48-豬骨湯底-豬軟骨夠稳 有兩片叉燒- 拉麵彈牙- 不過不失🌼山椒慢煮牛肉拉麵＄46-拉麵一到 就俾個香味吸引左-少辣湯底 一陣陣辣椒味 🫣-大大舊炆得好稳好入味ge 牛肉 但唔會好鹹好好味 👍🏻❣️跟下午茶餐配 熱即磨咖啡/熱柚子茶 或者其他飲品加埋一 $100 左右幾有興趣試下晚餐😉🤗#香港美食 #hkfood＃九龍灣美食＃淘大美食#kowloonbayfood #拉麵＃下午茶#山椒慢煮牛肉拉麵 #hkfoodie #foodiehk #foodielife

去淘大光顧 Domon, 這店食物質素一直都不錯，但遇上一位短髮女服務員，溝通能力差，她沒有跟我們確認落單食物，我們睇單發現了她落錯單，當時食物未上枱，所以要求她更改，但她用強硬態度要求我們照要佢落錯單的食物，她態度很差，之後在經理批准下換了食物，她將食物放上枱時態度悔氣。外出用膳本來是開心事，但遇著這種水準低態度差的服務員，令人心情都變差！

2022年8月30日晚上9時30分一家三口去食個麵，叫了2個特盛牛油义燒拉麵1個豚軟骨拉麵，由叫到5分鐘上菜，同餐牌都有9成似，但湯是徵暖其他是凍，一個味精合成湯徵暖問題便出來了，得一味就是鹹，除了鹹味無其他，豚軟骨硬的因為未加熱，牛油义燒拉先是精髓，由食至食完都未溶 應該用了國產不溶牛油。下次會不會再光顧，………………………………………………………………………………去第二間吧

豬軟骨拉麵-味噌 $78：豬軟骨清甜，唔似味精湯，豬軟骨份量多，拉麵彈牙。山椒黑豚拉麵-辛味噌 $88：辛味湯底香辣，山椒黑豚份量多，拉麵彈牙。黑松露牛拖羅卷 $98：勁好食！！帶有煙燻香嘅大片牛拖羅，配上惹味黑松露、玉子香甜、青瓜爽口！！炸北海道魷魚鬚 $45：薄薄嘅粉漿炸得香脆，魷魚鬚比較幼身，易咬又彈牙！！炸雞軟骨粒 $38：香脆有咬口、配上檸檬汁、蛋黃醬，中和番油膩感！！巨峰提子果酒 $38：酒味唔濃，似一般果汁！

.每次行過淘大都同老公講下次不如入去呢間居酒屋試下呀，講左幾年依家先去食😆廣島吉列蠔定食 ($78)吉列蠔有五大隻，炸得好脆，食落索索聲，蠔唔鯹都ok，味噌湯到足料幾好飲既，配菜有中華沙律。黑豚肉泡菜鍋 ($108)豚肉份量ok，比較厚切，食落有豚肉味，肉質都嫩，煮耐左都唔會好鞋。成煲都有好多娃娃菜、泡菜、豆腐、冬菇、金菇、蘿蔔，大量蔬菜好健康。湯底都有啲泡菜味，少少辣，最後飲兩啖覺得有啲甜甜地🤣極上火炙鰻魚卷 ($98)有六大舊鰻魚卷，卷入面有青瓜同蛋，鰻魚都幾好食，幾厚切既，味道正常，一定唔係似食膠個款咁😆呢間既裝潢都幾似日本既居酒屋，大部分都係梳化座，幾舒服既。啲阿姐阿叔態度幾好，有禮貌👍🏼食物既味道同質素整體黎講都ok既，唔係好有驚喜但都唔差，呢到飲啤酒有discount 有時有買一送一，幾抵！.味道 ★ ★ ★ ☆ ☆環境 ★ ★ ★ ★ ☆服務 ★ ★ ★ ★ ☆性價比★ ★ ★ ★ ☆

2022-06-17同朋友行過淘大個邊☺️朋友強力推介札幌居洒屋🥃下午茶時段，朋友點了野菌炒豚肉定食🐖豚肉定食正正常常，39蚊有湯有杯凍，算係咁啦😅我點個吉列豬扒定食，45蚊真係經典之作🤣我等咗20分鐘，我朋友個定食都就食完😅我點個吉列豬扒定食仲未見人👀同店員反映，之後過了幾分鐘就出現了🤩期待了20分鐘嘅定食，四嚿吉列豬，炸到縮咗水，個吓我都呆一呆，炸到嚿豬扒黑哂既😮😯食咗嚿，我放棄了🤣🤣🤣加了12蚊凍朱古力拿鐵🍫依杯朱古力，算係餐廳比較好嘅作品☺️整體環境坐得幾舒服，服務同食物都幾差吓，淘大個頭有好多餐廳選擇，依間真係要諗清楚🤣#札幌居洒屋#野菌炒豚肉定食#吉列豬扒定食#凍朱古力拿鐵

朋友仔生日，大家都好耐冇食過日本嘢， 決定去呢間居酒屋試吓。喺門口等咗大約5分鐘都冇侍應幫忙帶位， 已經扣咗啲印象分。👆🏻雞蛋牛油果沙律 雞蛋同牛油果呢個組合唔錯，感覺清新，配搭少量蟹子，味道OK。👆🏻雞泡魚乾味道偏鹹，食落口感似魷魚絲多啲。👆🏻炸魷魚鬚味道都係偏鹹，炸粉厚咗啲，唔多脆身。👆🏻炸雞 侍應送上枱時10分熱，係新鮮炸起嘅，但唔算太juicy，味道不過不失。👆🏻炸吉列豬扒除咗炸粉唔夠脆，食到嗰種肉味感覺唔太新鮮，唔建議嗌呢個。成餐飯感覺麻麻地，除咗食物質素一般，侍應嘅服務都唔太好。餸菜上枱時，侍應要求我哋幫忙移開枱面上嘅碗碟係可以理解嘅，但係語氣態度就唔太禮貌呢，如果冇乜特別就唔會再幫襯了☹️。

九龍灣的日式居酒屋格局和佈置也充滿日本的味道極上牛小排壽喜鍋$128用上安格斯牛切成薄片壽喜湯底很甜適合拌飯配菜有娃娃菜、豆腐、金菇等附上生雞蛋可以自由控制生熟程度加$20可追加白飯、沙律、味噌湯豬軟骨拉麵$78有木耳和蔥等配菜，豬軟骨偏硬，流心蛋熟了些，味噌湯比較咸

一早起身落街搵野食，見佢門面裝修幾好，就入去試下佢個早餐，點知中伏門面望落好日系，入到去坐低就揀食咩，最後決定試下日式的慢煮叉燒玉子拉麵$35，另外仲加配牛乳炒蛋同原土多士$13，一杯凍咖啡加3蚊。炒蛋同多士就冇乜特別，炒蛋炒得幾好，半流心獸不過拉麵就出哂事，湯底完全無味（利申本人冇中過肺炎），真係留係屋企煮個出前一丁仲開心叉燒啲肉好難，唔明點解拉面會有三色豆😂最後食唔哂碗面就走左，呢間野唔會再翻轉頭食😂😂

因為donki開幕，因此再次到，路過見到有新產品推出，連飲品只係$88，而且有本人最喜愛的蝦仔，所以決定一試。等待約10分鐘，飲品及拉麵到齊，而飲品可選擇巨峰或紅菜頭百香果梳打特飲，本人選擇了最安全的巨峰蘆薈梳打，甜度剛剛好，很有提子味。拉麵樣貌跟宣傳圖中近乎一樣，外貌非常美觀，特別是喜歡已開邊的蝦仔，非常可愛可見師傅頗有心機，只看外表已非常吸引。蝦仔有特別驚喜，是先經過拉油炸過，所以完全可以連蝦殼一齊食！湯底帶有海鮮甜味，而且麵上鋪滿經過炒香的椰菜等蔬菜，令整碗麵及湯底更有炒過等香味，滿滿炒香的蔬菜更接近日本本地拉麵，完全令人回憶起日本曾食過的拉麵叉燒跟平時的叉燒味道完全不同，味道更香更濃！相比跟其他非常出名的拉麵店不相伯仲！此新拉麵甚具驚喜，水準非常之高，以$88連特飲，相比其他拉麵店接近百元的價錢，實在非常物超所值！完全絕對可再一試！

下午茶套餐連星期六日都同價，$50唔使，真係好難得，慢煮叉燒拉麵(鹽味) $39拉麵份量都唔算少，今次這個鹽味的味道較淡，加點七味粉就PERFECT!野菌炒豚肉定食 $39定食份量就好足夠！飯都大大碗，仲有配埋麵豉湯同海帶前菜！咖喱牛舌飯定食 $45正常的日式咖喱味道，不會辣，但有濃濃的咖喱味。牛舌都幾有彈性。日本紫芋甘粟餅 $25吉列壕(2隻) $18加配小食的價錢反而不算平，但兩樣都好食，炸得脆而不膩！每個餐仲配飲品，推介芒果汁，大大杯，又好味！

一直都有留意呢一間餐廳，因為佢嘅裝修裝修得好靚，真係一間居酒屋咁樣。佢係因為佢嘅裝修，所以令到我都覺得佢會好貴，一直都冇去試。但咁啱有日我見到佢外賣自取又平，所以我就買咗嚟試吓。🤩🤩😎------------------------------佢外賣自取有個Menu，嗰個Menu嘅嘢食都會有折。我就嗌咗泡菜豚肉便當我屋企人就嗌咗唐揚雞便當。而個便當都有附送麵豉湯。------------------------------個泡菜豚肉便當啲泡菜唔係啲會甜嘅泡菜，而係會有啲酸酸地辣辣地，係我鍾意食嘅泡菜。而啲豚肉肥瘦啱啱好，亦都唔會好鞋！🤤------------------------------唐揚雞便當就中等，炸得好脆，調味都啱啱好，唔會話太鹹或者太淡！😋