FAT COFFEE WITH

营业中

休息中

【尖沙咀】Fat Coffee With - Iced Vanilla Latte ($50).藏匿於一眾護膚品牌入面，喺海港城嘅Facesss入面有一間與眾不同嘅店舖，售買同周圍環境唔同嘅產品。呢間店就係喺Facesss賣咖啡產品嘅Fat Coffee With。.雖然店舖吉祥物真係一個肥仔，但Fat唔係指肥，而係指「發」，因為個肥仔叫發仔。至於佢點解雙手會舉行，係因為啲咖啡好好飲，好飲到舉起雙手。因為Ball鍾意甜味重嘅咖啡，所以今次就試左佢地嘅Iced Vanilla Latte。雖然加左雲呢拿同牛奶，但第一啖都飲到濃濃嘅咖啡甘香，無俾雲呢拿嘅甜味覆蓋。飲完之後喺口腔到仲殘留咖啡嘅餘香同回甘味，值得大家一試。.如果大家都係咖啡控，可以去Facesss搵呢間Fat Coffee With試下啲咖啡。除左咖啡之外，佢地就有賣咖啡豆同咖啡周邊嘅產品。大家經過可以去睇睇，仲可以周發仔打個卡。