FREE HOUSE Bar and Cafe (已搬遷) 新店位置

必須讚一下！好多年前剛開張時去過二三次，記得那時播卡拉ok歌，好多梳化座得舒服，比較悶但傾計一流，幾年後再訪完全不一樣！氣氛一流！播懷舊英文歌啱晒我地聽😂員工快手快腳！價錢仲要平過P字頭bar！有snooker可惜手傷了冇打，唯一唔好係冷氣好像雪房，我們食飯時已經飲了5支大啤，再去bar叫左3set飲唔晒，存酒只可存一星期小左DD

今時今日要係大埔搵間卡拉OK真係唔易搵到, 但估唔到 FREE HOUSE 既VIP房入面可以唱K, 房出面仲有得篤波同好多野玩, 岩哂一大班朋友 gathering, 我地開埋支 Macallan 12 收費仲平過出面既卡拉OK, 真係好抵玩   最好係唱完K後, FREE HOUSE 樓下就係的士站直接返屋企   好過出尖沙咀後好難搵的士返大埔 

經過附近見到樓上有酒吧開到4點就諗住上去坐一陣上到去冇乜人 本來想嗌野食選擇唔多 煙三文魚打左做煙肉三文魚(wtf???)感覺mk同求9其叫左兩杯lime soda野飲到左5分鐘就俾張單我地lolllll先11點幾就好似趕客走咁兩杯lime soda $150 lolll高級少少既餐廳都未飲過咁貴既lime soda仲要唔係真lime juice😀而原因係menu冇lime soda所以收我地gin tonic價錢👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻係大埔飲野都係去返noc noc或者the right place算

我其實差唔多一個月都有嚟一次，都算常客掛？今次終於的起心肝，寫個食評。之前餐牌都有影過，發現佢哋整咗新餐牌，upload埋先！上2個星期我地一行人book咗房唱k，好正好多歌喎！大埔嚟講算係非常唔錯！叫咗dd小食，有pizza，有雞翼，有薯條。pizza好香，海鮮pizza餅底係脆嘅！雞翼就幾入味，不過有一隻就骨長d形狀怪d，哈哈，好味就得啦！薯條幾大條，唔似m記果隻幼條，但都好好味！waiter waitress 好靚仔靚女呀，服務幾好～心心眼～

上星期入大埔搵朋友，一齊飲嘢吹水，試咗依間，近大埔墟，可以喺火車站行過去。要搭𨋢上一層，唔使行樓梯就good。環境好正，梳化幾靚幾舒服。多嘢玩，睇波篤波掟鏢玩game都有，其中一樣引人注目的就是Beer Pong，掟乒乓波，好多後生仔女都鍾意。（講到自己好老？）叫咗生啤，draft來來去去都係咁，夠凍夠泡，唔錯。試咗pizza，巴馬火腿果隻正，幾個人爭食！服務係一流，靚妹妹仔好主動serve，好笑容。氣氛：10/10 好多電視，好多嘢玩，適合大班人（見到有間房可以唱k）價錢：8/10 一分錢一分貨，靚裝正經場，啤酒比附近貴幾蚊，合理食物：8/10 小食選擇多，但冇咩主菜環境：10/10 裝修靚，顧客斯文服務：10/10 週到。男女侍應同客都有傾有講一班朋友都話會再嚟，值得推薦

第一次黎原來係新開無耐初頭以為係淨係飲酒既地方上到去 見到有勁多野玩有桌球,ps4車game,PONGConnect,仲有張圖形既台(今日無時間去了解係點玩)可以話係係大埔 有尖沙咀既享受對於我黎講 坐得舒服係好重要服務態度好好 Order左自己最中意既卡邦尼意粉，煙三魚白汁意粉，同黑松露雜菌燴飯特別要讚係個卡邦尼意粉個汁岩岩好 唔會太濕又唔會太杰同埋佢仲有set餐 係包龍蝦湯同沙律都係百幾蚊 我食唔曬下一次一定再幫襯好想試佢個pizza見隔離枱個個pizza勁重料

呢次係我一次係 OpenRice 留言，因為實在不得不能分享下我既喜悅。話說近排約左想朋友出黎Happy Hour 同食野，打算relax下... 同朋友行到去88廣場附近，聞到好香既香薰味，然後就發現一間新開既餐廳酒吧，膽粗粗咁走上去睇一睇。上到2/F，見到間Bar裝修得好靚好高級咁，就同朋友搵左張枱坐底，佢地有梳化同高枱，我地就搵左張高枱坐低左， 因為近D門口，打算間吧唔惦就方便走人 一坐低服務員就俾本電子餐牌，雖然都要搵人落單，但總比攞住本又厚又重既餐牌方便得多。五花八門既酒都有得選擇, 但最後我都係選左我鍾情既1664 叫左野飲後，望左個場一陣，就發現除左有鏢機同波篤既基本野外，居然有PlayStation玩，仲有D好多不知名既遊戲玩；二話不說，我地當然玩下架 PlayStation 啦；打完一兩鋪 PlayStation，又有少少肚餓, 經過服務員既推介, 我地叫左D小食 - 煙三文魚同串燒，估唔到D野食咁有水準。當然見到咁多新奇既遊戲，我地又點會唔試下，開始時，我地乜都唔識玩，但服務員都有耐心咁教我地點去玩。 我地仲撩隔離其他客一齊玩，呢間餐廳酒吧, 有得飲, 又有得, 仲