Frozen Yogurt Drool

营业中

休息中

之前幫襯過一次，都係求其叫咗個味，今次叫咗抹茶園，乳酪唔夠酸味⋯ menu一望未係好知點樣叫，所以都係揀preset咗嘅味道⋯ 抹茶園抹茶味唔夠，食到底底有幾粒我完全唔鍾意嘅藍莓，配搭好奇怪，應該會係紅豆吧😥⋯最大打折扣嘅一點係⋯ 店鋪幾乎無位可以食⋯ 出面車來車往沙塵滾滾根本唔會想係出面食⋯ 想影張相打卡都難⋯ 趁人唔多，又驚之後有人⋯ 好趕地在店入面食⋯ 下次想再幫襯都真係要再諗諗⋯ 😶‍🌫️😶‍🌫️

今日同朋友喺尖沙咀食完飯，夜晚黑口痕想食甜品。喺凍凍地嘅天氣下搵到呢間好多人排隊嘅frozen yogurt店，入面可以自選醬汁和配料。我揀咗最細杯，朋友揀咗大杯，最經典嘅朱古力組合，係店家配搭好的。我就自選，咁啱見到佢有新嘅醬汁，係開心果醬汁，即刻無懸念揀咗開心果醬汁。 配上honeycomb 同 抹茶麻薯，簡直完美！ 個honeycomb我真係好鍾意，如果鍾意焦糖脆脆嘅朋友一定要試下。我見呢間舖大人小朋友都排隊，店家都好有心機去整靚背貨嘅frozen yogurt，咁有心機嘅小店，希望可以繼續做落去。 下次再經過尖沙咀， 再嚟試下其他口味！

轉左手之後態度極差😓黑面發脾氣都算，我食杯雪糕都費事理你啱啱呢次佢自己撳錯掣寫錯topping，所以佢同事照樣整就錯左我唔想嘥就同佢講算啦我照要，竟然連一句sorry都冇，繼續一如以往嘅黑面😑味道係唔錯，如果唔係搬左去港島咁遠我真係唔會再幫襯

CP值勁高‼️50幾蚊大大杯‼️你可以自由配搭亦都可以買店家幫你set好的🙂‍↕️今次試咗一個Tiramisu味，有塊手指、朱古力粉同咖啡蛋白餅，但yogurt朱古力唔太夾，建議試其他味另外自己配搭咗一個熱情果醬加抹茶凍，好fresh好清新😋好食

喺尖沙咀食完飯，經過間好靚嘅甜品鋪，行入去睇原來係主打乳酪雪糕🍦舖面細細，就冇得堂食啦。除左推薦個幾款set好左嘅味道，大家都可以跟返自己口味DIY唔同嘅味道。😋我地呢次就試左「咖啡控」（$56）價錢方面都中規中矩，話曬都開喺尖沙咀，而味道亦對得起呢個價錢！我地呢杯由低到頂都有唔同嘅配料，啖啖都有小驚喜。面頭首先有塊焦糖餅乾同咖啡蛋白霜糖，雪糕入面就收埋左啲脆脆，食到最低仲有咖啡奶凍。私心大推咖啡奶凍！鐘意咖啡味嘅真係必食！兩個女仔嚟食嘅話，share一個大size都已經好滿足😌唔想煩或者有選擇困難症嘅人，一定要試下佢推薦嘅個幾款！宜家仲做埋學生優惠，出示學生證可以減$5！喺附近返學嘅學生得閒真係要去試下！

呢間店舖主打乳酪雪糕，乳酪雪糕主要成份只有北海道3.6牛乳🐄同埋希臘低脂乳酪。乳酪相比起雪糕健康，真係啱晒我呢啲減肥人士！佢哋有好多各式各樣的topping可以揀，對於我呢個有選擇困難症嘅人，最後決定叫咗杯已經配搭好嘅～🍵抹茶園✨乳酪不會太酸太甜，入口好軟滑，抹茶醬唔苦澀，和乳酪完美地融合！蝴蝶酥牛油味好重，口感勁脆。中間果層仲有新鮮藍莓🫐藍莓完全唔酸～最愛mochi 質感煙韌，咬落去QQ💯成杯個配搭都勁Fresh 睇得又食得的🥰抹茶控一定唔好錯過呀～賣相靚靚打卡一流💚🫶🏻📍Frozen Yogurt Drool (尖沙咀)尖沙咀柯士甸道144號地下D號舖

─ ⊹ ⊱ what we had ⊰ ⊹ ─ᡣ𐭩 matcha garden - 4.5 / 5 $56toppings: 大大粒藍莓 抹茶麻糬 蝴蝶酥 抹茶牛乳醬Froyo 由北海道3.6牛乳同希臘乳酪混合而成 所以比一般froyo奶味更出 質地更Creamy (啱晒一啲唔鍾意太酸嘅froyo嘅朋友!) matcha garden有驚喜！抹茶牛乳醬甘甜 (not死甜👍🏻) 抹茶麻糬煙燻 藍莓又甜又大粒🫐─ ⊹ ⊱ tldr ⊰ ⊹ ─好鍾意個froyo嘅淡淡奶香同creamy嘅質地 抹茶亦唔會好甜 toppings 選擇多+足料👍🏻味道: 4.5 / 5價錢: < $ 100 pp服務: 3.5 / 5 環境: 3.5 / 5cp value: 4.5 / 5re-visit: yes!!

揀咗個自選杯，盛惠$63，配料方面就揀咗藍莓、麻糬同埋草莓凍乾。作為乳酪雪糕控，真係幾乎食勻晒全香港所有嘅乳酪雪糕，呢一間嘅奶香可以話係最濃郁，口感都相當滑溜，唔會有冰感。而我覺得佢嘅酸甜度平衡得好好，都可以稱為出色。酥皮筒都好得意，搭配乳酪雪糕出奇地夾，而且又唔會有好大罪惡感。配料麻糬都真係推薦之選，相當煙靭。而醬料方面我就試咗佢嘅隱藏醬，桃酒嘅感覺相當清新。但係唯一美中不足就係我覺得個份量相對上比較細杯啲，如果大杯啲嘅話會開心好多。

Located in Tsim Sha Tsui, Drool is a cute little aesthetic Froyo place that is perfect for Froyo lovers! Recently visited Drool and was really impressed by it!🍨😍Drool Froyo is perfect for frozen yogurt lovers! I Highly recommend this place to everyone, it’s one of the must-try desserts in Hong Kong, especially if you’re visiting Hong Kong soon!🍨💗

❤️今日帶大家嚟，我已經book mark咗好耐嘅乳酪雪糕舖頭！ 大家知唔知道乳酪雪糕同普通雪糕有咩分別呢？其實乳酪雪糕係由較為健康嘅乳酪製成，就算係咁食都唔會有負擔㗎！啱晒我哋呢班久坐不運動嘅港女，夏天又有健康冇負擔嘅甜品食l u！呢度嘅乳酪雪糕，除咗有自由配搭之外，仲有店員精心配搭好嘅口味可以選擇！例如有抹茶🍵，咖啡☕️，朱古力🍫，冧酒提子🍇等等！啱晒選擇困難症！另外呢度仲可以另加配料大部份都係$5咋！。抹茶園 $56作為茶味愛好者梗係要試吓佢哋嘅抹茶口味，呢一杯以乳酪雪糕為基底，加上美味嘅自家抹茶奶醬，仲有Q Q彈彈嘅抹茶麻糬，藍莓等等。我哋呢班大胃王仲特登加咗蓮花焦糖餅乾，同埋脆卜卜嘅咖啡蛋白糖，真係超級好食！抹茶味道非常濃郁，而且佢唔會非常甜，夏天清清爽爽黎一杯真係好開心！。自由配搭自由配搭分幾個層次，最平有$48包一個配料同埋一個醬汁！如果唔夠食，仲可以揀第二個Level，$56包三款Topping一個醬汁！我哋呢班大胃王梗係揀最高配！揀咗$58有酥皮筒包兩款配料同一個醬汁！呢度嘅酥皮好出名㗎，外型好似雪糕筒，但係佢係用酥皮製成非常酥脆，我真係好鍾意呢個口感啊！配料我試咗佢哋推

好吃的乳酪雪糕，两个贪吃姐妹，会来买雪糕看到店家的用心选材料，吃的很放心👍味道也超好吃的，对于喜欢吃雪糕又怕长肉肉的小可爱来说，当然选择乳酪雪糕啦，坐在店外面，看着行人走来走去，手里拿着杯雪糕，喜欢停下来看着天空的这份感觉🥰

食飽必定要食個飯後甜品，被美美的門面吸引咗入去！小店係用低脂希臘乳酪+北海道3.6牛乳製作，即刻無咁guilty！而且環境乾淨企理，內外都有打卡位～除咗指定款式亦可以自選配搭！Yogurt味道唔會太甜或太酸，口感軟滑～Yogurt塔整得好工整好靚！揀咗Tiramisu同自選酥皮筒：揀咗抹茶牛乳Topping、抹茶麻薯、抹茶奶凍再加杏仁脆脆，成品亦好靚好打卡！⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8.5/10服務： 8/10環境： 8/10打卡： 9/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾喜歡呢個分享可以俾個”心心”支持一下( ´͈ ᗨ `͈ )◞‎♡⃛⋯⋯⋯⋯⋯⋯⋯⋯⋯⋯⋯⋯⋯⋯⋯⋯

曾經乳酪雪糕店在香港開得成行成市，想當年中學時期放學後經常會買一杯品嘗，「Tutti Frutti」、「Crumbs」、「llaollao.」等耳熟能詳的品牌大都已經結業，碩果僅存的「Yo Mama」分店亦已經日朘月削。近年乳酪雪糕風潮終於捲土重來，當中最引人注目的定必要數位於尖沙咀及佐敦交界的本地小店「Drool」，除了「抹茶園」、「朱古力3.0」、「提拉米蘇」等七款精選乳酪雪糕之外，亦有三十款配料及醬汁自由配搭。Regular Cup ($56) 包括三款配料及一款醬汁，朋友以健康為主題挑選了藍莓、穀物脆片、草莓凍乾及蜂蜜，再額外加配麻糬及杏仁脆片($5/款)，乳酪雪糕主要用北海道3.6牛乳及希臘低脂乳酪製作而成，口感綿密細滑並富奶香，酸度較輕而甜度適中，與我最愛的乳酪雪糕店「Smile」可謂不分軒輊。Meringue Cone ($58) 放上原個酥皮筒，從網上得知原來出自灣仔老字號「快樂餅店」，而懷舊奶油筒正正是其招牌之作，棄掉原有的奶油餡料，配上乳酪雪糕感覺煥然一新，酥皮筒鬆脆分明但不如牛角包般酥鬆細碎，質感介乎於酥皮與唐餅餅皮之間，另外亦包括兩款配料及一款醬汁，除了杏仁脆片

'夜晚同朋友食完飯就行左陣，經過呢間yogurt，見咁多人排隊都想試下有幾好食～＊首先係超級多配料可以揀，我地已經邊排邊諗 就黎到都仲未諗到(遲早有一日選擇困難可能會害左我哈哈)最後我揀左最安全既麻薯芒果同蜜糖，俾完錢好快就有 唔好俾門口Ｄ人嚇親～可能當日都真係幾熱，杯Yogurt好快開始溶 但都係趕唔上我啪入口既節奏😂打基本牌點都唔會錯架啦～另外麻薯好煙韌 經開會再食。📍Drool尖沙咀柯士甸道144號地下D號舖

- 尖沙咀｜Frozen Yogurt Drool -▪️自選🍦叫咗一杯自選froyo，首先base要咗酥皮筒，可以配一款醬汁同兩款配料，亦都可以額外再加更多配料。醬汁揀咗熱情果醬(清新)，配料就揀咗啖啖肉芒果🥭、咖啡蛋白霜糖☕️、脆卜卜焦糖脆脆、萬人迷布朗尼🍫。Froyo用上北海道3.6牛乳🥛同低脂希臘乳酪，入口軟滑，奶香同乳酪嘅酸味好平衡，唔會太甜。熱情果醬同芒果酸酸哋，非常fresh，咖啡蛋白霜糖同脆卜卜焦糖脆脆都好脆口，增加口感，而布朗尼朱古力味道香濃▪️抹茶園🍵呢度亦都有啲預先set好嘅配搭，揀咗杯抹茶園，包括抹茶牛乳醬、大大粒藍莓🫐、蝴蝶酥，同埋抹茶麻糬，另外仲加咗停唔到口杏仁脆片同抹茶奶凍。抹茶牛乳醬充滿茶香，仲帶有少少回甘，配埋軟糯嘅抹茶麻糬喙滑溜嘅抹茶奶凍，成個配搭好夾。藍莓酸酸甜甜，增加咗水果嘅清香，而蝴蝶酥同杏仁脆片都好酥脆，口感層次好豐富Frozen Yogurt Drool📍尖沙咀柯士甸道144號地下D號舖