G04

营业中

休息中

因工作關係，連續幾日都在這附近揾食，我對工廠飯堂興趣不大，就决定俾個機會大家。第一日～回鍋腩片飯$49，即係椰菜京蔥炒半肥瘦，個汁幾香口不辣。黑椒三絲炒烏冬$56，食落有黑椒香味，炒得唔油膩，唔錯。雖然價錢唔算貴但餐飲需要另加$4。

·食家·諗喱個應該係荃灣西飯堂雖然門牌簡約，從店外睇真係毫不起眼但估唔到menu係咁高質架以為menu嘅圖片只供參考，你就大錯特錯喇🙅🏻‍♀️相似度都有95%👍🏻食物真係色香味俱全，睇得又食得😋-#蒲燒鰻魚便當鰻魚好淋好滑，sauce好夠，可以餸哂成個飯小食炸燒賣😍😋+沙律🥗茶碗蒸完全唔鯹，蛋好滑最正嘅一個point就係中湯、西湯、綠茶任飲👏🏻-一定要再去試埋其他餐，希望下次去唔太多人，會有位喇😂

五顏六色既便當賣相很吸引🍱能增加食慾有菜🥦有肉🥩有蛋🥚有炸燒賣，多款選擇🍴味道唔錯蒸水蛋好滑鰻魚入口即溶，只是份量少了一點三文魚煎得唔錯便當的飯唔多，抵讚的是佢地有個自助Bar，可以免費添飯添湯添水不過職員的態度一般，面無表情，睇倒扮見唔倒，無咩禮貌

好多年前嘗試過尖沙咀分店的冰火菠蘿包以及美孚九巴大廈美孚曼克頓山分店，叫做（又一間）餐廳食物水準一向都可以，整體食物水準唔錯，餐牌選擇都幾多樣化，同美孚分店一樣都可以有一個自助，茶水白飯同埋餐湯可以無限添飲，叫了個石斑飯質素都唔錯，價錢喺荃灣嚟講適中，餐牌其實幾多嘢叫中式炒粉麵，樣樣都有，另外每日都有特價餐牌中午時分，其實大部分店員服務水準都冇問題，可惜當日有一個戴眼鏡比較成熟嘅女店員服務態度都幾差下十問九唔應，當然都要體諒下繁唔繁忙但係我諗其他客戶都參照

G04就是地址來的，以前是茶餐廳，依家改了做便當的，好多款便當，還有每天幾款小炒，同事話中同西湯是任飲的，餐具是自助的，羅宋湯好味喎，好多菜的，原來係冇肉的。幾好味！便當係照燒牛肉，有兩個飯盒，一個是沙律，一個是牛肉飯，有一碗麻醬，一杯蒸蛋！！菜入面有燒賣，西蘭花，椰菜花，幾豐富，牛肉份量也好多，幾淋的，d汁甜甜地好味。蒸蛋都滑的。入面有冬菇絲！

啲店員見到你舉手但扮冇見到 態度仲要極惡劣 未食已經成肚氣救命 食餐飯食到想嘔 有啲生無可戀嘅感覺 嬲第一次寫食評（唔太識寫 請多見諒） 真係唔會再黎食 詳情食評係相入面 真心唔好去食

同朋友食個午餐人流多 台多 等位算快呢到水、綠茶、餐湯、白飯任裝 一個便當🍱餐50蚊 包煙肉炸碎麵包沙律 兩粒燒賣同茶碗蒸雖然唔包飲品 但性價比一流。以同樣水準 在同區黎講 值得推介野味雞便當 飯量充足 相比起 雞就比較細份味道 尚可茶碗蛋蛋滑味濃前菜 凱薩沙律芝士粉 煙肉 炸麵包粒 沙律菜50蚊餐既前菜黎講 合格有凸 睇得出廚師既誠意蒲燒饅魚飯饅魚肥美配以日式酸薑 係有誠意既只係份量較少不過可以飲湯飲飽你等位唔算耐店員落單快手食物也黎得快我認為呢間野值得推介！

經同事帶路，先發掘到呢間餐廳，其實佢招牌都幾唔顯眼，真係經過都唔為意。午飯時間都好多人，我地等左15分鐘先入得。我就點左個三文魚便當比較特別係 會用木盒裝住便當個餐係送埋沙律、胡麻豆腐，都幾豐富胡麻豆腐就冇乜特別，不過個沙律好新鮮。個三文魚唔太肥，脂肪比例岩岩好，送飯食好好味，但如果大塊d會更好，飯量算有點多。跟餐都仲有送個蘑菇蒸蛋，入面得一塊蘑菇，應該係用黎做裝飾，但個蛋好滑，唔會太水。響呢度點餐，係可以任飲湯，呢日就有老火湯同羅宋湯。我飲左羅宋湯，味道冇乜特別，但免費飲都幾好。呢間餐廳仲有埋杏仁霜，其實依家好少茶餐廳有得飲，佢個杏仁霜有少少杏仁味，唔太甜，算普通水準。