Garrett Popcorn (已結業)

上次抹茶限定完全沒買到QAQ 旅行回來後打算再去時已經完了。所以今次一知道又有另一個限定口味就立馬叫我家那位有空去買  最後終於買到了 - 士多啤梨爆谷 ($45/細包裝)包裝好像跟之前買開的不一樣?! 還是已經轉了新包裝?!士多啤梨就是酸酸甜甜的口味~味道清新，要說的話大概是偏酸的。不過由於那層"士多啤梨" 不是沾滿整粒爆谷~所以有一些的爆谷只吃到鹹味而已~另外口感方面 Q___Q 還是比較喜歡焦糖口味那種脆脆的感覺~現在這個太軟身.....好像即買一定要即刻全部吃掉！！（若果跟我一樣喜歡脆的口感但又想試新口味，建議混合焦糖脆脆來買!!?)

我對夏威夷果仁焦糖爆谷，實實在在只溶系口，唔溶系手，同男朋友拍拖行ifc,好自然第一件事就要買popcorn ，其實Garrett popcorn 只有幾款口味，但好食的不用五花百門也有人傾巢瘋擁，今天我只要一包small size$60,雖然貴咗些少，但都值得，因為每一粒也被濃濃的焦糖包著，非常香甜鬆脆，雖然入口較甜，食多會太流，但偶爾作為零食也十分満足由其有果仁的配合更可以滿足我兩種層次口感，大大提升一粒爆谷一粒果仁的口感不需一會兒便食了一半其他popcorn 口味價錢

食咗咁多款爆谷都係Garret Popcorn最好食。最傳統都係杏仁焦糖同芝士味。焦糖味配杏仁即刻將甜味降低，味道好夾，杏仁又香又脆！而芝士味就比較鹹，但就好香濃嘅芝士味，完全無溜。而新出嘅士多啤梨味就帶酸，感覺好清新，仲帶有果味！Garret Popcorn的新口味估唔到有意外嘅驚喜！

上個月中新出期間限定既抹茶味爆谷，每晚去到都售罄。終於搵次下午去，買到啦！細size$45，中size$60，份量相差都多，所以買中size慢慢食。因為佢每粒都有一層焦糖包住，都襟擺，放三四日都未淋。抹茶味唔突出，食落好似無咁甜既焦糖味。不過超級鐘意焦糖味既我，又點會介意呢。

今日同阿妹一齊食呢間嘢的爆谷，阿妹就買左芝加哥風味。包爆谷好似戲院的爆谷;佢有兩隻味，一隻焦糖味﹑另一隻係芝士味:焦糖味質感好脆，外表深啡色;食落去好甜，好重糖味。芝士爆谷係比較似車打芝士，口感比較淋，味道比較濃味，食到芝士的甘香。

終於到放假既日子啦！趁假期去中環買popcorn先, D 人講到咁好味咁， 仲要有期間限定既綠茶味！一定不能錯過。去到已經有7-8人在等，好香爆谷既香甜味道， 終於到我， 買左夏威夷果仁mix 杏仁，仲要多包綠茶味。店員好不友善的樣子，問多少少都似唔耐煩，回家中先食都仲係咁脆卜卜， 夏威夷果仁所佔的不多，杏仁就好多啦，連埋爆谷食，脆上加脆！焦糖味都重，味道偏甜， 可能我鐘意脆得黎又有焦糖味既野吧，所以我覺得好好味。至於綠茶味既都好脆，綠茶既味道又不至於淡，都有回甘的味在口腔內，當零食好正，會不停咁放入口到架。

每次來到ifc 就會心思思想黎買爆谷食。最愛焦糖味夏威夷果仁，但上次食發現夏威夷果仁少左，同埋已經唔係以前每粒爆谷都痴住果仁咁，而變得多左係淨焦糖爆谷。今次買既係新出抹茶味 ，細包45 蚊，比其他味貴。買既時候望到抹茶味既存量係最少架，唔知係咪個個都試新野呢。不過有啲失望，抹茶味不太突出，感覺都係焦糖味為主，抹茶味只有淡淡的。整體食落口都係甜既焦糖味咁。女友嚷著要到對面的店吃乳酪，然後加上抹茶味爆谷作topping .. 新嘗試啊！

每次經過IFC都會心癢癢，好想買返包黎食.. 當然今次亦都唔例外！🍿 夏威夷果仁焦糖脆脆 - Small HK$60今次買左包夏威夷果仁焦糖脆脆，好香焦糖味，但唔會太甜，而且帶點咸味。次次都食到停唔到口！男人會同我爭食，所以Small Size滿足唔到我地！下次要買大包啲先得！ 除左果仁焦糖脆脆，芝士味都好好味架！

次次行過都總會忍不住買一包，明知肥到無朋友，但都係好想食！今次買芝士味，芝士濃郁，打開包裝已經有超濃郁芝士香氣飄出。入口粒粒爽口，食落「卜卜聲」，脆度非常滿意。雖然食完隻手會染上黃色的芝士粉，但無損食慾，又脆又香，下次可以試埋焦糖味！

米仔生日，今日就同佢“出城”離開石屎森林，去愉景灣行下。。。搭船前經過就去買包米仔喜愛爆谷。。試食時，試了芝士 同 焦糖，淺嚐了芝士味道不錯，不過我們都是選了焦糖。。爆谷有五個size選擇，我們選購medium size，打開紙袋後，發現每粒爆谷都爆得圓圓的，大大粒，每個部分的爆谷外圍都沾滿了焦糖，脆卜卜，食完一粒再一粒，完全停不了口。。不過食左之後，就有點罪惡感。。。雖然medium size 要50元，但慢慢食都可以食好耐，下次試下其他味道!

香港聖誕節消費氣氛濃厚，正日行過IFC,可能受身邊小朋友歡笑聲影響，突然間想買包爆谷食吓。呢間專門店喺IFC開咗N年我都未幫襯過，知道好多人買，但要今日緣份到先有我嘅「第一次」。 爆谷有六種口味，以前無留意，原來淨係見到有保溫作用大箱入面嘅爆谷已經流晒口水，而且賣比客人嘅每粒爆谷都開晒，以前喺戲院買爆谷，食到底仲有好多粟米未開，好搵笨，雖然呢度價錢高啲，但我覺得比較均真，粒粒爆谷都唔會嘥，抵讚！ CARAMEL CRISP-MEDIUM $50今次我試咗焦糖味，每粒都完全沾滿焦糖，夠甜夠煙火味，$50一包可謂物超所值！自此，我成為咗FANS

上年食過的Cocoa CaramelCrisp 朱古力味爆谷覺得好好味, 諗住再去買先發現這是期間限定口味, 店員叫我下年12月左右再留意...!  今日終於俾我等到, 我經過發現有得買, 即買!! 一如以往焦糖味的爆谷都是粒粒爆成差不多大細的球狀, 爆谷被黑黑的朱古力焦糖包住, 入口都係粒粒都脆, 咬落粒粒都有濃濃朱古力的香味及焦糖的甜味!! 好好味!!!  我係買最細包裝($45)!! 今年都係期間限定, 想試就襯早!!

前幾次走過IFC，買爆谷回家吃似乎是指定動作。這夜在IFC附近吃完晚飯後，突然想到已有一段時間沒吃過爆谷，於是便決定過來Garrett買返一包來吃~Caramel Crisp (small) $35爆谷最好吃始終是焦糖味，香甜的焦糖包著脆脆的爆谷，那種味覺的滿足實在令人難以忘懷。正因如此，每次買爆谷都是買細Size就好。一來容易肥，二來也是容易肥，三來就是過下口癮就好！Garrett的爆谷保持一貫水準，大大粒的脆脆口感是他們的保證。唯一美中不足是這次因為晚飯吃得太飽，沒有即場先吃幾粒，嗚！

在中環附近，所以特地去了這店一趟因為這家爆谷真的很好吃的啊  怕太細包不夠吃，今次買大了一個尺寸！大包裝的會有一個袋 ^^~這次選的也是Caramel Crisp ($50/Medium)個人來說還是覺得爆谷是甜的才好味！！不過這包內混了幾粒芝士味道的呢 .__. 試了一下又覺得不錯或者下次也可以試下那款口味。焦糖味濃郁的關係，一次也不能吃下太多。另外那份脆口大約能保持到第2天，所以要在這之前盡早食用呢。

在 8月1 日，表弟假中環四季酒店的婚宴入席前，他們兩夫婦特意安排多款茶點給賓客！安排細心又夠體面！ 我從未試過飲宴前有茶點，至多是美X西餅的西餅而已！值得一讚他們的體貼！  絕不待薄賓客！ 由於，我期待飲宴上的美味佳餚，  所以，沒想到入席前要食茶點，況且，下午 4:30 觀禮後已嚐過一些茶點；我純粹影相留個紀念吧！ 恰巧！在 Cupcakes 桌子隔離，喜見來自附近 IFC 爆谷店的 Garrett Popcorn！實在好驚喜！  由酒店侍應把一大桶的爆谷分為小紙杯盛載！方便賓客！ 反正食爆谷不會飽肚，我也忍不住拿了一小紙杯來試！ 雙色爆谷爆谷大大粒！  共有鹹甜兩種口味，先嚐鹹後嚐甜！  各款淺嚐一粒！ 鹹味款式是芝士爆谷，芝味濃郁！口感輕盈！  通常食到的爆谷都是甜的，所以覺得鹹味爆谷是新嚐試幾特別！甜味款式則是焦糖爆谷，表面被焦糖漿包圍，勝在香脆可口！  跟坊間的爆谷分別不大！