Gino's Gelato

营业中

休息中

在店內看到orange & mandarin味雪糕，想先試味再買，禮貌咁問店有冇得試，佢黑口黑面用英文答返"one try". 唔緊要，嗰刻好想食雪糕，而且隻橙味雪糕好fresh，算數。最後點咗三球雪糕，包括試咗味嘅orange & mandarin, chocolate valrhona同hazelnut，雪糕好滑，朱古力加榛子味一齊入口時，味道好似食緊金莎咁.....我哋堂食，地方唔算乾淨，我見到有蟻喺度爬嚟爬去.....食食下，有個外國人入嚟幫襯，用英文問有冇得試，同一店員就態度好好咁用英文答返"yes, sure."，見到咁嘅情況，對本地人同對外國人態度唔同，OK無問題，我以後都唔會再幫襯。

去食雪糕同伙記講試榛子味，佢即話只許試一次，但我試完覺得不像味，要求試Tiramisu ，佢即刻黑面話 last try 比我！試完味道覺得没應有Tiramisu 的味道，還差過榛子，我都勉強揀番榛子，叫佢比singlecup我同要cone 裝，佢個樣好差咁話加$9。我本來都無打算計算幾錢，但佢態度實在太差惡劣 ，我才問佢杯雪糕多少？佢話32蚊價錢跟一般雪糕店差界不多，我照買但唔加錢，因唔想比佢公司賺多，養埋d咁嘅伙記！我其實都想cancel order 唸下要坐低等下個仔才買！ 食完成個雪糕都唔多覺榛子味的的香味且雪糕入口欠香滑似吃少糖的糖水，咁樣味道和售賣法就不值這價錢！我坐低時見個伙記賣雪糕都黑面，無友善態度招待人，店內設有3張小枱子，我坐下時店內沒有客人坐，但d枱無人清潔，不整潔。但如間公司只系比試一款，無得比人比較味道，不如下令叫禁試好過啦！仲訓練埋d咁差態度伙記，真失敗，不會再去

1月5日, 喺赤柱廣場嗰邊食完漢堡同熱狗, 意猶未盡又走過嚟食下雪糕先!::: Vanilla Gelato ::: $32個人認為有質素嘅雲呢拿雪糕一定要有雲呢拿籽~ 而呢度嘅gelato就絕對合格有餘喇! 平時我都比較少食gelato, 因為唔係咁鐘意d太creamy太滑溜嘅雪糕質地… 不過呢個vanilla gelato又唔會喎! Gelato質地滑得嚟帶冰感, 雲呢拿味濃得嚟唔會太甜, 實在係唔錯!平時行街真係好少會見到gino’s gelato… 因為佢只係得兩間分別位於山頂同赤柱嘅分店, 都係位於遊客區~ 所以佢平時都係主力做遊客生意, 不過今日一試, 令平時唔太食gelato嘅我甚有驚喜~ 下次去開赤柱或者山頂玩都會再encore!

好期待! 每次去赤柱也必去Gino's gelato! 還要吃雙球!開心果味比起在其他地方吃的好吃, 甜度適中,不會淹蓋開心果香,而開心果味又不是極濃,清甜而有少量果仁香。開心果粒不會很大, 幼細不會咬至牙軟。龍眼紅棗味則是sorbet 來的, 比gelato 更清香, 比開心果味更甜, 有果肉在內。這兒可選擇的味很多, 見了總想全都試試味!

奇怪，前店一直顯示結業，但顯然一切安好繼續營業，不理太多。本港天氣又濕又熱，晴雨相間，走在赤柱街頭只想要冰品來消暑，Gino's就在廣場前的空地，人流多，走進店內，沒有想過不買，但口味花多眼亂就會想先試試，店主總會大聲嚴肅地說「只能試一次!!」。這保障自已的方法我明白，但語氣往往影響印象，要不真的太熱，我會因她的態度離開，她對每個人都說一次..試過Ginger, Lime and Lychee，薑太重，就要了Lemon Sorbet，第一口極酸，慢慢就適應了，冰凍得來帶點黏黏的，價錢中上，就是態度差一點。

今日下晝冇野做同朋友去左赤柱行街街, 半路口喝,去到赤柱廣場附近, 見到有間白色既店舖幾靚就過去睇下.原來係一間雪糕舖.但係佢唔係一間普通既雪糕舖, 佢係意大利既特色雪糕~佢D雪糕個哥仔話係低乳脂又無用CREAM 整~無平時D雪糕咁肥架~喏晒我~加幾蚊就可以用窩夫裝雪糕但係唔加呢, 可以用酒杯裝~佢有成廿幾種口味~實有一種喏你~我就叫左DOUBLE 球~再+5$用窩夫裝.叫左個2隻特別既味, 個哥仔話係龍眼茶未同羅望果味~羅漢果???唔知呢, 總知2溝幾好食~

食完King Ludwig後好想食雪糕,就捉左傻野買雪糕比我食試左幾隻味之後就決定要桂花味,因為我見唔係好多地方有呢隻味~好香滑,桂花味好重但又唔會好甜~好特別!

A very nice gelato shop. Have nice chairs both outdoors and indoors. They served set tea but we were too full after pig knuckle.Guess not satisfied with the desert in King Ludwig, we ordered two scoop (coconut and tofu) which cost $49. Coconut is really nice. Strong flavor, creamy, thick and not too sweet. I love it very much.Tofu is ok. Flavor is very strong but very sweet too. I guess as a person who can eat very very sweet food could not even stand that. They also serve some special flavor ge

今日去赤柱廣場逛, 無試過呢間雪榚店, 買芒果味, 覺得好普通, 芒果味唔算濃, 亦都幾軟滑, 但就唔值$29一球

真係幾難搵又裝修得幾靚既一間gelato店.........難得佢入面有賣曲奇跟住好奇咁試左兩隻gelatovalhora chocolate(好似串錯)--呢d先叫做朱古力.....俾朱古力打左一鎚strabelly with basil--個色好得意,好似朱古力食落有d似加左辣椒既strabellybtw,又係一間值得去多一次既食店