Grill n More (已結業)

無甚要求，純粹想周日找個lunch buffet吃，找數沒壓力，加上九龍灣有小巴直達大本型總站夠方便。舖面尚算簇新企理，食物款式不多，就照片那兩張都能概括，韓燒生肉都是多見的雞扒、金沙骨、牛肉粒之類，另有魷魚🦑（推介，不靭好嚼口）、豬大腸（燒起來易熟亦夠䭃，醃得剛好），座位多卡座。賣點是吃（hea）三個半小時，吃完回吐再吃時間也綽綽有餘。另有梅酒、清酒，但味皆淡，疑似摻水。大概生意不夠做，向平台邊的門另開角落兼賣外賣幾餸飯。整體來說是平民化buffet，而且大把時間足夠消化👍🏻，不用擔心有逼迫於1個半小時內塞飽胃痛那種感覺。

今日來左油塘搵食，個爐好正，引入無煙設計，而且不痴底，燒烤初哥都搞得點👍🏻值得一提，為左避免乾燒，大家可以係醬料區倒d燒汁，燒的時間斟d, 咁就更juicy服務都好好，我有事改期2次, 員工都冇話我。係店面的員工都好好笑容，之前遇到團購好多店家都會俾番“相應”服務，但呢間唔會，保持到好服務。

呢間韓燒嘅交通都幾方便,一出地鐵站就見到商場嘅電梯;如果唔想搭電梯或者行動唔太方便嘅話,可以緣住右邊嗰條木板地行去搭𨋢,直接由MTR層搭上G層;上到G層轉左,再搭一條小電梯落去就見到咖la~我去嗰日就係星期日,人流都幾多下,我早咗去到(11:45到),就見到好多人係到排隊(所以我都走咗去排隊),不過我就一早已經book咗位,所以排到我嘅時候,同佢講有book位,佢就會即刻安排你入座,我見有啲人要拎飛喺出面等 (佢哋係排係我前面),我估佢哋都係冇book位嘅。當佢哋安排晒有book位嗰啲入座之後先會處理出面拎飛嗰啲(我都見有幾多人有book位),所以我都係建議大家預早book位先~去到食物質素方面,我覺得CP值都幾高,一般韓燒有嘅野佢都有。由入門口見到嘅野食開始講:0️⃣雪糕,雪條>1️⃣水果,甜品>2️⃣炸物,湯,糖水>3️⃣熟食,炒麵/飯>4️⃣小菜,醬料>5️⃣少量飲品,酒>6️⃣燒菜類,肉類>7️⃣沙律吧,壽司吧>8️⃣雪櫃(罐裝,瓶裝飲品)。0️⃣有韓國牌子嘅雪條,雀巢杯裝雪糕,冇乜特別 1️⃣水果有橙,火龍果,西瓜;甜品有啫喱杯,桂花糕,芝士蛋糕同埋一啲慕

油塘平價韓燒 - Grill n More• 喺OpenRice買咗coupon，平均每人$128• 肉類選擇超級豐富，有鴨胸、牛肉粒、豬扒、雞翼，超級多選擇• 海鮮食材都唔錯，有青口、八爪魚• 熟食方面款式多元化，有韓式炒粉絲（微辣、有驚喜）、泰式酸辣鳳爪、多春魚、咕嚕肉、炸雞翼、豬腳、壽司卷等等• 甜品方面都唔錯，有韓國雪條（試咗椰子同士多啤梨味）、大腳板雪條、啫喱同西餅咁親民嘅價錢就試到咁多嘢，同埋質素都唔錯真係好超值！

對上一次食午餐放題是沒有刺身，今次午餐都有，有驚喜。更驚喜是有鰻魚，大大舊的。可惜刺身比較細，但款式都可以。熱葷就少啲選擇。有啤酒，汽水，果汁等。甜品有雪糕，韓式雪條，啫喱。

自助燒烤食物質素我唔多講喇，收你二百蚊一位，比d咁嘅質素嘅食物你，佢先可以賺到盡。重點係依間嘢嘅員工同服務。我地係訂位嘅，宵夜時段，一行八人一早到咗等入坐，準備開心食一餐。點知侍應話執埋張檯先，要等等，20分鐘後先入得去。因為宵夜，時間只得60分鐘，我地計都唔傾多幾句，馬上燒烤食物，唔想食唔切啦。諗住遲少少入坐，點都比番補時啦。早15分鐘就提你就快夠鐘，真係搭正就同我講收爐。我地真係未食飽，當然同番佢講因為遲入坐，想食埋依一轉。點知佢話夠鐘要收爐，我梗係火滾啦，大家講道理啫，我話你遲比我入坐，補番時好合理，尤其係燒烤放題，時間唔夠梗食唔切啦........點知佢一於少理，要我地走.............依間嘢我就唔會再幫襯喇，如果大家想食d一般至差嘅食物，仲想一肚氣咁比錢埋單嘅話，歡迎挑戰。

考完試諗住開開心心同小朋友食飯換黎一肚氣打去訂左位宵夜時段去準時去到坐低無幾耐已經聽到班員工係度講其他客人是非話人幾點黎到 夠鐘都未走之後無啦啦問我 幾點入黎我話8：45 佢好似唔信咁周圍問其他員工係咪最後無人認佢問究竟係邊個帶我入座我無望過佢地所以唔知咩樣 唔認得只係一入黎 個貌似男經理既阿叔點左兩個女人帶我入座佢唔係以為我早左入座呃左佢果少少時間嘛？食物質素係差到無譜我都唔識形容 仔女都食唔落連小朋友都開聲話唔好再黎限時兩個鐘我地食左一個鐘就黎收錢無問題丫 可能想埋數收工姐我1大2細我一早問左點先計小朋友佢話140cm以下計小童ok咁我2大1小收錢佢收3大 我話我2大1小佢指住我個女話佢高丫嘛我心諗坐係度都知佢高過140咁好野我話佢只係138個男經理話我個女要計大人我問係咪有得度高呀？出去度度完之後 證明我無講大話阿女真係唔夠140cm原本$521 佢話咁改單囉轉頭埋黎 話：咁收你510啦我話小童幾錢？佢話148（成人158）我問邊度寫小童148 佢話無寫架喎好啦我諗住簽卡佢又：下？你要簽卡？我話係跟住佢又行開左唔理其實我地只係食左一小時佢一路咁既態度我已經好谷氣野又難食 服務又咁

食食下個fd話有強哥，叫個侍應黎之後佢笑笑口話滅蟲公司唔記得黎，叫我地繼續食...我即刻叫佢轉檯，埋單仲要笑住望住我......................

細妹剛剛搬到油麗邨在油塘內不停找新點子 ，剛好弟妹都在五月生日就在這裏吃飯慶祝 ，我也是第一次幫襯 ，說實在就是一般燒肉放題， 屋邨附近性價比十分高，要有嘅都有不多說，反而熱食有驚喜，是晚有燒鴨，紅酒燴牛尾，清汤牛腩，唯人參雞湯好淡， 豬腳薑 好稀不夠甜加太多水了, 刺身部分有三文魚，魚，劍魚腩算是落本了 ，另外做緊promotion 加18蚊可以加半隻波士頓龍蝦，來的時候已經是熟了可以當冷盤食 ，侍應亦建議可放在爐上加上蒜蓉燒才吃，我選擇後者，聞到龍蝦香味才吃確實不錯，甜品款式须少 但是樣樣都好精緻同好好味 ，雖然沒有貴價雪糕但也 有韓國雪條食，而換鐵盤亦十分之快， 唯一要扣分的地方就是放在食物下面的碟好多油有立痴痴的感覺，洗得不夠乾淨。

今日收工，皇太后就提議去食韓燒！岩岩去到咁岩開始特價時段！百幾蚊一位，所以抱住平常心去試下！d食物都OK喎！仲有羅宋湯飲添！我最後仲食埋雪糕先走！不過我好少影相，所以冇得睇

上次去左佢地將軍澳既分店食日式放題，今次就試下呢間韓燒啦！睇d食評講到咁差中晒伏咁！但講真又唔係咁差姐！我差唔多9點去到，開始左特價時段，百幾蚊一個人，都算ok la！佢燒既食物選擇都ok，熟食都有好多選擇，仲有豬腳薑！刺身都ok丫！我真係唔覺得中伏播！正常價錢食正常食物！下次去大本型，都可以再選擇食！

絕對係一間中伏嘅餐廳。午市放題，1小時表面上大大隻字寫住$75，午市不設加1服務，入到去孌左$85再加1埋單$95，價錢貴吾系重點，食物質素欠佳，款式少到可憐，真系老麥都好食過佢，服務態度差，真系冇一下次！！

好難得過去大本型，見尼間餐廳好似幾吸引，大大餐牌寫住午市放題 不設加1。當我們行入去，店員就話 85蚊一個，而且要加1。原先想都入左去，咁照試下。惡夢👿開始，服務差，衛生差，食物少得可憐。幾乎無人service，更無人話你知可以取食物的邊D區域，幾樣泡菜隨便裸露，食物就只有炒飯，湯，菜，炸薯條雞翅之類。甜品就。價錢唔計啦，食物質素真係怕怕！

身為油塘友唔會冇吃過呢間一開頭都唔錯但而家真係冇下次200蚊位好似吃垃圾。。要乜冇乜 雪糕硬哂見地照擺起度 攞都攞唔到 換又唔換肉吃質素超差 200蚊姐但冇諗過差成錦員工態度超差 冇反應叫佢加野又話等等 等等完之後又冇 真心嬲200蚊嗚吃吉邊好過最後仲要冇冷氣附上我盡哂力地攞既雪糕

飲品杯沒有碟，店員手拿著匙羹和糖隨意放在枱面，極之不合衞生。侍應態度惡劣，問也不理會但就咀不停在罵，令人十分不安，胃口也減了，亦只有操普通話的侍應。價錢不便宜，其中叫了自選蕃茄湯麵， 送來的時候好像垃圾一般亂七八糟，而且十分難吃。侍應態度惡劣， 好像不想做，多問也幾乎被罵。餐牌指示不清楚。餐廳佈置本來也不錯，但坐位不舒服。整體來說，整間餐廳就是因為員工服務態度差，早餐的制作不認真，本來打算會試午餐或晚餐的，頓時打消了念頭😖不會去試。無下次