Grove

营业中

休息中

係附近做嘢，想搵個不是太貴又可以坐低休息嘅午餐地點見到Grove有啲人氣，心諗味道應該幾好，決定入去lunch set的確唔貴，有頗多選擇，都係70-80幾蚊叫做一個比較特別嘅南瓜雞肉燴飯，比想像中好味，飯嘅口感有啲似risotto，味道不會太鹹或太甜，啱啱好lunch set仲附送咖啡，個人覺得咖啡有啲太濃，但係如果好鍾意double shot嘅朋友應該會鍾意整體真的唔錯唯獨是雞肉真係好少，只係得幾塊，如果唔係因為汁濃濃地，應該食唔飽ps：位置有限，如果一人去就需要搭檯，本人唔係好介意，但係如果介意就唔好去啦

食過呢度嘅午餐同埋晚餐都覺得好出色☺️午餐最鍾意食嘅係冬陰功豬頸肉飯飯粒 粒粒分明 索晒冬陰功嘅汁唯一一樣美中不足嘅係豬頸肉略嫌少咗啲但係個味道ok 👍☺️ 今次叫咗凍柚子茶 正常操作😌特別想大推佢嘅All day breakfast 💓💓鍾意食肉嘅我覺得非常滿足😊配搭住咖啡飲一流

之前試過叫外賣冬蔭豬頸肉飯，飯就多，豬頸肉得幾小舊，又唔夠熱。今次再試多次叫青口意粉外賣，準時去攞（雖然個app到我食完個外賣仲顯示緊「準備中」），一來又係唔熱，暖都談不上，最大問題係啲青口未熟，尤其大嗰幾隻都未開，咁點食？問過同事過堂食水準係OK, 期望提升吓外賣嘅質素。

$41這個價錢有這些食物質素。我覺得幾滿意，而且環境非常舒適，落地玻璃設計令到舖頭都d陽光👍🏻令到成個早餐環境都加咗分。雞扒同塊多士都好唔錯，多士入邊有啲穀物，加埋牛油真係冇得彈👍🏻

沙士期間，公司附近嘅餐廳小店接二連三關門，四，五十元食麥記早餐日子經歷咗一年半多後，終於見到呢間連鎖小店開門，主打健康食物，其實健康唔健康，食開茶餐廳早餐嘅人嚟講都冇得擔心，俾佢吸引嘅係一份早餐嘅價錢， $46雞扒加通粉，唔係話平，但係隔離嗰幾間local填海及茶餐廳都係收緊呢個價錢·⋯幾樣嘢非常欣賞，第一蕃茄湯係熱嘅，第二雞扒個皮係脆嘅，第三嗰啲菜係新鮮嘅，努力，縱然時勢唔容易，希望呢間舖頭能夠保持水準，不過暫時見晏晝人山人海，應該都幾受附近工作OL歡迎