影片
港铁油塘站 A1 出口, 步行约1分钟
继续阅读
附加资料
少量素食菜式每天供应。
营业时间
星期一至日
07:30 - 22:00
公众假期
07:30 - 22:00
以上资料只供参考，请与餐厅确认详情
装修完毕，最近几日重开 室内开扬光猛 增添咗几部冷气 室内环境明显 相比之前凉快 食物方面 餐牌亦有所改变 多咗一啲 新派西餐美食， 今日试咗 下午茶 虾拼牛油果多士沙律， 加十蚊 一个迷你 蕃茄浓汤螺丝粉， 餐饮配有黑咖啡， 冻饮加三蚊， 总共成为61蚊， 性价比相对低咗， 但整体食物感觉新鲜好食， 唯一 沙律相对地细 菜比较少， 而且只有柠檬汁 冇任何沙律酱，黑醋提供 相对失色， 最败笔 嘅系 付款方法 竟然还原基本部 只提供八达通 以及 现今付款， 令本人相当失望， 暂时没有电子支付。 装修后 铺内 露天位置 不设吸烟区 空气比之前清新不少
继续阅读
侍应只顾大声互相沟通，毫不理会客人。愈嚟愈过分，嘈过街市。入店无人彩你系正常。坐低叫嘢食，佢地可以系你侧近行过扮睇唔到，同送货𠮶个边行边大声讲笑都得，仲要两个侍应都系咁，被无视了。究竟系佢系客定系我系客？更惊人的，见到有坐在外边的客人，自己行入嚟cashier 落order，话自己座边张枱。哗! 佢迟过我坐低㗎! 乜原来呢度潜规则系要自己行去cashier 落 order 㗎？几时改咗我唔知啊？楼下𠮶间，不嬲系cashier 落单嘅，叫做十分正常。呢间呢？个客自己去cashier 落单叫咩？叫失职。下次使唔洗自己去攞餐啊？餐厅是客人食饭嘅地方，唔系侍应互相嘻笑嘅俱乐部，我入嚟唔想听你地互相大叫嘻嘻哈哈，成何体统？毫无纪律。另外，店内烟味极浓，户外座位的烟味透过有缝隙的落地玻璃全吹入室内，跟坐在隔离冇分别。呢个系先天问题，餐厅位置于户外，根本全透风，Ok fine，以前我食完就走。而家？你话呢？我系本区客，知道呢间野不嬲有熟客，因为佢系唯一可以在店吸烟的餐厅。但都唔可以放任到呢个程度。反映在无竞争下，管理层无心做好个品牌。
继续阅读
嗌完外卖过嚟拎，佢哋将我个外卖黐错单，我嗌咗个港式早餐，嘥咗我少少时间唔紧要，佢哋知道𠮶餐系我嘅，佢哋话个餐啱咪得啰，佢问我系唔系鸡扒，我话唔肯定，佢话返我唔可以唔肯定，因为我嗌港式早餐，我唔会记得入边有咩嘢食喺入边，唔紧要啦，我拎个餐嘅时候佢仲连续讲三句：「个餐系唔系啱先，啱唔啱先，啱唔啱先亅，呢啲嘢应该系要佢哋check，佢哋黐错唔紧要，点解个态度仲要咁差呢？之前啊呢间嘢仲要成日漏咗多士，但系我住得比较远都冇攞唔到，所以都已经有个习惯会系咁check，但系嘢食点都唔紧要，系啲态度真系好有问题，点解要推翻个波比客人到，我一直都冇出声喺度等，成件事一定唔系咁运作。
继续阅读
我偶尔会帮衬，贪佢无咩人又有open area, 晚间职员服务好好，要赞。唯晚餐要加$15先有饮品同餐汤，汤系好好饮，但餐选择唔多，同其他分店牌有分别，问过职员都只解释系公司决定，可能系咁，晚市一向生意一般。最难忘系杯咖啡，真系饮极都咁差，敢讲任何餐厅都会好饮过佢，或者应该系选豆方面应改进吓。
继续阅读
呢间餐厅分咗室内同室外嘅位置，我哋入到嚟坐低，外面就有食客食烟，搞到烟味飘晒入嚟，就算坐远门口位都好难顶…怕烟味嘅朋友要留意一下 🚬 🚬🚬.食物方面，我哋order咗2个main同一个Caesar salad。.磨菇忌廉汤，唔够香味，质地有啲稀。.Caesar salad 味道正常，系啲汁有啲多。.烟三文鱼Pizza系薄批嚟，食落好脆，芝士拉丝又香，配埋烟三文鱼、蜜桃、蕃茄都唔错~.厚切猪扒真系好厚好大块，但切开又几juicy，肉质唔会好硬~薯条大大条，好香脆。.食到接近尾声…突然发现有只虫仔喺条薯条度行紧，我即刻用纸巾㩒死咗佢放埋一边，然后发现又多咗只虫仔大驾光临(碟嘅左下角)，我真系不敢恭维…🥲拿拿声走人….呢度嘢食质素ok，但环境我个人就唔太满意，想食嘅话我会选择take away～😬
继续阅读