Häagen-Dazs (已結業)

(24/11/05)尋日食完一球雪糕,心心不憤,都係要試哩個新野,見食評"紅豆雪糕"彈多過讚。睇宣傳板,吸引到我的是,有兩件佈滿綠茶粉的綠茶布甸,同埋杯底的粟米脆片。買相係好靚,有pet紅豆,夾雪糕味道好match。但期望的綠茶布甸,只是像椰汁糕模樣,有丁點綠茶味,並無綠茶粉。粟米脆片?話比大家知,只是雪糕筒揼成小塊咋。簡直完全被騙!!執番個彩是Haagen Dazs的綠茶雪糕,是咁多牌子中,最好味的。而個紅豆味,都唔算差啫。$55食唔到期望嘅野,平時食兩球都幾十,滿足左就算喇。

太早到蘭桂芳，冇野玩，所以去左Haagen Dazs食甜品～　見到有萬聖節specialty dish，但賣相太醜，令人提唔起食慾，冇叫到～結果三個人，叫左一客New York Brownie，一杯Mocha Dreamland，一壺ｍint tea & 2 scope icecream- Rum Raisum + Belgian Chocolate～紐約戀人仲係咁好食，而且可以轉一球vanila icecream去極品strawberry icecream，好掂～Mocha Dreamland有兩個mini size scope，成杯好多cream，味道中上．ｍint tea仍然都係咁清香，而最後兩球scope就係為足min charge（每人$60）而叫o既，雖然Rum Raisum好好味，但真係飽死人... 　東亞咭有折，埋單$210，okay啦～

食完一餐貴夾唔飽既"和民"之後,我地兩人決定去Haagen Dazs填飽我地剩餘太多空間既肚子. 睇完Menu之後, 被一個叫"New York Brownie Special"(大約係咁既名)吸引. 內容有2球雪糕(可以任揀2種味道)同chocolate brownie. 雪糕我揀左Coffee味同我最最喜愛既tiramisu味, 雪糕有幾好味唔使多講啦, 但係個chocolate brownie好味到呀....份量有兩小件, 我覺得岩岩好, 個brownie有好rich 既朱古力味(可能有朱古力醬淋係面)但係我覺得一D都唔"溜"同埋唔覺得好甜, 又暖暖地咁, 又有合桃係裏面好有口感, 話咁快我已經解決左呢份其實份量都唔細既甜品, 食完之後簡直有一種好滿足, 同埋好幸福既感覺. Service方面都幾好, 其實間shop幾細, 樓上得一個人serve 客, 尋晚都有7,8成full, 佢都不忘幫我地加水, 幾好! 仲有食完後, 係門口雪糕櫃指指點點左一輪(研究下出左咩新味, 好唔好食咁), 個哥哥仔竟然話不如俾我試下(荔枝味), 咁我當然唔客氣啦!! 食完仲有得試食,雖然一匙

收工黎食雪糕做晚餐，例牌係我0既Summertime Cone，今次唔想食咁飽，所以要左士多啤梨x2+士多啤梨芝士餅x1。基本上次次都係食呢樣，唔洗點諗，係有時會食下tiramisu，但始終都係士多啤梨同士多啤梨芝士餅夾D。呢度樓上都幾好坐，不過似乎人手少D，得一個女仔，招呼晒咁多，所以有時佢行開行埋或者落左樓下就無人理。另外呢度D生果好似比較少，尖沙咀同銅鑼灣都多過佢，好似唔係好抵咁﹗

舊年同事買了西瓜型雪糕，今年就買哈蜜瓜型的。舊年的西瓜只得型而不是西瓜味，而是紅莓味，今年的就真是哈密瓜味。淺綠色的表皮仍是綠茶味雪糕，聽聞是加了忌廉的原故，感覺上是沒有綠茶雪糕咁甜。入面無核，不過有一粒粒的哈密瓜肉，哈密瓜雪糕加哈密瓜肉，比上年的西瓜型雪糕貼題好多。價錢仲比上年的貴左十幾蚊，2磅就已經三百九十幾，已經係最平的一款，聽同事講還有三磅或四磅裝，老實講唔係咁抵食，唔係個同事貪得意都唔會買來吃。仲有都幾難切的，要個同事特別帶把刀返工至切得掂，用把生果刀米使旨意搞得佢掂！

食完飯朋友唔夠飽,又黎食ice cream,我地兩個人share一個香蕉船,有三個球,65蚊,都幾抵,我地揀左strawberry cheesecake, coffee and rocky road,最好味係個strawberry cheesecake,幾得意,下次會再食,不過個人唔係太好rocky road,所以覺得無乜特別,coffee都ok~~~

食完個mocha flan好似覺得唔係好夠喉...所以再食多杯雪糕...今次要vanilla caramel brownie...食唔到caramel味...覺得麻麻地...都係tiramisu好d

我唔係去呢個branch, 係去金鐘地鐵站o既corner. 由於又係做野做到好悶o既關係, 去左買雪糕食..試食左cassis & cream, 好酸呀!仲酸過cranberry yogurt!!結果梗係無買到呢隻啦!

haagen dazs出左個party set,外賣的話,438蚊有32個小雪糕球,4款鮮果,chocolate同雞蛋蛋糕,再加搪瓷火鍋爐一套,4支叉!!!呢套係朱古力火鍋set,只係睇相已經好吸引,其實堂食會平d,但就冇得拎走d搪瓷火鍋套裝,一家人試一次都几得意(我諗)~