HABITŪ table (海之戀商場)

营业中

休息中

【營業到晚上·商場精品咖啡店☕️🍳】/////呢間咖啡店由香港創立嘅自家品牌😍主打全日早餐 就算夜晚都食到!!!咖啡都好多選擇 有冷萃/綿雲/椰青冰美式等｜全日早餐 ($168)基本材料都齊晒 蛋炒得香滑～腸仔油脂分佈均匀 但煙肉較亁身 最出色係配麵包嘅玫瑰醬 花香氣香濃🌹｜蟹餅配柚子沙律醬 ($118)蟹餅呈現一絲絲新鮮蟹肉 好足料😁柚子沙律醬帶檸檬香氣 酸酸甜甜｜日本蜆柚子胡椒意粉 ($158)蜆多汁肥大 就咁食蜆都好飽肚🤣意粉軟硬度適中 有二人份量｜芝士蛋糕布甸燒 ($78)濃郁焙茶滑溜布甸 唔會蓋過芝士蛋糕味道👅｜巴西莓冷萃玫瑰咖啡 ($58)冷萃咖啡以低溫長時間萃取 口感較為滑順表面有層厚厚奶蓋 加上玫瑰咖啡香甜清新｜蘋果醋水果茶 ($56)蘋果味道自然 加左醋嘅關係酸味會較出食到一片片蘋果水果 仲有百香果粒粒———📍HABITŪ table (海之戀商場) (荃灣)@habituhongkong荃灣大河道100號海之戀商場地下G21號舖

Tiramisu Latte ReviewMy first try here....The Tiramisu Latte is a delightful fusion of rich Italian dessert and aromatic coffee, creating an indulgent experience for the senses. Upon first sip, you are greeted with the luxurious flavors of espresso blended seamlessly with creamy mascarpone and a hint of cocoa. The texture is velvety smooth, with just the right amount of froth that adds a lightness to its decadence. The sweetness from the mascarpone balances beautifully with the robust coffee, m

本來見餐牌幾吸引就入去食，叫咗個炖牛肉闊麵，點知無闊麵，侍應話會轉返佢嘅蛋意粉，點知出到嚟啲意粉唔同佢menu張相嘅樣，張相係粗身啲嘅，而佢上枱嘅係市面普通常見嘅意粉。諗住以佢呢個價錢就唔要求咁多，但係食落就有啲辛苦，因為唔係闊麵，令到幼身嘅意粉表面都係佢啲味精醬汁，味道太過濃，balance唔到，食完要瘋狂飲水，而啲牛肉近筋嘅位置係韌嘅，有三份一係食唔到，咖啡就一般到最後找錢尾數找毫子俾我，ok，而家啲舖頭係咪最鍾意話唔收毫子但自己就要找毫子俾客？ 出門口嗰吓個staff唔出聲喺度你眼望我眼咁，有啲尷尬，其實係咪等緊我講bye bye？無下次，就算平都唔值

早兩日響海濱長廊跑完步時，遇上阿嫂送完姪女返幼稚園，難得咁早撞見，於是一齊去食個Early lunch啦😬之前跑完步間中會黎海之戀呢間分店飲杯咖啡今次我哋每人叫咗一個Set Meal，都算抵食，由最平$98至最貴嘅牛扒Set都只係$168，配有湯或沙律、主菜，甜品，飲品👍🏻🌀經典全日早餐$158呢度個All Day Breakfast 大大份材料好豐富見到就開心🥰有多士，沙律菜、煙肉、香腸、煙三文魚、滑蛋、大啡菇、烤南瓜、蕃茄，竟然有9種材料，重配有我喜歡嘅玫瑰果醬，特別喜歡煙肉，做得恰到好處唔會烤到乾柴，食完真係大滿足呀🌀鮮菇京蔥拌麵$118呢個真係素食之選，而且味道令我有啲驚喜，新鮮炒菇菌、日本大蔥，配香草忌廉醬汁，麵條每條都沾滿忌廉汁嘅香濃味道，菇味超香 😋

記得幾年前有Promote 80蚊食過一次蒜片青口意粉之後就愛上左呢間餐廳 幾乎間中都會特登坐過嚟食飯 嗰陣覺得啲食物好有心 搬完屋之後 上星期六重臨舊地 我叫左一樣既意粉 大不如前仲苦苦地 唔知係唔係換左廚師定係點 不過我見到呢個品牌一間執完又一間 好唏噓希望你哋可以搵返以前做食物個初心同質數。

我們當時是第一張枱點餐的客人，點了一款pizza一個意粉2杯咖啡。餐廳少人，而後來都只是多了幾枱客。怎料pizza和咖啡尼了後，意粉等了45分鐘都未有，已經在15分鐘之前追佢，其中一個servers話整緊。跟住都係未嚟 ，再問又問下，終於個水廚負責女server話有好多外賣單同廚房唔夠人！ 跟住我話等了差不多一個鐘，佢仲要態度差的反駁說未夠一個鐘呀 ！佢話廚房係整整，點知隔離枱點遲過我們15至20分鐘嘅pasta都嚟埋。我哋極嬲地cancel個pasta兼埋單。服務惡劣，食品退步，絕不會再幫襯這間餐廳！

放假終於可以瞓到12點。醒咗肚餓，先至落樓搵嘢食。係放假先至可以喺lunch time食我嘅breakfast。呢間喺海之戀商場嘅分店，唔算多人排隊，咁啱有一個單丁位可以坐。餐牌睇落去都算多嘢食，有意大利飯、漢堡、意粉、pizza，跟餐加埋$150有找都算化算叫咗個set lunch 個南瓜湯好有質感，好甜，好好味仲有杯嘢飲，我叫左凍抹茶牛奶個主菜係菠蘿雞脾肉漢堡加兩片煎到好燶嘅煙肉甜品係朱古力忌廉泡芙

去附近行街等食晚餐諗住飲杯野同食件蛋糕叫左薄脆焦糖咖啡同朱古力咖啡本身見有2隻咖啡豆想每杯叫一種試下但賣晒所以2杯都係DOUBLE ROAST2杯咖啡都好好飲呀👍🏼拉花拉得好靚我哋都比較鐘意薄脆焦糖咖啡無咁甜之外咖啡味濃啲同香啲推介推介👍🏼仲有叫左一件咖啡朱古力蛋糕但有啲失望因為本身係想食蛋糕先入嚟但食到有雪藏味同蛋糕係偏硬身唔係好食到咖啡味感覺係放左幾日之前係尖沙咀果間蛋糕好啲有時間會想再試其他野食咖啡係好飲既但蛋糕唔太建議係度食

今日去咗間咖啡屋，一入去氣氛就舒舒服服，環境唔差。首先點咗杯熱牛奶咖啡，拉花精緻得嚟，一啜落去，咖啡香味撲鼻，牛奶咁滑，令人心情大好！跟住飲咗杯熱朱古力，朱古力甜得嚟唔會膩口，非常滋潤，真係幾正！😍薄餅就有啲失望，香脆係香脆，但嚟得唔夠熱辣，啖啖都意猶未盡。凱撒沙律個頭青靚口感清新，但係調味方面就真係一般咗啲，平平無奇。不過，咖啡同朱古力簡直係亮點，攞分！👍員工服務都算OK，唔會硬梆梆。空間雖然唔算大，但都足夠兩個人悠閒地享受住飲品傾下計。聽日可以約埋另一半，一齊嚟過食飲個下午茶，好呆！🥰

Habitu是一家以全天早餐聞名的餐廳，他們的早餐菜單非常豐富且吸引人。他們的全日早餐提供了多種選擇，滿足了各種早餐喜好。其中一個推薦的菜品是他們的煙肉蛋奶餅。這道菜以鬆軟的蛋奶餅為基底，搭配鹹香的煙肉，口感豐富，味道美味。另一個受歡迎的選擇是他們的法式吐司。這款吐司烘烤得金黃酥脆，搭配楓糖漿和奶油，給人一種濃郁而甜美的口感。此外，他們還提供優雅的炒蛋，配以香脆的培根和烤土司。早餐菜單中還有各種優雅的鬆餅、漢堡、烤三明治等等選擇，每一道菜品都經過精心製作，味道鮮美。Habitu的早餐菜單不僅適合早晨享用，也適合在一天的任何時間品嚐美味的早餐。無論是喜愛傳統早餐還是創意菜品的人，Habitu都能滿足各種口味。整體而言，Habitu的全日早餐菜單提供了多種美味選擇，是一個值得嘗試的地方。

週末早上想去食豐富的早餐同最緊要飲杯靚咖啡☕️。海之戀早上沒有太多餐廳供應素食。HABITU係僅有嘅選擇。素食all day breakfast 真係超級大份,食完連lunch都唔使食。個早餐係即叫即整，夠新鮮，沙律菜好靚，而且配搭都好完整。車厘茄有輕輕煎過，酸種麵包係焗熱上檯，仲有南瓜、鮮菇片、炒蛋、粟米、牛油果半個，加埋杯黑糖薑咖啡，好滿足。如果餐廳可以用植物奶沖咖啡就更好啦！

今日去荃灣食午餐，好想飲咖啡，入去店舖坐下，選擇了兩杯飲品，一個薄餅，一個沙律😋😋1.熱牛奶咖啡，拉花幾靚，牛奶味和咖啡味十分和諧，咖啡豆也是我喜歡的味道，值得推薦！2.熱朱古力，飲品頂層有濃濃朱古力粉作點綴，賣相很好，朱古力味道十分濃郁，幼滑香濃，十分喜歡🤩🤩3.巴馬火腿薄餅，有香脆口感，可惜不是熱辣辣的，只是微暖。4.凱撒沙律，沙律菜是新鮮的，但是欠缺一點特色，味道比較普通了！還是咖啡和熱朱古力，吸引一點！服務合格。環境一般。坐位比較窄小。空間比較細，適合兩個人飲杯咖啡的店舖。還是推薦大家來喝咖啡！！

海之戀商場幾乎每個星期都會行一次，每一次都會經過呢一間餐廳但係次次都係得大概兩組客人🤔出於好奇心終於有一次入咗去食，抱住一個可能會中伏嘅心態！點知食物質素其實幾好食甚至可以話係高質嘅！真心可以入去試吓。

食過一次晚餐同午餐🥣前幾日又去咗食一次午餐，Lunch time餐牌同之前嘅冇分別。但係食物質素就有所下降，Pizza個餅底本身係好脆😗依家反而有少少林左同埋配料都好似冇咁好食。而意粉就正正常常😜

每1-2月都會嚟1次，因為呢度嘅咖啡同意粉喺鏈鎖店嚟講也算不錯。呢度嘅意粉，係我鍾意嘅粗幼度，口感方便有點口感，唔會太淋或太硬。今次叫咗Carbonara ($148)，一上枱，就聞到濃濃嘅芝士味和bacon咸香。Cafe brûlée ($54) 是我首選，咖啡面有層焦糖薄脆，好似甜品cream brûlée 一樣，每次飲都有種好幸福嘅感覺。今次小食叫咗蟹餅配番薯條 ($98)，果兩粒蟹餅差唔多成粒都係蟹肉，兩樣都係新鮮即炸，再配上他他醬，十分美味！