影片
更多
2020-10-19
1619 浏览
Baron媽咪鍾意刺激野,又要新鮮,所以我Book 咗 個幾月終於可以一試呢間全城唯一韓國Fine Dine 一討美人歡心，誰不知........侍應會在是前一日打電話通知你確認訂枱並會特別提示男士不能着短褲拖鞋以及背心，呢個時候我心諗「呢鑊我拋頭露面啦」所以我悉心整個金正恩Look 襯一襯場面，誰不知......入到去只能叫Tasting Menu（780 each ) 6+1 dessert , 唔夠仲有幾款sides 可以叫，為咗報道真相，我唯有闖入呢個龍潭虎穴係定啦Mocktail $98我直接問侍應其實係唔係西瓜加梳打水，佢用咗30秒時間說服我呢杯野內有乾坤，絕非等閑之輩，叫咗返嚟「當堂嚇一跳，飲完得啖笑」你一杯活生生嘅過期西瓜屈臣氏梳打水頭盤：i) 3款炸紫菜2條炸豆腐講真三款紫菜除咗顏色唔同我感覺唔到有咩分別，食落去感覺就好似式神入邊嘅甜品拔絲一樣溝上晒雙氧水加糖膠感覺，有啲痴牙，豆腐中規中矩，冇特別ii) 八爪魚韓式沙律八爪魚咬落去同食綠箭呀冇乜分別，反而其他配料如雪梨、橙、無花果加上酸辣醬汁令你有種醒胃的感覺，但由於八爪魚是主角的關係，所以我都係會比呢一度前菜不合格
侍應會在是前一日打電話通知你確認訂枱並會特別提示男士不能着短褲拖鞋以及背心，呢個時候我心諗「呢鑊我拋頭露面啦」所以我悉心整個金正恩Look 襯一襯場面，誰不知......
入到去只能叫Tasting Menu（780 each ) 6+1 dessert , 唔夠仲有幾款sides 可以叫，為咗報道真相，我唯有闖入呢個龍潭虎穴係定啦
Mocktail $98
我直接問侍應其實係唔係西瓜加梳打水，佢用咗30秒時間說服我呢杯野內有乾坤，絕非等閑之輩，叫咗返嚟「當堂嚇一跳，飲完得啖笑」你一杯活生生嘅過期西瓜屈臣氏梳打水
頭盤：
i) 3款炸紫菜2條炸豆腐
講真三款紫菜除咗顏色唔同我感覺唔到有咩分別，食落去感覺就好似式神入邊嘅甜品拔絲一樣溝上晒雙氧水加糖膠感覺，有啲痴牙，豆腐中規中矩，冇特別
ii) 八爪魚韓式沙律
八爪魚咬落去同食綠箭呀冇乜分別，反而其他配料如雪梨、橙、無花果加上酸辣醬汁令你有種醒胃的感覺，但由於八爪魚是主角的關係，所以我都係會比呢一度前菜不合格
iii) Beef Tartare
同你去所有嘅香港韓國餐廳沒有分別，我食唔出係什麼和牛，唯一可以讚嘅係佢用咗炸過嘅百合都幾夾，嗰啲雪梨絲我不太鮮甜、不太爽口、仲一夾就散.......用鵪鶉蛋也沒有太大的作用，又不濃蛋汁又唔豐富，因為你已經本身有雪梨絲半碟所以本身鵪鶉蛋的甜味已經沒有它的作用反而用嚟都只不過係襯返佢個篤嘢因為太細配合返個比例，Chef果然係一個數學天才
iv) 炸雞意大利飯人蔘雞湯底配兩年醃製Kimchi
有碗話碗 、有碟話碟，呢道菜請可以話係全晚嘅亮點
隻雞經過慢煮在輕輕炸個表皮，very 脆及 juicy
人蔘雞湯香濃，配意大利飯一齊食「正」
所謂醃製兩年嘅Kimchi我真係食唔出佢同街買有咩唔同，只不過就係話用呢個Kimchi加落碗湯度令到碗湯有第二個味道有第二個層次，👍
唯一可以彈嘅係舊雞肉太厚太大、變咗唔能夠可以雞飯湯一次過可以品嚐，如果chef可以考慮將塊雞橫切我認為效果可能都會不錯
v) Menu 寫上 Chef Seasonal Fritters ( 對我來講呢款可能係全晚最期待嘅菜式，比我有隱藏嘅感覺）
開估啦
a) 炸魚： 外層用鹹蛋黃加雞蛋去做，可惜舊「魚」好鞋，鹹蛋黃因為有鹹香關係加分但可惜配多咗雞蛋粉令到外皮太厚一啲都唔脆，建議去FishBar 試吓咩叫炸魚
b) 海苔肉餅：煎得太淋，冇豬肉味，我屋企個賓妹煎🉐️仲正
Vi) 全晚最燥
薄切清蒸五花腩： 冇種族歧視，但係真係阿差都識整，五花腩一啲都唔薄、又肥又冇味、配上你喺韓國街買到嘅韓國辣醬同Kimchi
海苔凍麵 ，Chef 完全冇諗過呢種做法只要你碗麵係5分鐘內食唔晒紫菜就會產生苦味🤦🏻♂️
Side Order
Vii) 炸雞148：同你一般喺出邊香港韓國街炸雞冇分別，我仲嫌佢件雞好肥，唯一可賺係佢加咗炸蓮藕
Viii ) 韓國海鮮餅198： 一般海鮮餅通常都會配啲醬汁俾你，但係見到Chef 冇跟醬汁我就知道佢對自己嘅味道好有信心，果然夠味，但成口油大哥，點食呀🤣
IX)韓式燉 牛肋骨380 ： 同阿里郎食冇分別，基於呢個收費我會對佢比較嚴謹一點，唯一特別係佢用咗馬蹄伴碟
X) 兩款甜品：好甜
綜合來講基於呢個收費呢個份量呢個服務我會俾佢唔合格，好多好多細微嘅地方都睇到呢間餐廳唔值得大家花咁多心機去預訂及期待、譬如醃製洋蔥佢會喺兩款唔同嘅Dish上兩次, 用咗三次相同紫菜嘅食材喺三碟唔同Dish 度，如果你喺韓國試過Mingles , Jun Sik , 就更加唔使去，如果你未試過我都誠意邀請你可以不用去
张贴
