Happy Lemon (已結業)

去完花園街買野，熱熱地又口乾乾，記起Happy Lemon出了新飲品。當然要去試試。問店員椰子爽爽陣味會唔會好椰，佢話唔會，有陣椰香味囉。好似講完=無講。算吧，照試。第一啖入口，my god, 好似好椰喎。再飲多幾啖，椰味淡了，反而茶味就出。估佢唔到又幾好味！個底充滿椰果粒粒，份量唔少，啜極都仲有。口感好爽好清新。會encore~

Havent gone to Happy Lemon for ages, but since they had the new Gaba series I gave it a try.Ordered the French fragrant grass tea, and coconut tea, the coconut basically tasted of strong coconut milk, and the French fragrant tea was the best, cool, silky with bits of wheat in it.

好鐘意佢地做的奶茶飲了杯熱的珍珠奶茶勁大杯都係$12又香又滑好正呀!

一向都是快樂檸檬的捧場客喜歡它種類多 質素不錯 而且價格相宜但這一次要的檸檬彈珠$12 實在令我大失所望淡得如開水 彈珠也不彈 可能是因為比較多人等候的原因 所以質素才會下降希望下一次可以恢復水平

試了新出的荔汁寒天綠茶。唉，真係新不如舊，好難飲。荔汁只有淡淡如無的味道，反而個茶味就極濃，濃到苦...好難飲...寒天份量很少，好難啜到。唔好意思啦，今次要俾喊面了！下次都係飲番彈珠嗰d比較穩陣！

19-JUL-08 4:40PM今日天口真係熱, 行出街成身都立癡癡, 想即時買野飲降下溫. 旺角一帶選擇眾多. 行經開心檸檬, 令我唸到不錯的$10 珍珠奶茶, 而且不見人龍, 隨即上前.抬頭一睇, 有新野喎! "咪係我O係星記最愛既綠茶鮮奶飛雪冰??" 仲係 $13 咋!! 唔洗唸, 好鬼熱, 殺! 買左之後, 人愈來愈多!! 可能多人叫茶類飲品, 我都等左 8分鐘先有得飲. 勁標汗! 不過就換黎驚喜, 沒有星記的厚CREAM, 取而代之係脆脆胚芽, 有口感又健康, 最估唔到既係, 味道竟同星記有 80% 似!! 沙冰打得細滑, 好SMOOTH, VERY NICE~計落條數, 呢度平一半呀!!!**等既時候, 有一位staff 前黎訪問我對 happy lemon 既意見, 我填左份問卷, 其他都係d普通野: 你會o係邊區買野飲多? 對於我地d飲品質數如何? 有什麼地方要改善? 講到要改善, 我就提出要加入大珍珠(=波霸珍珠), 都唔知點解佢無得賣, 得西米size, 個人喜愛都係大既, 有咬口d, 你又覺唔覺???**

琴日行街行到熱辣辣，立即去happy lemon 度買杯野飲降吓溫。要了熱情果蘆薈優多。有很多蘆薈粒；熱情果&優多味道很夾，很清新、解渴同降溫。出了幾款新產品，下次一定要試新野！

每逢行街行到又熱又攰，又唔想去7-11買d枝裝飲品，總會到happy lemon 買杯野飲。最近飲了檸檬彈珠同翡翠檸檬菠蘿凍。兩者都係消暑解渴良品。彈珠細細粒，飲到最後仲有大把剩。果凍和椰果煙煙韌韌，口感一流！檸檬味清新，飲完透心涼。

五月十日(六)食完金華菠蘿油後有D口喝，於是過左附近Happy Lemon度買左杯野飲，今次選了姐推介的芒果沙冰～芒果鮮橙優多沙冰($15)全名真係好長，難得既係店員給客人時都照重覆一次全名~ ~"，味道方面，尼杯係係Happy Lemon到現時為止認為最好飲既一杯飲品，芒果味、 鮮橙混合益力多後雖已不太分得清，但味道混合後的確可口。惟一不足的是天氣未夠熱，冰溶得較慢飲時要等~飲至杯底時發現竟然有平時飲品用的冰粒！沙冰加冰還是第一次聽．．．無言～

每次黎親MK..一口渴就會唸起happy lemon!!!因為周圍都有佢既在^^而我最常飲既就係烤珍珠奶茶.因為又平又好飲....正!!!

給了錢才知，原來是某台式飲品的集團店。拿著飲品牌，也沒有什麼頭緒，就要了其中一個推介飲品檸檬水晶薄荷蜜。都幾多人在排隊，也要等了一會才拿到手。一心以為是檸檬黃色的，原來是綠綠的一杯，感覺上很假，應該是薄荷糖漿的顏色吧！喝起來沒有檸檬的酸味，或是薄荷味，只有糖漿的甜味，還有一點爽口的水晶，坦白說，很一般。不知為何其門如市，可能喝熱飲會好一點。13蚊一杯，不貴，但覺得麻麻。

人人話烤珍珠奶茶好飲..上次又冇試過..今次再次嘗試..抱住幾大希望..仲介紹埋朋友一齊試..買左2杯大杯既烤珍珠奶茶..第一啖..好重茶味..奶味都唔知去左邊樹!?再飲都係咁..仲有d澀..好失望..人地話好..都係要自己試過先知岩唔岩自己..得茶味的"烤珍珠奶茶"..負面吧..

好耐冇同女友出街了..去完煌府飲完下午茶之後行到6點幾去左happy lemon幫女友叫左杯蔓越莓XXXX(好鬼難記同讀)多謝12個大洋..我試飲過一啖..真係甜到入心入肺..我完全接受唔到咁甜..連女友鍾意甜都話甜得很..就知道程度如何..有介紹女友烤珍珠奶茶..但佢鍾意試新奇百怪..無計吧..負面走唔甩..唔係咩都咁好飲而已..

成日聽人話好好味..又見甘多人排隊..所以試,,第1次,試左檸檬彈珠,,鐘意lemon既人必定失望,我覺得唔值..非常普通心諗應該係自己唔好彩叫倒d唔好飲既,第2次,叫隻特別既..蔓越莓xxxx..忘了..完全接受唔倒既味道..口感亦非常怪..連唔簡擇男友都">_<"既面口..第3次..係男友口渴,甘岩響呢間附近,叫左"烤珍珠奶茶",,呢次真係驚喜!!超好飲!係我飲過甘多珠奶中最正,,珍珠細細粒,多,超級煙un,,烤奶茶非常香口,味道同普通奶茶唔同,,,自此,同男友兩人愛上烤珍珠奶茶=v=

雖說這公仔頭不得我心,但這裡的也滿喜歡說我不懂吃也好,個人偏好新派甜品,什麼源記,玉葉等真的不太合口味為保險計要了紅豆布丁烤奶茶紅豆不硬亦不至靡爛,而奶茶一貫台式飲料風格,奶味重;出奇地不太甜整杯東西喝個清光亦嚐不出個"烤"味來作為為飲料添加口感來說,布丁已是盡責十多元還想要什麼好貨式?下次試檸檬彈珠