happylemon

营业中

休息中

快樂檸檬💛 可以話係珍珠奶茶嘅始祖、集體回憶💛 舖頭改咗名之後，Happy Lemon 終於回歸💛 好有歸屬感呀💛今日叫咗一杯醉人OREO脆脆奶茶順滑嘅奶茶，入邊有餅乾碎 奶味都好似以前一樣樣另外我仲加咗紅豆 增加咗一點甜味3分甜就啱啱好啦新鮮整嘅奶茶有各種顏色 成個杯都好靚另一杯叫芒椰廿露入邊有西柚西米芒果同埋椰汁💛好似食緊個甜品一樣 啲芒果仲係沙冰 好啱夏日炎炎嘅天氣一大杯咁樣一路行街一路飲好爽呀杯蓋仲要有唔同嘅貼紙同埋款式幾搞笑幾靚最重要係有正能量開開心心💛

👧🏻😋👅🍽✨檸檬檸檬 夏天要檸檬 🍋 -🍋 apm店最近rebrand, 當然有保留freshtea同奶茶系列, 但多左鮮檸同喪打檸檬系列, 迎合返需要清新飲品既夏天🍋 近年周街都係手打檸檬茶, 好似好耐冇飲happy lemon, 但明明我中學時期佢地已經主打手搖檸檬茶😝 見佢地3月開始仲有做買一送一優惠, 詳情可留意店面宣傳或佢地社交平台-🍋喪打檸檬三兄弟💯喪打檸檬系列最少7分甜, 平時飲開半甜但喪打檸檬真夠酸, 7分都覺得OK唔會太甜; 香水檸檬味好清香, 唔會有陣刺鼻味道-🍋馥郁金桔檸檬茶✨用左青檸同金桔放入茉莉茶底, 飲落好清爽; 金桔仲有酸酸地帶回甘既味道

夏天真係離唔開手搖飲品🥵經過APM見到happy lemon嘅新裝修設計真係好想打下卡🍋之前飲過佢哋嘅岩鹽系列！感覺好唔錯，咸香奶蓋配埋鮮奶系列，大大杯勁滿足好耐冇飲，好有興趣試吓佢哋嘅鮮打水果系列暢快芒橙百香四季春 $32(L)柚見莓莓 $32(L)兩杯都走甜！甜度剛好！加左$5要椰果，口感豐富好多✨前者酸酸甜甜，後者比較清新😆另外個人化揀咗走冰，店員都好貼心話俾我哋知如果走冰得7分滿，不過都好大杯可以飲成個下午😆都不失為夏天一個好選擇🔥

今日食完晏晝飯，覺得剛才餐廳啲食物過於咸，有點口乾。於是乎去了APM嘅 Happy Lemon買飲品。咁多飲品店點解會揀到佢呢！聽到lemon就己經解渴啦⋯⋯哈哈。馥郁金桔檸檬茶人氣之選！店員大力推介！嚐了第一啖，眼睛己咪咪，好酸，即刻精神晒！口腔內散發出清香檸檬和金桔嘅香。還有粒粒椰果，好有嚼口。爆檸繽紛鮮果茶微微嘅甜，多種水果嘅香，還有椰果，悶熱天氣最佳飲品。以價錢來說，無論質量，味道，都十分滿意。

自從Happylemon 轉名後都沒有再飲，竟然在APM 重新遇見Happylemon，看看飲品以鮮果為主，還有珍珠奶茶和一般茶飲，以現時天氣如此炎氣，以鮮果為主飲品都相當受歡迎。******************************Happylemon 店舖就位於APM 1樓，從地鐵站而出，有扶手電梯直達1樓，就在扶手電梯轉彎位，以檸檬黃和檸檬頭公仔為logo，都相當容易識別。飲品以主題分類，包括鮮果、檸檬、回甘茶底和奶茶，檸檬還分別為粉紅，鮮檸和喪打，任君選擇自己喜好飲品口味，還可以加錢添加珍珠、紅豆、椰果、布丁或奶蓋。店名以Lemon為名，就點選了2杯和Lemon 有關飲品。馥郁柑桔檸檬茶 HKD38，加椰果 HKD5，少冰正常甜，少冰之下茶底份量會是8分滿，喝上口清香柑桔味，酸酸甜甜很開胃，雖然正常甜，甜度剛剛好，椰果份量都不少，每一次喝上口都滿有椰果粒，如此受歡迎是有其道理。鴨屎香喪打檸檬茶 HKD34，加椰果 HKD5，少冰正常甜，整柸飲品都是8分滿，喝上口鴨屎香茶底清香無比，又有不少椰果肉在其中，甜度以7分甜，一樣好飲，難怪都是受歡迎飲品之一。

我喜歡並飲開的happylemon 在apm 都開了🤩， 喜歡清新的媽咪便喜歡選擇酸甜適中的檸檬🍋系列, 而我自己喜歡綿滑香濃的便之前嘗試過奶茶系列，還有茶味清香甘醇的鮮泡茶🫖！而今次我選擇了充滿特別風味和口感的岩鹽芝士系列 ！岩鹽芝士草莓鮮奶🍓滿有草莓🍓香味配上滑溜鮮奶甜蜜剛好🧡黑糖珍珠4.3 鮮奶 黑糖香味加上珍珠的口感十足，有絲滑細緻的感覺！ happylemon觀塘apm商場1樓L1-17號舖

之前apm 的freshtea by happylemon 轉返 happylemon，宜家見返個檸檬頭，親切好多！回憶返哂嚟！見到佢店舖的裝橫都好時尚，好光鮮！睇完餐牌，仲有D歷久不衰的飲品，仲有一D時興的飲品！大滿貫布丁奶茶佢的奶茶仍然能夠保時水準，入口順滑，茶味濃郁，珍珠唔實唔硬，煙煙韌韌！點解叫大滿異？應該係因為佢配料好齊全，有珍珠、布丁、又有椰果，滿足哂豐富口感的要求！情迷柚子檸檬茶呢杯見店員會用棍打D綠色檸檬，好爆力呀！柚子味同綠茶味好夾，加埋勁多的白柚粒，粒粒都喺口腔內爆汁，正！不愧係茶飲的老子號！等我下次再試吓「人氣必選」！

我呢個大朋友，去到小朋友的節日 – 復活節，點少得要食復活蛋呢!  不過平時係食朱古力復活蛋，但今次就係食復活蛋布甸!知道happylemon出咗個復活蛋，行過就要買嚟試吓~佢有恐龍暴走同火烈鳥暴走，其實即係OREO珍珠奶茶沙冰同岩鹽草莓蛋糕沙冰，但特別的係因為佢頂層放咗一隻珍珠奶茶布甸蛋或莓莓布甸蛋，見到實物好靚！個布甸仲好軟熟，呢個concept幾好，又應節!店舖旁邊仲有一個好特別的鏡，簡直係一個店舖「打卡」熱店!等我下次試埋其他產品!

Happy Lemon 返咗apm！好耐之前 Happy Lemon 轉咗freshtea by happylemon，宜家就再轉返Happy Lemon，好有親切感！裝修好時尚，淺灰白色感覺好光鮮，配上黃色燈，黃色配置，加埋個可愛檸檬頭Logo，好有時代感！旁邊仲有個大大的深淵鏡，絶對係一個好的打卡位！見個餐單，都有保留以前的大滿貫布丁奶茶、OREO脆脆奶茶、蛋糕珍珠奶茶、岩鹽芝士莓莓鮮奶、黑糖珍珠鮮奶、水蜜桃鮮果茶等等，呢D都係好經典，返學時開心的回憶返哂嚟！有經典飲品之餘，仲有不少現時時興的檸檬茶，包括有喪打檸檬、鮮檸特選、紅粉斑斑等等系列，仲有水果類及清茶類選擇。今次我就買了喪打檸檬三兄弟、鴨屎香喪打檸檬茶。「喪打檸檬三兄弟」個名非常特別，原來係裡面有三款唔同的檸檬，見店員好落力手錘檸檬，茶底就係四季春，入口好清香。我冇特別叫少甜少冰，發覺甜度非常適中，一定唔係只飲糖水的感覺！如果天氣再熱D，仲會覺得更加清爽。「鴨屎香喪打檸檬茶」宜家去到邊都有得買，店員一樣係手錘檸檬，加埋鴨屎香，味道一流！冇叫少甜少冰，已經好好味！今次飲返Happy Lemon，感覺好開心，飲品仲可以維持水準

今日買了一杯鴨屎香喪打檸檬茶，落單嘅時候講咗要小甜小冰，員工好快地出了單給我，隨即我要求返要半糖，但員工給我的答案令我O了嘴：“出咗單無得改，因為係機做，唔係我哋做，由部機控制，唔係我控制。”佢嘅答案令我o曬嘴，究竟係人控制部機定機控制人？究竟係人類控制科技？定科技控制人類？真諷刺！總結返茶味比較淡了一點，不過合乎我味道，因為平時都飲開淡茶，但係青檸檬只得三片，相比起其他店舖嘅手打檸檬茶，真的很少檸檬。