Harbour Grand Café

营业中

休息中

都未試過咁難食既自助餐諗住慶祝拍拖紀念日 係某平台又賣行廣告又話全港第一 又話乜乜乜 就信佢一次上網book枱食飯 點知就中左伏⋯去到無乜人食 1/3左右 都坐唔爆拎第一轉野食發現 無野好揀。刺身：唔新鮮 好似擺左好耐咁和牛：傳說中既和牛真係不予置評生蠔：縮哂水 腥到不能形容 龍蝦：食左兩啖 已經乾到唔想食蟹腳：無味 肉質差鵝肝：已經算係好小小 但都係普通貨仔總括黎講 全場最好食就係movenpick同窩夫選擇小到要食麵充飢700幾蚊 咁既食物質素 真係唔洗有下次

不知不覺，我都搬咗去港島幾年，去位於港島的酒店歎lunch buffet 就比較少。今次，睇完網上食評blog，就揀咗去港島君綽酒店試吓佢出品，係咪如其他人覺得咁物有所值啦！某團購平台有做promotion, 圍起上嚟兩個人約700+落樓。不講我想講，其實官方網站買個價錢，先係最抵，平日lunch buffet 一個人連加一，唔使350，想試嘅朋友可以上官網訂餐券！傳聞中的生蠔🦪，龍蝦🦞鉗，長蟹腳🦀，多款口味的Movenpick 雪糕，同即製的waffle, 大路的日式刺身，應有盡有！質素都唔錯👍🏻！個人覺得同城中, 某被稱為最受歡迎的酒店自助餐，論兩者食物質素，有得fight! 但呢間價錢平一大截，所以Harbour Grand Cafe 的性價比非常高！因我係去慶祝兩週年結婚紀念日，餐廳仲送咗個奶蓋蛋糕仔俾我！唔錯嘅！呢間lunch buffet 有下次！

一行13人去呢一間酒店食自助餐一直睇食評都唔錯 所以好期待點知去到款式少鴨肝唔好食生蠔唔新鮮 苦的海鮮好麻麻地 唔夠新鮮食到個個扁曬嘴如果以咁嘅價錢 食呢一個自助餐真係唔抵 唔會有下次 我甚至懷疑之前啲食評係假嘅 中伏咗

我哋係連埋staycation package一齊買既 包左好簡單嘅下午茶 自助晚餐同自助早餐同入住一晚 當日係星期日 所以自助晚餐可以任食四個鐘😋當晚我哋6:30入座 餐廳已經人山人海 好full🙃 咁我哋第一時間去拎海鮮 生蠔每人每次只可以拎兩隻 雖然細細隻但我覺得都幾鮮🦪 另外仲有急凍龍蝦 長腳蟹 青口 我覺得就不過不失 因為始終都係急凍🦀 另外我覺得值得讚嘅係燉湯 好足料👍🏻 甜品都好多選擇 咩款式都有賣相仲好靚好吸引😍 我地係慶祝週年紀念 老公仲提早叫酒店準備咗一個小surprise 個奶蓋蛋糕真係好正 唔係淨係得個樣板🍰

朋友話呢間酒店嘅自助餐喺網站票選為十大人氣自助餐，於是相約來一試，經網站預訂及付款，每位實付351元。酒店大堂極具華麗，氣派十足， 餐廳在酒店3樓，座位與座位之間距離足夠，唔會覺得好迫，食物區係一字排開，取食物都幾方便，取蟹腳及生蠔位置就需要排隊。先簡略介紹下有乜嘢食：凍海鮮有必食嘅蟹腳、即開生蠔（初頭每人每次只可以拎兩隻，到後來就可以拎3隻）、龍蝦鉗、凍蝦、青口等。刺身就有三文魚、吞拿魚、鯛魚、八爪魚同甜蛋，另外還有各款壽司同冷麵。燒肉類就有燒肉眼牛排同燒火腿。湯就有中西湯各一款，分別係合掌瓜雪耳排骨湯（呢個湯好飲好清潤）同南瓜湯。燒味就有义燒、油雞、燒鴨同紅腸。熱葷就有清湯蘿蔔牛腩（牛腩較細嚿但都夠淋）、南乳炆豬手（好香南乳味，但豬手要再炆淋啲就 perfect ）、魚柳（都幾滑，味道唔錯）。還有即淥粉麵同 pizza。仲有唔少得嘅印度咖喱羊同咖喱什菜，以及日式嘅什錦天婦羅。至於甜品就都有好多選擇，包括士多啤梨雲呢拿慕絲蛋糕、法式栗子撻、德國芝士蛋糕、木糠布丁杯、檸檬蛋白撻、巴黎泡芙、黑森林蛋糕及柚子意式奶凍等。另外雪糕就有成十款口味可供選擇，生果就有基本嘅西瓜同蜜瓜。蟹腳都幾大隻

好耐冇食自助餐呀，今日有七七折，決定放肆一次。12點準時到，排曬長龍，可見幾受歡迎。坐低馬上開動，呢度最出名就係長腳蟹🦀，所以一定要食多啲，食幾多都有，供應源源不絕。生蠔🦪都好多人排。食完兩碟長腳蟹，跟住食魚🐠生，品種多好新鮮，揀左三文魚，吞拿魚，八爪魚，甜蝦，刀貝壽司🍣。食完海鮮到沙律，每種顏色都要揀，青瓜，車釐茄，紫椰菜，沙律菜，薯仔，紅提子，軟芝士，杏脯，芒果乾，核桃，蘑菇，夠曬七彩。🌈見生蠔多人排，我都去趁熱鬧。燒牛🐮肉當然也不能錯過，牛肉燒得半熟，鮮香嫩滑，加黑椒汁，介辣，正到蓖。😋😋食完主菜，其他食物也要試下，一碗帶子牛🐮肉粥暖暖胃，羅蔔牛腩煲裡的羅蔔好食，甜品好豐富，可惜胃納不足，下次要加大個流量先來食。😛食到飽飽的，飲番杯咖啡☕，坐在高大寬闊的大廳，超享受。🥰

#港島海逸君綽酒店 Harbour Grand Cafe📍炮台山(MTR步行五分鐘就會到達）.炮台山既自助餐係一間我會食完再食既自助餐原因有幾個：1️⃣時間好多酒店宜家都分左時段去做，好多只有2小時去食但女仔食得慢，又要走尼走去拎野食所以我會平日去，可以唔分段，慢慢食.2️⃣環境佢環境唔會好逼夾，今次2人去，佢都比左4人枱我我仲提早request左唔想咁近食野，因為我覺得通風系統唔係咁好，唔想食完之後成身都係燒肉未大家仲可以揀喺泳池景，或者喺另外一邊窗邊（會望到好小好小既海）.3️⃣價錢佢價錢都性價比高，預先喺網上面買有時仲會有七五折.❇️野食有龍蝦，生蠔，刺身（三文魚，牡丹蝦，帶子，八爪魚，吞拿魚），燒牛，鴨肝，日本野，甜品，沙律區嘢飲，佢會有蘋果汁，同埋檸檬茶俾你免費飲.Refill速度我覺得都好快👍🏼Staff會不停地收走你食完嘅碗😂搞到我都有啲意思😂

10月份是爸爸的生日，打算吃自助餐作為慶祝生日飯。Harbour Grand Café 的環球美食自助午餐在網上預付有74折優惠有即開生蠔，成人每位原價連加一是$547.8，現在只需$418.32這價錢適用於星期六日及公眾假期，享用時間是中午12點至下午2點30分建議大家可以早少少來等入座，我去吃的那日差不多滿座。海鮮有四款，蟹腳和白蝦很吃落是鮮甜的，藍青口和黃金螺的味很淡。即開生蠔每次排隊可以拿兩隻，不算太肥美，但尚算新鮮。刺身方面，整體都很新鮮，而且還切得滿厚身。對於喜歡吃沙律和芝士的我來說，雖然不能說很豐富，但基本的都有。順帶一說，煙三文魚幾肥美，配沙律吃不沾醬都夠味。熱食不太吸引，例如一盤西蘭花更像是為了充數。不過避風塘炒龍蝦鉗這個好吃！炒得好惹味，而且吃落不似是因為不新鮮才弄成辣的口味，肉質是厚實的。另外熱食還有燒味和點心之類，肉類的話則不太推薦。但也不至於全部熱食都可以放棄，因為還有生滾粥和湯麵，都是即場煮。自選配料可選海鮮，加上用上湯煮成的粥實在很難不好吃吧？湯麵我會推薦馬來喇沙湯底，辣味溫和又足夠惹味。最後來到甜品的部份，滿喜歡每件甜點都是小小的，可以多吃幾款又不怕膩。

The Leung's family enjoyed lunch buffet there. Both the food and services were 6-star. In particular, I would take the liberty of praising Carlos and Jason for all their kind assistance.All the dishes impressed us actually. 

又係 staycation package 包咗dining credit去食buffet lunch，最吸引就係有蟹腳，Size好大隻，味道都唔錯如果在鮮甜少少就最好。但其他食物就冇咩選擇，如果係蟹腳愛好者都抵食嘅

朋友生日大家又出來聚一聚，今次我哋想吃得爽一啲，想吃乜就食乜，結論去吃自助餐。港島海逸君綽酒店的自助午餐好抵食，打折後三佰多元一位。一入餐廳環境寬闊開揚，供應食物的地方一字排開，一目了然。有中、西、日式、印度等美食，還有新鮮即開的生蠔，雖然唔係好肥好大隻但也是新鮮甜美的。沙律🥗菜種類也多，新鮮。好多客人都踴躍拿取龍蝦鉗、蟹腳、青口和凍蝦，各款海產都新鮮爽口，質素不錯。吃了一塊肉眼牛排，粉紅顏色，肉質稔滑，但唔係太重牛味。甜品種類也不少，除咗角色蛋糕之外還有椰汁糕、桂花糕、泡芙、意式奶凍、木糠布甸、馬卡龍等等，我最鍾意的就是芒果拿破崙，酥皮香脆，細細件可以多食兩件。生日的朋友更獲贈一個流心芝士芒果蛋糕🎂，很不錯。食物種類非常多，未能一一嘗試，下次再來吧。這兒的服務非常好，員工都帶著微笑，很滿意的一餐。

N午前食過哩度嘅lunch buffet，無期望反而有驚喜，覺得唔錯，一直想encore，又俾我今日book到即日dinner buffet，結果中伏係劣食，所以乜都係整定⋯入正題，盡量逐樣食物點評（此終個胃容量有限）：龍蝦：睇個樣已經知道有D乾身，點知食落，簡直係完全風乾左咁，而且超級韌同無味（全埸最難食no.1），攞咗一round共4隻，淨係食咗兩隻，無辦法都要放棄淨返個2隻，做左大嘥鬼。生蠔：種類偏細隻，中規中矩，蠔味ok。長腳蟹：average size，唔細隻，但味淡同乾身，第二round再拎，明顯係多汁同甜D（有一半係甜嘅），咁你哋明啦⋯刺身：全部都係麻麻地，得三文魚同劍魚比較好，帶子有D腥，八爪魚好似咬緊舊擦子膠咁。片皮鴨：有水準，好食，拎左三round。西冷扒：第一round拎左D頭頭尾尾返黎食，硬到似石頭，一啖就放棄，諗住俾多個機會佢，今次拎左中間，算係林嘅，有牛味，不過凍凍地⋯台式蚵仔煎：蚵仔丁屎咁細粒，又少，香菜冚過晒蚵仔味，又係衰乾身。煎鵝肝：中規中矩，可以煎得燶D。鹵水墨魚：兩個字「無味」。煎雞髀菇：無特別，但因為我鍾意食菇，所以點整都好食。蝦片：唔香唔脆，又

好朋友住酒店，相約一起吃早餐，高興😃極了，在堂皇華麗的咖啡廳裡，和好友相聚甚歡，享受豐富早餐，是多麼美妙的事情。😘一大早起來，想到有靚早餐吃，心❤情都超靚，自助早餐可以食到10:30，慢慢享受，慢慢傾計，天南地北，風花雪月，傾個不亦樂乎。😘😘豐富多彩的食物，自然要一一試勻，最喜歡這裡的鮮菠蘿，蜜瓜，烤得脆皮的麥包，搽牛油加藍莓醬，香甜脆皮，超級享受。一碗熱辣辣的瘦肉粥，加欖菜，肉鬆，香蔥，別有一番滋味在心頭，好像小時間的感覺，謝謝好友相約，蹭飯是特別開心❤。😋😄👍🥳

2022年夏天staycation第二擊，揀左港島海逸君綽酒店。Package包高級海景客房 + 早餐，星期五入住價錢為$1260。入住後第二天於Harbour Grand Café享用早餐，7點至10點半。呢度早餐係自助形式，一齊睇下有咩食啦！食物基本上一字排開，最入有熱麥皮同粥。粥得一款豬肉粥，其他粥配料仲多過主人婆即係粥本身。炒西蘭花同炒雜菌就暖暖地，叫做有d熱菜食下，唔錯。熱食仲有炒麵，腸粉，炒滑蛋，茄汁豆，烚蛋。點心有牛肉燒賣，素菜餃，同蓮蓉包。牛肉燒賣肉少，細細粒，好麻麻。素菜餃皮厚，有脆口粟米係入面算好少少。蓮蓉包皮厚餡少，不過蓮蓉餡質素係及格。春卷少少脆皮同煙煙韌韌，似蔬菜餡。厚切火腿就非常好食，呢個驚喜，外面好少有得食。脆口迷你薯餅好香口又唔油。仲有烤番茄，唔脆既煙肉，同香腸兩款。雜肉腸就唔脆皮不過都可以。蛋station好似只得太陽蛋，無omelette或者egg benedict。早餐穀物有4款。隔離有煙三文魚，同火腿幾款。沙律有青瓜片，唔多新鮮既車厘茄，粟米粒，同一款沙律雜菜。芝士有3款，兩硬一軟，軟芝士Brie正常。果乾有3款，有杏，木瓜乾同香蕉乾，有木瓜乾真

係Klook預先訂左個大吉嶺茶配檸檬柚子蛋糕 (1磅)慶祝生日，價錢折後$305，其實都貴。由於當晚會住酒店，於是預先請餅店直接送個蛋糕上房，就抵返d。買完之後酒店餅房就即日打黎確認，服務好好。由打電話到送上房大概10分鐘，仲送餐具添。大吉嶺茶配檸檬柚子蛋糕外形係鮮黃色，有綠色白朱古力圍邊。上面白色白朱古力圍住白色同淺黃色忌廉，加左食用花瓣同銀箔裝飾。朱古力牌免費。落單食要求要寫字寫清楚就得。入面係薄薄一層海綿蛋糕底，上面有大吉嶺茶慕斯，檸檬慕斯同柚子醬夾心。食落就係呢3種味道，平衡都唔錯，酸味爲主，配白朱古力一齊食就好夾。不過呢款蛋糕就無多重口感。味道造型都算唔錯，係酒店房食簡直一流！