Hero Sandwich (已結業)

同事介紹公司附近有間cafe唔錯就跟左佢地黎食晏晝兩點幾去到 無咩人 全間鋪得一台人 以為係勁伏既餐廳款式都算多 我就嗌左個下午茶蕃茄牛肉通粉 加薯條通粉味道普普通通 唔係話特好食但個薯條配藍芝士醬好好食 仲幾大碟下 $30都唔洗另外下午茶包野飲 就揀左杯熱薑蜜 都唔錯！聽講三文治都唔錯 下次再試

經過多次終於有機會試吓。叫咗安格斯牛漢堡，加凍飲$98。賣相唔錯又夠大份，本來流晒口水，點知食落好有問題。點解安格斯都冇乜牛味，牛肉漢堡有啲部分滑到唔似牛，有部分又硬又有根，加上煮得較生，唔好食。薯條好食唔油膩，凍飲都太甜但算正常。要記得帶紙巾(冇供應)，啲汁同沙律醬會搞到一手一口都係，要洗手。

雖然不能在母親節正日跟奶奶慶祝，但就相約了昨晚到九龍灣「美心皇宮」飯聚在夫家外出的飯局，於點菜方面都是由小姑作主的，所以我不用費心!!未開飯前，先送來了兩碟醒胃的酸菜小姑快快的點了一個套餐加一碟荔茸香酥鴨荔茸香酥鴨，很厚的一層芋泥，跟我想像的不太一樣咬下去尚算酥脆，可以蘸附上的醬料來吃，味道不算美味蒜花雞，雞皮脆脆的，好有口感蘸上附有的醬料，配搭出好好的味道，好想再吃呀!XO醬爆海參蚌片，用上XO醬來炒的一碟小菜，相當可口翠肉瓜咬下去依然爽口，口感度適中紅燒竹笙花膠翅，用料十足，味道方面都算不錯由待應在旁邊的小餐車，把翅從窩中分配到碗，不像其他的酒樓在大台上分配，讚!!貴妃脆蝦球，蝦球上的黃色醬料像沙律醬一口咬下去，十分爽口!味道較濃，用來送飯，一流!!!花膠瑤柱浸翠苗，很幼嫩的菜耶，我還是頭一次吃這個菜的喜歡夾一小堆扔進咀裡，口感超好!最後就是這個了!!....清蒸沙巴龍躉.....本是是充滿期待的，但是極度失望!!!!!條魚一點鮮味也沒有之外，肉質也很粗諧這是今次飯局最不滿的地方...........真的讓人失望!唯一慶幸的是服務態度絕對係讚...讚...讚!!.....

同朋友去咗大角咀嘅Hero Sandwich食早餐，呢份煙肉早餐除咗煙肉外，仲有焗豆、粟米、煎蛋、薯餅、多士同雜菜，都真係幾豐富啊。以差唔多類型嘅食店嚟講，呢個價係抵食水平。我就叫咗煙三文魚水煮蛋早餐，英式鬆餅冇切開、係原個上，水煮蛋就得一隻，仲要已經裂開咗流晒啲蛋汁出嚟，食落仲有一陣腥味。好彩煙三文魚同雜菜沙律味道正常咋。另外，跟餐嘅即磨咖啡就苦咗啲。

真失望，$35一份下午茶餐，只得幾口通粉三片雞肉，問店員為什麼這樣少份量，店員說，吾知道，問老闆。同時也有別的顧客，也點了這份茶餐，也有被騙的感覺。這店列入我的黑名單，永不光顧

本身都冇乜胃口，所以老公話只係叫左一隻大熱狗share。 見到隻熱狗，我呆左果隻熱狗好似仲長過我手臂，三個女仔share都應該夠食！入面只係得d切片腸仔、豬柳、蕃茄、生菜，冇乜特別，個對兩個肉食獸黎講都好吸引，而且個包面充滿芝麻，令到個包好香口，好正！ 話冇胃口，但最後都食左接近一半 天氣涼涼地，加埋杯熱朱古力，真係好正

熱狗套餐酸甜的熱狗醬，加在包中。咬下去有芝麻香，麵包也是軟香而富彈性， 粗身的熱狗腸呈脆皮咁樣樣。薯條芝士，芝士半融。兩者份量都好多，50蚊有找的套餐也不錯了。

食得出呢間快餐有心機做我點hero sandwich combo個包身熱熱地, 外邊有d脆, 入面都軟,你可以話成個包都好普通, 都係一塊肉, 有塊芝士,有菜, 加d 醬(好似係幾種醬溝埋), 食得出食材新鮮其實我唔知有咩好解釋, 不過openrice audit 話我要詳細解釋食品內容, 我係笑左出黎, 我都係想share 下好野jer, 我又唔知個片芝士咩產地,咩年份, 邊隻牛d奶總之我覺得成個熱狗都好好食薯條就普普通通, 好過食老mc, 不至於差, 但呢個價錢就可以好d 咁lor.呢間餐廳無咩人,可能位置實在唔就腳 (南昌/太子/深水步地鐵站都要行一段)講開又講, 而家的確好多做呢d sandwich/burger 都有質素, 但好多出左名就差左, 事實上hero 亦無以前(3年前) 好食, 但我覺得呢間d 出品都係好好, 起碼吸引到我行過去食先lor

$98 熱狗餐，包唔熱，料又少，醬難食，腸亦無可取處。咁大條，唔食又浪費，食又頂胃。檸茶似五花茶味。食物毫無誠意，好意思收咁貴？如果你冇野做想搵個冷氣地方坐下，咁就可以一去。

深水埗、大角嘴是我的“故鄉”。小時候，住在附近，小學生活也是在這邊渡過。亮賢居的前身是油麻地小輪的員工宿舍，我很多小學同學都是住在這里的。這些都是咸豐年代的往事了。這兒對我而言，有份特別的感覺。Hero的布局，跟這一區的style，其實有點格格不入。今天路經此地，又累、又渴，就來一份下午茶吧。差不多六點鐘，店內沒有顧客，一位員工在拖地，搞衛生，準備迎接下一輪的生意。我問清楚，還有下午茶套餐，我點了雞肉卷+熱檸檬水，$28。收銀姐姐接下來為我準備食物，雞肉放烤爐上加熱，然後配合生菜、粟米、番茄等用wrap捲起來。材料新鮮，制作認真，雞肉雖然是冷凍的雞胸肉，但是不“柴”，味道蠻不錯，因為配合了生菜番茄粟米，也不膩，很清新。舒舒服服地坐下來享受我的茶點，玻璃窗外是黃昏的夕照。這下午茶不僅解渴、填飽肚子，也提供了一個休息、歇腳的場所。我會再回來的。

每次去大角咀工作，如果係下午茶時間同埋又唔係太肚餓，我都會去Hero 食依個tea set,"雞肉凱撒沙律沙包餐"都只係$25，佢係屬於西式麵包店，所以咖啡都好有水準，雖然佢只有兩塊法式麵包，因為佢係自己店手造，所以口感非常鬆脆，你食得出新鮮造出嚟嘅感覺，加上佢上面超多份量嘅雞肉沙律同多士極之配合！$25比到一個非常滿足嘅下午給我！

星期日同老婆行街經過， 見在屋企樓下開咗一段時間，見有小小肚餓，諗住食個下午茶。睇咗Menu, 點咗個照燒雞三文治同hero熱狗 。點餐收錢的後生仔態度真係。點咗餐我地埋位坐低等食物。等咗大約5分鐘可能拎餐，一埋到去出咗第一份餐，點知一埋到位，就即刻可以拎埋第二份餐。心諗好在我叫2個餐，走2轉。如果叫10個餐咪食物質素平平，照燒雞三文治，包包口感還算外脆內軟，可惜雞扒細同乾硬。熱包包有點硬，熱狗腸和醬汁配合得可以。可惜服務差已經令我不推介

4點幾同老公經過，諗住去試試佢叫左個照燒雞三文治同hero熱狗我地唔明點解叫兩個餐要我地行三轉出去拎，俾錢時cashier態度又勁差我食既照燒三文治，法包外脆內軟，不過入面既雞扒細得可憐，加埋蕃茄，生菜，洋蔥，味道尚可！薯條，熱既，唔會放左好耐，但茄汁好稀除左服務差，環境同衛生都唔得，成地都係食物碎，枱又唔平

吃得到最貼近外國風味的三文治與薯條，如果可以有多種麵包選擇更好，其他的食物就很一般。店開在任何公共交通都不能直達的地方，假如在觀塘/將軍澳這種人口密集的地區開店，生意會更好吧

行行下見到呢間ＨＥＲＯ　ＳＡＮＤＷＩＣＨ，見到ＨＥＲＯ咁把炮咪行入去試下。點知間野真係幾把炮，唔好見佢同平時d快餐店差唔多咁，都係得漢堡飽同薯條，但係只要食過hero sandwich既漢堡飽（其實係三文治）同薯條就知道係完全兩回事，味道同感覺係完全唔同既。未去過食既人就一定要去試下，識食一家去大角咀呢間食，未試過都唔好話中意食漢堡飽（三文治）。大件得黎夾抵食，多料得黎又多汁，啖啖肉，同以前食開既漢堡飽簡直係兩個世界。而且款式又多，配搭又多，個飽皮都唔係一般貨色，食起黎其實都幾鬆化，上面Ｄ菜都算新鮮，最少Ｄ生菜係爽口既，配料相比同其他快餐店真係優勝好多。薯條好食當然唔洗講，薯條大大碌，新鮮得黎仲要係熱既添，咬落去仲要外脆內軟既，出面似薯片，入面似薯蓉，味道似薯條，真係一次過滿足你三個願望！！！呢間野堅係冇得輸。誠意推介!