Hero Sandwich (已結業)

今天中午和同事慶祝生日,在公司附近食過快閃食, 之前路過有間西餐廳出名一長熱狗, 一直都想試，見今天我們有4個人, 終於可以試吓喇.一尺長熱狗套餐，果然好長,上枱我要求店員幫我們一開4份, 飽子睇落好似好硬,其實好脆,條腸唔夠熱。白汁蜆肉意粉，蜆肉多過意粉, 但勝在夠熱騰騰, 白酒香濃.白松露帶子大蝦意粉，帶子好厚身,但一碟得兩粒好似少咗啲，大蝦肉新鮮好彈牙, 味道啱啱好.煙鴨胸意大利飯，賣相真係唔掂, 但食落其實唔算太差. 煙鴨胸好有肉味, 冇雪藏感覺.配埋餐飲，榛子鮮奶咖啡， 好滿足。

呢日下午同朋友行開呢頭，搵個地方啤啤佢，見到呢間幾有feel，就坐底一陣啦。都有幾多手工啤揀室內環境係咁嘅我地揀左出外面坐，小小風，幾舒服兩支味道ok，小小苦，唔會甜，幾好飲。無叫任何食物，無法整體評；問職員有無介紹，似乎無乜頭緒，亦唔係好知點介紹，呢點淨小小。

趁星期日，一個人想靜靜地食個lunch，見Hero人少少，之前都食過幾次（意粉），於是叫咗「2號」set黑毛豬，落order時間係1:17pm。我一邊玩手機一邊等，等等下覺得唔對路，一睇手錶，哇！1:50分！？我足足等咗30分鐘！因為我2點左右一定要走，冇預煎一塊扒要咁耐！落餐時個收銀又唔講！否則我叫意粉算！於是立即遞手叫阿姐跟一跟。阿姐拋下一句：「豬係耐D架」後就掉頭走，睬我都儍！激到我，一來我少少趕時間，二來我眼觀周圍，只有五、六枱客，不足三分一，煎一塊豬扒半個鐘？我回佢一句：「咁我落單時你哋唔講？等咗半個鐘先催你唔過份吖」。話完，態度依舊，睬你都儍，扮聽唔到。我一向去佢樓下的Little Break食，牛、豬扒、炸豬手都超級正，講味道贏Hero一百條街啦！唯一缺點係人多，尤其星期六、日，經常冇位！人地Little Break個厚切黑毛豬我食過N次啦，15分鐘唔洗呀！人地咁多客，咪又咁快上到枱！最後，再等多8分鐘，黑毛豬上枱時間已經係1:58pm！我原本諗住1:15左右落order，1:35左右應該上枱，諗住用30分鐘時間慢慢食，結果，我只能用極度5分鐘去食完塊扒！味道，我不願置評

OML! Don't even come here! All frozen meat, chinese style fried rice pretend to be risotto. Meat has no taste beside salty and tough. Portion is small. With a price of almost $300 for 2 people. Seriously go somewhere else. Low quality and quantity. Not to mention the waitress throw food on the table with a nasty face.Guess without service charge is meaning no service. McDonalds service is better than this place.

身體有朋友奉行少澱粉質飲食，對於肉肉有種情意結，，偏偏我是個飯桶，特別午餐😂無飯都要有麵✌🏻黎到呢間餐廳直頭係佢地既世界，見到開心既笑容😂😂影左小小餐牌，每個主食都會跟一杯飲品，可以再upgrade 我食既係三文魚意大利飯，三文魚煎得好香好好味，味道屬於偏鹹但配落個飯到就岩岩好，不過覺得硬硬地既意大利飯會比較好味d,呢到偏諗身我自己睇食評鐘意有圖有真相，所以有d雖然我無試，但都影埋開心share🤗德薩斯牛肉漢堡巴馬火腿牛肉漢堡三文魚扒意大利飯美國穀飼西冷牛扒

I tried their iberico pork, slight dried due to from frozen meat. A bit lean and not enough fat for me. Apart from that it’s quite good in terms of taste and texture. I also tried their clam spaghetti, lots of clams and the spaghetti is cooked perfect al dente.Salad quality ok quite fresh, salad dressing could be improvedTruffle mushroom soup taste good but again could be improveGood range of European beers (unusual choice)

星期六中午同同事一齊吃午餐，商場入面有幾間都試過，其中見到間食漢堡既，價錢都唔平，不過諗住幫襯下啲小本經營餐廳，就試下啦講服務態度，幾位執枱阿姐，想你調位時態度極差，想開片咁滯，結果我問佢係咪想鬧交，佢即時收聲想攞支牙籤，講廣東話係攞唔到，要講普通話先俾你食物方面：普普通通，唔見得特別好。但係，我諗起碼做番好服務業最基本既嘢先講啦，我重未接受到係香港食肆要用廣東話或英文以外既語言去溝通結論：無下次

D2 place 依家係荔枝角嘅熱門地帶，有好多不同類型嘅餐廳。而且每個月都有市集活動，有好多年輕人都喜歡到依道逛逛。入面亦又有些self serve嘅餐廳，價錢合理，味道質素都幾好。為大家，推介一下Hero，佢嘅carbonara 個汁夠creamy又滑👍🏻黑毛豬燒得香不過火，肉嫩。大家行過可以不妨考慮試試。

Very disappointing. Menu is great with wide variety of food and drinks. BUT, the food you get is NOTHING, absolutely NOTHING like the food you receive. Quite amazing. Lamb was fatty and cut so thin I’m surprised they managed to keep a bone in. Pork chop was half the size of the menu. And prices not cheap! ALSO, the menu states that some dishes come with hydroponic salad and fries, but only fries arrived. When questioned, they said there was a typo on the menu and you can only have one or the oth

朋友說這裡是她最近的飯堂，心想食物應該不會太差。不知道是剛好這次我們點的煮得不好，還是她基本上只吃同一道菜，這次食物的水準令我對這裡很有保留⋯⋯↑卡邦尼意粉：除了意粉本身煮得al dente之外毫無可取之處，沒有甚麼蛋黃汁醬，黑椒和芝士欠奉，整碟意粉淡而無味🙁↑要加錢的餐湯很～稠，根本就是「漿」不是湯↑在我絕望之際，這道西班牙橡果級黑毛豬讓我不至於馬上去找別處吃的。雖然豬扒非常小塊，但表面煎得香脆，而且肉汁還保留著。旁邊的黑松露燒汁帶點甜味，雖然隨便倒在碟邊賣相不佳，幸好味道還不錯。↑酸忌廉煙肉焗薯：單點的，想不到賣相像配菜，卻要$69⋯⋯這些加起來，再加跟餐的每人一杯熱飲，每位要$16x⋯⋯食物質素低下，完全不抵食，我自己就不會再去了🙁

d 咖啡望落唔錯，當cafe同朋友飲番杯應該都ok, 因為裝修都唔差，個窗口好大。當日餐廳人數唔多，所以唔洗等位，我叫左個煙三文魚忌廉汁意大利粉，但有D失望，因為意粉入面一粒煙三文魚都無，得面頭２塊煙三文魚，而意粉汁個芝士味可以重D，但意粉既硬度適中，好彩夠熱咁食，個味道仲可以接受到。個桃茶係即開即用既茶包，桃味香，茶味幾香。但午餐96蚊一個意粉再配一個飲品，而個意粉得2塊煙三文魚，味道只屬中等，仲有好多野都係自助，無乜service 可言真係唔係幾抵食，唔會再試。

今日第一次黎到呢間野亦都會係我最後一次撇除嘢食嘅質素，入面其中一位服務員嘅態度真係令人咋舌。我短時間內聽到服務員用粗口問候剛離開嘅客人理由係問佢地攞多一套餐具另外有兩個男仔睇落似傾project一出左鋪頭已經被問候祖宗十八代原因係坐左係鋪頭太耐聲稱阻住做生意（已經買左一大盤炸雞），而當時係有大量吉位。完全係無理取鬧！真係愕然估唔到一間收得人差唔多一百蚊一碟野嘅餐廳入面可以咁樣接受咁嘅員工！食物方面亦都好一般，由於我地到嗰時係tea time所以就叫左個炸雞拼盤，我地應該就係叫同上面所講嘅炸雞價值$238加三杯野飲，好可惜雞同薯條都唔熱大失所望。無論食物或者服務質量都不敢恭維。希望唔會比個服務員姐姐問候

仔仔放Easter啦，因為放假後就大測；所以活動都盡可能安排係第一個星期，今個星期去下街，溫下習；下星期就係溫習溫習再溫習！今日會去荔枝角，主因係要去買summer校服；而校服做乜唔係學校訂要自己去買呢；原因就係因為有D2 Place啦有野睇，又有好多好似幾好味既食店。之前都係D2 Place食過下午茶架啦，今次係買校服順便黎食野，又可以話係黎食野順便買校服。我懶嘛，如果去一個地方唔係多於一個目的既話，我會拖得就拖，唔去住今次仔仔揀左依間食店，睇佢個Menu都幾抵食，相片都好吸引。婆婆點既牛肉卷，hum...張相既賣相真係吸引D囉。不過佢都好味，而且都方便食，可以一日拎住就咁食的。記得之前去食過一間韓國野，有個Tea又係依D咁上下既卷，但係整得一D都唔方便食，又拎唔到上手，切又切唔到；所以今日依個，真係無得彈，係隻碗單調左D，換隻靚D既碟，或加D沙律係碟邊，總體一定會更吸引。我點既牛角包，個包好好味丫，唔計D料，淨係個包已經好好味；加埋D料就更好味啦。仔仔點的熱狗，其實冇乜特別，咪熱狗囉。但仔仔一食都係話，個包好好味。我見依間野重有牛扒果D，如果食Lunch或Ｄinner；真係可以試下

呢日約咗久別重逢嘅朋友仔食晏，咁就搵間係我哋兩個公司附近嘅餐廳啦！最後決定嚟呢度食，坐得舒舒服服又可以傾吓計咁！我哋叫咗兩款嘢食share ，一個白松露珍寶帶子大蝦意粉，一個招牌手打牛肉芝士漢堡。個意粉真係令我非常失望首先，意粉有少少overcooked，但最緊要嘅係隻帶子唔新鮮，當然我知道一定係冰鮮嘅帶子，但係隻帶子好似雪咗好耐，切開已經有少透透哋，完全無帶子味隻蝦就係無調味，好難想像最好味嘅係啲露荀！咁又要公平D講，個burger係好味嘅，但係因為掛住傾計就唔記得咗要影相！ burger係用甜包，比較特別，入邊個手打牛肉夠Juicy，啲煙肉又唔會死鹹，加埋芝士食落去真係唔錯嘅配搭！我諗下次嚟，都係食burger穩陣啲喇

D2 place 貴為文青ge集中地, 我今次當然唔執輸, 搵左一間優閒小店好好relax一下.餐廳環境尚算舒適, 可以好好咁chil 下有選擇困難症ge我就係set dinner 入面簡左兩個餐招牌手打牛肉芝漢堡面包烘過夠哂香趣，牛肉夠厚身，咬落去好香口好juicy，再配埋芝士真係perfect match。 不過個包比較乾身，如果有啲蕃茄，沙津汁會再好食啲。而啲薯條就係即叫即炸，令人忍唔住一條又一條咁食。白松露珍寶帶子大蝦意粉普通貨色，帶子係大粒不過冇咩鮮甜味，大蝦就唔夠爽口彈牙。總而言之，呢間餐廳可以俾到你有放鬆嘅心情去享受美食，不過食物嘅質素就仲有提升嘅空間。