High Court (已結業)

往金鐘看電影前想吃點東西，時間不太充裕，附近的食肆也很昂貴，忽然想起往高等法院見識見識。飯堂裝修普通，食物價格便宜，下午茶時段客人堂食的不多，多是外賣。煎牛肉餅通粉，十七元包飲品。但是牛肉餅肉質怪怪的，加上無論肉餅和通粉，都鹹得厲害，可說是難食，看來是叫錯了食物。另一份雞脾沙律，二十元包飲品。我看見其賣相巳不對胃口，誰知年輕人竟吃得津津有味，並說抵食，比起大學飯堂的強多了云云。看來要向大學飯堂說句多謝，其食物的水準竟然可成功 “訓練” 和調節人的適應力。熱奶茶不過不失。有機會想試試午餐。

一直以嚟都係金鐘既抵食首選,因為價錢相對全金鐘係最平既食店,可謂大件夾抵食.但不知是否轉手或是改革,食物質同量都不停下降,兼味精越嚟越重手,由時其佢係原本最好嗰個蒸飯家吓變得最差,唯一可取既就係價錢好似無變過,但同樣地將價更就貨.除非行過或抱吓希望有無以往水準否則無謂再去.

位處High Court內的食肆。店內分兩部份，外面是普通canteen格局，消費三四十元；內裡是西餐廳，「只」招待一衆法律精英，消費約一百元。午市有中西式套餐供選擇，主菜試了香煎紐西蘭牛柳配紅酒燒汁。菜式賣相中規中矩，牛柳點菜時未有詢問幾成熟，出品約八九成，肉汁少了一點。儘管味道未夠濃郁，口感軟腍度仍屬可接受水平。配菜有各式雜菌及小薯仔，小薯仔味道香口不俗。

是日法院審了一單大案, 同同事八卦下, 中午過來High Court呢度食飯, 順便來趁下熱鬧. 不過, 案件一早己在10點判決, 記者們早已散去. 咁我地就直接入去canteen食野. 正式來說, High Court Canteen 分三個特區, 平常我們去食的, 是公眾特區, 另一邊是員工特區, 而在公眾特區後面, 是大狀特區. 門口雖然說明是大狀麥區, 但我們不理, 推門直入, 大狀特區既格局同出面公眾區完全不同, 前者是一家非常好服務的西餐廳, 後者是一家大家樂feel既快餐店.我叫了一份比目魚腩, 而同事就要了一份紐西蘭牛柳. 我們心想, 好多大狀都係識飲識食之輩, 大狀區招呼得他們, 可以Stop到佢地走去太古廣場, 除了一個既清淨又private既環境之外, 食物同服務水準, 一定有番咁上下.比目魚, 即是Halibat, 以前係外國既街市見過, 大大條, 幾十斤重. 肉質結實得黎又夠嫩. 是日的比目魚腩, 肉質如我所說的結實. 味道雖然是有少許腥, 但配襯的汁, 完全能瓦解呢種鮮魚味, 伴上薯菜, 薯不是薯條, 是牛油味極香的薯蓉. 食落雖有點滯, 但好味道令我吃不停

金鍾應該無邊度吃飯便宜得過high court canteen, 它比大家樂還要平。Lunch約個金鍾返工的friend吃飯，他完全不知道這裏有一個canteen~~~ 我叫了荷葉蒸鶏時菜飯+熱檸蜜只是$23雖然便宜但絕不馬虎 給的是鶏腿肉和紅棗呢 連我老友也贊好味。難怪中午時間人潮絡繹不絕。題外話：這裏的經營者是做以前港大swxxx can的，怎麽以前我在吃swxxx can吃飯時覺得很難食，現在又覺得不錯呢？！以前swxxxcan好像沒有荷葉蒸鶏時菜飯供應。

都有一段日子沒去法院 Canteen 午飯了. 而且有時人山人海, 亦喜歡到區外尋食. 久違了, 高等法院. 今日, 約了朋友係政府合署交收, 事成叫埋同事仔, 法院 Canteen 啦, 唔想周圍走....不知是否世人仍在假期 mood, 呢幾日, 返9:30的我每天都成功地拿到沒有被畫上綠線的都市日報, 地鐵有位坐. 而法院 Canteen , 竟然唔駛排隊.....沒有人龍便慢慢看 Menu, 另外兩餸 display 緊一個雞脾飯. 好耐冇食過雞脾飯了. 加上瑞士汁, 再跟有薯菜. 份量夠哂大. 而米, 不是普通的金象米. 咬落軟綿綿, 粒粒肥大.....一看就知, 是珍珠米. 食落份外不同.同事叫了一個咖喱豬扒飯, 大大塊, 吉列豬扒. 咖喱汁雖是中式, 但配上近日式的扒及飯. 食起來都不錯.經常有朋友提起大狀區可以入去食, 但始終覺得怪怪的, 沒有勇氣硬闖禁地. 今日沒見到什麼大律師, 大狀, 反而有幾位目珂兇光的大漢入黎食野. 而且坐我地隔離.....不知是否老大要出庭, 班細既要黎聽呢......?

久聞法院Canteen大名, 現在移駕金鐘區上班, 當然要到這兒看個究竟.像樓下搵食兄所說, 這裡人頭湧湧, 中午找個地方坐並非易是, 幸好我放12.30, 到違時仲未到一點Peak hour, 而且金鍾所有怏餐店的擠湧情況, 相信於金鐘上班的朋友, 有食黃蓮的感覺.加埋大狀專區, 地方不算小, 但亦好明顯, 兩個Area, 有兩個格. 一入去, 被今日推介的日式飯吸引了, 而且排完隊俾錢後, 原來等叫number, 解決了我要排攞野食隊的苦惱. 鰻魚照燒雞扒飯, 雖然鰻魚只是一小塊, 但個照燒雞扒連汁, 比出面一些Cheap cheap 日式食店來得好食. 上面還有木魚片, 同黃色的 "夢卜". 製作非常認真.沒有意志力去看其他餐牌, 其他人食的, 賣相不差. 金鐘果然沒地方食平野, 一有比較大眾化的食店, 人啊人.......下次都係向合和果邊行好.

位於 high court 的 canteen 一直都沒有結業，只是經營權由美心轉至大食代，大食代接手後，價格比較大眾化，食物品質可接受，所以人潮一日比一日有增無減。良久沒幫襯 high court，於是決定再去試試，今日點了廚師推介 - 煙肉雞柳燴意粉($23)，價錢仍然大眾化，選擇也比以前多了，廚師推介的價錢雖然比較貴(一般飯餐 $18.5-21 不等)，但好處是不用排隊，只需等候號碼拿取食物，省時方便煙肉雞柳燴意粉份量甚足，煙肉雞柳蘑菇絕不偷工減料，味道不錯，真正做到價廉物美，以此質素，相信響各方食肆紛紛加價下，法院大碗粉會成為我 lunch 不二之選了 註: 廚師推介系列包括意粉，焗飯，牛排飯，豬排飯，魚柳飯等選擇，價錢由 $23-25 不等

金鐘想食個飯，三十蚊以上既真係好易，但食個經濟客飯，可能要落灣仔街市先得幸好，法院的CANTEEN 是低收入人士既聚腳之地。$18 客飯，餸不會太多，怕唔飽的可加飯加汁。焗飯只是$20.5，比同區食肆便宜得很，唯品質ma，是有點像大學去o camp 的膳食。最慘係由於地方太細，往往要等上十分鐘以上去輪候食物，故此日日都過著『搵食艱難』的生活，哈!

美心這canteen最好就是價錢...在金鐘這兒可以食到$18一盒义燒飯, 仲好味嘅tim, 好難得! $18也有二餸飯, 但味道不及美心的燒味咁正囉...