Home A Day (已搬遷) 新店位置

嗰日只係想食啲比較清淡嘅選擇，於是選擇左呢個素菜Bowl, 本身冇咩期望，點知出人意外地好食！撈埋一齊食嘅口感很好，佢個汁都幾平衡，一個女仔食都覺得幾飽肚！另外有一題嘅係佢嘅咖啡唔錯，呢個質素來講性價比係幾好，而且環境幾舒服！不過午餐通常要等位，冇得訂位，最好早啲到！

去PMQ行完啲文青店舖，就想搵到地方休息。見到依間粉色系嘅夢幻Cafe，一於坐低食個下午茶。一入到門口，店員就會一齊講welcome home，真係好有親切感。餐廳主要走粉紅粉藍色色調，天花掛上熱氣球裝嘅吊燈，牆上仲掛住白色霓虹燈，設計感覺都好舒適新穎。下午茶就揀番啲輕食為主。迷你牛角包二重奏 $58牛角包大小適中，新鮮咁焗製，外皮香脆充滿牛油香。講到明二重奏，咁即係會有兩款味道，分別係蛋沙律、同埋巴馬火腿。我自己就比較鍾意巴馬火腿，咸香味同牛油香好夾。青蘋果紅桑子田園沙律．蜜糖油醋醬煙三文魚＋$32用就多款新鮮蔬果：青蘋果、紅桑子、青瓜絲、蕃茄，如果想食啲肉嘅朋友可以加配煙三文魚，三文魚中間包裏住芝士，健康又開胃。特濃生椰拿鐵 $60依款咖啡係完全冇加糖嘅，咖啡果仁同椰香味都好突出。食用方法係一啖咖啡，一啖椰子乾，幾好玩。藻蛋蛋白椰香鮮奶特飲 $48粉藍色嘅外型本身已經好吸引，忌廉上面仲左好多唔同顏色嘅乾花，打卡一流。依杯同樣都係椰子嘅香味，加埋蛋白口感好幼滑。人均💫100如果唔想錯過其他好介紹，記得follow我呀😘多謝大家！！！♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝ ♡⃝♡⃝♡⃝♡⃝Hom

[ Home A Day ]忙裏偷閑，想去一間靚靚嘅餐廳飲杯野，食個tea，呢間都係一個唔錯嘅選擇😉Tea Set✿ 無骨海南雞飯🐓 $88擺盤好精緻嘅感覺✨非常有誠意，再加上味道真係唔錯，海南雞肉質嫩滑，雞油飯味香口，不會太油膩👍🏻👍🏻👍🏻✿ 櫻花蝦海鮮喇沙 $78呢個係重點推介，因為比較少見到呢個配搭。櫻花蝦代替蝦頭，一樣keep到濃厚的味道，喜歡吃濃味嘅人必試🤤✿ Hanami Day 粉粉櫻花椰香鮮奶特飲🌸💗 $32 (跟餐正價飲品可-$10)心心拉花再加埋伴碟嘅櫻花餅，打卡影相一流。椰香溝鮮奶香濃幼滑，每飲一啖都有櫻花嘅回味😌✿ Chill Day 白桃乳酸特飲 $38 (跟餐正價飲品可-$10)賣相好靚，呈現漸層嘅效果，飲落同普通乳酸飲品差不多😋一樣咁好味。總結🫦店舖平日lunch time係大排長龍，Tea time嚟食比較無咁多人。店舖食物價錢喺中上環黎講都係可接受，勝在味道不錯又打到卡😍✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Home A Day地址：上環德輔道中188號金龍中心地下1,2,6號舖電話：23623830✿✿✿✿✿✿✿✿✿✿✿✿✿✿✿✿✿✿✿

Home a day 距離上環地鐵站出口好近 一出E1就見到餐廳有卡位坐得特別舒服🥰樓底又高好有空間感！佢地有中式又有西式野食一定搵到岩自己嘅野食😻🍛 𝐁𝐨𝐧𝐞𝐥𝐞𝐬𝐬 𝐇𝐚𝐢𝐧𝐚𝐧 𝐂𝐡𝐢𝐜𝐤𝐞𝐧 𝐑𝐢𝐜𝐞海南雞飯配濃雞湯海南雞飯用玻璃盤做擺盤非常精緻 雞肉好嫩滑又啖啖肉 而嗌海南雞飯會配埋個雪耳濃雞湯比你 好足料又好飲🥪𝐕𝐞𝐠𝐞𝐭𝐚𝐫𝐢𝐚𝐧 𝐎𝐩𝐞𝐧 𝐏𝐚𝐧𝐢𝐧𝐢 𝐒𝐚𝐧𝐝𝐰𝐢𝐜𝐡 特式素三文治呢個好推介 係有自家製牛油果乳酪醬同大量火箭菜、牛油果做餡料 佢個包唔係硬身 而係外脆內軟仲要有啲牛油乳酪醬塗在包上面👍🏻🍍𝐀𝐥𝐨𝐡𝐚 𝐃𝐚𝐲 甜心鮮菠蘿特飲呢杯好fresh好爽口 酸酸甜甜 解下膩🌹 𝐑𝐨𝐬𝐀𝐃𝐚𝐲 玫瑰鮮奶特飲呢個造型又係好精緻 有好濃嘅玫瑰花香味 厚厚嘅奶😻

中上環一帶係cafe hopping聖地，唔同風格唔同特色嘅coffee shop/ cafe林立，點都搵到一間啱自己心水嘅😚 今日介紹呢間Home A Day係喺上環新開嘅cafe and bistro，少女心粉色系嘅style啱晒鍾意打卡嘅港女們💖🌃 環境 (5/5)Home A Day地理位置一流，一出上環站E1出口轉右就到🤩 餐廳面積好大，好多靚靚梳化卡位，坐得好舒服😌 Home A Day嘅設計以粉色系為主，粉粉嫩嫩嘅環境直中我嘅少女心🥹💘 餐廳喺唔同嘅角落都有掛霓虹燈同擺放裝飾，隨時都可以打卡，處處盡顯心思❤️😋 食物 (4.5/5)🐔 無骨海南雞飯 $108🦐 冬蔭功海鮮長通粉 $128☕️ Cold Brew $60🍹 Sunny Day (Iced) $48Home A Day嘅定位係cafe and bistro，除咗一般cafe常見嘅輕食，甜品之外仲有好多主食嘅選擇😋 估唔到Cafe都有海南雞飯食，就嗌黎試吓有無驚喜😆結果係有嘅😛 海南雞飯擺盤精緻，大大個藍綠色玻璃碟上面有幾個凹位放醬汁，成件事變得好高檔🤣 海南雞肉質好嫩滑，生熟程度處理得啱啱好👍🏻 雞湯好濃郁，餐廳

晚餐.1) 抹茶咖啡呢個配搭第一次見 好新奇呀兩樣都係我喜歡嘅 所以點都要試吓😆味道唔錯呀 抹茶味同咖啡味都好出😋.2) Sunny Day 藻藍蛋白椰香鮮奶特飲椰味濃!飲落係三色冰嘅味道 係接受到嘅椰味.3) 冬陰功海鮮忌廉長通粉係店員推介嘅菜式食到有冬陰功味 加埋香滑嘅忌廉 味道偏向甜 唔會好辣 亦都唔會太膩果然無推介錯呀.4) 非常芝士魷魚呢款pizza都係店員推介嘅有好多芝士 好香呀同埋欣賞餐廳把餐刀 好好用呀 脆脆嘅pizza皮都切得好靚 唔會碎晒😆.餐廳嘅裝修都幾靚 位置闊落 坐得舒服都適合大家慢慢食 傾吓計

有間喺正地鐵站出口隔離嘅cafe，食完真係勁想介紹俾喺上環返工嘅朋友知環境同食物同可以令你喺商業區之中與忙隔絕一陣子雖然佢地係cafe，但都有啲飯選擇，其中呢個海南雞飯，冇諗過唔係專門店，都可以整到好有功力雞肉激嫩，滑到跣口，差啲嚼唔切。擺盤好靚，有唔同醬料同前菜，每樣味道都唔揸流攤雞肉同飯睇落份量唔多，食落先知幾多吓，兩份分都好夠意粉份量都ok，炒得好香口，蒜味完美融入當中，仲有啲炸蒜片喺裡面，更有嚼頭。裡面嘅大蝦都唔少，大大粒，食靚蝦先唔會海鮮敏感嘅胃民，食完表示乜事都冇，足以證明啲蝦好靚椰香latte唔係未試過，不過生椰就未喇，好奇就嗌吓。原來啲生椰會烘到一片片好似杏仁片咁，就唔係倒落咖啡度嘅，而係先呷一啖咖啡，會飲到幽幽嘅椰奶香，再食一啲生椰片，令椰味再續濃香呢度啲嘢飲真係夠晒特別，呢杯叫Chill Day嘅嘢飲，係白桃乳酸，顏色果然夠chill，味道都可口

工作繁忙，差不多每日都要OT，放工夜咗基本上都食埋先返家。呢日就同同事嚟到呢間Cafe，一試餐廳嘅signature 菜式、咖啡和特飲🥢無骨海南雞飯 配濃雞湯 - 餐廳嘅signature菜式，伴菜有胭脂蘿蔔，先食來醒一醒味蕾。接著就係海南雞，雞皮同雞肉都非常嫩滑，仲要係無骨，真係食完一件又一件！最後飲埋跟餐嘅鮮雪耳濃雞湯，大滿足！🍴冬陰公海鮮忌廉長通粉 - 店員另一推介，有大蝦、帶子同青口，材料夠晒豐富，配搭長通粉，每條長通粉都掛滿冬陰公忌廉汁，口感煙韌彈牙，惹味得嚟帶點微辣，必吃！👍來到cafe，必然要試吓咖啡。呢度咖啡選用太平洋島嶼PNG咖啡豆，喜歡單一品種可以試吓來自Ethiopia的S.O.E。咖啡以外，特飲同樣吸引，當中更設計出4款signature 飲品☕️Super Raw Coconut Latte -特濃生椰拿鐵，其中一款signature 飲品，先用latte做咖啡底，再把椰子奶加到latte面，再附上一杯椰子脆片。因為沒有加糖，甜味就來自椰子脆片。飲用時先吃兩片椰子脆片，才喝椰子拿鐵，這樣飲到香濃椰子味之餘，又不會搶去咖啡原有味道🍹Aloha Day 甜心鮮菠蘿特

附近辦完回鄉卡 就近食個早餐..1- 兩個早餐 都比8/10， 咖啡都估唔到好飲， 通常我唔會對呢類餐廳的咖啡有太多期望，呢間就算可以..2- 服務小哥，極之熱情，比好多建議，讚一個！3- 環境，新裝修，乾淨有氛圍！幾好的開始一個早晨～

靚女朋友放假，出來上環陪我食 lunch，我建議走到上環德輔道中、8月尾新開張的 Cafe <Home A Day>！她先行 12:45 到，尚未有枱要等位，況且，要等齊人才入座，等到我行過來，已經是 1:10 才安排入座！入座前，我們先看餐牌，問店員，Pizza 要等15分鐘， 所以另作他選！Menu這裡以粉紅色為主調，設計優雅舒適！當我食完，把大碟及細碟叠在一起，恰巧！女店員經過，她便主動走過來隨即收走，好醒目！lunch 蒜香大蝦意大利麵 $98蒜香洋溢！ 大蝦爽口，意粉炒得乾身，口感煙韌討好，令人開胃！酸奶燉牛尾 配旋渦蛋包飯 $98酸奶汁酸香醒胃不濃膩，牛尾既軟腍又入味！旋風蛋包飯有特色！ 珍珠米軟硬適中，醬汁甜美！蜜桃烏龍茶 +$12用上兩個茶包，真材實料！入口溫熱略帶蜜桃香甜，味清帶甘，飲到尾，甘味更突出！這間是上環區，合理價位而水準不錯的 Cafe！找機會再幫襯！

今晚收工食埋晚飯先走，去左上環港鐵站附近既cafe叫Home A Day食，呢度餐牌有前菜，沙律，主菜，餐湯，海南雞飯，薄餅，漢堡，意粉，吉列咖喱，蛋包飯，荷葉飯，炒飯，甜品，好多元化。飲品有咖啡，凍飲，特飲，茶等。無骨海南雞飯伴胭脂蘿蔔和鮮雪耳濃雞湯 $108 另加一呢個無骨海南雞飯係招牌菜式，第一次黎當然要試試。原來有特製玻璃碟裝住，賣相精緻。海南雞一共8件，有胸有翼有脾，大部分都係髀，肉質嫩滑，雞皮有彈性，我鍾意點甜豉油。三色醬當然有甜豉油，薑蓉同酸辣醬。油飯好香椰子味，味道好好，又夠乾身。伴有中華沙律同捲得靚靚既胭脂蘿蔔，其實即係蘿蔔漬物。鮮雪耳濃雞湯用玻璃杯上，好精緻。個湯好清，雞味濃而不油，入面有大大舊雪耳，又好味又養身。冬陰功海鮮忌廉長通粉 $128 另加一冬陰功海鮮忌廉長通粉隻碟係熱架！個冬陰功忌廉汁又滑又香，少少辣不過好惹味。忌廉汁量好充足，每條粉都有汁。長通粉質感都可以，裡裡外外都係汁，伴有少少爽口菇菌增添口感。海鮮有兩隻連殼青口，兩隻去殼爽口蝦同兩片帶子，質素唔錯。藻藍蛋白椰香鮮奶特飲 $48 另加一粉粉櫻花椰香鮮奶特飲 $48 另加一叫左兩杯類似既飲品。藻藍蛋白

呢間飲品、食物好多款式😆 黎上環約朋友飲杯野傾下計咁幾好，又近 MTR.🍹Sunny Day (藻藍蛋白椰香鮮奶特飲)$48- 無額外加糖，好想椰奶味.🍹 士多啤梨鮮奶沙冰特飲 $52 - Texture 好似食緊雪糕😆 .🐷醬燒豬肋骨配薯角 $268- 個醬幾正，少少辣(真係少少)好野味，佢又切好兩大個，每個都5舊骨，啖啖肉，推薦.🍝蒜香大蝦意大利麵- 呢個係乾身既Pasta😍重點所在係個蒜片炸到好脆👍🏻 而蝦都好鮮.環境都好靚，少女風，坐得舒服

朋友話上環有一間cafe好適合打卡，嘢又好食咁就叫埋我去食。入到去店員會講welcome home，令你有賓至如歸嘅感覺。見到裝飾亦都係有心機佈置過，店員隨即奉上水同埋餐牌。喺門口亦都見到一個蛋糕櫃入面嘅甜品都好似好唔錯。叫咗一份無骨海南雞飯 - 配濃雞湯，上菜嘅時候擺盤十分的骰，伴碟的是整到好似一棵花嘅酸蘿蔔和中華沙律，兩份伴碟雖是凍食，口感爽口，非常新鮮開胃，食咗酸蘿蔔清味蕾之後更加可以食到雞嘅鮮甜味道。海南雞飯份量足夠，亦都係冇骨，雞肉皮爽肉嫩，非常嫩滑，容易咬開，薑蓉亦都係磨得好仔細，而醬油係比較稀釋所以食落去唔會話好咸。雞油飯雞油味濃厚，亦都食到有椰香嘅味道，而且飯粒粒分明。附上嘅雞湯是金黃奶白，少少漿口，雞味濃郁的鮮雪耳濃雞湯，好夠熱，喺凍冰冰嘅天氣下飲另有一番滋味，飲落有漿口的口感，感覺整碗湯都充滿骨膠原。雪耳煲到好夠腍，同時亦吸收了雞湯的鮮味，所以每啖都雞味濃郁。另一係蒜香大蝦意大利麵，配有香脆同新鮮嘅炸蒜片，兩種加埋有好特別嘅口感、爽口蝦肉，幼身意粉，同時加上少許炒三色椒，食材雖簡單，卻惹味十足。意粉彈牙之餘亦有啖啖蒜香，每條都彷彿曾放在蒜頭內，令人食指大動。炸蒜片更

週末同朋友👩‍🦰一齊喺上環，肚餓要搵嘢食，朋友👩‍🦰話想食得好味仲要食物賣相靚靚🤩，我即刻用3秒時間諗諗，就決定帶朋友👩‍🦰嚟呢度開餐😆我哋叫咗兩個嘢食share😋$118 嘅「酸奶燉牛尾 配 漩渦蛋包飯」：上枱嘅時候，個漩渦蛋外型真係好漩渦🤩，幾吸睛😎；漩渦蛋亦都夠滑有蛋香😋，最好味就係 酸奶燉牛尾汁，要嚟撈飯食真係超級正😋；牛尾就燉得幾軟熟😋$108 嘅「荷香鰻魚蒸珍珠米」：鰻魚好似係用蒲燒嘅方法嚟煮，甜甜哋，用荷葉包住嚟蒸，上邊仲加咗好多鰹魚乾，連埋珍珠米幾好食😋$42 嘅「鮮奶抹茶 Matcha Latte」：夠滑，有幾濃郁嘅抹茶香味😆$42 嘅「Hanami Day 粉粉櫻花椰香鮮奶特飲 Hanami Coconut Fresh Milk Drink」：Hanami 即係日文🇯🇵嘅花見，睇櫻花🌸，呢杯鮮奶粉紅色賣相幾 可愛🥰，仲有少少椰香味😋

估唔到上環永安附近有間咁靚既cafe 成間都係粉紅同白色為主！仲唔止靚 食物質素都好正🤩🤩🤩 海南雞飯個擺盤好架勢！擺得好精緻，唔止好靚仲好好味 個飯跟左個雞湯 好濃郁 飲得出係用心製作既雞湯 碗飯好香雞油同椰香味😋😋海南雞勁滑 肉質軟綿🤩 冬蔭功海鮮長通粉有驚喜！好香濃冬蔭功味 唔會好辣 偏椰香同酸酸地 會食到想追住黎食🤩🤩蝦好彈牙同甜👍🏻👍🏻👍🏻士多啤梨牛奶沙冰 賣相好吸引🤩🤩🤩好香士多啤梨味 唔會好假 食落好綿滑 冇粗粒冰 好順口 唔會好易上腦😂不過佢似甜品多過飲品 係一個好正又唔溜既甜品 滿足😁😁😁朋友飲呢個白桃乳酸特飲 佢話酸酸甜甜 好開胃😄