Home Place Cafe (已結業)

估唔到禽日咁快又食第二餐，其實本來係因為Miss生日，但同學們話我生日都近喇，堅持要請埋我，真係多謝晒!o黎過呢度兩次，環境okay o既, sofa舒服，但坐得耐會好侷，可能坐吸煙區關係啦!o野食都幾好味，但偏重多白汁o既，not my cup of tea囉。小食整得好濃。唯獨是o野飲比較可取。招呼都okay。d人o既PA都幾高。(讀心理學o既應該會知我講緊咩。哈哈!)總括來說，都是可以和朋友聚腳的好地方。起碼坐得耐，唔迫。

這裡有分吸煙區和非吸區, 我本身是不吸煙人士, 去到非吸區, 實質上已嗅不到煙味, 間cafe 都算有空間, 顧客不會坐得太迫, 好似搭地鐵般, 不錯.另外, 食物飲品都可以, 不過就不是太多選擇或是新款式口味. 我自己就覺得d sofa 真是幾舒服的,又換了新的, 宜家好似要做會員才得, 職員會問你取證來看, 會費就不記得了, 我諗不是太貴. 總括來說, 這間cafe 給人很舒適自在

好焗~ 食2手煙多過食野..............d野又唔好食

非吸煙地方同廚房一齊~都吸左唔少油煙apple 綠茶無味...炸魚排同薯條算好味～需入會10蚊～但下次可抵消費～廁所算大間～都幾乾淨～服務的男人(應算老闆)都幾nice ga..

分SMOKING / NON-SMOKING,不過都係有D煙,同埋冇咩裝修可言,同埋因為佢係白色為主,開左咁耐而家有D殘殘地既感覺,坐得普通舒服!淨係試左野飲, 都唔錯!

食物算不錯！....音樂勁正！...sofa 好坐！

I just been there tonite.........might be I'm a smoker, I think the environment and the food quality is not bad. By the way, I love the songs playing there, have Craig David and brown Eyes.....lovely choice. If you enjoy cantonese pop, forget it.

呢間cafe係高氏大廈都算係開荒牛, 開左好耐, 個日咪去試下啦. 入到去, d梳化有d殘, 但都幾好坐, 好似之前個食家話齋, 雖然有分吸煙同非吸煙區, 但係都係煙霧爾漫, 因為吸煙區d煙太多走晒出來. 論view來講, 吸煙區個面個爾敦道view好d, 不過我又唔食煙, 無理由吸二手煙啦, 唯有坐非吸煙區望鼓油view啦order食物方面, 飲品選擇勁少, coffee茶同smoothies, 士多啤梨smoothies淡而無味, 又好liquid feel, 好明顯比唔夠冰, smoothies係應該好耐都唔會溶, 但佢好快玩完, iced mocha值情淡到要叫waiter再加糖, coffee成份勁少, 毫無啡味, 又無chocolate味, 好難飲.食物choice都ok但係唔好味, 白汁雞肉意粉個size細, 都係一般cafe個d無水準意粉, 芝士燒牛肉飛碟ok, 合格.雜誌比人睇到好殘, 個d waiter成日掛住傾計唔做野, 可能佢地太多friend上黎hei啦! 環境都好嘈下, 其實去cafe都只係想靜靜地傾下計, 呢度竟然咁嘈, 無晒cafe特色, 勁有旺角特色-

我係在6月中的一個星期六,8點幾同朋友上去5/F cafe,一上到去原來有人包了場,所以不做其他生意,但d職員都好有禮貌,給了兩張咭片比我同我朋友叫我們下次再來,敢我地就落去樓下2樓lee間,一入到去都幾full下,最入果邊仲煙霧迷漫,我估果邊係吸煙區,好彩門口果邊有張sofa位無人坐,lee邊就無人吸煙,正,我們坐下,就點了忌廉雞絲意粉,瑞士汁雞翼一齊食.忌廉雞絲意粉-我就覺得麻麻,d汁唔夠多,但反而我朋友就話唔錯,d汁夠濃.瑞士汁雞翼-有4隻,我就覺得唔錯,夠味d雞翼夠大隻,但我的朋友反而唔鍾意敢大隻,佢鍾意d細細隻果d,所以只係食佐一隻,其他我食曬.我就飲奇異果smoothie-唔係好多冰,唔錯.我朋友就太口渴所以點了兩款飲品,香蕉smoothie(要少奶),佢話麻麻飲完重係口渴,之後飲凍柚子-lee個佢話好好多唔錯.我地坐到到11點幾先走,其間都有好多人入來等位,但因為通常上得lee d cafe都無敢快走,所以好多人等等下都走,同埋唔知係咪太多人的關係所以都幾嘈,埋單$170,坐左敢耐又真係幾抵,走時還拿了張咭片,是叫Home Place Cafe,同openrice的名唔同