Hong Korean Chicken (京瑞廣場2期)

营业中

休息中

炸雞即叫即炸佢地有兩款雞（無骨雞同有骨雞）兩款D雞皮真係好脆，面而且仲可以保持到D肉汁。佢D炸雞我款款醬汁都試過曬，每個醬都好特別，我比較喜歡佢wasabi醬。如果食有骨雞，不得不提嘅係，食時一定要加埋洋蔥一齊食，本人本身唔鐘意食洋蔥，但老闆係咁提我一定要加埋一齊食，所以我就試下，結果兩樣加埋一齊放入口感覺好清新，味道起正！個無骨雞雖然係雞胸肉，但唔似出面果D舖咁炸到乾曬，好似食緊柴皮咁，不但外脆內嫩，食落絕對唔似雞胸肉

非常好味， 一定會返頭再食。芝士味，wasabi蛋黃醬， 醬油味， 木炭辣味， 全部都各有特色， 非常唔錯！個人比較推介芝士味，醬油味， 配搭佢哋自家製嘅酸蘿蔔， 一啖雞一啖酸蘿蔔特別好味， 會食落去口感冇咁漏。木炭辣味雞就要睇個人喜好， 其實都好好味， 不過就都算比較辣， 要睇個人接受程度， 不過如果都想試下嘅話， 可以叫店主辣味醬分開上，自己鍾意點幾多就幾多， wasabi醬都可以叫佢另外上。芝士波都係值得推介好好味， 不過就一定要熱食。同埋佢哋加咗啲芝士粉嘅薯條都好唔錯。