iCafe

营业中

休息中

每次嚟都好開心，因為你見到咖啡師真係好用心去沖好每一杯咖啡，即使佢有好多order,都唔會馬夫了事，亦唔會因爲我哋係學生而有唔同嘅服務。佢哋每一個都令你好窩心，有台灣咖啡店嘅感覺，响出要嘅Pacific coffee 我從未感受過。最難得嘅係除咗靚之外，味道仲好好。我自己飲開latte, 好介意打奶泡是否打得好，出面好多既奶泡飲兩啖就冇哂，佢哋打嘅奶泡，就算飲到底都仲响度，希望一直可以keep 住就好了。👍👍👍

早餐好鐘意係到買三明治食可以免費加熱，即係烘底，有少少脆脆地咁仲有個烤雞凱薩沙律，啲醬好濃郁好好味人哋減肥先食沙律 我就因為好味先食沙律🤤🤤不過有個烤肉批我覺得麻麻唔係難食嘅 不過可能我自己唔太鐘意嗰啲肉陣味 所以食完一次就無再食過🤭🤭整體嚟講我覺得cp值幾高

工作過後，因為要直落訓練，要好夜先返到屋企食飯，所以就嚟到食少少野。最後叫咗個芝士火腿牛角包，同埋有汽提子汁 本身係個廚窗度睇個包個賣相幾好，但係加熱之後就變咗依個衰樣 味道正正常常，芝士味尚算濃郁至於飲品方面，其實各大超市有售，呢度當然索價較高，一啲都唔出奇。但呢隻係幾好飲。

今日返學好趕，無時間食早餐，趁break果時近近地去左icafe買包食。平日去Pacific都只會叫野飲，唔會點留意有咩食。呢間icafe d野食主要係提供輕食，有:salad，三文治同包....阿!仲有餅同蛋糕等等小食，其實都唔少選擇。叫左個BBQ Pork Kaiser, d料幾豐富，手撕豬肉整得好入味，加埋菜同cheese食落香口同爽，d菜好新鮮。不過個包如果可以焗得脆d就好啦，會更加好食。下次會再來試下其他口味gei包，因為都幾多款。