Ice Puff

营业中

休息中

作為雞蛋仔狂魔🤭滿心期待去試這間旺中人氣雞蛋仔，除了雞蛋仔當然也有格仔餅～口味眾多，可以加不同餡料，想吃的奢侈些還可以加Gelato🤪1. 阿華田脆脆雞蛋仔（$29）+麻糬（$6）上手熱辣辣，的確做到外脆內軟，但部分原因應該是蛋漿太少，有很多個咬開都是一半實心一半空心，空心部分外層雖然脆，但實心部分蛋漿太少，吃起來不夠滿足🥲希望店家可以加多些蛋漿～麻糬煙韌有咬口，但可惜一底雞蛋仔只有一半有麻糬🤧如果盡量做到每一粒都有就好啦！味道方面則正正常常，看得到脆脆但已經被蛋漿浸軟了，所以吃不出脆的口感😂評分🌕🌕🌕🌗🌑

朋友極力推介，一定要試下落左order,店員立即整，所以都要d 時間等，大約15mins 度， 等緊嘅時候你會聞到陣陣嘅蛋香，同埋menu 有唔少不同口味嘅格仔餅及雞蛋仔，即使經常食都唔會厭。 收到會格仔餅，呆左，真係超厚，女仔記得唔好同自己partner 黎食，好難食得好有lady學朋友話比我知，佢真好超多醬，裡面仲有d 砂糖，對等唔好甜嘅我，下次都係少醬好d, 佢嘅格仔餅蛋醬真係好正，超重雞蛋嘅味道，難怪佢可以加gelato,食緊嘅時候，不停想加埋個gelato, 因為佢即整，熱辣辣香噴噴。 不過，我建議二個share 一件，因為有d 大份又多醬。 整體好正，會再encore

個日行行下旺中，聞到勁香既雞蛋仔味，原來就係呢間Ice Puff傳岀黎👍🏻Ice Puff主要係賣雞蛋仔同格仔餅🧇 除左原味之後，重有好多好特別既味道，例如朱古力、阿華田脆脆、咸蛋、洋蔥牛肉、芝麻等等等等⋯⋯ （見到好多人叫阿華田脆脆👍🏻）我就叫左最平凡既原味格仔餅🧇❤️，但呢到既原味格仔餅一d都吾平凡👍🏻佢超級無敵厚身，外脆內軟👍🏻仲要勁足料，煉奶花生醬一啲都吾少，超正❤️都只係25蚊👍🏻Cp值勁高！

尼間好耐之前就食過，每次經過都好多人排隊，今次見無咩人隊友即去排！門口又超多文宣！一定要支持下❤️‍🔥❤️‍🔥不過佢既阿華田就有點貴。佢既原味都好好食，未食過可以一試！-👅：阿華田格仔餅🧇💰$40一拎上手！超級厚🤣💕外脆內軟！勁足料既格仔餅！咬落去唔會有空氣感🙈🙈佢仲好貼心會分返一半比你去同朋友一齊食❤️‍🔥不過食到後面有小小甜同埋有啲*樓*-

餐廳：Ice Puff（旺角）美味指數：🦶🏾🦶🏽🦶🏽🦶🏼🦶🏻今日約左友人出旺角，又要等遲到的人⏰，諗都唔諗，即上旺中買底雞蛋仔食下先😋其實我買咗個阿華田雞蛋仔先，不過食完都唔記得影相😂😂，所以再買多一底，Ice Puff咁多年以嚟，真係我旺角食雞蛋仔嘅首選👍🏾#阿華田雞蛋仔 💰29先同阿華田雞蛋仔講聲對唔住，食晒都唔記得影你，因為你真係好好食😋，一拎上手熱辣辣濃香嘅阿華田☕️，係細個偷食阿華田粉嘅味道😂😂外皮金黃💛內軟外脆，仲邊度記得其他嘢#黑朱古力雞蛋仔 💰25其實呢檔雞蛋仔都食左咁多年，水準都keep得非常之好💪🏾💪🏾，餡料又夠足料，不過今次呢底朱古力🍫，比較軟身唔夠脆，少少失手啦，不過唔會影響到我，點都再返嚟食嘅😋Btw有無偷食阿華田粉同好，講聲我知😂

旺中超級好食嘅格仔餅呀！！！！如你所見，絕對5cm+ 厚！外面又脆啦！！！入面又鬆軟啦！！！醬又夠多啦，係食到最後一啖，都仲有好多醬嫁！外彩的話，門口有張枱仔，可以食埋先走，今次叫原味格仔餅，絕對有下次！

食物質素⭐️⭐️⭐️⭐️即叫即整，選擇甚多，今次試了咸蛋黃，味道不錯👍價錢⭐️⭐️⭐️平均$30 左右，價錢合理。環境⭐️⭐️⭐️只供外賣，店外有一張枱可以企住食

經過旺中口痕，就上咗一樓，行咗過去近新之城嗰邊食雞蛋仔。之前都食過其他口味，味道同質素都唔錯，夾餅都好好食，而且落料唔手軟，畀勁多餡。今次就叫咗$26比利時70%黑朱古力（Belgium 70% Dark Chocolate）。即叫即整，大概等咗10分鐘左右嘅時間，嚟到時熱辣辣。老闆娘好好禮貌！同以往一樣，雞蛋仔外脆內軟，好足料，每一粒雞蛋仔都有好多朱古力喺入面，黑朱古力無咁甜，一個人都食得哂成底雞蛋仔。

一向特別喜愛食格仔餅， 不論價錢平與貴都會去試試。 一般都會跟花生醬（我試過有一間係跟粗粒花生醬， 但已經執左笠啦😩😩），砂糖及煉奶。 曾經試過不跟煉奶同少量砂糖。 太粘喉嚨同太飽。 亦有試過薄薄的窩夫底， 跟以上三種配料。 但都仲係差少少🤏直接試這間， 未算叫最好， 但都好滿足香味方面（5⭐️）足料蛋香， 濃烈的花生醬香。 每次都會流到隻手都是花生醬， 這是我覺得，這就是我想食格仔餅既其中一個元素色澤方面（5⭐️）唔會過濃（無黑面😂😂）， 又未試過邊位唔熟😂👍🏻味道方面（5⭐️）厚厚的窩夫底， 咬落去， 好似食緊個紙包蛋糕仔甘鬆軟， 但邊位又似食餅乾一般脆，配上以上花生醬同少量煉奶。（本人不喜歡加砂糖😏）已經可以滿足我一餐

平時都係食開雞蛋仔但自從有一次見到人買一件厚厚格仔餅自己又心思思買黎食食左一次之後就一個禮拜起碼食一次好大份 好足料 $25原味但有$10一份既兩倍份量而且就算買到返屋企食都仲好好味一件奶醬格仔餅 要share兩個人食岩岩好 膩又飽 但又唔會over 一路encore😁屋企人話以前係食開有砂糖同牛油我自己就覺得太over所以寧願邪惡d 超級多奶醬都唔要糖同牛油哈哈 食左五六次都仲未厭不過下次都會試下食麻薯雞蛋仔又係我鍾意既組合😆

⋆⁺₊⋆.𝙄𝙘𝙚 𝙋𝙪𝙛𝙛….阿華田脆脆雞蛋仔/ $29 (+$6 麻薯）/ 🥨🥨🥨🥨 /.本身以為會好甜，但係意外地食晒成個都唔會好甜！好濃阿華田味～仲有淡淡嘅麥芽香🤎食落每一粒都會有麻薯喺入面～煙煙韌韌，雞蛋仔做到外脆內軟～幾好食！.而且都個雞蛋仔都好大底好足料ㅋ食完其實都有啲飽肚🤣有機會下次會試埋其他ㅎㅎ［滿分5個🥨］....⌫ Ice Puff (旺角)旺角彌敦道688號旺角中心一期1樓F51舖.#旺角咔嚓#小食咔嚓.@by.kacha

📍Egg puff in earl grey flavor📍伯爵茶雞蛋仔 ($26)呢間舖本身係天后，以雪糕配雞蛋仔馳名，所以取名為Ice (cream) +egg puff! 原來依加搬咗嚟旺角，係新之城上一層電梯，穿過旺中嗰商場個個連接位就係！可惜今個星期已經冇quota 食雪糕～ 唯有試下新味！首先，係即叫即整，所以起碼要等10mins .......係用TWINNINGS Earl Grey 茶葉整der🥰至於粒粒雞蛋仔，係做到外脆內軟，唔係傳統好濃蛋味，反而茶味超濃！不過佢有啲心急，太早入袋，所以食到個底就會有啲淋～睇嚟呢排都出咗唔少新口味，有蛋黃醬、紫菜肉鬆、車打芝士軟心、獨有阿華田味etc~ 下次再嚟試！

旺中係一個掃街好地方，唔知大家有冇食過呢間小店呢？經過個陣已經聞到好香嘅雞蛋仔味😋🍫比利時70%黑朱古力雞蛋仔💲2️⃣6️⃣等左大概5分鐘就有得拎啦👍🏻佢係即叫即整，一拎上手真係熱辣辣🔥重點係你食落唔會覺得好甜🥰係幾濃嘅朱古力，仲要外脆內軟🤤下次去一定要試埋伯爵茶！我見好多人都嗌呢個🤫

其中一款我最鍾意嘅香港街頭小食！🤩間唔中都挑起條癮想食卡返底～今日就係起癮既日子，就搵下附近有邊間好食，似乎呢間好多好評，所以就親身試下！😆位於旺中1樓，鋪頭太多，我行左一圈先搵到～原味雞蛋仔（$20）通常第一次食都會試左原味先，咁先更清楚佢有冇料到～🤣好怕嗰啲整定黎招呼我既店，始終凍左少少都會影響質素，但呢度係落完單先開始整，讚！個人認為外脆內軟既雞蛋仔最好食，而呢一間真係做到！係好味既～下次可以試其他味！👍🏻

旺中Ice puff雖然出名食雞蛋仔，但我和草子偏好還是格仔餅！可能係全世界最好食嘅格仔餅！😋每次我地都是叫原味 $25，因為其他醬例如阿華田醬就要$39，感覺不太化算😆每份格仔餅都係即叫即整，一上手熱辣辣！雖然餅底蛋香味不算濃，但個餅底真係世界級！餅底超厚但又皮脆內軟，一d都唔乾！夾住牛油、煉奶、花生醬份量超多，口感幼滑，又唔會漿口。內餡份量好多，每啖都好moist，真係好正🤤如果你是和朋友share食， 你可以同職員講切開2份，職員都會配合，好好人😆