影片
虽然小比咩狗c腊鸭都食,但其实呢,我都睇得出佢系个注重健康的lady来,所以山长水远都book定间有机主题餐厅来满足下佢 ,而满足佢每样需要都算系..我愿望之一来, 当入到去,好有健康气息..先来个松茸汤,好有药材feel,但清得来几好味,唔苦,再来自家种姬松茸沙律,有唔同的有机菜,但感觉上橄榄油味重,但冇咩味道,主菜就点了香煎野生加洲炉鱼柳配香草忌廉汁,鱼好滑,啖啖肉,薯蓉有味,再来慢煮美国西冷扒,6成熟,肉汁因慢煮而封得很好,嫩滑好味,甜品就点了红酒烩梨伴香橙糖浆云呢拿雪糕,有红酒味,梨也清甜,雪糕似半乳制的冰,几好味,而饮品就点了两枝有机汽水,lemonade,gingerale,都几好,总结味道比较清淡,但也唔错,健康人仕之选
继续阅读
朋友突然好有心...选择食健康食物…黎到呢间organic餐厅…餐厅虽然位处于工业区…其实只不过系穿越一条隧道…唔算系好远…亦唔系想像中工业区既豆泥canteen…其卖点系organic…食得健康…亦曾荣获奖项...估唔到仲有cooking class for baby food...同埋有organic相关既食品用具卖添…waitress推介此汤…热辣辣系客人面前倒出黎…据讲系煲左72个钟精錬得来…汤好清…亦好重菇味…沙律由甘荀丝，蕃茄仔，红菜头，青瓜，紫椰菜，罗勒，姬松茸组成...公司沙律酱唔知系咪指橄榄油…感觉新鲜…但油而无味…炉鱼很滑…煎得唔太㶶…少少香味…薯蓉幼细唔太干…多d忌廉汁就更加好…西冷牛6成熟…慢煮得黎保留原有肉汁…亦够哂嫩口…红酒味唔太重…梨微甜…雪糕口感有点像乳酪冰…饮品亦系现成既健康饮品黎…味道都ok…
继续阅读
早闻粉岭开左一间唔错的西餐厅，自己坐左廿几年都唔觉粉岭有咩好野食。刚好今个星期有空，就跟家人去尝尝鲜。由于餐厅地点位于联和墟，地点实在唔方便，正午时份由家里行去其实都几热同几甘的。幸好餐厅所在的大厦于工厂群中属显眼，很容易就找到了。12:30pm 餐厅并没有Full, 但都有好几枱客人。由于早已订位，我地给安排左餐厅中央的位置。餐厅设有高脚bar枱，一丁友黎亦坐得轻松自在。门口旁有一列陈列架，供应有机食材，Baby用品等。餐厅亦有开有机baby food的制作班，相信会吸引唔少妈妈捧场。墙上列出有机食物等资讯，呢度标榜自家有机种植的。餐厅的set lunch不合我地口味，于是决定散叫可以尝试不同种类的dishes。首先唔少得的系沙律清清味蕾，亦扮下健康。之后当然有我爱食的pizza。我选左chef's pick及薄批，Pizza 整得唔错，算得上松脆可口。老豆叫的鸭胸，我本身就不爱食鸭，唔识欣赏。最后就系三文鱼risotto。呢个煮得唔错，妹妹喜爱正宗的意大利米生生的食法，呢度做得到。野食质素的确系唔错，不过一个午餐都要6百几4个人，价钱略嫌贵左D。而附近只有几个屋苑，未必好多人会黎食，几个月后餐厅仲做唔做得住真系好难讲啦！粉岭老住户(老豆同老妈子)话，虽然好食，但价钱未如理想唔会再黎啰！不过环境优静，系跟好姐妹谈心的好地方。
继续阅读
下午茶时间，念住揾间好嘅餐厅食，呢间之前食过晚餐，今次食下午茶，两个人坐近窗，有阳光晒入，环境好舒服，当时只有我哋一枱客，另一边老板开会中，下午茶茶餐价钱一啲都唔便宜，食梗系食最好！饮品要另加钱！落单后食物都要耐心等候！自家制珍宝香肠热狗（$98）卖相靓，香肠皮脆口，里面肉汁多到滴出来，味道唔会过咸，朋友话系自家制，加上新鲜蕃茄片同微酸青瓜片！仲有有机蔬菜，只加少许酸醋汁，唔会抢去蔬菜本身嘅味道！好味！公司安格斯汉堡包（$108）朋友分咗1/3比我，厚身安格斯牛扒切开见中心微红，做到要嘅6成熟！肉汁多到满泻！简单配蕃茄片同松软面包已经好好味！有机提子汁（$20）浓到好似红酒咁，味道颇酸！唔会过甜！店员有礼，我哋坐咗一个钟唔会催促！好relax咁食咗餐下午茶！
继续阅读
改完名连咖啡都唔识整了，今日杯咖啡同机按出来的无分别，好水好淡！之前间中有黎买flat white take away，俾我嘅印象都非常好。经过今日，唔会再帮衬买咖啡。
继续阅读