Isaac Toast (新城市廣場三期) (已結業)

近期受疫情影響真係除咗返工嘅時候會出街其他時間都唔夠膽要留係屋企今日喺沙田做完嘢經過新城市廣場竟然比我見到韓國國民早餐Isaac toast 😍😍😍😍😍依家邊度都飛唔到見到Issac忍唔住衝左入去食個包當自己去咗旅行受疫情影響店內位置減少左但是出邊仍然排住叫外賣的客戶好多款式花多眼亂由於係即時新鮮滾熱辣咁製造所以點餐之後需要等大概5至10分鐘好嘢係要等下嘅我就點左個超級蝦吐司一打開覺得好厚身入邊有4大隻炸蝦、煎蛋、酸瓜同芝士之外仲有滿滿嘅椰絲包身有好香嘅牛油味，裏面落咗一啲甜甜地嘅芥茉醬再加埋酸酸地嘅酸瓜 味道豐富鹽炸蝦非常單口 正👍🏻由於都有少少油嘅感覺 ，滿滿嘅椰絲就可以幫減輕油嘅感覺成個包口感層次都好豐富

這幾個月全球都有疫症，很多由香港出發的航班都取消了，既然不可以旅行，就去吃個韓國早餐當去了一次首爾吧。平日的晚上去到，沒有見到週末的人龍，然而店內的餐桌餐椅都坐滿了食客，所以可能要稍後一下。提醒一下，入內前要先在店鋪前面排隊，等待職員招手才進入餐廳內點餐，避免造成打尖的誤會。我們點了兩份吐司和兩杯飲品。這兩杯顏色鮮明的飲品分別是愛文芒果汁，和士多啤梨奶昔。如果之前吃過愛文芒果的話就會很喜歡這杯芒果汁，因為它跟愛文芒果汁就是一樣的味道，甜度剛剛好。正確點來說它是芒果沙冰，十分冰凍又解渴，夏天飲簡直一流。士多啤梨奶昔的果汁味比較重，奶味不多，賣相夠吸引。來到主角登場啦!首先試的是煙肉薯餅超級吐司 ，光聽名字已經知道份量十足了。裡面有煙肉、薯餅、雞蛋，和Pizza蕃茄醬，厚厚的煎蛋很香軟，煙肉配香脆的薯餅，還有甜甜酸酸的蕃茄醬，鬆脆的多士上面夾了溶了的芝士，視覺效果靚之餘又好味。另一份是MVP煙燻漢堡吐司，裡面有漢堡扒、雞蛋、沙律菜和酸瓜，還有特製的燒烤汁和甜辣醬，切開來睇就知餡料有幾豐富了。這個加份了少許蔬菜，大大減低了滯膩度，所以我們尤其喜歡這個。不過以早餐而言份量有點多，所以午餐或晚餐

韓國著名「國民早餐」Issac Toast已經登陸左香港啦！首間店就開係沙田新城市廣場第三期身為沙田友又點會錯過？去過韓國既朋友相信都會試過呢個人氣Issac Toast可惜我當年去既時候並唔認識佢返黎之後有朋友講起我就一直耿耿於懷點解我會未食過⋯⋯而家更加係無緣出國所以大家都不妨試下以解相思之苦店內座位唔多客人大多都係外賣自取所以都要預多少少等餐既時間Isaac Toast 都好細心除左每小時為店鋪消毒仲提供消毒液比顧客清潔雙手吐司種類多得讓人花多眼亂我就揀左MVP超級蝦吐司同邪惡芝士煙肉薯餅吐司落單位置可以輕易睇到入面廚房廚師會先將每一塊麵包用牛油煎香待每樣配料都煎香加特製配醬料再上枱MVP超級蝦吐司 ＄51 裡面除左有炸蝦仲有大量椰菜絲而調味既蜜糖芥末醬更係畫龍點睛邪惡芝士煙肉薯餅吐司 $ 51 認真邪惡裡面有煎蛋、薯餅、煙肉、芝士同埋大量蜜糖糖漿特濃朱古力 $30 入口棉滑朱古力奶昔$41 對我黎講就超甜如果有得減甜就好

韓國人氣早餐店Isaac Toast前排係沙田開張(⁎⁍̴̛ᴗ⁍̴̛⁎) 平日12點黎到排左15分鐘左右就已經有位，而menu上面有三款香港限定口味，醬料更係用到獨家調配嘅isaac magic sauce~ .🧀熱溶芝士超級吐司呢款屬於香港限定口味❗️內餡嘅impossible奄列混入素肉+牛油果，本身以為係一塊素肉扒，點知只係得素肉碎😧肉碎同蛋呢個組合個人覺得唔係太夾~ 餡料仲放入左酸蘿蔔+車打芝士+椰菜絲，食落有解膩嘅功效☺️另外一定要提佢哋嘅醬汁!!!呢款吐司用上Pizza蕃茄醬+獨家調配嘅甜酸醬，味道非常開胃，有一種令人不停想食嘅感覺😝 .🐓MVP辣雞吐司吐司表面搽左薄薄嘅牛油，煎完變得好鬆脆🤤醬料分別用到芥末醬同甜辣醬，而辣味嘅後勁都幾強~不過主角嘅辣雞扒就有啲失望，食落無咩雞味，肉質仲偏淋身☹️中間同樣夾左芝士酸瓜椰菜絲等，口感層次唔錯，食完都唔會覺得好膩~整體價錢偏貴如果以快餐店嘅定價黎講👀

幾年前去韓國旅行，Shopping完腳又攰之際入左間Isaac 食個tea飲杯野抖下，心情特別Chill，食落肚係特別好味，記憶中份味道係開心。到香港開店，這日平日6:00pm經過難得無乜人排隊，即刻試一試，想尋回旅行的感覺。當然自欺欺人，環境一點也不Chill，搵個窗望户外都無，消費是港幣、而且價錢不菲，閒閒地最普通包款都$5x。包的味道正常，不算突出，就係一個有料有醬的三文治，所謂心態決定味道，旅行時人開心食咩都好味啲啦。眼見人手不太夠，人多時都係要暫停接單，顧客要在店外等了。

放假同朋友踩完單車運動完，當然要補充一下體力啦我一早就想黎潮聖下，尋找一下那些年响韓國食到既滋味估唔到開左業一排，平日既兩三點都好多人！！！係排隊等候落單既時間，就揀定食咩先落好order就可以搵位坐低，等候由店員即製既吐司啦店內有四至五位店員負責製作食物，所以大概等5-10分鐘左右就有食物到手啦我同朋友每人揀左一款share食，所以落單既時候請店員為我地既吐司分開一半，方便食用呢款“熱溶芝士超級吐司”HKd$64係香港限定黎架，當中既有我中意既牛油果，仲有平日較少出現係吐司餡料既素肉添！！！！素肉既質感同味道有如平日所食到既煙肉同漢堡，唔講都估唔到自己係食梗素肉呀加上呢款吐司以蕃茄醬做base，既可平衡芝士既膩感，食落仲有d似食burger添另一款係朋友所揀左“MVP超級蝦吐司”HKd$51呢款吐司因為有椰菜絲在内，所以睇落好大件，驚喜之處係彈牙既粒粒蝦肉之中，同味道酸酸甜甜既蜜糖芥末醬好夾我地食完仲每人飲左杯肥仔奶昔添

自從係韓國食過ISSAC後，就一直念念不忘。難得黎到香港開店，今日有時間便黎試下。沙田店並不算大，有韓式早餐店風格，門口排隊有秩序，叫完就即叫即整。所以等候時間都需要15-20分鐘，等緊既時間都好期待。我們點了煙肉薯超級吐司，熱溶芝士超級吐司，奇異果汁和朱古力奶昔。煙肉薯餅超級吐司它的特色醬汁做得出色。薯餅外面帶有些少脆邊，裡面軟腍。其實薯餅夾入麵包裡是非常夾的。煙肉，番茄，煎蛋餅，芝士等，材料簡單，但十分好吃。麵包亦鬆軟，牛油香濃，烘得香脆。係我最鍾意既吐司！食番之前韓國食的味道！熱溶芝士超級吐司這個係香港限定的吐司，當然就要試下。裡面含有素肉和牛油果。醬汁酸酸甜甜的，味道濃郁。食材同層次都十分豐富，芝士更有拉芝效果，十分治癒！奇異果汁新鮮擠的奇異果汁非常冰凍，有果香甜，配上牛油吐司，能減低膩感。朱古力奶昔有香濃的朱古力味，不會過份死甜，味道唔錯！暫時香港得一間Issac, 如果有更多分店就好了！

睇完"愛的迫降"，要揾韓國料理食下，找來沙田新開幕的Isaac吐司。看裝修已經感受到陣陣韓風。注重衛生，食得安心。想食熱溶芝士超級吐司，可惜今日没有。MVP辣雞吐司($44)，麵包是外皮烤香內層軟棉棉有彈性吃上去甜甜的， 相信是包中之MVP ， 配上大量新鮮生菜絲，爽脆有口感，夾著咸咸甜甜的蛋皮、車打芝士、雞火腿，火腿本身是不辣，靠的是甜辣醬， 甜辣醬是過癮的， 開頭甜酸，後勁辣，但不是辣死人， 所以過癮開胃。士多啤梨汁($34)味道酸甜開胃。MVP 超級蝦吐司($51)有原隻蝦炸左，配上大量蔬菜，食完唔覺油膩，輕食首選！奇異果果汁($34) 味道清新，唔太酸，又有豐富的營養，好喝。

新開鋪頭試試，因疫症不太想出街所以叫左外賣送貨，要等大概35-40分鐘送到，本應好開心期待想食（3份吐司+3杯野飲），點知送漏左吐司，打去餐廳問，話仲要再等多30分鐘，仲要再聯絡外賣先可以再送啦，我都等，點知叫我直接refund，真係覺得好嬲，點可以執2個吐司，3杯野飲呢？白白就過左1個半鐘都冇野食到

叫左外賣, 等左35分鐘，只係叫左3個吐司同埋3杯野飲，咁都可以執漏一個吐司，仲要等成20-30分鐘先可以話送番黎，又話要聯絡外賣 既客服派車手黎，咁聯絡外賣 但係幫手check完之後又話唔會再派車手送，原因係唔expect 會再送多一次。搞左20-30分鐘係客服到，都係送唔到，點解餐廳做錯要個客冇得食仲要等咁耐。兩邊既experience 都好差，又唔溝通下，更唔會再用外賣。

以前去韓國都無食isaac, 但聽聞好出名👀之後係沙田新城市開，成日都見到好多人排隊，今日終於比我等到無人排隊，即刻入去食下先～由於無食過，我是但叫左個「韓式煙肉」吐司，雖然店員話要15分鐘🕒 ，但實際等左五分鐘🕑左右就有。個包拎上手幾熱，正👍🏻👍🏻👍🏻食得出個煙肉幾香幾脆～特別最想講個汁，佢係有少少蜜糖醬🍯，岩岩好好中和煙肉太咸既問題，令到成日包個味道幾豐富～本身來去隔離希爾頓買野飲🥤，但太懶係番isaac 度買左士多啤梨🍓果汁，落單時店員特別講明係用冰打出黎，應該好多人中伏，我本住我不入地獄誰入地獄心情咁叫，發現個味都唔太差，只係太凍太冰最尾飲唔哂.....😟

好開心今日終於去到食 Issac Toast！！！好多年前同朋友一齊去韓國旅行，朝早路經 Issac Toast，見到好多人排隊買，羊群效應，我地當然又唔執輸啦。每人買左個包食，嘩，真係一試愛上，結果我地去幾日旅行，每一日朝早指定動作就係去食 Issac Toast，每日試一款，款款都咁好味。適逢疫情期間，出街人少左好多，Issac Toast都只係排5個人左右，即刻好開心嘅跟隊排。睇住個餐牌，無韓國果個咁吸引，咁就叫左一款 HK Exclusive Tost: "熱溶芝士超級吐司"。其實個包都好食，不過無我預期中咁好食，如果佢用塊厚啲嘅包，覺得會好食啲。但整體我都滿意，有機會都會再試埋其他款☺️

話說Isaac toast 開左一排係沙田.今日經開見人少.就排下隊.Isaac以快餐形式.先排隊買票再等拎食物.再自己拉位坐.位置不多.大約20個位置...大約排左20分鐘.然後再等製造食物15分鐘.其實都幾耐嫁😑又無位坐...商場又窄.要企埋一邊.大約3點左右.都有好多產品賣哂. 🍔雙層芝士薯餅吐司 💰44薯餅唔香脆...麵包係林..唔係脆D醬偏甜又唔分散...😥失望🍔mvp煙燻漢堡吐司 💰49肉質應該係雜肉...唔知點解肉都偏甜...又唔夠熱.總結； 好失望...名過於失.呢個價錢一個吐司..我會選擇會其他burger店....坐企又少...坐係到食野.間里人又排隊... 企係出面又阻住商場出入口...😥

喺韓國好出名嘅Isaac黎左香港, 去唔到韓國都可以喺香港享受到,自從一田裝修完,好多國外人氣美食進駐, Isaac喺希爾頓中心橋附近, 有堂食但坐位唔多,近排武漢蔓延全球, 餐廳張貼每小時清潔, 食得安心煙肉薯餅超級吐司薯餅+大量茄汁係我飛佛, 熱辣辣好好味,拉絲芝士最岩呃like,因為餡太多,一路食一路跌,有刀叉就好喇MVP煙燻漢堡吐司朋友分左一半俾我食, 醬汁甜甜地, 好似係BBQ醬, 漢堡夠厚,咬入口好滿足,奇異果汁無得走甜, 味道正常

去韓國🇰🇷旅行，總會有一個早上係會安排去食嘅間極具人氣嘅三文治🥪店，多數都會趕緊行程，企係店外，👀睇住即叫即製，天冷時食住熱辣辣嘅多士，實在太回味😌。而家當然唔洗飛過去都可以食到啦，沙田新城市廣場店自開業至今任何時段都係人潮不斷，原因在於無論係外賣🥡或堂食都係要排同一條隊，而且要等待店員呼召後才可以點餐，仲要等待⌛️製作食物，動輒起碼要45分鐘⏱，如果選擇堂食更加需要等位，一個人的話好難分到身要注意⚠️，安排及食物絕對需要改善🤔———————————————————————————🥢香脆薯餅吐司🥪$35💬薯餅確實好香脆，是真的！粟米雞蛋奄列夠juicy，味道整體不錯😌.🥢MVP煙燻漢堡吐司🥪$49💬感覺似燒烤醬汁嘅豬柳漢堡，加上生菜🥬變得無咁濃郁，但有點削，性價比極低，不似預期🤨.🥢原味招牌炸雞🍗$50💬細兜只是得4件，好普通，索價超唔值🤔.🥤凍焦糖咖啡💬全餐嚟講最好就係杯咖啡，香滑味濃，麵包配咖啡絕對必要😌