影片
港铁柯士甸站 F 出口, 步行约3分钟
继续阅读
电话号码
27016609
营业时间
今日营业
11:30 - 23:00
星期一至日
11:30 - 23:00
以上资料只供参考，请与餐厅确认详情
唔使 $300 就可以叫到 3 個餸，性價比非常高！最推薦嘅係泡菜煎餅，會回頭試埋其他菜式！！ 泡菜煎餅 $98 ｜首先驚喜既係$98 呢個價位，真係抵食，因為印象中泡菜煎餅平均都去到 $128-$148。唔係話特別大塊，但係三個人食都夠晒滿足。外層煎到金黃薄脆，邊緣微微焦香。泡菜味已經滲透入麵團，泡菜嘅份量感覺唔多，不過味道嘅存在感充足。內層口感軟綿綿，有啲似番薯。單食會感覺有少少淡味，但點埋醬汁就啱啱好。注意：如果點多咗就會偏鹹。總括嚟講，泡菜煎餅係呢餐嘅亮點，絕對值得 encore！ 雞胸肉沙律 $78 ｜食沙律就係諗住健康啲，但係黐線佢個雞胸肉係炸過㗎，好食！沙律汁係濃稠醋汁，就會「結」喺菜上面，唔怕點唔到醬，不過份量太少了，食到尾會有啲菜完全冇汁，變得有啲單調。如果你純粹想食多啲菜，咁呢款沙律係可以接受，但如果期望係豐富又極具層次嘅沙律，可能會稍嫌普通。 炸醬麵 $78 ｜有啲炸醬麵唔知點解有一種奇怪嘅「gas」味，但我又總唔心息想試。呢度嘅炸醬麵最正係口感，醬汁濃稠，麵條掛汁能力一流，每一條都黐滿炸醬，入口好滑好濃郁。麵條偏軟身但帶少少咬口，似粗身拉麵。至於味道方面，炸醬係淡淡嘅黑豆味，冇嗰種令人卻步嘅「gas」味，但整體味道會稍嫌太淡，未算突出。 環境｜呢度嘅環境值得點讚，地方非常闊落，6人聚餐都可以坐得好舒服，枱同枱之間有足夠距離，完全唔會有壓迫感，呢點真係加分！
继续阅读
喺香港要食韓國菜唔難，但有一樣我好鍾意食嘅嘢 — 콩국수（豆漿冷麵），呢樣夏天消暑佳品就唔係間間都有得食🥹 今次我哋人多，仲可以食到更多想食嘅嘢😻！🍜#콩국수（#豆漿冷麵）：湯底有啲似豆漿，有香濃嘅豆味，夏天食真係一流。鍾意飲豆漿嘅我，差唔多次次食親都連湯飲埋😹 缺點就係通常冇餸，得啲青瓜，我有時會用泡菜餸嚟食🤭🥘#라볶이（#辣炒年糕拉麵）：近排成日都好想食，但又覺得好邪惡🙈 咁啱今次有一班朋友食，就少啲罪惡感🤣 當中嘅 #김말이（#紫菜卷，即係中間包住啲粉絲嘅炸紫菜卷）好好食🤤😋🧀#치즈계란말이（#芝士雞蛋卷）：身為芝士雞蛋控，見到一定好開心😎 欣賞廚師會按人數切👍🏻👍🏻👍🏻🍕#해물파전（#海鮮蔥餅）：都算幾足料，滿足到我呢個鍾意食煎餅嘅人😛🍗#양념치킨（#甜辣炸雞）：冇乜特別；唔知係叫得太多嘢定份量太多，相對有啲滯😌另外仲叫咗 #잡채（#韓式炒粉絲） & #갈비탕（#牛骨湯），整體嚟講算唔錯😀
继续阅读
晚餐： Set B $420包括： 成鍋上的現煮辣炒年糕+麵（另上） 炸雞：酸辣味 及 原味 香脆雞 沙律菜 兩柸飲品另外加了---蝦紫菜包飯埋單計埋加一個鍋好低食，即係現煮辣炒年糕，材料多，款式多，味道唔錯，對於食得辣的人嚟講，一啲都唔辣，食到好飽，好飽沙律菜： 擺盤靚，賣相好，味道ok, 幾種顏色放埋一齊，見到都開心😍炸雞： 會為你準備手套，方便食炸雞。炸到外脆內暖，咬落有汁漏出，正呀😋（我鍾意食酸辣味，少少辣+啲啲酸）😋蝦紫菜包飯：味道唔差（開頭覺得個餐唔夠食，點知食食下都飽😌）
继续阅读
其實我未去過韓國，亦唔識韓文，不過都幾中意睇韓劇，所以落單既時候，店員用韓文同你講應該係歡迎光臨？！總之就係韓劇入面會聽到嗰句，呢刻就覺得好似入左韓劇咁。由於係韓國人開，仲同我講韓文，雖然我聽唔明，但點都會加左少少分。呢間餐廳都算幾大間，每張台都好闊落，好適合一班人黎食，不過點餐就要出去點，點餐既時候會問你坐邊張台，咁點完俾晒錢就可以坐低等食。今次叫左泡菜炒飯，因為早兩日睇韓劇個主角煮左泡菜炒飯😂泡菜炒飯 + 凍檸茶 $75+$5個賣相唔錯，不過小食就得一碟仔泡菜，見到其他同事叫左其他餐係有三碟仔既，正常黎講食韓國嘢最少都應該係三小碟，可能泡菜炒飯唔算係正式一個餐🤔Anyway，最後我都係食唔晒，所以無咩關係，食唔晒係因為都幾大碟。味道係唔錯既，少少濕既炒飯，啖啖都係泡菜味，上面放左紫菜同煎蛋，唔算好豐富，不過係好味既。價錢黎講我個人覺得少少偏貴，但係最近係尖沙咀佐敦食多左野，就覺得呢區既餐廳都係偏貴，咁變相呢個韓國餐價錢就。。算啦。以下係餐牌，其實都有好多唔同野食，其他同事都叫左唔同既野，目測係唔錯既，希望下次可以試其他啦。不過美中不足係佢炸雞真係好貴，我想食炸雞但太貴喇，要食既話可能要一班人share比較化算😅
继续阅读
韓國人開既韓式快餐店，先付款後按號碼取餐。最鐘意餐廳空間夠闊落，張枱好大。炸雞同炸豬扒蛋包飯係小編既至愛，另外，紫菜包飯、蛋卷、韓式伴飯、冷麵同部隊鍋都唔錯架。
继续阅读