ITALIAN TOMATO (朗豪坊)

营业中

休息中

一早訂左拿破崙鮮果蛋糕，大年初一中午拎，晚上打開個盒見到個蛋糕塌埋一邊，切嘅時候好難切，食落難食到不得了，連生果都入唔到口，分明就係隔夜蛋糕！完全唔掂！係咪大年初一無師傅，所以隔晚整定？一磅蛋糕賣超過$250，連一般街邊麵包舖嘅水準都不如。蛋糕最緊要新鮮，呢啲水準嘅貨都邀俾客人，令人大失所望。佢哋以前唔係咁㗎，以前好新鮮好好味。依家真係差到不知所謂！佢哋有無QC架？得個樣靚，質素差得好緊要，絕對需要回水！

公司每年有個三同事生日 一年要買三次蛋糕🎂總不能每次都一樣 美乜 東乜堂 聖乜娜 已經滿足唔到我既新鮮感 幸好在旺角上班 選擇多的是 大大話都試過超過十幾款蛋糕店 通常選擇抹茶味為主 三人份量 所以必定是三分人份 小蛋糕 本來想安哥smile cake 但啲店員無乜禮貌 所以行過啲隔離呢間ltalian tomato見佢細蛋糕都好多款 又細細個15cm剛剛好 又有抹茶紅豆 不用考慮就拍板買了一個 回到公司放了雪櫃三小時左右 就拎出黎切 好香既粟子味 切開有三層 每層有忌廉夾紅豆粒 海綿蛋糕既質地真係好似屋企舊洗碗海綿🧽咁硬咁鞋 忌廉偏甜 整個蛋糕感覺似隔咗幾日夜 事後同事回報有肚痾反應 所以呢間永不回頭

#MJ旺角#MJ甜品 .🎂日本栗子蛋糕（🤤6/10）呢個栗子蛋糕賣相就唔錯啦 買黎影下相呃下like 都可以既，因為佢既賣相高分過個味道既。個蛋糕既栗子主要已經係晒個面度，面頭既都係栗子蓉 個栗子味 就唔太重 甜度可以接受，底下個蛋糕有啲鬆散，啲cream 就有啲多，味道好普通。📍Italian Tomato 📍旺角亞皆老街8號朗豪坊地庫2層5號鋪#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#manjai_foodhunter#吃貨#相機食先#美食#香港美食#旺角美食#食好西#ItalianTomato#日本栗子蛋糕

周日下午，和家人逛街經過朗豪坊，看到這間蛋糕店。最愛甜食的我當然不會放過，決定一試。蛋糕的選擇的確很多，花多眼亂，最後買了三件，回家慢慢品嘗。士多啤梨芝士撻：芝士口感很滑，士多啤梨很新鮮，我的最愛。焦糖香蕉撻：餅底好硬，連膠叉都吉斷了，焦糖、忌廉和香蕉好朋友不太配合。朱古力慕絲蛋糕：蛋糕有多重層次, 每層口感都不同, 特別是慕絲的朱古力味非常濃，值得一讚。 本來想吃的藍莓芝士撻，原來一早已經賣完了，只好下次再試吧。

Italian Tomato 在日本以café 持名，是行街歇腳好地方，而喺香港似乎其以獨立蛋糕餅店為主要，食店也越來越少。蛋糕款式都算大體，似專賣蛋糕嘅便利商店一樣，如果突然需要生日或節日餅時候，都會諗起佢。試過幾款餅，都幾有水準，今次哩個朱古力鮮果黑森林，絶對係其咁多選擇之中最大路的。朱古力味都幾重，鮮果包括士多啤梨和藍莓，都算鮮甜，再配餡餅朱古力海棉蛋糕夾層忌廉及浸潤甜甜蜜的車厘子在內，味道都很配合而不會太膩。賣相也唔錯，所以比起其餘三大連鎖餅店，算是抵吃之選！

以前公司在朗豪坊附近，所以久唔久都會買番一件半件返公司食，依家轉左工，就少左了。依家每次經開都好想買，皆因佢地啲蛋糕好大件，而且味道又好正，我特別鍾意呢件朱古力味蛋糕，味道夠濃，價錢又超值👍🏻

Italiantomato出嘅蛋糕甜點一直都好得母親大人歡心，仲記得母親大人成日細個都會買俾我哋食，都可以話係童年回憶。一直都係買佢地嘅蛋糕，今次見佢秋日限定版所以先試吓，撻款真係第一次試。日本柿撻本身以為中間係一大舊忌廉，無咩期待，切開先知原來係海線蛋糕包住慕絲，而表面只有薄薄嘅忌廉，岩曬對忌廉有少抗拒嘅我。中間嘅蛋糕係由天然柿蓉配上杏仁粒粒，果香十足，最欣賞佢嘅撻底，擺係雪櫃一日都仲保持脆身，由果仁碎整成，脆身得黎又有牛油香！呢個撻成功令我愛上佢地嘅撻，比蛋糕更來得特別。雖然一整個售價不菲，但其實份量真係好大好重手，間唔中獎勵下自己吧。

今日行朗豪坊，見到好多蛋糕店，全部都好吸引。最後忍唔住喺Italian Tomato 買左件cake，獎勵下自己。呢件巨峰提子蛋糕真係好靚，紫色又夢幻又吸引， 上面仲有一粒香印提子同一粒巨峰提子，又香又甜。蛋糕賣相就夠哂吸引，食落都冇令人失望。d cream有淡淡嘅提子甜味，唔會太漏。至於蛋糕質地就不過不失，冇特別驚喜。

好一段時間無食Italian tomato 啦，以前最愛士多啤梨忌廉蛋糕，癲狂程度可以一星期食兩三次，經典味都已經試過晒今次行經時見到唔少新款，又忍唔住要試一試以前朗豪坊有堂食，成日都會食個意粉再加件蛋糕作完滿嘅結束之後只剩呢間外賣蛋糕🍰外賣好處人數少，基本上唔駛排隊，好快可以買返屋企慢慢嘆。好快就睇中呢件日式紫蕃薯🍠蛋糕，秋天就應該食呢啲店員幫我包好。一件$38真係唔平。然後搭車返屋企慢慢嘆經過一程車時間，好擔心佢會溶，好心急打開黎睇，附送叉一隻，幾好，方便隨時食還好，無溶，完整無缺上層佈滿紫薯，打開袋，陣陣紫薯味飄入鼻，紫薯清甜，中間黃色部分忌廉都有蕃薯味最正係頂層粒栗子🌰，好香栗子味，夠爽甜加埋軟棉唔太甜嘅忌廉，真係一大享受

今日係同男朋友一千日,簡單慶祝BF秘密買左喱個皇牌士多啤梨蛋糕做驚喜,專登放工山長水遠返黎拎,感動感動,多謝~~蛋糕做得好有心思,外面一圈係蛋糕, 中間放左好多士多啤梨。蛋糕用既材料應該係動物奶油,食落去一D都唔膩口,有好濃既奶味<3好味, 唯一不足既地方係士多啤梨既味道帶酸, 可能都有朋友鐘意喱隻味,不過本人比較鐘意甜既士多啤梨呢~~下次有機會再試下其他味既蛋糕 

Italian Tomato，相信許多朋友也食過，看來平平無奇，只是糕點相當可口的一間店但這日食，卻別具意義，因為這日是我的生日呢紙袋一影，小女友於這日在這店買了一件藍莓芝士蛋糕給我由於是外賣的，用了家中的報紙來舖在底，加上已吃了一半，現在看來影得不太美觀不過心意和蛋糕的味道才是重點，女友相當有心記得我喜愛食這款芝士蛋糕，買來慶祝我的生日，好開心味道好Sweet，又滑，又不膩，相當高質的芝士蛋糕!今日就此度過了一個愉快又難忘的生日了!

今日同朋友聚舊食飯，點知食飯後有飯後小驚喜! 捧上來的係好友為我準備ge一個生日蛋糕! 好感動，好開心生命中有這兩位她，得閒一齊開心share，一齊吹水，一齊傻笑😁😁😁日式芝士蛋糕: 小小的日式芝士蛋糕充滿心意。芝士蛋糕軟綿綿，好味而不膩，而且仲帶點檸檬ge清香，水果同蛋糕之間仲有一層custard，味道豐富👍🏻👍🏻👍🏻蛋糕上層仲鋪滿我最鍾意食ge士多啤梨同雜莓，而且唔會太酸！整體黎講個蛋糕整得幾好👍🏻多謝好友的祝福😘

哥哥就嚟生日我同細佬都諗緊係邊度訂蛋糕好，細佬就提議去Italian Tomato，我諗諗下都好喎，反正都一段時間冇吃過呢間嘅蛋糕同埋我記得水準都穩定。去到店員都樂意介紹，我哋唔想蛋糕咁多cream，佢就介紹咗我哋一款日本芝士蛋糕，我哋睇完幅相就決定訂啦。不過都唔平要成＄230，耐不耐一次OK啦去到我哋攞蛋糕嗰日，我見到啲價錢牌加晒價，我訂嗰款蛋糕加到＄240，於是我就問店員，原來6月1號起蛋糕加價 (好彩我早訂咋) 呢個日式芝士蛋糕無論賣相同味道都好掂，面頭D水果仲好新鮮好足料原來切開左中間先係芝士，底同面都係海綿蛋糕，好正! 唔會好漏，岩曬我。芝士味仲好濃郁總結: 會再幫襯因為真係好好味呢款蛋糕我極力推介比一啲唔喜歡吃多cream嘅朋友

藍莓芝士蛋糕四處都有，何解紅桑子芝士蛋糕如此罕有？明明這種多吃會膩的東西配酸最讚，每次掛念這個最佳配搭只能來這裡。從中學時代光顧Italian Tomato，這麼多年還沒找到另一個代替，當然也沒有刻意去找，但多年來都沒有印像在其他店子遇到紅桑子芝士蛋糕。$40一件不算便宜，但相對它的份量尚算適中，有時候還會分兩次吃。參透不來奶油上綠色的顆粒是什麼，口感像切碎了的像皮糖，紅桑子新鮮，但是蛋糕的芝士味不夠香濃，也不算很滑，水準合格，但非上等。蛋糕尖缺了一塊紅桑子，不完整，不開心

柑太為了慶祝我的生日，於是在Italian Tomato買了一個士多啤梨蛋糕給我。在朗豪坊的分店選購時，有很多顧客也在購買該店的蛋糕，我們好不容易才擠到凍櫃前選擇，最後選了他們最出名的士多啤梨的系列。他們這個士多啤梨批，除了在批面放滿了士多啤梨外，還加上了特製的忌廉，而中央是海綿蛋糕，批底是脆皮批底，批邊鋪滿了杏仁碎粒。回家與家人共聚晚餐後，終於到了切蛋糕時間，唱過生日過為肥柑子祝賀後，他們立即將個蛋糕分屍。一切之下，發覺用料十足，從橫切面可以清楚看到蛋糕各層，食落清甜惹味，士多啤梨新鮮多汁，配以杏仁碎粒增加了不少口感，批底和中間的蛋糕非常香口，食落並不覺得油膩，分量亦剛剛好，六人分享絕對沒有問題。