Italian Tomato Café (已結業)

今日中午我們去咗上水匯嘅「Italian Tomato Cafe」食中午餐！我們叫咗午市套餐：忌廉菠菜鮮蝦意粉！另外單叫咗特濃豆乳牛油果蝦肉意粉同火腿芝士意式三文治！餐湯：磨菇忌廉湯嘅味道相當淡同好稀！忌廉菠菜鮮蝦意粉同特濃豆乳牛油果蝦肉意粉嘅意粉麵質都幾煙韌彈牙，蝦肉都幾爽甜彈牙，煮熟咗嘅牛油果味道好怪，怪到好似變壞咗咁，牛油果都係生食好啲！火腿芝士意式三文治嘅包質都幾鬆軟，蕃茄同生菜都幾新鮮清甜，芝士亦幾香滑濃郁！店員嘅服務態度非常無禮貌，隔離檯嘅人客落單話要邊樣就無邊樣，仲要個態度係超級差嗰隻！裝著食材嘅紙箱求其放喺地，攪到整到人客差啲跌！今時今日咁嘅服務態度真係唉⋯⋯

昨食中招，叫咗三樣個意粉大大條無彈性，佢收成70幾都算個田螺焗茨蓉田螺可能已開咗個罐好耐最離x普係個史立美吞拿P沙腸益味，魚似青魚在沙田又一城同價意记差一億倍！

上水可以hea既地方唔多依間cafe 係其中一個幾好hea既地方 係新開既上水匯度入到去黎下menu 唔太肚餓d野食又比較貴 所以就嗌左一杯焦糖泡沫咖啡（38蚊）咖啡普普通通 冇哂特別 咖啡味唔太重 奶味有點兒蓋過咖啡味 唯一可以讚既地方係杯野上面d cream幾香 比其他cafe出色 仲有一樣要讚既係只要唔係太繁忙你係個度坐幾耐都唔會趕你 侍應都好nice!

所有意粉黎講我最鍾意食既就係卡邦尼意粉carbonara，所以今次黎食Italian Tomato都唔例外，我都係叫反呢款。雖然個份量好少，食完真係唔夠飽，但真係好好食。首先成碟意粉唔會太膩，而且d芝士唔會太濃大膩，加埋少少bacon真係好正。不過等位就等左好耐，而且份量真係太少，下次如果想食既話我應該都唔會再幫襯呢間了。

服務員叫極都唔來，找錢又找錯曬，仲死唔認。食物方面，價錢太貴，份量又少，質素卻一般，茶餐廳貨色。說到皇牌的蛋糕，向來是Italian Tomato  蛋糕迷的我，一試就試出上水分店的蛋糕同九龍區的好大分別。上水的，蛋糕同cream鞋烚烚，囗感好差。簡單侮辱Italian Tomato這個神聖招牌。所以，我寧願出九龍食佢D蛋糕都不在上水分店食！

用餐時間限定一個鐘，未見過cafe有這樣的規定。cafe不就是給人休閒的麼？正當你以為自己去了速食檔之際，打開個餐單，發現價錢絕對唔平，仲要加一。真心睇唔透呢間餐廳係咩定位。starbucks般的cafe？收加一的西餐廳？定好似佢隔離的那個限時平價壽司爭鮮呢？ 點左一個二人餐，精選餐湯得我唔鍾意的羅宋湯。野飲只限咖啡茶或檸水檸茶。就算轉朱古力都要加錢，仲要係10蚊！你唔好去搶？檸水d檸檬唔篤都苦，想點呀？ 餐包括牛肉焗飯，跟吉野家冇分別。明太子蝦櫻花一份以為好d，點知d蝦係d蝦米幹only！中晒伏！ 裝修係靚，但euro gogo都同距一樣靚，同樣價錢食多好多野！最後埋單盛惠300+！

早前媽媽經過這間餐廳, 被廚櫃放的蛋糕吸引著, 於是今天晚上就一起來這裡吃晚餐。白湯: 有煙肉、洋蔥, 忌廉味重, 很香滑肉醬千層麵: 芝士味濃, 不過麵質太軟, 整體味道還好。肉醬意粉: 肉醬夠多, 意粉軟硬度適中。蕃茄茄子意粉: 蕃茄和茄子配搭得不錯。田螺焗薯蓉: 薯蓉夠軟滑, 田螺也鮮味。熱紅茶凍玫瑰花茶士多啤梨芒果夾心餅: 士多啤梨很甜但芒果酸, 中間的夾心酥餅很硬, 蛋糕很乾。海鹽焦糖純米蛋糕: 焦糖很甜, 整件蛋糕偏甜朱古力蛋糕: 朱古力味不算濃, 蛋糕偏甜。這裡的店員服務態度欠佳, 甫進去只見幾位店員在聊天, 叫了好幾次才回應。之後發現原來這間連鎖餐廳有會員制度, 要再三追問才把會員申請表拿過來, 差了點主動性。還好的是食物味道夠, 味道算是一般到中上, 整體還可以吧, 不過店員服務要改善一下。

每次經過，都覺得上水Italian Tomato Café 裝修好靚，而且感覺上食物質素唔會差，點知…..當日我地食下午茶，叫左兩個意粉餐 (忌廉煙肉意粉) 、餐飲、一件cake，結論係無一可以拎正評!!忌廉煙肉意粉: 平平無奇，屋企可能煮得更好食，忌廉汁太水，食落口fatty，面身過淋，食物上碟如茶餐廳般求奇，不配西式café 的做法餐飲:宇治抹茶: 要加錢upgrade嘅特飲，令人非常失望。份量少、而且好難飲，只係用水mix抹茶粉的飲品，淡而無味 (用green tea latte 之名來充大頭，但就唔知latte係用奶沖?!)檸檬紅茶: Menu 上特別註明店內紅茶係用著名品牌TWININGS 茶包沖製，我自己都有飲開呢隻牌子嘅茶包(茶色深，茶味香濃)，但果日嘅檸檬紅茶不單冇茶味，只有檸檬味，而且茶色非常淺，足以令人懷疑杯中嘅茶包到底被沖過幾多次先用來比客人Cake: Blueberry CheesecakeItalian Tomato 以蛋糕打頭陣, 平時經過都見到其cakes精美非常。當日用餐，Menu上好多cake款都冇得揀，唯有選Blueberry Cheesecake，

已和男友提早慶祝聖誕節，食了芝士火鍋，正日在他的家BBQ，但想有聖誕氣氛於是買一個聖誕蛋糕。上網看了網頁選擇了抹茶紅豆卷，男友說去到時，聖誕蛋糕只有這款，還是最後一個。在BBQ前吃，所以是下午茶，還沖了在Laduree買的茶葉。蛋糕外觀很吸引，抹茶味淡淡的，蛋糕不會苦，而且口感好軟綿綿，紅豆涵有好多，整體是好吃的。（7/10）

被醫生提早收監要留院至生，仍然希望為「為阿b寫夠100篇」而努力。各方親朋都知我係醫院會好悶，所以大家黎探我時都盡量為我帶點趣味。需知道係醫院真係好悶，我唔使戒口，已經算幸運既一群。好開心今日可以吃到Italian tomato既新款cupcake，其實之前每日放工都見到架，不過當時覺得，睇落咪普普通通，無乜特別姐，所以就無買，今日阿哥阿嫂黎探我買左黎，簡直係一點曙光呀，悶中一點甜，原來係醫院可以食到這一點甜係如此幸福架，cupcake係蕃薯為主題，黃色粒粒是蕃薯粒，用匙「but」入，發現內裡還有一些蕃薯粒和蕃薯cream，令本身有點平凡的外型增添了色彩，海綿蛋糕部分軟綿綿，組織綿密細緻（我平時有自己整蛋糕架）不知是因為被困？還是什麼？今次這個蕃薯cupcake著實得到我不錯評價，在醫院可吃到如絲的一點甜實在令我大滿足，坦白講，一個其實有點不夠喉呢^^我很怕市面上那些花巧而又勁多cream的cupcake，這個看似平實，實質有內涵的，我非喜歡，苦悶中的一點甜，太令人快樂了。

在上水匯一落去,就係Italian Tomato Café,應該係上水最好HEA既地方,因為係呢區無咩地方可以悠閒一番.甚至搵個位坐落黎都難下午茶$58既Cabonara看來係最佳選擇老實說,意粉只要AL DENTE,難食極都有限,呢度做到了.醬汁不太濃,煙肉不香口,芝士味中等,平平無奇,勝在夠飽肚!其實只要將煙肉煎香,已經會令呢道意粉生色不少不過志在HEA下,出面咁鬼熱

星期日陪媽媽下午茶，經過上水薈的Italian Tomato，看見玻璃櫃入面的蛋糕不錯，便決定座下嘗試~芒果脆脆蛋糕 其實蛋糕上下兩層是分開的，中間的芒果和脆脆是沒有粘力，塊脆脆應該放雪櫃太久了，所以不脆。但味道是不錯的，尤以喜歡混入了玫瑰味的忌廉!抹茶抹茶粉很濃，卻沒有奶味。每一口都能感覺到粉狀，實在不喜歡。

翻到上水岩好行雷闪电落大雨，决定吃埋先翻。系上水汇新开既Italian Tomato Cafe, 以前系Italian Tomato都系吃TEA同cake，今晚dinner决定试下距的意粉。要左份Mozarella Cheese番茄汁意粉，分量唔算太大，女仔就岩岩好，芝士比较多铺系面，搭配我喜欢既番茄汁，味道都唔错，不过个人prefer的芝士同汁整得creamy的。之后就系点左件一向喜欢既new york cheese，无失水准！

日前夜媽媽無野做去左新開左Italian Tomato 食蛋糕，蛋糕既全名就唔記得，不過味道就真係唔錯，可惜兩隻蛋糕話就話唔同款又唔同名，但兩隻味道其實一樣無分別，早知就試另一隻味啦! 但間野既服務都幾好既，另外排隊個度其實都真係幾好既因為佢收十點但九點就提客人LAST ORDER仲驚人等完位就無得食，真係幾好既呢樣仲可以早D落定ORDER留起件CAKE先,係正既。其實個晚仲有叫薯條食，炸得都好香，配埋佢個花茶其實唔錯，朋友就試飲左個抹茶特飲，佢話好好味唔會太甜又真係有好香抹茶味，上水人如果三五知已出去食飯傾計又唔想出得遠，呢間既環境都唔錯既可以去試下，不過真係唔SUGGEST叫2款相似既蛋糕，因為味道真係一樣樣。

如果以人圴消費150蚊黎,簡直食緊垃圾，肉醬焗千層面得兩塊面，然後濕立立一堆肉醬，完全無焗既感覺，辣肉腸薄餅得幾粒雞肉腸就當係，班妹妹仔侍應仲大鑊,三四個人服侍8枱客,都要催幾次先收碟 可取之處係新開張環境乾淨，唔洗等太耐位，妹妹仔侍應識得HOLD住啲枱俾三四人用