影片
【119】用家自费分享！Walk in 唔使等，七成满。7️⃣0️⃣CP值，上次好食再去过，2023/10/11/三/16:36，下午茶时段，一人埋单免加一共$71。店在商场内，算易揾到，装修有特色，暗暗地，店内空间大，坐得舒服，感觉干净企理，招呼有礼，QR code落单，上菜快，主食依然好，但蛋糕完全唔掂。8️⃣0️⃣下午茶餐龙虾汁蕃茄焗猪扒珍珠饭$44，好好味。7️⃣5️⃣跟餐另加$ 8冻意大利泡沫咖啡，咖啡味差少少，都很好。2️⃣0️⃣追加$19杂莓忌廉蛋糕，失望，太硬太亁，好似隔夜，食咗一啖。
继续阅读
其实意乐餐厅，都开咗好多间分店，坑口呢间都屹立不倒咗好多年，入边装修风格非常西式。一入到去，啲职员会用无线电耳机通讯「一位入𡁵嚟」，好似好pro咁！坐位算阔落，下午茶时间无乜人，都几好坐。今次我就叫咗个pizza食。一上到嚟，个卖相唔错，个pizza细细份，作为下午茶个份量岩岩好！个流心蛋系个pizza上面朗下朗下好吸引。一切开佢啲蛋汁流哂出嚟，正呀，劲有蛋香味，加埋有少少辣肉肠，好好味😋到冻柠茶喇，百分百集团嘅冻柠茶最巨争议性架喇，一杯无柠檬嘅冻柠茶，仲算唔算冻柠茶呢，for me…why not?
继续阅读
最近多次去咗「Itamama (东港城)」，食物质素都唔错，但可能因为唔太钟意去连锁店，所以总系唔知食咩先会再去。今次试咗佢哋嘅烟三文鱼蟹子蛋炒饭，真系有啲惊喜。呢碟炒饭色香味都好丰富，一食入口，蟹子蛋同烟熏三文鱼嘅味道融合得好好，散发出诱人嘅香气。饭粒个个分明，食落口齿留香，每一口都可以品尝到鲜美嘅海鲜同埋烟熏嘅香味。呢道菜味道层次丰富，有鲜甜嘅海鲜味同独特嘅烟熏香，令人回味无穷。下次唔知食咩嘅时候，会再去支持呢间食店。
继续阅读
星期日想食个下午茶，顺便行下商场，见呢间餐厅都好多选择❤️炸鱼薯条块鱼略嫌炸得有d过火，薯条就正常❤️牛肉他他配牛角包牛肉配他他酱味道好夹牛角包好脆，唔会太淋$40一个下午茶真系无得输，份量正常，仲要包饮品，当然一d特式饮品要加钱
继续阅读
千岛pizza•野菌忌廉汤$68(逢星期五特价)🍕饼底脆口，系薄批嚟，馅料有紫洋葱、虾、千岛酱同芝士，成个味道好难唔夹，大概有6寸大，呢个真系几好食，小朋友好钟意，下次黎会再order~🍄忌廉蘑菇汤正正常常，唔系特别浓郁又唔会好淡🥩安格斯牛配烤野菜薯条•野菌忌廉汤$160牛扒可以自己选择生熟程度，叫左7成，味道都可以，肉质软淋，但略为多筋，可以试一次，但下次就唔会再叫🦞龙虾汤海鲜天使面$74呢道意粉比较淡，食唔岀个汤有龙虾味，配料有虾、蚬、青口、冬菇片，天使面质正常，呢样都系冇下次
继续阅读