Jimcus Donuts & Espresso (已結業)

行過太安樓都沒有機會買黎試試, 是日有緣, 行過黎買少少試試.原味$10 6 個, $8 4 個, 仲有其他味道, 蘋果, 綠茶, 芝麻, 朱古力, 杏仁等, $10 4個.有人望下就走, 我就俾$10 試試黑芝麻.有味既只是上面灑上黑芝麻粉, 唔係新鮮炸, 不過吃落ok , 沒有美式的那種超甜的味道, 同時沒有美式donut 油淋淋的感覺.口感不是出奇的特別, 行過一試無妨.

前幾日行過,見到窗口位既donut機炸緊d mini donuts出黎~好得意,好似水泡仔咁見寫住$10for6就行左入去我叫左原味,$10 for 6,男朋友叫左朱古力味$10 for4我個原味就係"熱辣辣"既~好好好味,有陣好香既面粉味,又有少少似雲呢那香味咁~可能係新鮮炸,外有少少脆,入面好香,唔似面包既面粉(個staff說是從外國入口的粉wor)面男友試的是古古力,無咁熱,但d古古力味好濃,而甜味剛剛好~我覺得呢間野好特別,件件野都係細細粒,而我地走既時候,我男友仲叫多轉原味同一杯mocca邊食邊行(杯mocca價錢好抵十幾蚊,但唔錯,拍得住連鎖caffe shop)住hk島既為食之人可以一去呀,冬天必食呀!

今日專程坐車去試呢間donut店..個門面好整潔...個meun好新鮮..幾有創意試左幾種口味...黑芝麻,黑加倫子,榛子.都算ok..尤其係黑加倫子..好好味...白朱古力經改良後味道比之前好..但如果唔食白朱力古既人可能會覺得奶味略多..donut配mocha..真係一絕...消費唔高..廿幾蚊食得好飽..經多次改良後既donut真係值得一試..專程坐車去都不失為過..未食既朋友..真係要去試試^o^唔洗食出面個d咁甜..甜到嘔既xxxxxxx啦...

都幾難食...Krispy Krxxx 好食好好好好多...原來熱不代表好食, 我仲要特登搭車去食決定! 以後唔去!

8.25 (sat)曾經見過呢間野，諗住搵日經過可以試下。今晚路過太安樓，雖然完全冇胃口，但見佢ｄ冬甩細成咁（每個兩啖食完），飽極都有限就去試donut minimum要買$10，可以揀要６個原味or４個花式（其他味，但要同一種味），我要左４個白朱古力味見住佢整（炸），所以都熱熱地，口感都還可以，但完全食唔出白朱古力味，其實佢係咪俾錯我? 但我又食唔出係咩味，不過overall好過krispy X唔知佢其他味係咪都係咁，不過唔可以一次要四種唔同味既donut就唔係咁好喇，所以都應該冇下次p.s.呢間小店全名叫Jimcus Donuts & Espresso.