影片
✨成人价88折优惠（$270@1）——————-✨有得自己捞大头虾😽，又几好玩，好生猛，多膏。可惜自己煮太耐，啲肉硬晒🥺✨酱油虾好惹味，开左背脊方便又易剥，食到唔停口🫥反而酱油鲍鱼一般，啲肉唔弹牙✨有三文鱼、带子、八爪鱼等常见刺身，当中螺片值得一叫～✨即拎熟食只得四款，好在炸虾外脆内弹牙✨大量嘢饮供应：啤酒、汽水、特饮特别钟意荔枝绿茶，觉得好好饮，如果惊甜嘅话等啲冰融少少✨清酒仲有部机加热，暖暖地几好饮🫥雪柜啲梅酒有啲甜，似咳药水✨流心牛角包，超级推荐，外皮松化，食得出佢嘅层次感，浸味好似流心月饼😋✨ 特别要赞啲娃娃菜去到最后索晒海鲜嘅精华，本身中意食菜既我劲满足🫥炸鱼皮，牛肉，猪肉一般水准。建议食其他野会开心啲✨ 有Movenpick雪糕🍦仲有好多日、韩雪条、雪米糍，多到花多眼乱🫥个雪糕窝夫三文治，窝夫好硬，放一阵先食又会淋晒，入面嘅雪糕亦都冇乜特别，唔建议食😖-放题黎讲我都食得几开心🥳出单出得快，冇偷偷地减少份量，侍应回应快一个价钱有酒饮、有刺身、有得打边炉真系几抵🥰🥰🥰店内环境又大又舒服，仲要有好多卡位虽然系星期五，但都只系坐满左半个场（唔知系好事定坏事呢）-一上到黎先知有生日礼物🎁同店方出示身分证即可拎取一支无酒精香槟，好surprise🥰-有得网上book枱，IG查询都算覆得快，员工都几有礼貌🙃-尖沙咀嘅JK Brother’s 都系同一间但系尖沙咀位置比较方便，不过要留意地方会比较细，而且冇得自己捞虾#食在铜锣湾
继续阅读
前几日午市黎食 首先一出去乜都冇 冇炸物冇烧蚝 o晒嘴.咁大个场真系得两兜鱼皮响铃... d自家制野饮好难饮 得阵糖水味d牛肉又un又鞋 我帮衬左3次d牛次次都系未解冻 不过起码我之前黎系有其他野可以食下.d虾好霉完全冇虾味 蚬正正常常咁都算 个汤底又劲重口味 劲咸劲甜咁 丢咩落去煮都yam晒阵味.到最后 连movenpick都冇比...其他任食雪糕都好难食 化学味雪糕 宁愿比雀巢阿波罗都好过呢d.唯一好食系得芝士挞 不过出得好慢 基本上叫完要等20分钟先黎 牛角包就好干 不了之前试过尖沙嘴𠮶间本身已经好失望 𠮶次出面d蚝同炸虾剩系出一次就冇refill 不过起码有先啦 点知铜锣湾仲差 唯一可以食嘅得芝士挞 近两个月两次去全场都系得2-3台客 点解得咁少客 系咪因为越做越hea呢..我就唔会再帮衬喇 一次比一次失望.去到好似冇野食咁以前荃湾做得几好我先再帮衬 而家真系冇理由要再食..好失望
继续阅读
星期日晚同朋友聚餐，JK Brother's Gold 有生日优惠就去啦，而且地点方便就脚，就系时代隔离嘅酒店楼上一去到入场就要拣定锅底先，六人拣两个冇记错系海鲜猪骨汤底，味道正常牛肉盛寿喜烧，偏甜。。。自助区有熟食：吉列蚝吉列虾焗蚝 - 芝士、蒜蓉炸鱼皮响铃炸野正常发挥，亦睇得出系现成货，唔特别焗蚝蚝肉细，味道一般，蒜蓉焗蚝抢晒蚝味，芝士好啲饮品反而有惊喜，选择多又好饮，自定胶杯装嘅奇异果菠萝蓝蝶花、白桃天葵同百香果柑桔绿茶另一边有罐装汽水，纸包饮品，清酒梅酒首先上枱系桶蚝，好肥大另一盘系半壳蚝，佢讲明唔系for生食同埋好似要like&share 社交平台post先有任食跟住任点任食嘅急冻蚝同新鲜鲍鱼，鲍鱼不得了，上枱都仲识郁牛肉油花好靓，食落都有牛味其他嘅就系刺身，唔记得左影相不过质素都几好，仲有韩式酱油虾同酱油鲍鱼，味道偏甜最后每人送一杯Movenpick雪糕
继续阅读
出街前一晚睇社交平台见到火锅关注组有师兄讨论JK Brother’s，睇睇下资料觉得几低，平均每人$75，YouTube又有几条片介绍，最后决定拉埋只𓃟试下。（其实当日餐厅full booking，但咁岩有客人放飞机，我哋好快就摄到位入座。）餐厅环境都算宽躺，全部食物有盖冚住，干净卫生。其中我最欣赏嘅系佢嘅蔬菜类非常新鲜，唔会话霉霉烂烂又穿晒窿咁。熟食种类亦非常多，可惜见唔到有奶黄牛角包，不过坦白讲熟食嘅味道同口感一般，例如小丸子就较为淋身同浆，比较多人攞嘅会系炸鱼皮同鸡翼，refill速度都好快，但我会建议留肚食多啲肉肉喇！例牌同男朋友打边炉都会叫寿喜烧汤底，十年如一日。JK Brother’s 嘅汤底个人认为咸咗少少，食完第一轮就要加返啲水。我仲一开始落左旧花胶唔记得捞返上嚟，当我记得佢存在嘅时候旧花胶已经入哂味，变左棕色的鱼咁样，不过都仲系好大旧无咩缩水。肉类有三款，🐑🐂🐖。真心讲呢个价钱有羊肉食真系好惊喜。虽然肉就薄身啲，但任嗌嫁㖞！店员周不时就会推住架车仔问每枱客人需唔需要加肉。不过唔知系咁啱我𠮶日唔好彩定点，啲牛肉盘盘都好多肥膏，九成膏一成肉。结果我地两个主要食羊肉多，每一片都带少少羊骚味真系好jeng。最后埋单平均每人$75，2人同行1人半价，即$88+$88-$44+$17.6(加一)，实收$150。个人认为JK Brother’s CP值极高，绝对推荐俾想过下边炉口引食下羊肉嘅你。
继续阅读
今天去了JK brothers Gold 食午餐打边炉放题，第二位半价，准时去到，只有很少人，不像佐敦的店舖，要在门口很窄的地方等候。入座前选了牛肉和汤底，选了$148 元的美国 Prime 牛板腱 和一口雪花牛肉粒，牛肉质素是可以，一口雪花牛肉粒有 惊喜。我们没有选$88 元的肥牛套餐，因为我见 隔离枱的肥牛，真是好肥腻。我们出去取熟食， 我只见到只有少量熟食，以为之后会加，但很失望，熟食少选择，而且仲系冻的，而且之前Menu 写的食物，好多都无影，日式餐前小食，只见放在雪柜，没有放出来比 食客享用，甜品 只有细件的terimisu蛋糕，而且个外观非常肉酸，好似放了很久，没有提供 豆腐花，布丁和牛乳。当日只有几枱客人，唔知系唔系见少人，所以好多食物都无提供，超失望，而且饮品都选择少，有些韩国饮品，在佐敦都可以饮，在这里就讲唔比饮，真奇怪，唔知是否 侍应生太新，所以好多嘢都唔知道 ，好多食物及饮品都无提供，所以都唔会再去。但这个场地好大，比佐敦坐得舒服。
继续阅读