Joey Eat Patisserie

营业中

休息中

星期一last day，星期日臨急臨忙搵下附近有無散水餅賣。見到有新開嘅西式餅店就膽粗粗WhatsApp問下，因為太急要貨都諗住未必得，點知對方一口應承，順利解決問題。點知星期一返工先發現計漏隔離組啲同事，臨急臨忙又WhatsApp加單，又諗住未必可以，點知對方又話無問題！臨出發去拎餅之前再多口問一問上司數量夠唔夠分，點知經理話我數漏咗啲supporting staff… 真係頭都大… 去到studio求救，Joey原本諗住幫我趕製細size嘅puff，但係因為我係lunch time出嚟所以時間唔夠，咁Joey又幫我搵到一啲almond chocolate放入細袋獨立包裝，都幾靚，唔算太失禮，另外吹水期間佢知道我準備走又送多咗一樽朱古力俾我。Joey真係一個又nice又sweet嘅小女孩。見到啲餅好靚，返到公司我都偷食咗一件！Matcha tart真係好出色！賣相同味道都一流！我離開香港之前都應該再買多一個蛋糕試下！