ka-to卡噹拉麵

营业中

休息中

荃灣西附近的aeon mall翻新過後，地下開了一個food court，包含了各種餐廳美食，今次剛巧品嚐了這間拉麵店，價錢相宜又可以自行配搭配菜，非常經濟又口味豐富。原來現在有優惠價$38就可以有辛辣肉醬拉麵，我和朋友便點了一份試試，還額外加了一大碗芽菜山。辛辣湯味真的頗辣，帶點酸辣的味道。額外加了一份大根，吸收湯底的味道。亦試了蟹籽福袋，是內面有飽滿的蟹籽粒，和外皮軟糯的魚肉皮。另一份即點了自選拉麵，有燒雞脾菇、溏心蛋和豬肉叉燒。豬骨湯底要+$5，味道也不錯，帶點胡椒的味道。麵條亦有質感頗彈牙。叉燒口感亦軟熟不錯。燒雞脾菇表面經過切開，令食物更容易熟，表面有燒過的香味，亦很軟身，不會很韌。最後點了一份山芋燒小食，口感為軟綿綿的，很軟糯。

今日嚟超市同百貨部入貨準備小朋友開學日，估唔到購物用嘅時間畀至其多決定喺度食埋晚飯先返屋企。係呢個food court度揀咗呢間拉麵店，價錢都好優惠，仲有個是日優惠，今日係一碗辛辣肉碎拉麵先$38，真係抵到不得了！另外我哋再揀咗個味噌拉麵同埋自選拉麵，仲有小食！餐廳好貼心送左把扇，上面寫原來餐廳名嘅意思就係日本嘅手推車，意思就係將美食好快送上！真係估唔到$38有碗拉麵，仲要好食而且材料十足，有辣肉碎，筍，木耳絲同蔥。拉面煮得岩岩好，食落煙韌有咬勁，真係超超超超值！手羽餃子明太子食落都幾特別，外面睇起嚟係隻雞翼但係入面嘅餡料係滿滿明太子釀入，明太子好香，雞翼亦都燒得香甜，好味道！個雞肉軟骨串都好有驚喜，預期以外嘅好味，雞肉餡料好香，而且食落都好多汁，仲有少少軟骨咬口，非常唔錯！另外呢個山藥什錦燒，都係第一次食開頭以為好似大阪燒咁樣嘅口感，點知呢個唔係用麵粉製造，食落更加輕型，但係味道同口感仍然，同樣好食！雜錦魚豆腐拉麵，我個人都幾鍾意食味噌湯底雖然唔係成日好多地方有，呢款湯底確實令我滿意，而且佢嘅配料真係好多，有芝士魚豆腐，魚籽福袋，鳴門卷同流心蛋，芝士魚豆腐邪惡又好味，福袋吸晒湯汁好滋

今日去荃灣Aeon買少少嘢，見到地下food court新開左幾間餐廳好似好正，呢間拉麵店仲有$38優惠，見差唔多食晚飯就嗌左碗辛辣肉醬拉麵 $38其實唔算太辣，所以好多人都食得！碗入面鋪滿辣肉、木耳絲、荀同蔥，份量好豐富，仲好新鮮，一啲都冇因為平而偷工減料！另外，男友亦嗌左碗自選拉麵，我哋亦另外嗌左小食同嘢飲豬骨湯自家粗拉麵（冬菇、獅子狗、芝士魚豆腐、流心蛋、豬叉燒、帝王蟹柳）豬骨湯似出前一丁嗰隻，好香好濃郁；粗麵都煙韌彈牙。咁多款配料，最推薦係蟹柳棒，好肥美，好好味！手羽餃子明太子 $38呢款小食幾得意，頭係雞肉併明太子，無骨的；尾係雞翼尖，有骨的。味道甜甜地，又辣辣地，而且啖啖肉草莓荔枝綠茶冷泡茶 跟餐+$9係果味較重的綠茶，清甜得黎又清新梔子花綠茶冷泡茶 跟餐+$9味道似茉莉綠茶，比較清香，茶味重啲

最近去左一轉荃灣AEON百貨新開嘅food court，發現左Ka-to卡噹拉麵。環境乾淨，令人感覺舒適自在。自選拉麵我揀左自家製拉麵，搭配雞叉燒、日式豚角日本大根（白蘿蔔）以及芝士魚豆腐。拉麵麵條彈牙，同時吸收左醬油湯底的香味，加上蒜蓉醬，成碗拉麵色香味俱全。每月推介：辛辣肉醬拉麵只要$38，實在超值！醬油湯底搭配辛辣肉醬，充滿刺激嘅香辣感。肉醬的鹹香與湯底完美融合，令人忍唔住要清碗。煎餃子外皮酥脆，內餡多汁山藥什錦燒口感豐富，帶著淡淡的甜味。照燒雞翼外焦裡嫩，醬汁甜而不膩草莓荔枝綠茶Ka-to卡噹拉麵的價格相當親民，而且每個月都有唔同的特別推介優惠，令人期待，以後收工又多一個飯堂啦！

知道荃灣Aeon重新裝修過，仲整左個foodcourt呢晚shopping完即刻去試下見到位置都算多，比附近Donki嘅foodcourt坐得更加舒服見有幾間日式餐廳，今晚想食拉麵見佢餐牌都幾多選擇，價錢又幾抵，唔怪之得吸引到咁多人黎食，要預少少時間排隊落order同攞野食慢煮叉燒拉麵（豬骨湯底）$58湯底香而不膩叉燒薄切，好香好滑，食落去有豚肉既香氣拉麵爽口彈牙，食完成碗都唔會覺得油膩👍🏻自選拉麵$38 再自己揀topping每個餸都係$6-12，可以瘋狂叫😝要咗醬油湯，加左$8轉左自家粗拉麵粗拉麵粗度接近幼烏冬，食落去口感較正常拉麵豐富掛起更多嘅湯底，醬油湯好香加咗雞叉燒、豬叉燒、腐皮抽揚、魚籽福袋、流心蛋、日本大根，好豐富好滿足！雞叉燒同埋豬叉燒好嫩滑，食落去好多肉汁流心蛋整得好靚，日本大根鮮甜腐皮同福袋係日本既味道 正！仲有震撼優惠價既辛辣肉醬湯麵（醬油湯底）$38好抵食！辛辣肉醬食落有少少似中式擔擔麵既感覺但相對冇咁油膩同辛辣，啱晒唔食辣嘅朋友照燒雞翼（5隻）燒得外皮香脆，裡面滑溜建議大家必點！而家like 社交平台仲送雞翼黎緊個個月都仲有唔同既優惠 正呀！

星期三AEON特價日去買野 順便係新開的food court度食個晚飯 🥣 新開左幾日食店 其中一間係拉麵店 每日有一款拉麵特價$38 今日輪到係辛辣肉醬拉麵（醬油湯） 湯底帶有少辣 肉醬粒配上木耳絲和味筍 咬口唔錯 另一碗點左自選拉麵 由湯底 麵條種類 配料都可以自由配搭 基本上配料點6-8 款都可以 適合大胃王 或者口尖人士當中流心蛋、芝士魚豆腐和豬叉燒都值得一點👍🏻除左拉麵都有小食可以選搭山藥什錦燒 手羽餃子明太子 煎餃子🥟最欣賞係手羽餃子明太子 雞翼肉質嫩滑 帶有juicy肉汁👍🏻如果去開AEON買野 想快快食個飯 都可以係一個好選擇✅

KA-TO 卡噹拉麵😘今日同朋友去荃灣做運動，做完就去附近商場行街食飯，我哋去咗間商場行到入地下已經係美食廣場，見到有一間係食日式拉麵嘅店舖，我朋友就非常鍾意食拉麵，就去睇吓有咩食，見到餐牌有個震撼優惠價，係非常抵食嘅豚角拉麵用醬油湯，價錢唔貴只係$38，店員仲同我哋講每個月都有不同優惠推介，這間店舖叫KA-TO 卡噹拉麵，位於荃灣大河道88號灣景廣場購物中心地下20號舖，灣景廣場美食地方都闊大，座位都好多，坐得令人舒服，拉麵店員有禮貌服務態度好，來這裏食真係不錯。我哋除咗一定叫優惠價嘅豚角拉麵，個餐牌仲有自選拉麵，咁就可以鍾意食乜就叫乜，先選湯底，有四款咁多，有醬油、豬骨、味噌、咖喱湯底，四款我哋都鍾意飲，首選豬骨湯，跟住選面底，當然選自家拉麵，醬料仲有得加辛辣、麻辣味道，最後就選餸菜，非常多有29款餸菜，而餸菜個賣相都好吸引，我哋就選咗日式豚角、雞叉燒、靈芝菇、雜菜魚餅。如果你有素食朋友，都可以同佢來食，自選拉麵本身有經典配搭，有醬油湯、拉麵、蔥花、味筍、木耳絲，價錢亦係$38啫。這間拉麵店部除咗食拉麵之外，仲有小食叫來食，啲小食亦都好吸引，我哋叫咗煎餃子、明太子多士、手羽餃子明太