KEW+

营业中

休息中

真係明星效應才去，有小小失望。餐牌上中式，西式，日式都很吸引。和好友商量試試中式先。有海景位置，在室外，下次不太熱的話，可以考慮。室內很明亮，環境也可以。食物視覺比味覺好，服務態度有進步空間。下次或則會試high tea。

尖沙咀新開餐廳主題為植物園與花卉，仲有室外座位。主要提供多元化美食，有日式、西式和亞洲美食，食物款式繁多。中式：精選點心拼盤 $68 ❤️上湯金魚餃 $68 ❤️造型精緻，睇到胃口大增，金魚餃皮薄又足料，入面滿滿蝦肉日式：油甘魚薄切醬油漬 $138 ❤️口感爽口帶柚子味，令味道更富有層次感海膽醬帶子魚籽手卷 $88 ❤️新鮮海膽與帶子，帶子大大粒，鮮甜好味西式：海膽三文魚籽忌廉烏冬$198醬汁濃郁好掛汁配烏冬，只係烏冬係帶微酸搶咗忌廉味。香印蜜語忌廉蛋糕 8cm $168黎到必試佢地嘅人氣忌廉蛋糕，造型可愛，配上香滑忌廉和鬆軟海綿蛋糕，口感清新。白玉丸子黑白拿鐵 $58 ❤️抹茶椰子紅豆冰 $68 ❤️

今日朋友仔帶咗我嚟呢度試，一打開餐牌，哇！很多選擇！非常fusion，乜嘢款式都有！佢嘅飲品選擇好多好多！我自己揀咗椰子咖啡，很多椰肉，加上雪凍咗嘅咖啡冰，整體感覺很良好！朋友揀咗個杯都好靚。點心拼盤，打卡一流！味道都唔錯。最左手邊嘅係「流心脆包」（個名我幫佢改嘅）呢款最好食。隔離嘅蘿蔔係鹹水角～ 金魚像真度都幾真，食落有啲驚驚，其實係蝦餃，因為佢啲金色～ 不過幾好味。 無花果Parma ham pizza, 味道都幾好，鍾意佢嘅薄脆！呢件栗子蛋糕就最一般。太甜！餐具都好靚。整體來講，都算唔錯。一般嗰啲勁fusion嘅餐廳，樣樣野都整得麻麻地。不過呢間味道真係唔錯，食物同飲品質素不馬虎，店員嗰個都幾有禮貌。值得一讚希望繼續保持水準。

🌷餐廳很大，據資料是超過7000平方呎(室內外)。當天被安排坐一邊是梳化，一邊是椅子的圓枱，坐是舒服的，但圓枱不夠大，上枱時，侍應也要將食品徐徐放下，故建議一次不要叫太多食物，分段order，然後慢慢享用這餐廳集中、西、日多元化的選擇，如精緻的點心、壽司、沙律、串燒、丼飯、薄餅、意粉和各類甜品⋯，看餐牌時，都有目不暇給的感覺👇🏼花花蟹籽春卷$48，造型精緻漂亮，一羮一花，方便進食，春卷脆香非常，內裏的蝦肉又爽口，下次要連吃兩朵👇🏼上湯金魚餃$68，栩栩如生的造型可愛，盡見其手藝，而蝦肉鮮爽帶香，蝦餃皮軟薄適中，整碟的擺盤令人賞心悅目👇🏼拖羅蓉脆脆卷$178，拖羅蓉軟滑，青瓜粒爽脆，飯卷面鋪滿黑白芝麻和七彩脆粒，吃時脆卜卜，甚為喜愛👇🏼三文魚刺身手卷壽司餐$178，附有小卷壽司，牛油果沙律和三文魚刺身👇🏼上-和風牛肉手卷壽司，牛肉軟嫩香滑，加埋脆條齊吃，口感豐富 中-三文魚及魚子手卷壽司，三文魚軟滑 下-炙燒左口魚手卷壽司，炙燒後，濃郁的魚油滲出，入口甘香肥美👇🏼芒果花樣果凍蛋糕$68，酸酸甜甜醒胃，海綿蛋糕鬆軟，芒果香甜，選對了🈴️我口味的蛋糕

我兩個朋友生日，我喺openrice 訂枱remarks埋”happy birthday to xxx”呢個係我習慣，餐廳們會幫我喺甜品碟上寫生日快樂，我從來冇試過俾任何一間餐廳拒絕或收extra chargeSeriously disappointed by everything from Kew+!!! 問題1: 我：我想問如果我嗌蛋糕，可唔可以喺碟寫生日快樂祝福語？Waiter: 加生日牌要加$20我：如果叫其他甜品呢？Waiter: 我要同廚房溝通吓Waiter: 覆返你，疏乎厘 做唔到我：即係叫其他甜品可以？Waiter: 可以，都係加生日牌加$20有冇搞錯，呢個格局嘅餐廳，仲要我相信蛋糕都係佢主打，竟然要加錢寫祝福語，完全冇將client experience放priority!!問題2: 我：我經openrice訂位有8折，邊d items可以用？Waitress: 成個menu都有8折我：所有items都係？（我真心懷疑）Waitress: 係呀，不過到時收錢個cashier會再話你知邊d得定唔得，我新黎嘅，不過聽講係全部8折會唔會咁樣答客…!!問題3: lunch s

今日同朋友去午餐。朋友12點半左右已入座，影左餐單比我，等我1點放Lunch一起食飯。我到達既時候朋友已經食左佢既海南雞飯，佢覺得嘛嘛地。另外一款仿荔枝造型既小食，皮硬，流心蛋黄餡料ok。本身朋友影餐單比我既時候，我已經拜託朋友幫我叫個豬排飯，但Lunch hour餐廳已經sold out。於是我轉左牛油果軟殼蟹漢堡。我13：10到達餐廳，一直等到13：40都未出餐，期間請職員催促左三次，結果仲要黎錯野！！！！比左個牛油果沙律多士我！！！上餐個職員一D唔好意思既感覺都無隔離台既食物都催左幾次先黎，聽到我又要等15-20分鐘先換翻個漢堡都笑出黎。食下個午餐要變下午茶？？咁既服務，咁既出餐速度

如果係抱住新開，好奇想嚟試下，我覺得可以搵其他餐廳，原本諗住明星效應，又係新開，服務同食物質素一定唔會差得去邊！呢間野無服務可言😩1.由門口帶你入座之後乜都冇講就走咗，最起碼都講聲係掃QR code自助落單呀！2.油炸食物，炸魷魚鬚，炸到乾晒水，硬到食唔到，啲食物又冇味，唯一好食就係壽司3.入座前又冇講明用餐時間，但就入座1個鐘頭9個字，突然攞張單嚟叫你比錢🙄當時入座率得10%4.晚上21:00開始啲員工會成日行埋嚟用啲唔友善嘅眼光望住你，令你覺得食完好走，唔好坐响到吹水5.都未過營業時間就見到個員工21:40就已經埋數唔適合一班朋友嚟吹水食飯嘅餐廳，真係冇下次

同友人去完尖沙咀shopping ，當然要搵嘢食醫肚仲餐廳每一個zone都有唔同嘅布置主題，中西日韓嘅食物都一應俱全🐂燒A5和牛蛋黃丼 $248-將A5和牛鋪滿頂層然後加入生蛋黃 和牛邊位煎到焦脆 肉質粉嫩 油脂感強勁 肉味都幾重🐠銀鱈魚西京燒 $248-銀鱈魚嘅魚油勁香 兩邊煎到金黃色再搽上燒汁 甜蜜味再加魚油香 絕！😋 魚肉嫩滑香甜🦞龍蝦芒果沙律 $288-半隻龍蝦拆肉再排返龍蝦嘅模樣 鉗都起好肉完整無缺 龍蝦肉底部有雜果沙律 旁邊有一排芒果 -龍蝦幾彈牙 啖啖肉 沙律有唔同雜果 而芒果帶少酸🥭香芒珍珠搖搖茶沙冰 $58-幾芒果打成沙冰再加入茶底攪勻 放入透明珍珠增加咬口 呢杯特調唔會凍到牙痛亦唔會太過甜 唔錯🍰香芒熱情果蛋糕 $68-唔會好單調 有芒果嘅甜加熱情果嘅香 蛋糕細細件 啱哂食完飯過吓口癮總括嚟講，味道相當唔錯，環境同擺盤都好華麗，值得推薦

見$44蚊Large Mocha 就念住試下啦，一打開個蓋…8成都無好似，仲要勁輕勁多foam，又唔熱我唔係要求滿杯， 留1cm or 0.5cm位都正常既，但留咁多空位真係……(雖然唔係精Coffee我明，但咁既Quality.....，我以前做啡都唔會留咁多位)有待改善…

早二日見東張西望報道龔嘉欣新餐廳開張當然要試吓，上網發現網上OpenRice訂位再有八折（陰爽），進餐廳後看見餐牌太多美食，而且價錢相當合理，手機點餐後美食到來，先係飲品綠茶珍珠latte同香芒沙冰，兩杯都美味特別沙冰，之後點心同炸點精選（可能名字有錯，唔太記得）出色美味，之後炸魷魚正常，再嚟焉鴦焗豬扒飯，厚切豬扒美味唔乾加上蕃茄同咖喱焗飯同樣美飯，再到天婦羅蕎麥麵，炸物都不錯麵質可以唯一鰹魚汁加多了水淡了點，而由於有點套餐有跟甜品，甜品也不錯，而整體食品美味餐廳氣氛令人愉快服務很好，非常滿足會再次到來。

8月 28號(一)，大約 4:45P.M. 左右，一心諗住訂個生日蛋糕，31號(四) 取的，點知佢話要 1號(五) 先可以取，咁好失望想走嘅時候，都再問清楚，差 1日都唔得，佢話做唔到……，我當然問到時嚟買，有冇？！想食到蛋糕嘅問題，都係幫唔到我，咁算數，走！離開時候，心心不忿咁睇你哋嘅單張，話係*原個蛋糕可於三天前預訂*，我都唔想同你拗，不過希望你哋清楚解釋到人客知，點為之三天！同埋比小小服務態度人客感受一吓，一句打招呼都冇，淨係喺度用手提電腦，當我望住你嘅時候，先識得去招呼人客，今時今日嘅服務態度，唔理你係乜嘢人開，想生意好 D，就首先學懂珍惜每一位人客嘅需要！服務，我想比 0 ⭐️，但提交唔到！

1. 喇叭有啲嘈，播啲歌好似去咗disco咁，坐喺呢啲環境食野唔太舒服🙉2. 叫咗杯荔枝玫瑰手打檸檬茶，冇又唔出聲，冇叫我揀過其他飲品🌚 本身手打檸檬茶有5款，我叫嗰款$52，同價錢有4款，水吧求其問都唔問比咗菠蘿檸檬茶比我，上飲品嗰陣又講荔枝檸檬茶。杯檸檬茶零甜味，唔知係咪漏咗落糖，比較苦澀，街邊$3x嘅檸檬茶都好飲過佢3. 我1個人食野，比4隻豉油碟我做咩？🤡👎🏻👎🏻👎🏻👎🏻👎🏻

今日去咗Kew + 打卡。餐廳裝修好靚好小女有好多打卡位，座位距離大好闊落，有DJ 主埸打碟😎。食品種類繁多😍😍心大心細都唔知點揀好。最後我揀咗天婦羅🍤冷麵🍜，拼盤點心，朱古力疏乎厘蛋糕🍰。食物質素尚算穩定。不過服務質素係可以有更大進步空間既環節，1）我企左係門口差唔多3分鐘有3 個男同事企左係度不過掛住做自己嘢。冇人問我係咪預約好還是有冇野可以幫我。2）入到座低，比左水杯我，但等左10 分鐘都冇員工倒水比我。3）天婦羅冷麵到了，但冇比筷子我。4）冇人收已經食完既碟。整體有少少亂，希望流程可以改善更好。

上星期知道海洋中心新開了一間餐廳，隨即到open rice訂座，可能新張關係，訂座全單還享有八折。看得出餐廳的裝修很有心思，環境很好，還有户外花園位置，但因今天天氣不穩定及太熱了，沒有到外邊去。食物方面很多元化，中西日式都有，質素亦不錯，唯獨是由於我們是兩人關係亦點了不少食物，安排的二人枱似乎比較迫。值得一提的是在樓面放了很多很美觀的蛋糕，些少是明星效應，但的確非常吸引，也外買了好幾個才離開，知道之訂座已再沒有八折了，但也是絕對會再去的餐廳

放假去左尖沙咀食飯行街，行到海港城又想坐底飲杯野食個蛋糕慢活一下跟住就去左係 Kew+ 入便就有由人氣女星龔嘉欣開設既蛋糕店蛋糕店係餐廳既門面位置，內部裝修以四季花卉景色為主，牆身設有一幅長達13米的LED屏幕在不同時段播放以四季為題的花園景色，充滿自然氣息與生命力，真係岩曬鐘意食蛋糕又鐘意打卡既朋友今日仲好好運見到靚靚老板娘係蛋糕店幫手打點，真係好勤力好有 Heart，真係得閒就要上黎輕鬆一下餐廳室內設計及菜式主題均以植物及花卉作主要佈置元素，環境舒適另外仲有一個宛如置身城市綠洲既室外用餐區，下次有機會一定要黎試下正餐食物方面 :日本白桃之戀脆塔塔 : 用上日本當造白桃切片放上係有紅桑子醬既芝士蛋糕，酸甜度調較得剛剛好，餅底非常鬆脆香印蜜語層層忌廉蛋糕 : 日本皇牌香印提子清新麝香，啖啖充滿果肉汁，配上香滑日本鮮忌廉及輕柔鬆軟海綿蛋糕，口味清新，感覺輕盈椰子抹茶三色冰 : 用上椰子汁、紅豆、粟米、綠色粉條，再加入面層既抹茶，味道清甜，賣相特別的泰日 fusion 特飲