231
84
99
| 餐厅: | KITCHEN |
|---|---|
| 优惠: | 国泰会员凭「国泰 - 亚洲万里通」应用程式內会员二维码，赚高达HKD4 = 2里。受有关条款约束。 |
|
条款及细则:
|
|
|
|
影片
港铁九龙站 D 出口, 步行约1分钟
继续阅读
电话号码
37172299
开饭介绍
KITCHEN餐厅以现代化和时尚风格为设计主调，提供多元化和国际化的经典美馔与创意美食，满足各位饕客爱吃爱喝的欲望。餐厅内大部分的座位皆面向维港西面，可一览无遗地欣赏海港美景。
继续阅读
营业时间
今日营业
06:30 - 22:00
星期一至日
06:30 - 22:00
以上资料只供参考，请与餐厅确认详情
有关奖赏计划
优惠
| 餐厅: | KITCHEN |
|---|---|
| 优惠: | 国泰会员凭「国泰 - 亚洲万里通」应用程式内会员二维码，赚高达HKD4 = 2里。受有关条款约束。 |
|
条款及细则:
|
|
|
|
相关文章
藉住另一半生日，特意拣咗W Hotel嘅Kitchen 食lunch buffet庆祝。响Klook度订，2人价连加一$1166，虽然唔系特别平，但我觉得可以接受。最吸引我嘅地方系有得任饮白酒同气泡酒，虽然唔系咩值钱嘢，但感觉上都抵咗。食物质素中上，虽然款式唔算太多。lunch buffet 有任食生蚝，虽然系细只啲，但味道都唔错。冷盘除咗生蚝外，仲有雪蟹脚、面包蟹、蚬、蓝青口、熟虾、海螺、小龙虾等基本嘅食材，刺身亦都新鲜，但款式唔算太多好在系自己夹唔使等配给。芝士就亦比较少，得3款，望落去个样麻麻地咁，所以冇食到。熟食方面比较联合国，我几钟意佢个烧腩仔，皮够劲脆，肉又唔会太肥；口水鸡呢个好食，有四川嘅麻辣，鸡嘅肉质亦够滑；佢有个三文鱼配莎莎酱个味道有啲奇怪，有啲似加咗豉油嘅蒸鲩鱼；另外一个什么手工意粉味道麻麻，食咗两粒就放弃咗佢。汤水有两种，我拣咗中汤，但味道同茶记嘅例汤有啲似，呢个有啲失望。甜品方面反而比较平均，特别系桂花糕同西米布甸都好出色。另外仲有任食嘅Häagen-Dazs雪糕，可惜肚嘅容量太少，最后都系冇食到。始终场唔算好大，食物嘅选择唔算话太多，对我嚟讲系中上，未算太出色，如果问我会唔会再嚟，我会睇佢个主题而定。
继续阅读
之前经常听闻W Hotel buffet 有几正，终于一尝滋味，今次因有家人生日，除享有折扣优惠外，更有蛋糕及红酒送。由于种类繁多，享用唔晒所有款式~1. 生蚝 - 够大只新鲜、熟虾- 大只够爽口、蟹脚- 一剥就整条甩到出黎。2. 沙津几出色，特别系香梨沙津，消滞开胃3. 刺身款式唔多，质素都一般4. 热盘好坏参半，乳猪件冇揾射灯照住，好快个皮就唔脆。4.1 蜜汁烧金沙骨感觉新鲜几好食4.2 咖哩蟹个汁几正，肉质都入到味4.3 咸蛋黄炸虾好香4.4 羊腩炆得几冧4.5 蒸原条海斑(最抢手)，肉质滑嫩，烹调时间刚好，可惜肚仔有限，每样不能食太多。5. 甜品/生果：三个口味嘅Häagen-Dazs雪糕，同埋有好多各类不同嘅甜品，味道高质、外型设计讨好及甜度适中，最欣赏系巴斯克芝士蛋糕、香草酱面包布丁、红莓子夹心蛋糕。生果种类都多，更有士多啤梨蓝莓。6. 其他饮品：汽水、橙汁、餐前酒、红白酒、咖啡奶茶任添任饮。整体服务几好，收碟效率都几快(20:00前)，如果刺身多几款、乳猪件加盏保温灯会更好。
继续阅读
之前小弟生日，贴心嘅女友就预约咗呢一间自助餐同我庆祝。星期日夜晚，基本上全场爆满，入面环境卫生格调都唔错，兼且我哋幸运地有窗边位坐，望住西九文化区同西九龙避风塘嘅开扬景观，能见到好嘅时候最远可以望到昂船洲大桥，非常写意。基本上6:00就可以入座， 9:00 last order， 9:30就要离座，可以食得好写意，完全冇时间压力。食物嘅种类都算唔错。海鲜嚟讲就有生蚝、雪蟹、翡翠螺、蚬、虾、青口、龙虾仔、加州卷、三文鱼、吞拿鱼、甜虾，啲生蚝水准算唔错，不过翡翠螺同蚬就好麻麻哋，至于刺身我亦都觉得系偏少。热盘方面就有唔少嘅中菜，例如烧味、港式点心、有啲饭同例汤，亦都会有一啲印度小菜食，另外有啲牛肩肉同埋孜然羊架，不过我嫌两者太油腻。冷盘方面就会有传统嘅Cold cut、palma ham、芝士，亦都有啲中式嘅冷盘例如凉拌鱼皮同埋海蜇。沙律都会有几款，生果选择就唔多，都系传统嘅提子、车厘、杏、西、哈密、菠萝。甜品方面有三个口味嘅Häagen-Dazs雪糕，同埋有好多唔同嘅甜品，例如葡挞、自制棉花糖、朱古力蛋糕等等。我个人就推荐个柠檬果冻，因为都几开胃消滞。饮品方面，有酒精类同非酒精类，酒精类就包括白酒同红酒，当你差唔多饮完嘅时候侍应会帮你添加，非常贴心。因为我女友有写低系我生日，呢间餐厅仲会喺八点几嘅时候有个惊喜嘅生日蛋糕俾我，会有写名同蜡烛，而个蛋糕系一个士多啤梨蛋糕。整体嚟讲食物质素唔错，至于价钱我就评论唔到，因为系我女朋友预约嘅，所以我都唔知个价钱系点 😂有少少美中不足嘅地方我顺便讲埋。第一就系基本上过咗八点之后啲食物就唔refill，同埋第二我觉得整体有啲Under Staff，有时啲食完嘅餐碟收唔切。整体嚟讲我都几满意，我个人会推荐。
继续阅读
午餐我都叫做比左4旧（3个人去, $1200埋单)选择太少, 好伏既一个自助餐, 其中有两个dish都系萝卜牛腩, 一个韩式, 一个中式海鲜类居然一只长脚蟹都冇, 面包蟹极度唔新鲜, 似雪左好耐热食有3碟都系斩料, 切鸡, 义烧, 烧肉, 大佬呀, 个厨有冇谂过人地上黎食自助餐系想食d乜, 将心比己啦（好冇诚意) .... 在场仲要有个马来西亚藉既男食客用手揸过晒全篮面包, 果刻冇职员睇到, 系我去同职员投诉叫佢哋换过晒啲面包, 当然攞到入厨房有冇换我就唔知喇已blacklisted左此餐厅, 有朋友去试绝对会阻止！
继续阅读
和同事一行五人满心期待的来吃Dinner自助餐。一去到餐厅没有接待员，我们要自己行入大厅找接待员出来帮我们。急不及待开餐。首先吃海鲜，发觉没有生蚝。已经有点失望。海鲜都是普通野有龙虾，虾，青口，翡翠螺，长脚蟹。味道正常水准，但翡翠螺很多沙，吃了一口吃不下去，要吐出来。刺身方面，竟然没有带子!!严重扣分!只有三文鱼，吞拿鱼，和另外一两款鱼类。吞拿鱼鞋的，不是入口即融那款高档货。普普通通。肉扒方面只有牛扒，没有其他。自助餐通常都有两至三款肉类。热盘全部都是普普通通野，冇任何惊喜。在沙律区有一盘醉鸡，我第一次吃醉鸡是完全没有酒味的，基本上是完全没有味道。十分滑稽。有一款限时供应的炖汤，入面有花胶鲍鱼都几好饮，但只系推出过一次，不是任拎。甜品方面都系啲普通蛋糕仔，有个斑兰蛋挞都几好。但系其他自助餐都会有人整Waffle, 鸡蛋仔之类，又或一些特别即制甜品，呢度系完全冇!! 亦都冇中式糖水。成个自助餐都冇一些特色食品，例如片皮鸭，鹅肝多士之类，呢度亦都系完全冇!!总括而言，若非有很吸引的优惠例如半价，奉劝大家不用来。这个价钱，这个级数，有大量更好的选择。
继续阅读