影片
以上资料只供参考，请与餐厅确认详情
原来走入些少，就会发现到一间这么漂亮的cafe，有种世外桃园的感觉。店铺的主打是潮食车仔意粉，随客人的喜好作配搭。当然也有店长的推介选择。喜欢奇怪配搭的我，决定弄出奇异配搭xd1.墨汁+ 2.牛柳粒 + 珍珠带子+ 3.宽意粉。墨汁意粉(牛柳粒x珍珠带子)上枱时，墨汁的香味超吸引，意粉是整得非常爽口，很有水准的。牛柳粒有口感及肉味浓，珍珠带子(因为海鲜)同墨汁很夹。装食物的餐碟，也是感到花了心思。唐扬炸鸡这个香脆可口，炸出来的颜色很漂亮。沙律酱是有点微辣，食得稍过瘾。最终幻想 ：真系好靓，星空的感觉。当然要相机食先，让人很期待它的味道。饮用前稍作搅拌，微微的甜味，果香的味道，真的很好饮。而且用烧杯的模样，确实很有趣。
继续阅读
提起熟食市场，我地谂起既往往系粥粉面饭、大排档、饮茶点心档，可能重有泰菜之类。但今日我地去熟食市场，竟然系去入面既一间 cafe... 系熟食市场（街市）入面，舖头都已经关门，怀疑紧自己系咪去错地方既时候。。终于俾我地揾到佢啦！！坐落于一角，门口有一扇好抢眼既黄色铁门，出面重摆放咗2人坐位既枱櫈，门口对出有射灯射落地下，话你知佢地重营业紧😆入到里面，虽然地方不大，但几别致，睇得出佢地有用心设计同布置过，好明显系足球迷😎餐厅最重要既当然系食物啦！！主打食物系可以任你配搭既意粉/意大利饭，先拣意粉或饭，然后拣汁，再拣配料，呢种形式几得意除咗意粉或饭，佢重有沙律同小食拣，唔想食咁饱，拣呢啲都唔错。而饮品都有唔少选择！一场黎到，就梗系要试主打既意粉啦～我同朋友既口味太接近，两个都系食同一样既配搭……黑松露汁意粉配真姬菇+牛柳粒。由于厨房位好接近，所以厨师煮紧既时候已经闻到阵阵既黑松露香味 品尝后，觉得酱汁香味浓郁，意粉不会过熟，咬落烟韧，朋友就略嫌质感稍硬，但本人系几喜欢的！至于配料都唔算少，牛柳粒有5-6粒，菇都有好多 😊饮品方面，见到有“蝶豆花”，好似未试过，当然要试下啦 😏 拣咗呢杯“最终幻想”（荔枝蝶豆花特饮）。有微微既酸，唔太甜，几清新，啱我 而朋友就拣咗“手摇菠萝柠檬红茶”，比起我𠮶杯甜好多，几重菠萝味，对于好甜既朋友黎讲，相对地适合 😂总结：自选意粉/饭有特色，食物饮品味道不错，重有得包场添
继续阅读
喺观塘骏业熟食市场见到有间餐厅写住”潮食车仔意粉”，餐厅门口好有特色(工业feel)，一于试下先。餐厅老板应该系球迷😂好有世界歪气氛！可以自己拣扁意粉/意大利饭、汁、配料！价钱好合理。<青瓜鸡丝沙律> (跟餐加$10)食落好清新，麻酱配鸡丝正呀！<香橙鸭胸沙律-蜂蜜柚子汁> (跟餐加$10)个汁出色！酸酸甜甜好开胃！鸭胸份量都多，推介！<松露扁意粉-配温泉蛋、牛、带子>松露超浓！中意松露的话一定要试！捞温泉蛋系perfect match! <茄汁扁意粉-配虾、温泉蛋、带子、猪颈肉>茄汁惹味，猪颈肉高质！<日落日出><红色警戒>饮品好靓呀！！！我地影相影咗好耐😂饮落唔会太甜，好refreshing！唔错！整体上，食物几高质、服务唔错、环境舒适。
继续阅读
观塘有座骏业熟食市场，骤眼睇以为比较地痞，但其实去到楼上，有间感觉好企理嘅 cafe；楼下嘅宣传品唔多，亦都冇人派传单，但好彩有朋友食过介绍，觉得几好，先至识路摸上去。餐厅嘅主食几特别，可以每看都按自己兴趣去拣。首先拣咗要扁意粉定系risotto， 然后再拣酱汁同埋配料。唔够饱嘅话，可以再嗌沙律同埋小食。饮品有唔同款式，汽水、特饮同埋啤酒。餐厅有播球赛，亦提供包场服务，如果想同朋友庆祝开party，或者系一齐睇波，餐厅都可以提供相关嘅服务。食物当然可以帮衬返佢哋，亦都接受自携，弹性都好大。场地最多可以容纳三十六个人。组合系扁意粉+墨汁+鱿鱼圈+牛柳粒。扁意粉煮得好弹牙，加咗墨汁，味道更加香，不过坏处会系卖相唔多吸引，亦都淹没咗鱿鱼圈同牛柳粒。鱿鱼圈质感新鲜，牛柳粒亦都煮得香。小食拣咗鱼手指配芥末沙律酱，可以话系童年回忆：细细个，屋企人成日煮，但大个咗，唔系咁容易买得到，即使买到，价钱亦都好贵。难得今日竟然喺餐厅见到，当然唔可以错过机会，点返一客。一客共有五条，炸得好松脆；芥末沙律酱亦都唔会好难入口，份量调味亦都啱啱好。饮品叫做日落日出，真身系水蜜桃蝶豆花特饮，颜色好梦幻、好靓；饮之前要记得搅匀，如果唔系，甜到会不一。水蜜桃嘅清香，唔单只可以解暑降温，亦都好适合食完鱼手指呢种热气小食之后，中和一下。呢餐盛惠$95 ，虽然以喺熟食中心嘅环境嚟讲，唔算特别抵；不过胜在唔限时任坐，同朋友摸酒杯底，促膝长谈，系个唔错嘅地方。
继续阅读
坐落喺观塘熟食市场嘅KLN cafe讲唔上系容易揾，但系绝对系熟食市场入面一间极起眼嘅餐厅✨ 餐厅内外装修简单但有格调，更有满满嘅世界杯气氛👻 .意粉版车仔面同样选择多多，可以随自己喜好mix and match😋 有选择困难嘅人亦可以参考三款唔同嘅推介组合！.我拣左扁意粉+芝士汁+带子+温泉蛋呢个组合🍳 等左一阵就上枱喇😆 用镬仔装住嘅意粉卖相好吸引！酱汁同𩠌菜比得毫不吝啬，意粉硬度适中，带子有咬口，芝士汁够香浓，温泉蛋更增添滑溜口感同蛋香，真系一个唔错嘅组合！.朋友嘅扁意粉/意大利饭+芝士汁+带子+牛柳粒同样吸引😛.份量多多嘅车仔意粉都只系五十几蚊，真系几抵食！.倾倾下计有啲口喝，要左杯鲜奶抹茶，唔会太甜，好饮啊🤪
继续阅读