KURI Cafe

营业中

休息中

過開呢邊做嘢，再次光臨大埔店😜環保舒服，最緊要冷氣夠，大熱天時呢樣真係加分見到外面個寵物公園好多狗狗，超得意同職員傾傾吓先知原來啱啱轉左Menu，多左小食，不過就要午市先有得食我哋今次3個人試食3款早餐，上枱牛角包好大隻，夠鬆化，煙肉唔會太燶，其他食物都保持水準牛油果多士份量就比較少，應該比較適合女士咖啡好飲，呢區比較少有呢個質素既咖啡見到隔籬枱食嗰個慢煮雞湯烏冬都好似好正，下次試😋依家有加一收費，比以前貴左少少，不過都可接受

餐廳位於大埔一個舊式屋邨平台不過屋邨商場、街市等地方都已經進行翻新再加上餐廳門口旁邊有一排好大嘅活動百頁窗所以店內光線非常充足，而且比人清新、舒服感覺·͜·☀食物種類亦相當豐富除咗單點主食飯和意粉之外，亦有甜品、下午茶同午餐供應，而且價錢貼地，性價比相當高，不過暫時未有寵物餐供應 餐廳雖然位於屋村商場裏面，而且價錢親民但招呼一啲都唔馬虎，而且對小動物相當親切友善呢👏✨👏✨👏✨👏✨👏✨👏✨今日食咗啲乜？兩份下午茶煙三文魚碎蛋牛角包蒜香蟹肉意粉另加小刺蝟朱古力mousse

大埔好西餐選擇一向不多。而大元邨街市頂層天台食肆更因三年疫情有不少結業。新開的這家豈能不試下。兩次幫趁,一早一晚。另一次晚上七時五十分到,有大量空位, 但以八點截單(仍有十分鐘)為理由拒絕接待。可能趕收工。食物不錯,但接待差劣，面色難看，語氣倔及冷漠。可接受者可以幫趁。食完就走也沒問題。

試業當中，我哋星期五大概11:00入坐，唔使等位。侍應話早餐仲有15分鐘，但係午餐餐牌要11:40先有。我哋趕時間，所以叫咗早餐。同其他餐廳一樣，QR code 落單。屋邨食肆嚟講，環境算好，可能因為啲裝修仲新。我哋叫咗3個餐，朋友話沙律汁有啲特別，問過侍應係咩汁，佢話自己整。包類好彩有酸種包揀，朋友唔食牛角包。附送苿莉花茶係Twinings嘅茶包。咖啡好味，唔錯。價錢唔貴，食物ok，會再encore。

Kuri Cafe係一間狗狗友善嘅餐廳。我試咗佢哋嘅凱撒沙律、三文魚菠菜意粉同埋一杯有刺蝟拉花嘅咖啡，真係好好味！凱撒沙律新鮮爽口，沙律醬味道恰到好處，唔會太鹹都唔會太淡。三文魚菠菜意粉亦都好好味，三文魚鮮味十足，意粉煮得剛好，配合菠菜同忌廉醬汁，味道鮮美。最令我驚喜嘅係咖啡拉花，佢哋嘅拉花技術好高超，我嘅咖啡杯上面拉咗一隻好靚嘅刺蝟，好可愛！除咗拉花，咖啡味道都好香濃，好適合咖啡控啊！Kuri Cafe 係一間好友善嘅餐廳，你可以帶埋你嘅毛孩一齊去，佢哋嘅狗狗snacks都好吸引。而且，咖啡廳環境都好舒適，氣氛輕鬆，啱啱好啱嚟放鬆同埋搵個舒服嘅地方。

今日早餐幫襯左呢一間新開嘅Cafe，以箭豬做主題，原來呢間係分店。雙重牛油果蕃茄多士個樣好靚味道都唔錯，牛油果同埋車厘茄都非常新鮮，唯一缺點就係啲車厘茄好容易碌晒落地，我都有一粒跌咗喺枱面，另一粒就直頭跌咗落地下碌咗唔知去邊度。煙三文魚碎蛋牛角包嘅煙三文魚好好食，真係難得，另外蕃茄好新鮮，不過如果片番茄可以再切厚啲應該會再好食啲。飲熱嘅Americano要加$5 ，如果飲茉莉花茶或者伯爵茶就唔使加錢，茶包用Twinings都幾重本。

📍大埔✨新開 Cafe✨小清新木系早上9點開鋪，9點17分坐滿人真係好誇張掃code落單，早餐來講價錢$48up咖啡+$5就有一杯優質咖啡，CP值超高🦀沙拉菜拼滿滿蟹肉沙律酸種包🥚牛角包三文魚沙律蛋拼沙律菜☕️靚靚刺蝟🦔拉花焦糖咖啡及摩卡特濃咖啡

作為大埔街坊，有咩新餐廳可以瞞過我法眼🤣🤣🤣🤣☕️咖啡迷嘅我，點會唔黎打卡📸📸🦔🦔刺蝟咖啡拉花☕️⋯⋯真係好可愛Mocha 咖啡☕️有濃濃朱古力味😋😋焦糖咖啡☕️香氣撲鼻😌😌煙三文魚碎蛋牛角包 $48蕃茄蟹肉酸種包 $48+$5 可以轉 Mocha、焦糖咖啡☕️ 二人埋單 $106 🧾⏰0900開門，0917已經全部滿座👩🏻‍🤝‍👩🏼👬👩🏻‍🤝‍👩🏼👬 真係又靚又抵食😋😋

呢半年都無乜出去飲飲食食，半個月前突然收到Storellet 通知原來以前附近間kuri喺大埔開左間，我係九龍灣既老顧客黎🤣我地淘大group對佢地評價幾好星期日同屋企人去大埔，就決定去踩場，一入去老闆已經認得我。呢間比九龍灣靚，坐得舒服，終於唔洗自助，有人送餐。有打卡位添，走既時候有隻好可愛既狗仔影相入正題Menu同九龍灣有少少唔同，我哋當然試新嘢啦明太子卡邦尼，意粉煮得啱啱好，收汁出色，係真正有加蛋汁既卡邦尼😘出面好多普通白汁又話自己係卡邦，嘔血不過下次我都係會食番招牌既蒜香蟹肉，我鐘意乾身既意粉❤️千島海鮮Pizza都係新野，味道好，係等得有啲耐，如果叫黎share就幾好朱古力刺蝟cake，超爆可愛，啲女仔話唔捨得叉佢，我一野就叉左佢個頭😂😂😂 總括嚟講係keep住平民高質既cafe ，小店可以呢個時期再開係值得支持，我地屋企人都食得好開心，老顧客祝新店生意興隆一本萬利💋