L.D.K. by Ufufu Café (新城市廣場) (已結業)

「咖喱蛋包飯」飯是溫熱的，就只有一大片蛋跟日式咖喱汁，沒有配料，沒有肉，感覺比茶餐廳的還要差，有點失望。+$40套餐升級，有「照燒雞肉柚子沙律」和「餐湯」，兩款都一般般，只嚐了一二口就算了，沒有胃口再吃。點了一客「草莓招牌班戟」，要30分鐘才製作好，期待已久，終於來到，吃過其他家的都十分鬆軟。這個「草莓招牌班戟」不知道班戟是沒有應該這樣「流心」有如液體般的，至少吃完大家都沒有腹瀉。下午茶時間，勝在人不多，可以安安靜靜地吃一餐。

平日嘅夜晚約咗同事食飯, 大家都住沙田, 順理成章喺新城市開餐。新城市地下都有唔少餐廳, 今次就揀咗呢間日式西餐廳L.D.K. by Ufufu Cafe. 門口有十幾人排隊, 大概要15分鐘先可以入座。如果隨身物件比較多, 可以叫店員俾個藤籃, 將物件放喺櫈底, 方便食飯。叫咗兩樣主食, 分別係88蚊嘅厚切煙肉卡邦尼意粉同埋98蚊嘅明太子忌廉蛋包飯。兩碟嘅份量都好多, 而且都有忌廉汁做底, 所以食到最後會好飽, 甚至有膩嘅感覺。厚切煙肉卡邦尼意粉落咗唔少煙肉, 食落去好香口, 令意粉唔會太過單一。意粉唔會煮得過軟, 咬落有啲韌度, 都幾好食。明太子忌廉蛋包飯有炒蛋之餘, 再加上忌廉。未食之前望到, 已經飽咗一半, 啲明太子忌廉汁都幾多, 唔會出現食到一半唔夠汁嘅情況。個炒蛋超級滑, 食落有牛奶味。新城市入面嘅餐廳一向有保證, 平心而論, 呢間餐廳都值再黎。

菜單選擇多到眼花繚亂，鍾情於明太子的我，這裏的菜式也很多選擇最後揀咗這一款和風博多明太子意粉，初初我誤會咗以為係明太子忌廉汁底的意粉，不過這一款汁底清清的，帶點梅子的香味，挺清新開胃的，明太子鹹香中帶點辛辣如果意粉煮得再彈牙一些，我會比100分。鹿兒島和牛漢堡扒佐咖哩蛋飯漢堡扒肉香多汁，煎得啱啱好，奄列口感很好，但蛋味不夠香，炒飯內放了點醃漬物，很開胃。整體來說我非常滿意menu選擇很多不能盡錄見店內很多人吃湯烏冬下次來一定要試

入座時間剛過晚上五點，錯過了三點至五點的限定梳乎尼pancake. 今日提早食個晚餐，點了一飯，一烏冬鍋，再加一個甜品。 牛肉火鍋甜甜的日式湯底烏冬彈牙日式牛肉蛋蓋飯牛肉半肥瘦蛋好滑最期待最滿足的甜品杯超多甜品中選了紅荳抹茶杯最吸引係蕨餅星期六，日假期早食飯係一件舒服既事。人不會太多，好快有位。

同朋友係沙田行完街見到沙田新城市廣場地下一層都係野食，於是決定係度開餐，發覺沙田呢邊物價都算貴，平均都要二百幾蚊一個餐，最後搵左間相對地平，但又睇落幾吸引既日式餐廳食飯。因為已經去到食晚飯時間，我地兩個人等位基本上等左15分鐘先有位，不過沙田人流咁多，要等都係正常。去到我同朋友每人叫左一個主菜，再叫多個甜品一齊SHARE。鹿兒島和牛漢堡扒佐咖哩蛋包飯 ($148)呢個飯係我叫既，想講真係超級超級好食，蛋整得夠滑，咖哩唔辣，但好香有點甜，食得好開胃，和牛更加唔使講，大件夾抵食，每啖飯都好足料，大滿足。海膽忌廉烏冬 ($168)呢個係朋友叫的，試左兩口，忌廉味濃，鳥冬爽口，唯獨重點既海膽真係細舊左少少。雪糕糯米糍朱古力芭菲 ($78)見到呢間café既甜品都好吸引，但係平均都要$150一個甜品真係有D貴，最後揀左個經濟少少既黎食，但就算平得黎都係超～好食。啖啖都可以食到唔同配料，除左舊糯米糍失色左少少之外，其他都滿分。呢間CAFÉ我比十個讚，真係好少食到咁好食既日式CAFÉ，好岩口味，雖然少貴，但係味道已經值番曬回票價，之後會再幫襯。

彩い三色丼 ($128)三色丼包括了3款迷你丼：1.汁燒牛肉丼2.帆立貝蟹籽丼3.海膽吞拿魚蓉丼一次過滿足哂你3個願望～刺身挺鮮甜不過最喜歡還是汁燒牛肉丼日式燒汁很惹味薄切牛肉份量也挺多的-鹿兒島和牛漢堡扒佐咖喱蛋包飯 ($148)Wagyu Burger Omelet Rice with Curry sauce和牛漢堡扒很好吃！肉質夠嫩 肉汁也很飽滿而且牛味很重不像坊間一般的的漢堡扒蛋包十分細緻嫩滑薄得黎又唔會乾而日式的甜咖喱一向都難以抵擋拌裡面的茄汁飯一流

2019年第一晚餐😍選了這裡夠多選擇！最緊要滿足到女人想吃甜品的心🤤。正餐揀左食和風博多明太子意粉，辣辣地好開胃夠重口味，意粉煮得一點點硬身唔會太淋！仲有白芝士咖哩汁炸雞烏冬、溫泉蛋和牛漢堡扒兩款都幾好食，但有啲偏咸，要飲多啲水。小食就揀左九州炸雞翼同黑松露忌廉可樂餅，即略點即炸夠香口！最後當然一定要食埋甜品，首先有抹茶tiramisu!!好得意仲可以自己沖茶搞搞下。好玩又好食接住有呢個抹茶雪糕法式吐司！外脆內軟唔會太甜！抵讚！最埋4個人埋單$838。成餐前菜甜品主食都好滿足，惟檯面唔係好夠位坐得又有啲逼，唔會想坐太耐。呢點要改善一下。下次一定會再試其他甜品🥰

專程跑到新城市廣場來試吃這間日式西餐廳的甜品，單單看餐牌上的圖片已令人心曠神怡。我們一行三人，點了雪糕糯米糍朱古力芭菲、tiramisu蛋糕朱古力芭菲、芒果及菠蘿芭菲。每一款的鮮果、雪糕和其他配料都配合得恰到好處，鮮果很香甜、忌廉軟滑、雪糕味道濃郁，中間層的脆米和上層的脆餅特別好吃。唯獨一點美中不足，就是那個朱古力雪糕糯米糍的皮一邊十分薄，另一邊卻厚得可怕，但總括來說整個芭菲還是很好吃的，我們都覺得不枉此行。我們來到這間店的時候大約五時多，人不多、座位寬敞、環境安靜，令人吃得舒適。

📍沙田📍CP值高嘅日式洋食🍽❤️呢間餐廳都嚟過4,5次，每次嚟都要等好耐位🙈真係好受歡迎😎😎不過都係值得嘅😏因為佢哋menu選擇真係好多，不論係意粉定扒，又或者係讚歧烏冬、咖哩飯🍛真係嚟10次都試唔曬，而最得我心就係自家製煙三文魚蕃茄意粉，啲煙三文魚表面輕輕煎下，入面仲保持好嫩，勁好食🤤🤤另一推介就係個芭菲🤓🤓幾乎每枱都叫，啲生果又新鮮，大大杯，夠曬兩個人share 😜不過水果三文治真係好驚喜🥪好耐之前睇do姐去shopping 係日本介紹過，估唔到香港都有得食，啲cream又唔漏😍😍

朋友係網上平台到見到”L.D.K Ufufu Cafe”介紹士多啤梨梳乎厘pancake 好似好正好吸引咁，一於陪佢黎試下！我地大約1430去到，企左係門口一陣都冇職員理我地，眼見都唔忙，睇黎啲職員應該多啲留意返有冇客人！坐低左之後，就叫左個卡邦尼意粉，吉烈豚肉咖哩飯同埋最期待既士多啤梨梳乎厘pancake!個飯同意粉可以加$20做set, 有沙律，湯同埋野飲！沙律就揀左三文魚同煙鴨胸沙律，份量適中，啲菜食落都新鮮。湯就係粟米湯，冇咩特別！個意粉就好creamy，啲煙肉係厚切既，食落都幾有口感👍🏻而個咖哩飯既豚肉比較鞋口，好難先咬到！個滑蛋就幾好食，食到有奶味都好滑！不過我地未食晒職員就上左個pancake ，到我地食既時候就唔係最新鮮，同埋個雪糕已經溶左😟整體都ok既，士多啤梨都好甜唔太酸，pancake 就好有蛋味，係價錢貴左少少！

依家喺沙田新城市廣場食野好方便，只要download商場個app就可以遠距離book枱，然後同同事好輕易就搵到位一齊食飯😋🔹明太子忌廉蛋包飯 $98蛋包飯被豐富嘅明太子忌廉包圍住，視覺上已經好滿足😍 蛋炒得香滑，成個配搭好正，而且好開胃，一個女仔都可以食哂成碟飯，食完會好飽，因為隔咗陣明太子忌廉嘅香膩會有少少頂住😂整體不錯！但價錢偏貴少少，如果有機會都想試佢嘅咖哩飯！📍L.D.K by Ufufu Cafe沙田沙田正街18號新城市廣場一期1樓115號舖．．環境分數：8/10食物分數：8/10Encore分數：7.8/10

今日放假，約咗朋友喺新城市廣場食個lunch 傾下偈，這個場1樓有許多不同的食肆，看看門外餐牌都好多選擇，大家都對呢間餐廳有點興趣，時間尚早，入內被安排坐卡位，店員告訴我們只得90分鐘進餐時間。午餐時段，餐牌內點選主菜加$20會有沙律、餐湯及餐茶。我們點了蜆意粉及咖哩漢堡牛扒蛋包飯，每人加$20跟餐。先嚟忌廉湯，好香好濃好滑，天氣涼涼地，熱辣辣飲杯湯好和暖。沙律有三個選擇，我哋揀咗煙三文魚沙律及柚子汁鴨胸沙律，蔬菜新鮮，醬汁美味。蜆意粉份量都唔細，有好多蜆，都好新鮮，但食落有少少沙，意粉唔會太林，爽口彈牙入味，個蒜蓉汁有本菇及金菇。咖哩漢堡牛扒蛋包飯賣相好吸引，漢堡牛扒好厚好大件，有香濃牛肉味，咖哩汁加咗忌廉，非常可口，蛋好滑，飯用茄汁炒底，整個食品有多重不同口感及味道，不錯呢！最後大家都叫咗杯熱咖啡，香濃幼滑。吃到尾，雖然過咗90分鐘，好彩冇被催離開。

Since I visited an awful dim sum place for lunch today, need to pamper myself and decided to have dessert at Ufufu. Had read some compliments on its pancakes/ waffles from newspaper before, so I ordered french toast and ice coffee.Food: the toast is not the ordinary style of french toast. It is like log bread. Crispy and a bit chewy outside and fluffy inside. It gives u a very pleasant texture. Coffee was just average quality The restaurant was cleaned and the staff were polite as expected fr

一開始被餐牌上的綠茶款式所吸引！於是在眾間餐廳中鎖定這間！食甜品前先食正餐，7大1小點了每人一個飯。我點了日式肉汁芝士蛋包飯，個人酷愛芝士！日式炒飯上面被一層芝士包圍，不是芝士汁，而係有芝士質感的！值得推薦！另外碎吞魚腩及海膽飯值得推薦！非常足料，味道也不錯👍🏻吃完正餐，選了三款芭菲！個人最推薦綠茶芭菲！茶味不會太濃，但最底層的綠茶要配上上面的紅豆一齊食，如果唔係就咁食最底層會太濃綠茶而有點苦！不過整體都係好好食！7個大人食完都覺得好好食，我地每人叫左一個飯一杯野飲+三杯芭菲，埋單每人三百幾，雖然唔平但d野真係好好食！

當晚一家人吃晚飯,我家的青少年人也是喜歡鹹食的,她也說十分鹹,我們三人叫了汁燒牛肉丼,顔色超深啡色,買相已經覺得好鹹又好甜,大家一起試試,實在超鹹及太甜!有些失望,完全沒有日式風味味！連好食鹹的人都覺得好鹹。當晚又叫咗牛肉咖喱蛋包飯,蛋飯不是白飯,而是日式甜飯,超甜唔好味.我們還叫咗薑汁豚肉鐵板餐，豬扒也是好鹹，十分乾完全是像豬肉干一樣,鐵板也不熱，好彩沒有倒燒汁落豬扒到,不然也會鹹到超標,不會再食!