L.D.K. by Ufufu Café (新城市廣場) (已結業)

約左兩個朋友黎沙田睇戲，睇完戲就去搵野食～我地對呢間都幾有興趣，不過同一時間都有好多人等緊唯有一路傾住計一路等～唔經唔覺都等左成５０分鐘，真係人氣爆登！店員安排左我地坐卡位，實在太好喇～第一時間要休息下，企到好攰！我地三個人都叫左ＳＥＴ　ＤＩＮＮＥＲ，有配個沙律同酥皮湯＃酥皮湯好熱好香既酥皮湯，賣相一流，好好飲～＃咖哩蛋包飯平時好少食咖哩，估唔到呢個飯又幾特別蛋好滑，咖哩汁配埋飯同蛋，口感一流呀＃和風博多明太子意粉明太子意粉呢個配搭對我黎講好新奇，估唔到又幾特別本身以為個意粉係乾身既，原來都有Ｄ湯汁～＃白芝士咖哩炸雞讚岐烏冬呢個極邪惡既烏冬，仲有炸雞，好難抵擋！啖啖烏冬都充滿住芝士味，好滿足＃芒果芭菲最後緊係要叫返個芭菲啦～芒果好鮮甜，材料豐富

L.D.K Ulfufu Cafe新城市大執位，連食店都有一番更新，估唔到仲比我搵到間有驚喜CAFE~內有日式同西式cross over的食物花多眼亂，尤其係個甜品menu先點個前菜先！黑松露忌廉可樂餅 ＄48 (有5粒)新鮮鮮炸 吉列外脆，內面的磨菇忌廉，再點上超香的黑松露醬，間直為可樂餅有畫龍點晴的效果主菜有 日式肉汁芝士蛋包飯＄88蛋做到好滑，飯加埋肉汁芝士，實在好味不過塊芝士都厚身，食晒成塊芝士好似「濟」左少少(不過偏愛芝士的人可能覺得好正)甜品有 焦糖香蕉法式吐司 ＄78脆焦糖配上香蕉係至愛，吐司整得外脆內軟，而裡面唔係淨普通白面包，而沾有香香的蛋醬，呢個時候食啖凍凍的焦糖雪糕，或者用黎點吐司 更加正點，加埋碟上的拖肥醬，我真係忍唔住清吉左隻碟想再香甜的可以加附送的蜜糖，更加甜入心沙田好味又有驚喜的CAFE，下次會再去啊！！

越開越多分店係咪代表好食呢？上年响沙田新城市廣場試過綠茶parfait 同蜜瓜parfait ，雖然唔叫好好食，都唔錯。所以決定試下食晚餐，由前菜到甜品飲品！我都幾鍾意呢種帶洋風日本餐廳，但係......西京焗龍蝦配鮭魚味噌意粉，個意粉絕對唔係al dente ，係undercooked 🤦🏻‍♀️，個龍蝦無乜肉但又burnt .....我唔知有乜肉食到，呢個價錢絕對係唔得，好似$16x。個甜品草莓招牌班戟，我超期待，點知除左草莓好食，個pancake 都麻麻，好多地方好食過佢。

小編十分喜歡吃日式西餐，所以都來過這裏不少次。早幾天又和朋友來了這裏，十分幸運的是終於不用排隊直接可以進去。炸蝦沙律，沙律醬與炸蝦配合來吃，真的不錯。上面的蛋包滑滑的，牛肉柔軟易入口，醬汁配上飯和蛋，口感一流。朋友最愛吃這個甜品，我就認為有一點過甜，不過材料豐富，值得一試。

20190309 好作死飲兩杯凍野😂間野好多人排隊。食物都唔差既。係多唔同種類選擇。🍲明太子烏賊忌廉麵$98(醬汁稍為淡味咗，如果濃味啲更好，還可以，不算有什麼特別)🍔鹿兒島和牛漢堡扒$98(和牛漢堡扒肉味幾香，不會太乾，中等級數，但配菜稍為遜色，豆角唔係咁新鮮)🥘牛肉壽喜燒烏冬$98☹😡(最為差勁！一上枱打開蓋，牛肉都全熟了，即過份老，又韌，完全唔掂，肉味似普通凍肉牛，一啲都唔似係和牛！！！實在not good)🍨意餅蛋糕朱古力芭菲$88(這店特色就係有好多賣相吸引嘅芭菲，每杯都好巨型咁又靚💗所以都忍唔住叫杯試下。我這杯份量飽，因為有件蛋糕係面😂雖則蛋糕唔係特別好好食嘅 tiramisu蛋糕，但整體配搭都有中上分數)🍵綠茶紅豆白玉拿鐵$48(哈有紅豆，同兩粒白玉，有得飲又有得食，幾好。綠茶味ok。最貼心係糖水另外上，甜度自己控制😆)

今日星期六，反正放假，打算叫埋父母帶埋老婆阿B沙田行下家私舖行下，老婆話想食ufufu cafe, 所以一早12點就來食。因為沙田食飯真係仲多人過尖沙嘴。講開ufufu, 以前去開尖沙嘴都會食，鍾意佢既巴菲選擇夠多，成幾十款，而且又帶法包多士，甜品選擇豐富。不過今次去只係食午餐，無食甜品。叫左3個蛋包飯、1個海鮮烏冬、兩個酥皮湯，4個大1細食已經好飽。由於有兩個人無等相機先食，結果個吉列豬扒蛋包飯無相😑😑⋯⋯講返味道，個酥皮湯個皮好鬆脆，點少少湯食勁正。我個牛肉蛋包飯，食落應該係牛助條，少少肥，好淋好入味，係唯獨啲蛋唔夠滑同香。而個烏冬都幾好，個湯清清地，但我都係鍾意蛋包飯同酥皮湯多啲。食到一半，門口已經好多人等位，我地12點未夠就到，差半個鐘，可能要係門口等半個鐘先有位。

博多明太子忌廉汁讚岐烏冬 💲88白芝士咖哩炸雞讚岐烏冬 💲88厚切煙肉番茄卡邦尼意粉 💲88福岡八女抹茶香蕉奶昔（加餐升級💲20）✅ 忌廉汁香濃 明太子份量多 略嫌烏冬未夠煙韌😛❔ 番茄卡邦尼無咁膩 味道中規中矩😐❔ 抹茶香蕉奶昔嘅香蕉味蓋過抹茶味🍌 間唔中會有陣陣回甘🍵 抹茶紅豆白玉拿鐵就穩穩陣陣😎👅Taste：3/5💰CP值：3/5🙋🏻‍♂️Service：3.5/5👁‍🗨Stylishness：3.5/5

難得閒日放假，午飯時間約朋友到新城市午膳，每次到商場揾吃，都十分苦惱，餐廳數量多，易引發選擇困難症。友人想食沙律，最終選擇了提供西日式菜式 UFUFU CAFE  。閑日人流不算多，不用等位之餘最開心係可以坐卡位，吃飯坐得舒服係好緊要 ，真係好感謝該位侍應。另外要注意入座起計係有90分鐘時間限制。餐廳提供兩本Menu :  一本係主食, 另一本係飲品及甜品( 里本睇得最耐, 甜品照實在太令人垂涎 ) ，太多野都想食，揭完一輪餐牌，最終決定 order 2份主餐 , 另可加廿元跟~ 是日餐湯  ~ 白飯/ 沙律 ~ 餐飲餐廳提供兩本Menu :  一本係主食, 另一本係飲品及甜品( 里本睇得最耐, 甜品照實在太令人垂涎 ) ，太多野都想食，揭完一輪餐牌，最終決定 order 2份主餐 , 另可加廿元跟~ 是日餐湯  ~ 白飯/ 沙律 ~ 餐飲先上檯~~是日餐湯 ~ 用闊邊茶炋盛載，味道唔錯 ，最重要係夠熱朋友想食酸野，所以選柚子沙律，不過情況同對於菠蘿包嘅誤解一樣 ，原來入面有柚子汁，冇柚子肉，有D失望意粉彈牙，蜆肉也多，清清地配日式湯汁已經好好味每條意粉都包裹着香濃明太子忌廉汁，配

已想寫這食評超過一個多月了, 因為忙, 今天才寫下新城市廣場內食飯時間一般都很多人, 今天因為唔想等位, 所以早於11:00已到, 今次叫的菜式之前都已經食過, 味道保持水準, 沒有太大出入之前無寫食評, 今次寫的目的是表揚一位女服務員, 不過先寫一寫食物先厚切煙肉卡邦尼意粉 - 厚切煙肉份量不少而且煙燻味香, 意粉軟硬度亦恰到好處, 汁濃厚香滑, 每次我都會叫福崗八女抹茶拿鐵 - 雖然覺得有點少貴, 不過確實抹茶味非常討好, 甜及奶的份量都控制得很好, 所以每次都忍不住再叫和風宇治抹茶芭菲 - 甜品都是這店吸引顧客的一大項目, 很飽的情況下, 依然要叫吉列豬扒咖哩蛋包飯 - 這個我老公食, 點解最後至擺多一個主食來評論, 因為發生小插曲, 亦是我一開始提及要表揚女服務員出場了, 因為我老公一切開豬扒已發覺塊豬扒一半有多是肥肉, 跟本食不到 (可能有肥肉愛好者覺得不是問題既) 我老公本身都想反映一下, 不過我話算啦, 都無用, 食左一半後, 有位女服務員為我們加水, 我老公都隨口反映左, 女服務員都好禮貌表示不好意思, 會同公司反映, 本身都已為此事告一段落, 點知最後埋單, 女服務員

老實說若不是泊車優惠, 真係未必會黎新城市食飯: 等大半個鐘然後用餐時間個半鐘. 再睇到門口等位嘅情況⋯·流心芝士和牛漢堡扒 (HKD128)加左18蚊嗌個白飯, 咁多醬汁唔食好似好嘥, 齋食個扒好似唔多夠. 拳頭size嘅漢堡扒造形好似一個波, 裡面一定充滿芝士, 切開先. 真係非常流心拉絲呢！ 和牛肉味豐富, 口感差唔多去到入口即化, 以為size細細, 又cheese又牛點濃濃蘑菇汁, 好彩order左個飯無嘥到ja！·大蝦水菜羅勒忌廉汁意粉 (HKD138)好大啊.......個碗😅, 蝦肉口感爽爽的, 有大量日本水菜可以撈埋一齊食, 水菜食落有d似火箭菜. 每啖意粉都掛滿creamy嘅羅勒忌廉汁, 有小小青綠色就係來自羅勒+忌廉打成, 好好食, 但唔飽的.·真係好想食埋佢嘅甜品⋯超靚嘅芭菲, 可惜出面真係太多人等位😅

今日fd推薦食這間店鋪，因為覺得佢的芭菲幾好食，所以我地都叫左一個草莓🍓芭菲，過cream係OK概，無會太甜，中間都有些雪糕和脆脆配埋一起食，所以食落口感都OK，但是🍓啫喱同底層的就覺得一般~叫左一個意粉，味道OK，但是美中不足的是醬汁覺得比較偏鹹，蝦都算比較爽口加左48多一份沙律同酥皮湯同一個白飯🍚，這兩個都覺得一般炸雞就真係幾好食，雞肉無會好老，同埋有醬配埋一起食服務員的態度都幾好同埋堂食限時90min

年初三黎到好耐冇逛過嘅新城市廣場，人流極度暢旺，搵食十分艱難。見到呢間LDK好似靚靚地，野食又精美，我地就決定排呢間食午餐唔駛等好耐就入座了，門口接待男生有禮貌，抵讚坐低左點好菜，好快就有得食1.九洲風炸雞翼呢個真係冇下次，唔入味都算，邊邊啲皮仲炸到好鬼硬身，真係中伏嘅感覺2.脆炸大蝦伴蛋黃醬呢個就正喇，蝦味十足，脆身，好味道，值得推薦3.日式咖哩燴牛肉飯$&@^#^好難食牛肉好味，冇牛香味，咬落衰過街邊牛腩飯咖哩汁好稀，唔香濃！WTF！我到底食緊咩？108食呢啲？4.大蝦🍤意粉好彩呢個意粉正常，都幾好味，不過食左個牛肉已經唔知點樣讚，一肚火。可能我地唔識點啦，但應該唔會再黎，兩個人409，過對面食澳門菜好似仲好

今日兩個女仔食沙田揀左呢間西日餐廳6:45去到即時有位，唔洗等限時90分鐘一人叫左一個餐加左$38 有沙律同埋酥皮濃湯 🍲朋友叫左呢個壽喜燒烏冬上菜時蛋都差不多熟了感覺不太好我就叫左呢個餐想咩都試下右一吞拿魚飯，不錯的中午係帆立貝，無咩特別唔夠送飯左邊係燒牛肉，好多料我係中 右 左咁食味道由淡至濃味食有幾點感覺麻麻地1）上哂主菜先上個湯，次序上不太好2）90分鐘用餐時間，一個鍾未夠已經叫你埋單，趕客咁，仲行黎睇左幾次埋單未3）一次水都無加過呢件事令人對日本餐廳打哂折扣

哩日同男朋友黎沙田試下哩間既蛋包飯炸廣島蠔 賣相唔錯 不過食落有d腥同油滑蛋沙津 驚喜地好好味啵蛋好滑 蔬菜都好新鮮煙肉有畫龍點精既效果食到唔想停哩個係我叫既漢堡好高質 鬆化得黎好juicy 充滿牛牛味！係日本咖哩 唔辣既 岩哂我切開見到唔係普通既白飯底 係炒飯呀！ 撈埋蛋個咖哩真係一流～哩間餐廳既蛋真係好滑男朋友叫既咖哩滑蛋豬扒飯豬扒炸得香脆可口最後係甜品！雪米滋入面既脆脆好好食幫哩個晚餐畫上完美既句號～仲好想試哩間餐廳既其他野食呀

沙田多野食 非常多選擇就 係人都知架喇,不過呢間CP值高日式西餐廳L.D.K. by Ufufu Cafe係次次去親沙田行街，都因為出面排曬隊，卻步所以次次都試唔到，難得今日見到人龍唔多，一于一試。等候時間大概２０分鐘左右  侍應態度都好好，有禮  餐廳環境都好好,好岩一班朋友坐低吹水聚餐。到點餐,侍應都好快黎,菜都上得好快  ,整體都好OK~叫左個日式牛肉蛋包飯———份量好多，建議２個人SHARE, 因為食到一半 好頂,  奄列蛋好滑 好香~ 濃郁既蛋香味。視覺上已經好滿足 一試難忘。值得推薦！芭菲-  外型已經拎曬分, 口水流曬出黎，造型吸睛，有齊水果、乳酪和香草雪糕的和風 芭菲　層層疊疊的各種原料　配搭上十分出色最鐘意食最上面既杏仁，勁香杏仁味性價比十分高的餐廳，　值得一去再去，　建議早點去，如果唔係人龍超長，等２０分鐘以上