LA FAMILLE

营业中

休息中

【#肥波蛋糕系列】🎈之前個同事話啲消費卷唔知點洗好⋯所以請我地班女同事食蛋糕🎂哈哈～肥波其實非常樂意代你洗埋佢😂雖然我自己都未洗哂🤦🏻‍♀️🎈同事買左4件La famille嘅蛋糕，其實都幾貴，成$58一件，4個人每人每件試少少都幾開心😆不過我唔太記得啲味lu~ 證明左應該係正常蛋糕一件所以無特別記憶😂📍La Famille

這天朋友生日，我們去了La Famille 買蛋糕，因為這裡款式很多，而且間中會有新口味。仲有一些設計精美的deco購買呀，少女心爆發。今次都有考慮買whole cake，這樣就可以吃多一點點haha日本柚子芝士個花裝飾很有層次感。另一款是英國伯爵茶，看來雪白的感覺。小蛋糕都有我上次吃過很喜愛的雙重朱古力以及日本白桃。香橙味也還未吃過呢，下次一定要試一試。咖啡味絕對是咖啡愛好者首選，超級香濃呀。原來還有斑蘭味，真的多了很多款式。下次再嘗一嘗日本柚子芝士呢，今次選了香芋的。因為紫色看起來實在太吸引，加上個人很喜歡芋頭甜品，第一次吃放大版的Chiffon Cake 。大甲香芋黑糖麻糬口味，超級香甜的台灣大甲芋頭，夾層是香芋cream和黑糖麻糬，很有咬口，蛋糕軟綿。總括而言，每次去都很有新鮮感，不過個人喜歡小蛋糕，因為可以多吃幾款，下次再食過！

朋友話“la famille”嘅戚風蛋糕好食。今日嚟到時代廣場，終於可以試下店前玻璃櫃可以睇到十幾款細戚風蛋糕，重有三款大嘅，各款價錢都清楚列明一個細戚風（10cm）售價$56。每個蛋糕都有一個玻璃罩蓋住由上方睇蛋糕面層，有迷你馬卡龍、藍莓、奶油唧花，蛋糕體中間重有一陀奶油伯爵茶戚風蛋糕入口鬆軟輕盈，奶油餡一啲都唔膩，我好快就將佢消滅蛋糕食完好滿足，無負擔以後再嚟，會試下其他口味

服務態度差，寧願唔食都唔再幫襯 ，電面外觀就好似好高級 ，店員認真低級， 客人要求嘅正常生日牌， 店員多多会質疑之餘，兩個店員仲喺客人面前話寵壞啲客， 店舖對店員態度應多作培訓

之前經過呢間鋪頭都已經覺得d蛋糕幾靚又唔貴，今次襯屋企人生日，走左去銅鑼灣買現貨蛋糕。我想買既係大甲芋頭黑糖麻糬蛋糕，去之前打電話問有無貨，好好彩，兩間銅鑼灣店都有現貨😝店員仲話可以現場寫message，手工都唔錯。蛋糕好香芋頭味，不過我覺得應該有加dd人工香精（？）因為有dd仙蹤林嘅香芋奶茶味😝😝裡面既黑糖麻糬個個都話好好食😋，整體係偏甜嘅蛋糕，不過都好好食，下次會試下其他口味（例如班蘭）

性價比高 精緻戚風蛋糕呢間蛋糕舖好多分店，次次經過都會俾佢啲蛋糕造型吸引😋櫥窗外面成日都會見到好多款式丶林林總總。特別記得呢間有啲細細個嘅蛋糕尺寸買，唔使一下子買四五吋或者好幾磅嘅蛋糕🥲 呢個份量好啱自己一個人食或者買幾件同朋友分享～～佢啲蛋糕除咗賣相精緻好睇之外，做嘅款式都幾多，口味好多選擇，朱古力丶士多啤梨丶咖啡丶焦糖等等都有。今次就一次過買咗兩款食😆❤️🌹法國玫瑰 $54蛋糕上面有朱古力整嘅花花，仲有士多啤梨同埋奶油做裝飾💕 配合粉紅色嘅蛋糕體，賣相好靚！💖 而食落去第一下嘅感覺就係好清新🥰，唔會膩～食到淡淡的玫瑰花香🍰 戚風蛋糕鬆軟，雖然蛋糕入面同外面都有奶油，但係甜度適中，食落去有幸福感嘅蛋糕😆😆😆！🍫雙重朱古力 $54蛋糕上邊有朱古力脆脆，朱古力味非常濃郁，蛋糕中間仲有朱古力碎同埋朱古力嘅奶油🥳總之成個蛋糕就係朱古力朱古力🍫！相信鍾意食朱古力嘅朋友一定會好鍾意🤣🤣雖然成個蛋糕都充滿朱古力，但係口味唔會好重複，加上戚風蛋糕鬆軟，會食到層次～最欣賞佢加咗朱古力脆脆，令到個口感更加豐富😛總括以上，覺得呢間蛋糕舖都好值得試！因為款式好多丶賣相好靚，好令人開心😚細細件嘅話想試好幾款口味

最近好多店舖都出呢個size嘅蛋糕💁‍♀️好適合依家4人限聚令下嘅活動食，唔會浪費食物。外型夠哂Lady, 打卡一流。戚風口感鬆軟，有焙茶香味帶甜，茶味可以再濃少少。中間有蕨餅定麻糬咁帶啲煙韌嘅口感，唔錯。

想氹下屋企人開心就偷偷地買咗啲蛋糕🎂返去一齊食，我覺得唔無剩係慶祝先要食蛋糕😌偶爾買嚟食吓都會好開心。揀咗三個細蛋糕仔，可以試多啲味😋買完就極速回家😂🍫雙重朱古力賣相吸引，表面有朱古力脆脆，蛋糕都係濃濃嘅朱古力，而入邊係朱古力Mousse，成個蛋糕朱古力味超濃。🍓皇牌士多啤梨蛋糕面鋪咗幾粒士多啤梨，蛋糕係鬆軟嘅戚風蛋糕，啖啖都係士多啤梨嘅香味。🍑日本白桃香甜嘅日本🇯🇵桃，一打開已經聞到勁香濃桃味，香桃配塗滿Cream嘅戚風蛋糕，甜而不膩啊另外都要讚下店家有你蛋糕底嘅卡紙痴咗膠紙幫蛋糕定位，咁拎嘅時候就更加安心。

TIMES SQUARE 買化妝品送好多優惠券化妝姐姐就介紹食La Famille 開心果戚風蛋糕😋因為優惠券關係，有好多人排隊買，正係排隊已經排左1個鐘，加上商場太多人令到冷氣唔夠，真係身水身汗😢但係值得既😃本身打算買埋細既日本柚子味，但排到我已經賣曬喇，所以最後只買到細雙重朱古力同埋15cm 既開心果戚風蛋糕🥰雙重朱古力: 好重朱古力，濃而不膩，中間會有厚厚朱古力，可以encore開心果味: 好香，好surprise! 蛋糕好軟好食🤤價錢係有點貴，但一分錢一分貨😌值得既等我下次再試埋其他味道先❤❤

一間猛龍過江嘅蛋糕店開到通街都係，每次行過都會俾佢便宜嘅價錢吸引住，當然蛋糕嘅外貌亦都相當吸引。今日行過，見到女朋友鍾意食既雜莓味就決定買返個氹吓佢。紫紫紅紅嘅外貌，女仔一定啱晒！而味道呢，清清甜甜，有少量嘅水果都有少少水果嘅香氣！而且蛋糕都幾鬆軟，好重空氣感。最欣賞嘅係佢定時定候就會有期間限定，或者特別味道推出，尤其行過海港城永遠都會大排長龍。有時裏面仲會加上麻薯，脆脆，跟得上蛋糕係潮流！唔知下次會食咩味呢

呢間蛋糕店係銅鑼灣舊址一直幫襯開，下午茶或者收工會去食件cake。數數下都應該一個星期去一次，朋友生日、同事farewell 又會買下蛋糕！加上以前環境舒適，蛋糕唔太甜好食，生果又多款不同，性價比高，最緊要係個個員工禮貌有笑容又好好服務態度，所以都幾喜歡去！不過而家搬咗去時代廣場，無得堂食已經有D失色，有D似快餐店模式，繁忙時間得一個員工，等候時間好長，仲要得幾個款選擇，加上個員工無乜禮貌，感覺有D直情降左格咁！

La Famille]🚩日本白桃戚風蛋糕 $60桃味幾清甜🍑成個蛋糕係幾清新😊👍❗️🚩伯爵茶戚風蛋糕 $54伯爵茶味道幾濃味加埋戚風蛋糕鬆軟質感👍成個蛋糕好好味❤️總結時間🥰生日唔一定買美X西餅La Famille 蛋糕細細個岩哂2-3個朋友慶祝生日拎嚟打卡🤪🤪

有時朋友生日，買個生日蛋糕都食唔晒，但又想買個小蛋糕影下相，吹蠟燭，滿足少少既儀式感。我通常鐘意買細細地2-3人夠食嘅cake，唔要好大個，呢間啱晒又唔會好似西餅咁細件，每人兩三啖食哂佢。呢間港九新界都有分店既。.🔸雙重朱古力($56)⭐️味道: (8/10)好濃郁既朱古力味，上面有啲朱古力脆脆，戚風蛋糕有彈性，中間仲有啲朱古力粒，配埋凍冰冰既朱古力忌廉，口感滑。. 🔸京都焙茶($62)⭐️味道: (7.8/10)好濃焙茶味，最中心有少許黑糖麻糬粒，蛋糕頂有黑豆，仲有焙茶奶凍。.🔸英國伯爵茶($56)味道: (7/10)戚風蛋糕幾鬆軟，食落散發淡淡伯爵茶葉香氣。.🔸焦糖完熟香蕉($56)味道: (7/10)見呢款貼住最人氣就所以嗌咗一個試。加左經焦糖煮過既香蕉茸，鋪咗好多焦糖忌廉，不過整體來講香蕉味唔算好出。

＃銅鑼灣 🧒契仔媽媽生日, 指明要食這家蛋糕店的蛋糕🎂, 皆因「靚」及…好味道, 口味創新又特別! 蛋糕底好輕好鬆軟, Cream 唔膩, 用料新鮮！　🍰斑蘭飄香 $62 ~ 最最最愛, 令我好懷念新加坡! 每次離開新加坡都會在機場購買馳名的斑蘭蛋糕及 Cream cheese roll cake, 估唔到呢個蛋糕比到我呢種感覺! 用上 Cream cheese 夾雜椰子肉, 滿滿的斑蘭味道, 食咗當飛咗系列! 🍵京都培茶 $62 ~ 又一新口味, 濃濃的培茶味, 香而不苦, 配上綠茶 cream, 完美! 🍓皇牌士多啤梨 $56 ~ 首先, 超級靚! 士多啤梨被契仔一個全數食畢, 可想而知有多新鮮甜美, 蛋糕底味道唔假, 唔藥水, 好新鮮, 上層包裹薄薄的啫喱狀物, 女仕及小孩最愛! 🌰沖繩黑糖栗子 $56 ~ 好有驚喜, 栗子細緻, 口感綿滑!🍰大甲香芋黑糖麻糬 $62 ~ 之前其實已經試過這味道, 今次是再度追加, 可想而知其味道有多吸引! 😱當日門市排長龍, 可想而知其吸引力之大, 亦因此未有機會試🍈哈密瓜味! 下次下次…

去開銅鑼灣staycation，想買啲甜點上酒店食，行行下timesquare見到最近超人氣嘅戚風蛋糕，好多人排隊，一於跟風買黎試下蛋糕多達接近20款口味，各有特色，共通點就係個蛋糕好高身、好鬆軟，雖然蛋糕上面放了重重的生果、裝飾，放左雪櫃一晚都只係塌左少少，證明超有彈性，又不失空氣感🍈日本完熟蜜瓜 $62 （期間限定口味）外觀已很吸引，味道比預期中更清甜，蜜瓜香甜度爆登，蛋糕帶有濃濃的蜜瓜香氣，大大啖咁食超滿足，係4款中最好食的，極度推介🍋日本柚子 $56La famille皇牌之一，柚子味好清新，忌廉唔會死甜，忌廉加蛋糕一齊放入口感覺更軟滑🍠大甲香芋黑糖麻糬 $62香芋味比較出，忌廉都係香芋味配返整個蛋糕，唔係好食到黑糖麻糬☕️英國伯爵茶 $56上面嘅cream形狀好靚，有2舊做左伯爵茶味，配埋macaron，賣相一流，食落有淡淡伯爵茶香📍銅鑼灣時代廣場B201號舖尖沙咀、旺角、中環、觀塘、大埔都有分店