LA Restaurant & Dessert Bar (已結業)

同男朋友慶祝4週年，想揾間平平地。機緣巧合下 就試下呢間啦！地方舒適，係個廁所有啲污糟🤢食物好不錯 價錢唔算貴。第一次食威靈頓牛扒係200元內，亦非鬆肉粉！徳國豬手都水準之上！大讚是鵝肝多士好食！會有下一次

之前食過唔錯，第二次食，發現menu好似轉咗，有啲新野🤩。今次決定唔叫二人餐，想試下新野。兩個人叫左一份前菜、pizza同意粉，只要加$30就會有熱飲、餐湯同餐包。🥖餐包係蒜蓉包配蕃茄莎莎汁🫕酥皮湯 +$20見到好耐無飲嘅酥皮湯就加錢轉咗，新鮮焗起熱辣辣嘅酥皮，浸落好rich嘅薯仔濃湯到，勁正，呢$20抵加。🦀雙重芝士松露蟹肉大啡菇 $88有驚喜！超juicy嘅大啡茄上下夾攻一大堆蟹肉，一切，啲蟹肉爆曬出黎。好好食！ 🍕北京烤鴨pizza $98呢到嘅pizza餅店係薄脆型，兩個人食都ok。Pizza主要係皮片鴨個甜面醬味為主，配埋芝士同鴨肉，輕鬆KO。🍝阿根廷紅蝦伴龍蝦汁闊蛋麵 $118記得佢地嘅意粉好好食，今次嘅闊蛋麵質地同樣做得好好，配埋龍蝦汁，幾唔錯。可惜除咗上面嘅煎蝦外，意粉比較少配料，食落有啲dry，如果再多少少配料會更好。🥧焦糖燉蛋配雪糕 $68又係有驚喜！燉蛋好滑，欣賞佢唔會太甜，配埋上面嘅焦糖係好正嘅ending!!🍹Bloody orange +$30🍹Mango smoothies +$30二訪都仍然覺得呢間小店好唔錯，仲會keep住改下餐牌，有啲新野食揀，好有心

夜晚入嚟食個靚飯，兩個人坐左張大卡位，chill~一嚟就嚟左兩杯飲品：1杯Fruit punch 1杯bloody orange，個人較偏好fruit punch，甜甜地，有果味。之後上左碟蒜蓉包做前菜，最開心係有少少蕃茄俾你鋪上塊包上，蕃茄應該加左少少garlic, 變左酸酸甜甜辣辣，蒜蓉包又焗得好入味，跟住再配埋周打魚湯，成件事變得好正。食完前菜，就上左一碟大雞肉串，啲sauce 係精華所在，點少少都已經好入味。隨後更有個芝士焗奇異果，鐘意食奇異果嘅朋友會覺得好正。食完主菜塊扒之後仲有焦糖燉蛋配雲呢拿雪糕。啲焦糖燉蛋真係整得好好味😋

在俗稱女人街的旺角通菜街兩旁，見到這間dessert bar，感覺十分有少女風情呢，很適合今天這個悠閒的晚上。.來到dessert bar，當然要點一些有特色自家製的甜品及飲品。LA Mojito & Rosy，賣相十分精美，十分適合打卡，連隔離枱的食客也不禁忘了幾眼 lol。Mojito味道清新refreshing，除了有薄荷及青檸，也加入了香茅及薑碎，味道更加刺激exotic；Rosy 就比較lady，淡淡清新的茶香及水果味。.熔岩泡泡伴雪糕 - 這個泡芙是餐廳自家製即叫即烘焙的，所以零舍香脆。熱辣辣的泡芙加上雪糕，一冷一熱互配。而且擺設得很吸引，隔離枱的食客又不敢望了一望。.主食方面我們吃了紐西蘭西冷牛扒及脆炸軟殼蟹意大利飯。牛扒七成熟，新鮮而且厚切，比較有口感；軟殼蟹炸得很香脆，意大利粉煮得剛剛好入味又暖窩心。.當然少不了餐湯及餐包，一個full set dinner，一晚悠閒的晚餐。

放左工好肚餓，同同事即刻搵間餐廳食飯，見到價錢唔貴而且都多人食，就入黎試下，好彩啱啱好有張二人枱唔洗等✌🏻餐湯係南瓜湯，入口好順滑，南瓜好甜好好飲！跟湯嘅多士係超級脆嘅牛油法包，再配salsa一齊食，酸meimei令人想再食多幾塊！雖然我唔太好食鵝肝，但呢度嘅鵝肝無個陣膻臭味，我係接受到食到成件。鵝肝煎到好香，充滿油香，紮實而且綿密，重入口即化！配埋個多士就無咁油膩～野飲方面我地叫左一杯cookie sweetie同peach elderflower，cookie sweetie無預期咁濃，啲冰融左之後就溝淡左，而peach elderflower入面有椰果，飲落似椰果梳打多啲。 煙三文魚pizza係薄身個種，似用左tortilla黎做個底，食落脆卜卜，食完半個都唔會覺得好heavy ，用嘅芝士份量多，但唔會令人覺得好溜。炸軟殼蟹risotto估唔到個汁係用左蝦汁，同個軟殼蟹好夾～ 啲risotto煮得啱啱好，重保留到al dente嘅口感，唔會覺得係生米。熱辣辣嘅軟殼蟹外脆而裏面啲蟹肉好嫩，同個risotto都好夾。估唔到呢度有croffle🥐🧇食！好酥脆，夾埋雪糕一冷一熱冰火交融咁

最近收到查詢,有唔少網友問有冇西餐介紹今次搵到呢間都幾多好評既小店睇介紹係由經驗豐富既大廚主理食物水準真係出色,有賣相有味道,出色唯一係出菜略慢,不過飲住野等吹下水唔大問題意大利菜式為主德國咸豬手伴酸椰菜 脆炸軟殼蟹意大利飯都係店家推介,可以一戰先上茶飲,可加錢要特飲或酒類先上厚脆牛油多士配濃郁忌廉湯色白淡黃,奶白色比起一般飲到既濃郁好多脆口法包好濃牛油香氣,一流即焗德國咸豬手伴酸椰菜脆如薯片,肉質細緻,完全唔油膩啖啖肉,份量超勁量,配沙律菜,煎蔬菜片食既時候配埋醬汁味道更豐富脆炸軟殼蟹意大利飯原隻炸軟殼蟹,香脆濃郁口感豐富意飯粒,汁唔多,食起黎帶煙韌口感清爽不重油膩感既意飯脆炸豬手,絕對係必食之選最後可以點唔同既甜品呢款係大泡芙配雪糕,脆口加上甜雪糕味道唔錯,賣相亦擺得幾靚仔旺角通菜街25號地舖LA Restaurant & Dessert Bar

今日又去咗旺角覓食啦呢間位於通菜街嘅西餐廳 嘢食高質又抵食 環境舒適服務又好Menu 有好多唔同選擇 實揀得啱餐湯係南瓜湯 熱辣辣 南瓜味好香濃 飲落香甜幼滑餐包係蒜蓉多士配蕃茄洋蔥莎莎 大大塊多士配埋酸酸地嘅莎莎醬好開胃美國安格斯牛小排配燒肉汁 $238牛小排非常好食 咬落去爆曬汁好juicy而且剪到外脆內嫩 外層好香脆安格斯牛肉味道濃郁 脂肪分佈均勻 咬落去好柔軟配料仲有燒茄子 燒雞髀菇同埋燒翠肉瓜阿根廷紅蝦伴龍蝦汁濶蛋麵 $108闊蛋麵煙煙靭靭而且仲好掛汁 每一啖都食到滿滿嘅香濃龍蝦汁大大隻嘅阿根廷紅蝦開邊鋪滿芝士燒過嘅芝士好香口 紅蝦大大隻厚肉夠鮮甜 配埋芝士食落去好滿足熔岩泡泡伴雪糕 $68見到甜品個名好吸引一於就試埋啦泡芙皮好酥脆 雪糕係雲呢拿味仲有滿滿嘅Cream食落口感層次好豐富Yellow Circle +$15呢杯係Mango Smoothie 大大杯 芒果味香濃Peach Flower +$15Elderberry & Peach Soda 飲落好清新Menu:

🍴通菜街西餐🍴-🤪西班牙風乾火腿薄餅 $98pizza係薄批底 鋪滿芝士同風乾火腿餅底薄身焗到好脆口 批邊都好脆Parma Ham 份量啱啱好 有咸香味但唔會過咸同芝士好夾 又唔會過膩 性價比高-🤪德國咸豬手配酸椰菜 $168豬手份量慷慨 外皮好香脆 豬肉焗到好淋身咬落好juicy唔鞋 調味唔錯 配酸菜食 好有層次感配菜仲有翠玉瓜 雞髀菇同埋茄子-🤪蒜蓉包蒜蓉包焗到好香脆 仲有自家製嘅蕃茄洋蔥醬酸酸甜甜 感覺幾fresh幾好食南瓜湯就味道甜甜地 少少太浠-🤪Peach Flower $48係Elderberry + Peach Soda下面有好多蘆薈粒粒 幾好咬 -🤪Big Boss $68係Apple cider + Lime juice 好清爽又夠大杯-🤪溶岩泡芙伴雪糕 $68泡芙係餐廳自己烤焗 非常鬆軟 加埋雲尼拿雪糕同oreo餅碎 溫度冷熱交融 好正-📍 LA Restaurant & Dessert Bar (旺角)旺角通菜街25號地舖

同朋友再次嚟到LA restaurant 食晚餐，食物好味得嚟又賣相靚，啱晒打卡～Order咗兩個set, 跟餐湯同蒜蓉包～澳洲穀飼肉眼配燒汁，肉眼煎得7成熟，仲有粉嫩肉質，juicy肉味香濃～阿根廷紅蝦伴龍蝦汁蛋面，芝士焗蝦焗得香口，蛋面幾有彈性～雙重芝士松露蟹肉大啡菇，呢個配搭材料豐富十足，蟹肉份量多，有鮮味，啖啖厚肉大啡菇～叫咗兩杯飲品，Bloody orange ，果汁soda幾fresh, cookie sweetie 鐘意朱古力曲奇就要試下喇～格仔酥配雪糕，即整冷熱交融，酥脆配冰涼，好味～～

旺角既通菜街周邊都係食店，見到一間親民又有情調既西餐廳《LA Restauran Dessert Bar》一於試試！酥皮湯～外層夠熱又酥脆，啖啖牛油香，沾上香濃南瓜湯，特別滋味😋😋！松露野菌意大利飯濃郁既松露味道超香，米飯外軟內韌的感覺，很Creamy，食少少已經有飽肚感！水牛城雞翼雞翼不會蘸粉油炸，所以口感不會油膩，反而醬汁先係雞翼既靈魂，甜甜辣辣，每一啖隻都掛滿醬汁，非常開胃😋😋！烤比目魚外皮脆口，肉質嫩滑，烤比起煎更香口又不油膩，簡簡單單沾上檸檬忌廉汁已經好好味👍🏻👍🏻！Cooke Sweetle/Cookie Black賣相一流😊，淡淡既咖啡味沙冰配上雲呢拿雪糕球，味道剛剛好！而喜歡濃味嘅可以選擇朱古力，夠哂甜！

今日中午約了朋友去旺角行街，行完街於通菜街覓食。選擇了一間西餐廳，餐廳是引人注目的是其燈具，別具一格。午市套餐有不少選擇，作為食肉獸一族，要了個慢煮黑椒豬手，配白飯，啖啖肉，豬皮彈牙，充滿骨膠原，黑椒味很突出。另一個要了豬扒配薯菜，豬扒超大塊，厚切，很稔，配有熱辣辣薯條和西蘭花。飲品加$15要了mojito 和芒果沙冰，十分冰涼。最後要了甜品作結，牛角包格仔餅配雲尼拿雪糕，格仔餅很酥脆，一凍一熱，很夾。

平日去旺角行街 都會去通菜街覓食 呢間lunch set 係平靚正嘅選擇 環境夠cosy 兩個人坐低傾下計 好啱Lunch set 有餐湯 main 同野飲 慢煮黑椒豬手豬手夠大份 煮得好淋 啖啖肉👍 黑椒夠重 又唔會話好咸慢煮牛尾飯用紅酒慢煮嘅 炆得好琳 夠入味👍 餐飲加配了 芒果同cookies chocolate 沙冰 芒果沙冰又啲似泰式嘅芒果冰 朱古力沙冰上面就配左雪糕球 +$15 就有特飲 都好底熔岩泡泡伴雲榚係舖頭自家製泡芙 好重雞蛋香味 泡芙外皮好脆夠熱 熱嘅泡芙配凍雪糕 十分夾

旺角通菜街有好多餐廳，吾同國家吾同種類既都有今次幫襯既呢間餐廳主要係西式料理，lunch set都有數十款，嗌左一份意式香草雞扒配黑椒汁雞扒煎得幾香，仲無晒油脂好香口加左黑椒汁好惹味呀份量吾算太多，不過加埋炸薯條所以都夠飽肚

這間位於旺角通菜街的西餐廳，地點旺中帶靜，環境企企理理，午市套餐由$65起，包餐湯、主菜及餐飲，加$15可轉特飲，以食物質素來說，性價比超高。🌸香煎慢煮牛舌飯配黑椒汁 $68牛舌煎得表面甘香，份量都唔少，食落唔會咬唔開，配埋黑椒汁好惹味。🌸烤厚切豬扒伴蘋果泥意粉 $67重量級豬扒超大份，蘋果泥調味唔錯，豬扒跟蘋果醬永遠都是好拍檔，就像迷迭香跟羊扒一般，提升味道。🌸格仔酥酥伴雪糕 $68格仔酥即叫即整熱騰騰，配埋雪糕，一冷一熱嘅口感交集。

即興在旺角搵左間餐廳，環境舒適寧靜，有2人/4人套餐，亦有單點，食物款式吸引。最後跟朋友點了兩個主食，配餐湯飲品。 =酥皮忌廉湯配牛油香草蒜蓉包$30 (酥皮+$20)=鼓鼓脹的金黃酥皮，食落香脆，忌廉湯是經典白色嗰款，喝落綿滑。蒜蓉包有蕃茄粒陪襯🍅口感新鮮。一碗餐湯作為晚餐的序幕，好喝的話我會期待接下來的晚餐。 =紐西蘭西冷配燒肉汁 $128=肉質細嫩，肥瘦搭配適宜，點咗五成熟，煎得恰到好處。以這個價錢能體驗在西餐廳的牛扒質素來說，性價比很高。 =脆炸軟殻蟹意大利飯 $108=軟殼蟹卜卜脆又好食，炸得外脆內軟，每口飯均有龍蝦汁的濃郁香濃🦞夠曬creamy, 食落去口感十足。 =格仔酥酥伴雪糕 $68=酥酥是近期大熱的甜品之一。外形似窩夫🧇食落有牛角包的層層酥脆感，夾雜陣陣牛油香，即叫即製，口感酥脆，配埋雪糕🍦簡直一流，是驚喜之作。 飲品方面，叫咗兩杯特飲La Mojito & Yellow Circle (芒果沙冰) +$15/杯Mojito正常發揮，喝落清新，酸酸甜甜，淡淡薄荷葉🌱青檸同檸檬汁🍋芒果沙冰相對較甜，都算好喝😋餐牌: