Lab Made 分子雪糕專門店 (已結業)

由於晚餐中左伏，食得好唔滿足，一路行去搭車，心情一直低落，直至到見到Lab Made, 我就決定要比番個今晚既happy ending 比自己，就係飯後雪糕！ (明天先減肥...明天先減肥...明天先減肥...）睇下今期有咩味～（心中OS: C同D太普通喇，街邊雪糕店都有既口味。A好特別渦，但如果又再中伏，食得唔滿足，我今晚真係會訓唔著。就B喇甘！)海鹽焦糖配蝴蝶脆餅 $46比完錢等左幾分鐘就有得食❤️。賣相無咩特別，但味道好正渦！ 一入口即刻有超濃焦糖味同少少咸。雪糕入面有好多脆卜卜既野，包括蝴蝶餅碎、朱古力碎同杏仁碎。所以一路食一路聽到咬野時喀嗞喀嗞既聲音。雪糕黎講呢個算唔甜，什至係苦，因為特濃既焦糖味而引發到有幽幽既苦味。但整體配搭非常出色。

分子雪糕係香港已經紅左一段時間， 一杯雪糕大約係＄50一杯左右， 同甜品店比就平少少，但係同普通雪糕店比又貴好多喎。今次我嚟到尖沙咀呢間粉紫雪糕店買分子雪糕，揀咗一個係時令嘅味道，就係叫做伯爵茶未加上柚子汁。原來分子雪糕同普通雪糕最大嘅分別就係食咗好似有陣風，冇普通雪糕咁實在，真係超級入口即溶。上面嗰層cream唔係雪糕來嘅，係一啲好鬆軟好似空氣嘅物體，味道都算係咁啦，不過冇我心目中想像咁正，伯爵茶味唔算好濃，有少少甜甜地，兩者之間嘅配搭尚可，不過真係好多人排隊呀。

今期口味揀左"香脆燕麥乳酪配士多啤梨醬" 重有軟心曲奇送. 雖然個樣唔係好吸引 但食落口女生必愛. 因為係分子雪糕 所以比較快溶 所以影相都要快本來都怕有士多啤梨醬會好甜 但又唔會wo 而且每口都食到燕麥同果仁 口感好豐富 配埋士多啤梨醬 意想不到既match 食完想再食都唔覺得有罪惡感 好似係個比較健康既選擇 另外試食既朱古力軟心曲奇都好鬆軟 好濃既朱古力味

脆口西多士 $4631/12-3/2號限定Menu唔知大家食左未呢雪糕本身係幾好味 真係好西多士佢仲配埋啲蜜糖 再加啲脆脆就更豐富唯一嘅敗筆就係上面個真.西多士係索曬蜜糖濕粒粒嘅多士但雪糕又真心正 而且西多士口味雪糕夠特別又唔係經常食得到 都值得一試

店名：Lab Made 份子雪糕專門店地址：尖沙咀彌敦道132號美麗華商場地下G42號舖價錢：$39好味指數：8／10日本抹茶牛奶脆脆大坑分店食得多,第一次食尖沙咀分店。濃滑牛奶味配上綠茶味道感覺很好,牛奶脆脆配上綠茶雪糕很match,令整球雪糕不會太齋,突出雪糕味道。 

食完飯行過美麗華廣場，好耐都無食過Lab Made的分子雪糕了，見到今期有伯爵茶口味，就買左一杯。我本身好鐘意飲茶，而英式茶之中最愛的就是伯爵茶！呢個雪糕完美地保留左伯爵茶既香氣，入口時有伯爵茶獨有的淡淡甘香味，勁讚！Lab Made呢款雪糕再加上焦糖係上面，濃濃的甜味同伯爵茶香配合得恰到好處。他們仍然能保持如此的水準，你說他們賣得很貴嗎？他們的雪糕比起你去吃哈根大師還要超值呢！

隔咗咁耐見返張相，好想寫下當時食感講真，LAB MADE 成日食好多款都試過。呢種同其他不同品牌又比較少今次仲要同牛仔褲合作，做條牛仔款嘅褲袋確係棧鬼。呢杯野值得睇多過食，餅乾上用藍色糖膠做成，拮出車衣紋，再弄上LEVIS嘅標誌，簡單整潔。同樣配合HALLOWEEN，用了血色般嘅紅莓味JAM 唧成LEVIS牌子再顯現味道方面，餅乾仲算脆口不太甜，存放得宜。而雪糕奶味濃郁，但應該5係個個中意個款食落5似分子，紅莓可減，5配牛奶，怪怪的。總括都值得一試

西多士分子雪糕 $46 5/10放響雪糕上面既西多士只係常溫，比較硬身，入面有少少花生醬，建議如果炸一炸會好d雪糕份糧唔算多，食落去反而冇咩西多士味，只係得好甜既味道，同普通雪糕一樣，哈根大司會好食過佢，唔太值46蚊

兩天前見到出左兩款可愛聖誕版雪糕，揀來揀去最後揀左聖誕圈圈款，班蘭味雪糕好好味好驚喜！事隔兩日又經過lab made,都係忍唔住要試埋紅鼻小鹿款(朱古力榛子味)由於雪糕面既小鹿圖案需要店員細心地拼砌出來，小鹿到我手已經開始溶化了，而"事實"與"圖片"亦有點出入，的確沒menu圖片的趣緻，不過味道並沒影響，依然係空氣含量極低，質感細嫩滑溜既份子雪糕榛子味與朱古力味均濃郁，就像在吃金莎朱古力既雪糕版，香濃細滑好味道

芝士雪糕撻 Brulée Cheese Icecream Tart🧀🍨$22; 6.5/10🍴其實呢個芝士撻淨係講上面pet芝士雪糕係唔錯嘅佢嘅芝士雪糕係用咗澳洲同埋意大利芝士來製成嘅，芝士味頗為濃郁而且有陣酸香 再配埋面頭嘅焦糖玻璃食唔會過甜，幾好味之不過個敗筆就係個曲奇皮超硬超乾仲要係凍嘅 而且一咬落去就即刻碎，同芝士雪糕完全唔夾，兩者加埋一齊產生唔到化學作用🙈就咁當係芝士雪糕賣仲好食❣只限大坑、荃灣及尖沙咀店限定

食完韓燒個口極濃味，好需要食一啲甜品令口腔甜一甜行過lab made 見到推出左兩款聖誕版，好可愛呀！雖然小鹿真係好可愛，但班蘭味又好吸引，最後揀左班蘭味既聖誕圈圈款聖誕圈圈係蛋白脆糖，班蘭雪糕非常香滑，加入左椰絲增加口感，整體味道清香有驚喜！

次次行過呢間Lab made都會忍唔住手買返杯試下，減肥都當無左回事！今日有得食伯爵茶味，其他味完全睇唔上眼，行埋去就即時order。果然無失望，茶味唔係濃郁個種，但非常香口同甘甜，真係好似放左啖茶入口，再加上少少焦糖醬同脆粒，口感又提升埋，正呀！

芝士撻芝士撻😋lab made呢個好特別😎又凍又熱入面係唔易溶既芝士雪糕首先唔會一黎就溶到你成手都係😌芝士味濃🧀 雪糕又滑經火槍燒一燒 面頭有一層薄薄的焦糖個人麻麻地那層焦糖 有點不配(可能我本身麻麻地焦糖😂)牛油酥餅撻皮好脆口 配埋芝士雪糕食係一流😋

新款芝士撻出沒！😎lab made今次搞搞新意思，用左分子嘅技術製作左芝士雪糕！集合左澳洲同意大利芝士嘅香濃幼滑，未食已經睇到佢流心嘅芝士雪糕正準備湧出黎😍配上暖嘅酥皮撻，一凍一熱嘅口感衝激緊大家嘅味覺😈另外芝士雪糕上面仲有一層焦糖玻璃，即叫即燒，好香好脆👍🏻 溫馨提示🎌每日只售400件，買定黎手😊仲有芝士嘅流心度吾可以睇小，小心食到周身都系😈

食完抹茶就食下焙茶啦🔱今次講緊嘅係Lab Made嘅黑糖焙茶雪糕 今次嘅賣相就好咗好多啦✨焙茶味道十分之濃郁 但加咗黑糖就略為甜膩咗少少😦上面仲有啲cream同埋米通😋口感都豐富啲🎈不過依舊溶得比較快😰 唔知係唔係搞雪糕的時候d temperature整得唔夠凍呢😭 隻味做到10月7號za 想食就快啲喇⚠