Lady M

营业中

休息中

每次到Lady M, 都是坐在商場的open area, 對我來說有點街邊feel, 其實麻麻地。終於有間Lady M在室內, 在馬會二樓, 仲有馬會的擺設, 很可愛。另外, 這間Lady M有其他食物, 他們選用素肉的, 真是素食者的喜訊。如果選套餐,主菜+蛋糕+飲品, 只是$188, 很超值! 因為平時一件蛋糕已$70-80, 即係加多100蚊左右就有多一個主菜及飲品了。這裡是沒有分午餐、下午茶, 全日都是同一餐牌, 所以想食少少嘢嘅下午茶, 就可以選佢嘅cake set.今次叫了泰式新豬肉炒意粉, 辣辣地好惹味,值得推介另外, 叫了竹炭意大利飯伴炸流心蛋。但流心蛋並無非心, 是熟蛋。如果好想食流心蛋就要小心, 別上檔

-全店雲石紋裝修，作為全港唯一係馬會入面嘅Lady M，店內仲有好多得意馬仔公仔🐴，非常打卡able📸 餐廳內有賽馬🐴/足球⚽️直播，可以一邊睇比賽，一邊食野。 滿懷期望嘅🐷諗住一嘗Lady M嘅cake🍰，點知5點幾已經賣哂🥲店員解釋可能好多人手持聽日就到期嘅coupon，所以提早清哂啲cake。係呢度，🐷強烈建議想食cake嘅朋友可以提早打黎詢問賣哂未。因為冇哂cake，連set都叫唔到，只可以單點🥲 ⚠️落單冇耐就黎左2杯飲品，之後過左大半個鐘先開始有食物到，全場5枱客都冇，呢個速度都幾唔ok😮‍💨 🍔新魚柳煎蛋漢堡伴薯條 $138最好食已經係個燶邊煎蛋🍳薯條比M記好少少嘅，脆口唔淋🍟但個新魚柳唔太好食，太乾身，好結實，唔太似魚，唔推薦😟 🌶香辣泰式羅勒新豬肉炒意粉 $118唔錯，好濃嘅羅勒、香葉、香茅味，唔係太辣，開胃👍🏻 🥚芝士豆腐松露蛋卷 $68上枱嘅時候聞到幾香嘅松露味，食落因為松露味比較明顯，所以遮左芝士味，蛋唔會煮得太老，唔錯。 🌈彩虹牛奶雪糕蜜桃梳打 $68實物同相差一段距離🥲桃味唔太濃，梳打嘅氣幾勁，雪糕重奶味但太甜，唔太推薦🥲 🌹凍法國玫瑰鮮奶茶 $68玫瑰味同奶味

羊肚菌意大利飯伴溫泉蛋濃度適中的白汁羊肚菌配以意大利飯味道非常夾，突出羊肚菌獨待的味道，加上溫泉蛋，簡直綿上添花英式炸新魚柳薯條薯條是切得太切了，改為粗薯口感更好； 新魚柳味道一般，但口感都挺似真魚柳的凍蝶豆花乳酸梳打顏值和味道都一流，乳酸中和了蝶豆花獨有的草青味，不錯！凍咖啡正常的一杯凍咖啡法式士多啤梨千層酥千層酥中間的夾著吉士醬有士多啤梨，挺Fresh ，不膩，紫薯千層蛋糕期間限定的紫薯千層蛋糕，滿滿的紫薯醬鋪滿表面，但吃起來甜而不膩，淡淡的紫薯香味，令人一口接一口，吃不停P.S.當日12:30到， 不用排隊， 餐廳佈置也很Grand, 很適合與閨蜜high tea~

同另一半行完街諗住坐低飲杯野，最尾揀咗呢度。嗰時3點鐘，得一台客，唔駛等位。環境舒適，啲位又闊落，最緊要佢呢間仲要係馬會主題，我覺得幾特別。裏面有個大電視，間唔中仲會播足球，鍾意睇波就啱晒。叫咗兩杯野飲，質素都中上。下午茶想靜靜地唔想同人迫，可以試下呢間。

Lady M相信大家都好熟悉，但係今次呢間係博彩主題😮喺正馬會樓上，係咪俾人一路賭波一路high tea🤣但係嘢食好失望，環境搭救唔到🤥2 courses lunch $1881️⃣ 羊肚菌意大利飯伴溫泉蛋 ⭐️5/10個味道正常，但係啲飯太硬，份量好細，而且上到嚟好似已經唔係好熱😕2️⃣ 香辣泰式羅勒新豬肉炒意粉 ⭐️3/10Um…難食，個醬有種好奇怪嘅味，而且食唔到豬肉lol😰碟嘢係凍嘅😓3️⃣ 伯爵茶&Tiramisu千層蛋糕 ⭐️6/10蛋糕正常發揮，tiramisu好似算新味，但係有啲失望，唔夠咖啡味4️⃣ 蘋果赤萁茶&凍蝶豆花乳酸梳打 ⭐️7/10蘋果茶可以自己加蜜糖同埋apple crumble，味道幾特別，應該係成餐嘢最好😥-- Food: 4/10Environment: 8/10Service: 7/10Price: 4/10Overall: 4/10💸 ~150 pp

中環士丹利街最幸運馬會投注站入面有間Lady M ，喺度坐得好舒服，慢慢坐住歎番件cake，吸收吓幸運氣場，跟住買番注六合彩，會唔會特別lucky, haha.下午茶時間見到有set for 2人，$318，但要叫4件cake，2杯飲品，食唔晒。最後叫咗抹茶千層蛋糕配彩虹牛奶雪糕$98，原味千層蛋糕配伯爵茶雪糕$98。蛋糕好creamy好好食，雪糕ok，邪惡的high tea.雖然冇叫野飲，但有清水（有檸檬味），服務員會幫客人加水加咗幾次，抵讚！連加一總共$216。

幾個月前睇Fb有個甜品 ‘ 迷你雜莓忌廉撻 ‘ 只有中環呢間店期間限定有買，就諗住帶🤴🏻一心一意過嚟試吓，點知今日黎到女店員🤵🏻‍♀️話已經完咗冇買啦😓😓，係我冇做好功課只怪自己😥😥！但下午3:00連其中一隻新口味 ‘ 提拉米蘇蛋糕🍰 ’ ，都冇貨就有啲失望啦！☹️☹️～～～芝士🧀豆腐松露蛋🥚卷～～～冇乜芝士🧀味，好少松露味，豆腐確係好滑😙😙，用眼👀睇已經好滑，不過豆腐味就一般般，差唔多俾蛋🥚香嘅味道蓋個晒😗😗～～～法式芝士蛋糕🍰～～～第一眼芝士真係同上面豆腐嘅觀感一樣，望落白白滑滑咁😚😚，而且芝士🧀味好濃，但呢類型芝士🧀蛋糕🍰食到一半就會開始膩😝😝好彩有🤴🏻陪我一齊食，如果唔係真係慘慘豬🐷！

星期日兩點幾去到，坐低個waiter 係咁sell我食set menu。我兩個人食，一個唔肚餓，咁咪諗住叫一個set加件蛋糕同野飲。點知order嘅時候先知minimum charge要$238per person (姐係個set menu價😵‍💫) 又唔一開始講清楚🫠 咁個waitress就話散叫可以叫多幾件蛋糕take away, 但係要加10% service charge😵‍💫, 姐係我啲蛋糕take away都要收10%? 咁係我重諗緊order咩嘅時候，個waiter又行埋嚟問我地用嘅payment啦喎，佢話用信用卡付款要三點前埋左張單先 (嗰時係14:56)，咁我係未落好單嘅時候俾左$476, 佢地好奇怪嫁，係冇卡機嫁喎!? 姐係冇得用Apple Pay!?🤷‍♀️ 重要呢，佢用iPad 入卡，好似上網俾錢咁呢又要入安全碼又要一次性密碼。咩都入曬落佢個iPad度，感覺好唔安全😥 (好巧合嘅事係我俾完錢冇耐 個WhatsApp就有人send啲網上賭場黎🤡) 搞完一輪，我total係叫左一個set同三件蛋糕。而最後，佢係冇單俾我嘅。連對下我啲蛋糕係幾錢嘅機會都冇呀!!🤡🤡講返啲

這間Lady M 在中環士丹利街投注站每逢賽馬日🐎🐎都可以預先訂座觀看賽事，而且係素食餐廳唔只有Cake仲有素食咸點😀推介一下我鍾意❤️既Starter香脆紫菜卷伴山葵蛋黃⭐️⭐️⭐️⭐️入面有秋葵用紫菜包住一起吃脆卜卜Main牛肝菌南瓜意大利脆飯 ⭐️⭐️⭐️⭐️幾特別，好飽肚🤭Cake 聖誕限定紅絲絨蛋糕⭐️⭐️⭐️⭐️服務員超貼心💜當日係莎莎婦女銀袋日有很多小玩意、Game 和 紀念品🥰🥰我們玩得很開心，又多打卡位📸️十分好的體驗，黎緊再黎睇世界盃⚽️yeah🥳#中環 #美食 #素食餐廳 #蛋糕#莎莎婦女銀袋日2022 #hkjccentral #扮靚靚 #帽子 #年度盛事 #打卡#hkjc #hkgirl #hkig #hkfoodie #hklifestyle #sasa #ladiespurseday#discoverhongkong #lady #restaurant #sunday #brunch #ladym #vegetarianfood

話說有日諗住去馬會買注六合彩，去到中環士丹利街嘅分店，以為入錯門口，點解會有間咁靚咁 Lady 嘅餐廳？睇真啲又唔係喎，真係有投注Counter喎，原來呢間係Lady M x 賽馬會嘅餐廳！設計好Lady好靚，好多打卡位，最重要有賽馬會嘅直播，可以一邊享受Lady M出品嘅美食，一邊睇賽馬，或者睇波，遲啲世界盃約朋友睇波食飯啱晒！價錢方面相當大眾化，因為主要係想你玩兩手嘛，幾個朋友包枱食飯，賽馬日每位 $238，可以玩足成個下晝，睇波每位 $150，睇足全場，有前菜有主菜有甜品有飲品，甜品是 Lady M 出品嘅招牌蛋糕，正！此外仲有全素嘅西式美食，今次就食咗紅花意粉、磨菇意大利飯、南瓜意大利飯等等，仲有前菜小吃及特色飲品。

位於中環士丹利街，被視為全港最「幸運」的場外投注站，自1994年以來，合共錄得47位幸運兒中六合彩頭獎，是售出最多頭獎彩票的分店。上址經過11個月升級工程後，已於5/8，以新形象重開，當中有體驗店外，還有兩間餐廳，包括：有型連鎖店Lady M New York丶Tic Tac Room，兩間餐廳，除有賽馬日外，其餘時間也不設電話預約，如果要光顧就要早少少（11:45am）Walk in 排隊，同時，因為餐廳設於投注站內，所以未滿18歲人士，也不得內進，如果大人想帶小朋友進入一齊用餐，就要選擇其他地方投注站樓高三層，每層均設有不同的打卡區我和好姊妹先往樓上2樓Tic Tac Room享用午餐，用餐完畢，再到3樓投注站進行場內投注，接著再到地下入口處的六合彩攪珠機、露營車，不停在樓梯上落打卡，消耗一些卡路里到了3:00，我們就到位於1樓的Lady M New York食著名的千層蛋糕，其實，Lady M是連鎖式餐廳，蛋糕甜品的質素很有保證，Lady M New York除提供蛋糕外。還提供一些素食餐廳外放了吊搖籃及花海牆，供人拍照，貫徹如一，餐廳裏裏外外的陳設，也讓人賞心悅目，步入餐廳範圍

第一次食LadyM咸食lunch，入到去仲加埋賽馬元素，非常有趣。 一眾馬迷不能錯過。叫咗set。依個扁意粉正正常常咁樣啦。微辣。不過完全無料無肉粒。得茄。係好素嘅意粉。份量六/七啖內。另一個set叫咗黑松露意大利飯。重點可能睇相唔覺。得三啖飯。份量少得驚人。因為飯嘅份量實在太少撈完嗰隻溫泉蛋。浸到碟飯濕晒。淨係食到蛋白味同無味。無影相但要讚嘅係飲品。凍mocha。可以話係Mingorr飲過數一數二最好飲嘅mocha。有咖啡味之餘又唔會搶晒啲朱古力味。兩樣嘢嘅份量好平衡。甜度適中。夠滑其實想嚟食LadyM嘅原因就係想試吓set包埋嘅甜品可以揀焙茶千層蛋糕。終於食倒夠晒creamy。rich嘅口感。都係正路嘅焙茶味。驚喜竟然係上面嗰兩粒焙茶啫喱仔。好有茶味。回甘。唔太甜。夾埋個蛋糕一齊食有雙重茶味。有啲誇張。不過都滿意。總結。有好多馬會職員Yo你。地方舒服每張枱隔好遠。一點都仲有位。食物就只推介蛋糕同mocha。完。

Lady M cake set for two $318任選四款蛋糕(最多兩款千層蛋糕)任選兩款飲品這次選了伯爵茶和玫瑰千層蛋糕、朱古力棋盤蛋糕和朱古力彩虹蛋糕伯爵茶千層蛋糕千層蛋糕中的皇牌伯爵茶的香味芬芳馥郁又不會太甜玫瑰千層蛋糕玫瑰帶香味亦不會太假加上一層薄薄的啫喱帶點甜味感覺不錯法國玫瑰latte鮮奶咖啡杯面灑上玫瑰花花瓣朱古力棋盤蛋糕切開後的棋盤蛋糕打卡一流朱古力和忌廉相間味道不錯朱古力彩虹蛋糕的朱古力脆脆令口感更豐富

大前日(24-7-2022 Sun)特登同老公嚟呢喥打咭兼食嘢,由於我哋食完豐富嘅早餐後就直接出嚟,所以係好鬼飽,唔會食到set lunch,於是喺一樓食cake.由於係假日同lunch hour啱啱開始,所以冇乜人喺喥食,幾乎包場,我哋睇完menu,決定要$318.00嘅Cake set for 2,可揀4款蛋糕(最多兩款千層蛋糕)同任何兩款飲品(鮮奶茶加$8.00).而我哋揀咗:2. 法式士多啤梨千層酥呢個唔算好甜,酥皮層已經唔多脆.而佢都有蛋糕嘅,口感較豐富.味道:3分3. 青蘋果慕絲蛋糕味道同樣唔太甜,有啲蘋果肉.味道:3分1.焙茶千層蛋糕呢個味道好夠同較甘.味道:3分4. 玫瑰唔知咩千層蛋糕好似食唔到玫瑰嘅味道,感覺只係食cream.味道:2.9分5. 雙份意式特濃咖啡老公飲嘅,我冇飲過.6. 凍碟豆花乳酸梳打其實碟豆花都冇咩佢自己嘅味,我哋只貪佢可解渴而已.味道:3分

六合彩最幸運投注站升級完成重開喇！位置係中環士丹利街佢係香港賽馬會第二間特色體驗店😆場內有好多打卡位📸📸📸夠曬特色留意返賽馬日既話要經網上訂座啊餐廳有分賽馬日同非賽馬日嘅餐單當日係賽馬日所以價錢上會貴少少但係可以坐足一個賽馬夜包2杯飲品真係抵返曬😆新午餐肉芝士條本身對新餐肉無乜好感配上芝士就好味好多攞盤都比分佢啦分數: 4/5香脆紫菜卷分數： 3/5有wasabi點綴係幾開胃既只係有少少油羊肚菌意大利飯伴温泉蛋味道濃香既只係唔太見到有羊肚菌同照片有不乎落差大左少少😅😅😅但無阻味道既分數： 4/5漢堡拼炸芋絲比較失望只有隻蛋係微暖其他都係凍既炸芋條係淋既😩😩😩分數： 3/5甜品甜品挽回返唔少分數始終lady M都係做甜品Anyway 又可以邊睇馬仔邊食飯中規中矩啦